مشاكل الزواج الثاني

زواجى يفكر بالزواج الثانى مع انه يحبنى

انا متزوجة من حوالى عشر سنوات – زوجى حنون جدا وعصبى و عنيد جدا لكن انا بفضل الله لدى مميزات جعلتنى اعيش معة وهى بفضل الله الصبر و الرضا و القناعة وحب الخير للغير و مش عصبية و تملى امتص غضبة و عمرى ما حاولت انى اعند معاه فى العشر سنوات غير مره واحده فقط هى عندما اراد ان يتزوج – عندها طلبت منه الطلاق ان اصر على الزواج لانى لم اجد سبب منه للهذا الزاوج غير النزوه تحت ستار الثواب

فعاندنى و عانته و لانى كما قلت اتمتع بصفة الصبر و الرضا وافقت بعد فعل كل شى كان بأمكانى فعلة لفشل هذا الزواج

ماتت امى امامى فى حادث و صبرت و احتسبت — وقعت بنتى من البلكونة و ماتت و كان هو السبب بعد قدر الله و صبرت و احتسبت

متزوجة فى ايجار حديث و تنقلت معة فى اكثر من عشرة شقق و ما زلت اصبر و اتحمل الحمد لله دمى خفيف بشهادة الجميع محبوبة من كل من حولى

شكلى مقبول جدا و يقال ان عيناى جميلاتا و لهم سحر معين — ملتزمة و منقبة بأمر منة حتى يرضى عنى — عمرى ما برفض له طلب – بكوى و بغسل و بلمع الجزم — عندى و لد و بنت زى القمر — وفى غرفة النوم عملة اكتر من ثلاث نساء عندى رغبة جنسية شديدة و مثقفة جنسية لا ارفض
له طلب بل بالعكس انا اللى بطلبة و بعرض عليه لو حسات انه له رغبة و مكسل

سمعت من اخته انه بيقول انى مهمله فى بيتى قولتلها هو فين بيتى دا – دانا البهية و قعة و الحمام زبالة و الحيطان رشحة و اى حاجة بعملها فى البت ما بتبنش عليه و العفش عايز يترمى من كتر التنقل من مكان لمكان — يجبلى شقة كويسة حتى لو ايجار حديث بردو وانا اوريلوا النظافة على اصولها مع العلم انى بعمل اللى بقدر عليه فيها

احبة حبا شديدا —

ورغم كل شى صبرت على زواجة رغم مرارت الغيرة التى احسستها و كان يأتى و يحدثنى عنها ويطلب منى التقرب منها و انا كنت اوافق رغم تألمى املا فى ان يجد فيها عيب و يطلقها — و الحمد لله لم يستمر الزواج الا ثلاث شهور فقط

و فرحت و لكن ظلت فكرة الزواج فى باله و بعد خمس سنوات – حاول ان يتزوج من بنت خالته بحجت انها ارملة من سنة و هو اولى بيها
هى تبلغ من العمر 43 سنة مثلة و انا 35 سنة — هذه المرة انهرت و ابلغت اهله و وقفه له و ذهبوا لخالته و بنتها وخاصموهم وفضحوا ابنهم امامهم

و مدحوا فى و الحمد لله لاننا على صلة طيبة بعضنا البعض — ولان زوجى غير متيسر ماديا و مديون قالت الزوجة الثانية ان كان مديون فعلا انا هبعد عنه لانه فهمنى غير كده

و فعلا قالى انها بعدت عنه و اهله اكيدولى دا — والنهارد دار حديث بينا و عرفت منه ان الفكرة فى دماغة فطلبت منه سبب مقنع لدا علشان اضحك بيه على نفسى و اوافق على هذا البلاء قالى مش عارف – و فضل يمدح فيه و يقولى انه بيعشقنى و ان حبة بيزيد ليه و بصراحة دا انا شفتة

انا تعبانة و مش هقدر استحمل تجربة تانية ممكن بيتى يتخرب و انا خايفة على اولادى من انى اطلق منه لانها الطلقة اثالثة

عايزة راجل يقلى اعمل ايه اكتر من كده علشان يبعد عن الفكرة دى

و عايزة ست تقولى ازاى ممكن ما اغيرش عليه

مشاكل وحلول ذات صلة

اضيف بتاريخ: Saturday, May 25th, 2013 في 10:22

كلمات مشاكل وحلول: , , ,

25 رد to “زواجى يفكر بالزواج الثانى مع انه يحبنى”

