تزوجت من 13 سنه وربنا رزقنى بولدين زى القمر .بحب زوجى جدا وكنت بحس بنفس الشعور من نحيته لكن بعد كتب الكتاب تعرف على سيده ليبيه لديها طفل ومطلقه وغنيه جدا وهو صارحنى بكده وكان عايز يطلقنى قبل الزواج وانهرت انا وتوسط الأهل وتم حل المشكله وسافرت هى الى بلدها وقال لي ان ده كان من ضغط طلبات الزواج عليه ومشاكله وانه فعلا بيحبنى . وتزوجنا ونسيت الموضوع وعشت معاه اجمل ايام حياتى وسافر للخليج بعد 6 اشهر وتركنى مع أمه لمده عام وكانت علاقتى به ممتازه ثم سافرت له لمدة سنه ايضا وفى يوم كلم واحده فى التليفون امامى وقال لى انها تونسيه وان فى واحد من اصحابه زقها عليه وهو حابب يعرف مين هو,وان لو فى حاجه ما كنشى كلمها أمامى وحصل وقتها طلاق ورجعنا لبعضنا فى نفس اليوم.
ورجعت تانى عشت مع امه لمده سنتين واستحملت منها كتير ولكن كنت واثقه
ان بشخصيته دى أى حاجه هتحصل هيحكيهالى لأنه مقتنع انه ما عندوش حاجه خلط يكسف منها وللأمانه هو انسان محترم جدا وخلوق وبيصلى دايما وما بيقبل الحرام على نفسه ولكن عنده مشاكل ماديه كتير والحياه ما بين والدته ووالده غير مستقره وسببتله عقده نفسيه بان والده كان مظلوم مع أمه وانها كانت مسيطره عليه وبتنسب كل نجنح فى حياتهم لها هى.
المهم فاتت السنين واحنا مع بعضنا ووثقت فيه الى اقصى الحدود وما كنشى عندى أى شك فيه وبعد الثوره بداء يقعد على الفيس بوك كتير وانشغل بدراسته كمان وقرصات كتير كان بياخدها ورمى كل ما يخص الأولاد عليا أنا وده سبب ضغط نفسى كبير عليا حتى انه ما كنشى بيخرج معانا فى مكان ولا بيساعدهم فى المزاكره ولا بيديهم دروس وأنا قمت بالمهمه دى لوحدى والحمد لله الولاد من المتفوقين ولكن ده أثر طبعا عليه وبقيت عصبيه وصوتى عالى وده كان انتقاضه الدائم لي.
ومن حوالى 3 شهور اكتشفت انه بيكلم واحده على الفيس كل يوم تقريبا والكلام يحمل أكثر من معنى شويه فى امور شخصيه وشويه فى القرصات وانها تغير صوره البروفيل وتبدلها بورده علشان هو شايفها كده وكلمها على السكايب وبعدتله صورتها والموضوع كان صدمه كبيره وواجهته وانكر طبعا وقال انه بينصحها زى اخته وان الموضوع فيه خلط وده اثر فيه كتير لدرجه انى كنت بكلم وانا نايمه وهو حس بأنه خلط فى حقى واعتزر وخرج اشترالى ملابس ودهب وكان رقيق جدا معايا وحلف انه مش هيكلم حد تانى بالأسلوب ده وانه بيحبنى جدا وعمره ما هيفكر يعرف واحده تانيه طول ما اتا عايشه
وقطع علاقته نهائيا بها .دلوقتى هو مسافر وانا فتحت الماسنجر بتاعه واكتشفت انه كان بيكلم واحده تانيه من اول ما بداء يقعد على الفيس لكن قفل معاها من 9 شهور تقريبا والكلام كلن على القرصات وظروف البلد وكتير عن حياتها الشخصيه وكل شويه يطمن عليها وصلت بتها ولا لأ ويحكلها كل تفاصيل حياته ولما كان فى عريس لها شجعها وهى دلوقتى اتجوزت علشان كده قطعو علاقتهم
لكن لما رجعت الكلام للخلف من سنه ونص تقريبا لقيت كلام خارج من عينه (وحشتينى,انا بحب فى جسم الست صدرها ,اوصفيلى نفسك,خايف احلم بيكى) وده طبعا خلانى نار ومش عارفه اعمل ايه دلوقتى أواجهه تانى ولا لأ,اطلق منه ولا استمر معاه على اعصابى انا حاسه انى بضيع
مشاكل الخيانة الزوجية
خيانه الفيس بوك والماسنجر
اضيف بتاريخ: Friday, August 28th, 2015 في 18:29
كلمات مشاكل وحلول: الخيانة, الزواج, زواج, زوج, طفل, متزوجة
البنى ادم دة مش بيتوب ولا بيتعلم عاوز رد فعل عنيف منك يحسسة بغلطة الجسيم والمشكلة لكن مجرد كلامك كدة ويصالحك بملابس ولا خاتم دة مش هينفع هيرجع تانى ويكررها مليون مرة . اتكلمى معاة بجد وهددية بالطلاق . وتحت امرك فى اى استشارة او سؤال . ربنا يوفقك .
