انا فتاة ابلغ من العمر 20 سنة مكتوب كتابى وياريتنى ما كتبته مش عارفة انا مش طبيعية ولا فى ايه بالظبط انا مكتوب كتابى لابن عمى هيجننى انا بحبه جدا وكنت بحس انه بيحبنى لكن دلوقتى مبقتش عارفة بس كل اللى اقدر اقوله انى ممكن اموت لو سبته بس هواتغير جدا بعد ما اتخطبنا مفيش اهتمام ولا غيرة ولا اتصالات على الرغم اننا كل واحد فينا بيقيم فى محافظة يعنى بنشوف بعض قليل اصحابه عنده اهم حاجة دة غير انه له ماضى كان بيحب واحدة واتجوزت وسابته بس كان بيكلمها بعد ما اتجوزت وانا كنت اعرف لكن من وقت ما اتخطبنا قالى ان كل حاجة انتهت وانا صدقته بس هى من يوم ما اتخطبنا وهى بتتصل بيه مع انها متجوزة وهوكل مرة يقولى انها هى اللى بتتصل وانا مبردش واسكت بس اخر مرة كان جايب خط من ورايا وهو اللى اتصل بس انا عرفت لان الكذب ملوش رجلين وقالى انه بس رن وهى اتصلت وانه مردش خليت صحبى يرد لكن انا مش مصدقاه انا معرفش هو بيعمل كدة ليه مع انى مش مأصرة فى اى حاجة لكن هو مأصر فى كل حاجة لا بيتصل ولا بيهتم ولا بيغير ودى كلها حجات انا محتجاها لانى فعلا بحبه ونفسى يبادلنى نفس احساسى بس مش عارفة اتصرف ازاى بجد نفسى الفت نظره اخلى كل تفكيره معايا ويهتم بيا ويتصل بيا دايما انا زهقت من البعد والمشاكل وبقيت نكدية جدا وشكاكة جدا ومبفكرش فى اى حاجة فى حياتى غير فى الانسانة دى عاوزة تخرب ليه مهى راحت لحالها واتجوزت دى قولولى اعمل معاها اية يا ناس حلولى مشكلتى معاها ومع نفسى ومع جوزى
مشاكل الخطوبة
خطيبى وحبه الاول هيجننونى
اضيف بتاريخ: Monday, December 6th, 2010 في 21:34
كلمات مشاكل وحلول: الحب الاول, خطيب, فتاة, مشاكل البنات, مشاكل الخطوبة
انا كمان عندى ذلك الشى وحاسه انه لما بيسمع اى اغنيه بيحنلها بس دى كان متزوجها قولولى اعمل اه
رني على جوزها وحكيلة مرتك بترن على جوزي بس ما تحكي لجوزك انك هيك سويتي
شوفى اية اللى ناقص واعملة اهتمى بية اكتر
قوليلو انا مقصرة معاك فى اية وخيرية بينك وبينها
واما يختارك انتى ابزلى قصارى جهدك عشان تخلية يحس بيكى
ربنا معاكي انا من وجهة نظري انك تتأكدي ان الراجل ده لسه بيحبك ولا لأ عشان متبدأوش حياة جديده غير مرضيه ومعنت كلامك ان الراجل ده مش مهتم بيكي يبقى في حلقه تائهه حولي تدوري عليها وربنا معاكي
ردى عليكى انك تهملية متعبرهوش ولما يتصل بيكى مترديش وحسسية انك عندك اهتمامات تانية غيرة وحولى تخلية يغير باى طريقةاعملى اى حاجة يعنى اهملية تماما صدقينى هيجياك ويحس بقمتك
يا اختى لا يفل الحديد الا الحديد حاولى انك تجذبيه ليكى بكل الطرق كانك داخله حرب مع عشيقته وربنا هيساعدك عارفه ليه لانك مش بتعملى حاجه حرام لكن هى خاينه واللى بتعمله حرام علشان كده ربنا هيكون معاكى انتى وبعدين يعنى هى هتطول منه ايه انتى الابقى انتى حتبقى الزوجه وام الاولاد ان شاء الله لكن هى ايه بالنسبه له هى الان زوجه وام يعنى مش هياخذ منها حاجه والدليل على كده انه اتجوزك انتى ولم يعش على ذكراها وبكرة الايام هتسبتلك ده وحولى تفهميه ان اللى بيعمله ده حرام وانك عاوزة ربنا يبارك فى عيشتكم ومتبدوهاش بالغلط يمكن هى اللى بتجرى وراه
اولا انتى مش من حقك تصلحى الكون واذا كان العيب بالبنت الى اتجوزت فالعيب الاكبر فى خطيبك لانو بيسمح لنفسو انو يتعامل مع انسانه رميتو واخدت غيرو لاكن بقولك بعد المكان هو سبب فى عدم الاهتمام لاكن بعد الزواج ان شاء الله هتستقر الامور بالذات لو وجد فيكى الى موجدوش بغيرك متستعجليش الامور خلك هاديه لحد ما ومتجبيش سيره الانسانه التانيه دى خالص حسسيه انو هو اهم اهتماماتك وثقى تماما ان الماضى ولعب العيال الى هو فيه ده هيزول تماما بعد الزواج والاستقرار صدقينى هو بيحبك وبيتمناكى لاكن المسافات البعيده احياننا بيكون لها عامل عكسى خلى عندك ثقه بنفسك و ثقى تماما انو ربنا هيوفقكو بعد الزواج ان شاء الله وشكرا