للاسف زوجك بلادين ولااخلاق ولاتربية وفاقدالشي لايعطيه ابدا وعمره مايتغير ابدا ولاينعدل ذيل الكلب مهماصار 13سنة زواج وهومستمرعلى الخيانة لك ليلا ونهارا دون خوف من الله ولارادع من دين ولاتانيب ضمير ماذاتتاملي منه تاكدي ان افعاله تلك الغير اخلاقية والمحرمة توثر على حياتكم وحياةلاولاد ومستقبلهم وتجلب لكم العاروالفضيحة لاخيرفي البقاءمعه والاستمرار في العيشة معه تطلق منه اكرم واعزلك من حياة الذل والاهانة واحفظي كرامتك وعزةنفسك انت واولادك وربنا معكم ولن ينساكم ابدا تقدري تشتغل وتصرفي على نفسك واولادك واتركيه لبنات الحرام اللي هيدمرواحياته ولايستاهل الندم عليه ابدا
الطلاق مش حل المشكله لأنك حكيتي انك اطلقتي والرجعية بنفس اليوم لازم تملئ عينه واعلمي كل الي بحبه وإذا شفتي على الفيس حاولي تلفتي انتباهه جربي تحكي قدامه اذا عندك فيس تستفزي وتحكي قدامه انو اجتك رساله او طلبات صداقه وكلام حلو لو بالكذب انتبهي منيح ما تتورطي بدروب الفيس بي حاولي تحريك مشاعر الزوج ويغادر عليكي لعل وعسى ينتبه لتصرفاته
مشكلة فعلا هذا الرجل اللعوب البصباص ابحثي وفتشي في في نفسك ماينقصك وحاولي أن تكمليه هل أنت مقصرة مع زوجك هل في ظل هذه الظروف ومشاكل الاولاد هل تهملي في نفسك هل تهتمي بوزنك هل تهتمي بنظافتك هل تتعطري لزوجك هل تشعري زوجك بالبرود والنفور من المعاشرة الجنسية هل تتجاوبي معه أثناء العلاقل الحميمة هل تتحاوري معه وتسالي عن احواله واحلامك ومشروعاتك ؟اشعري زوجك بالاهتمام والتقرب منه حتى يتقرب منك وشوفي الخلل في شخصيتك وحاولي ان تصلحيه حتى يستمر زواجكما ومن أجل اطفالك اعملي كل ما في وسعك لانجاح العلاقة الزوجية صارحي زوجك ماذا تتمنى أن تراه في شخصيتك وافعليه اهتمي بوزنك بملابسك بعطرك بتسريحة شعرك اشعريه بالاهتمام والاقبال على العلاقة الحميمة وليس النفور منها والتجاوب معه والبعد عن البرود والله الموفق
مشكلتك معقده نوعا ما الطلاق مش هستفاديمنو بحاجه اولا اضرارو هتخسري اولادك والحياه مش هتكون مستقره
الحل الامثل توجهيه بالحقيقه وتحكي لاهلك او اهلو يكلموه في الموضوع
وانتي بتصلي ادعيلو بالهدايه وخليكي قريبه منو طول الوقت
ربنا يهدينا جميعا