  1. الزوجه الثالثه والتالته تابته
    11/07/2015 at 16:33

    جوزك بيتجوز علشان انتى مسهلاله امور الحياه ومش مشيلاه هم حاجه يعنى مثلا الاولاد تعبانين تشيليه العيل على قلبه ويروح يكشف عليه ولو مش فاضى يفضى ده ابنه زى ما هو ابنك وتخليه معاكى فى معظم مشاويرك وبلاخص الاطباء لان قعدة العياده لوحدها هاتخليه يلعن ابو الجواز كله وطول ما انتى حاسه انه معاه فلوس اطلبى منه الحاجات الضروريه اللى انتى حارمه نفسك منها ومن حين لاخرتعملى فى نفسك حاجه جديده وتجيبي برضه حاجه جديده لنفسك ولازم تفهميه انه قبل ما يتجراء ويفتح معاكى موضوع الجواز يبقى يكفى جوه قبل ما يفكر فى بره يعنى يشوفلك شقه عدله ويعيشك عيشه كويسه انتى وعيالك الاول وبعد ما تجهديه ماديا وتبقى واخده وقته كله اطلبيه كل يوم انه يقوم بواجباته الزوجيه ومره تفهميه انك مبسوطه وسعيده و3 مرات تفهميه انه مكنش قد كده علشان يتلهى فى نفسه ويخاف يورى خيبته لغيرك كفايه عليه فضيحه واحده وطبعا قبل كل ده حاولى تكونى انتى فى غرفة النوم على قد ما تقدرى 10 ستات فى بعض وديما فهميه ان انتى ست وهو مش عارف يقدرك لانه ما بيفهمش فى الستات واذا كان مش مصدقك قوليله جرب كده تسيبنى وشوف غيرك هايقدرنى ولا لاء متخافيش مش هايطلقك بالعكس هايعند وهايلذق جنبك لما هايلاقيكى واثقه من نفسك ومش هامك منه مادام هو بجح خليكى انتى ابجح منه وخدى منه كل حقوقك وبرضه بكرامه ….وعلى فكره انتى حظك حلو لانك عارفه الستات اللى هو بيختارهم يعنى ممكن تحاولى تشوفى ايه اللى فيهم ومش فيكى لان برضه اكيد فى حاجه هو مش لاقيها فيكى لان مفيش حد كامل ..ولازم تخلى بالك ان دى الجوزه التالته والخوف انه يلاقى معاها راحه المره دى فحاولى تمنعى الجوازه دى بقدر الامكان

  2. Meme
    07/03/2015 at 20:50

    هما كدة الي بيعملو نفسهم متدينين وبيعرفو ربنا….بس هما في الاصل ظالمين وبتوع ستات ومابيفكروش غير في الستات…تتنقبي لية لادين ولا شرع يخليكي تقفلي وشك من ضوء الشمس ..الست لازم تسمع كلام جوزها خمسين في المية والراجل الخمسين التانية….الستات المطيعين دايما والي بيقيدو صوابعهم شمع لجوازهم …هما في الاخر الي بيجوزو التانية والتالتة…لا واية وراجل مديون وعلى باب اللة وبيشحت ست أية الرجالة دي….غيري من طبعك ماتبقيش مطيعة ومستسلمة خليكي قوية وعندك شخصية واخلعي النقاب واكتفي بالحجاب ..واقفلي عقلة بالتجاهل وعيشي حياتك وكانو مش موجود .

  3. اعمال العقل واجب
    03/02/2015 at 14:36

    اختى بارك الله فيكى وفى كل ما لديك فلديك من نعم الله الكثير يجب ان تحمديه تعالى عليها
    اولا .. انت اعلم الناس بزوجك وصفاته فان كان ما ترينه منه شئ طارئ يحتاج منك الى معالجه
    ويمر فافعلى وموفقه باذن الله
    اما وان رايتى ان صفات زوجك التى عددتيها لنا متاصلة فيه فانت وحدك صاحبة القرار
    وان تصبرى وتكملى حياتك معه طالما ان الرجل لم يرتكب ما حرمه الله ويستوجب هجرك له
    هذا اولى وليعلم كل منا اننا موقوفون يوم القيامة امام الله ومسئولون عن كل ما نقول ونفعل

  4. حلال المشاكل
    01/11/2014 at 00:12

    شوفي يااختي العزيزة كل الصفات التي ذكرتيهاعن نفسك تخلي الواحديتمناك زوجة له وتاكدي اني ماقلت هالكلام من فراغ بل عن حقيقةوانت مثال حي لكل امراةمتزوجة تريدالحفاظ على بيتها وزوجهاوتقدر الحياةوالعشرةالزوجية ومافعله زوجك يدل على انانية فيه وقلةوعي اتركيه يفعل مايشاء عاوز يتزوج تاني مرة خلاص دعيه واطلبي من الطلاق ان رجع وكررالكلام معك في الموضوع ده عشان يعرف انك بنت ناس ولك كرامة مش جايه من الشارع وتحملت كلده عشانه واولاده وبرضو مش مقدر كلهذا واصري على طلبك الطلاق منه لاجل تحفظي حقوقك وحقوق اولادك من شخص غير متحمل المسولية ومايفكرش الا في نفسه وتاكدي انوالطلاق بيكون رحمةوخلاص لك من العيشة مع رجل لايحترم زوجته ولايقدر تضحياتهاله وصبرهاعليه وام اولاده وعمره مايلاقي ست زيك انت بحق خسارة فيه مليون مرة والف من يتمنى الزواج بك وانااولهم ذارغبتي وتستاهل كل الخيروالسعادةوالحياة مدرسة كبيرة نتعلم منها كل يوم والزواج مودةوالفةوتراحم وتعاون وزوجك لايقدر كلهذا فلا فايدة من البقاءوالعيش معه

  5. ابوبتول
    14/09/2014 at 12:44

    اختي الفاضلة من واقع خبرتي بالحياة وكثرةالقضاياالزوجية التي تمر علي واسمع بها اقول لك مستعينابالله عزوجل طبع البني ادم طماع ومايملا عينه الا التراب وزوجك من النوع ده طماع واناني مايفكرش الا في مصلحته ونفسه مايهم عنده العشرةالطويلةولا الحب والاخلاص ولاالبيت والاولاد يريد فقط اشباع رغباته الجنسيةوشهواته كيف مايشاء حتى لوكانت على تعاسةوشقاءالاخرين لايبالي اطلاقا وده النوع من الرجال لاخيرفيه ابدا ولاعمره حيلاقي السعادةوالاستقرارفي حياته خليك ذكيةوحكيمة واوعي تتساهلي في حقوقك كزوجةوام لاولاده لوعاوز يتزوج عليك مايغور في داهية يتزوج ولكن اشترطي عليه ان يكون عادل في النفقةوالمبيت ويكون لك سكن نظيف انت واولادك ويظمن لكم حقوقكم الشرعية عليه ويكون قادرعلى تحمل المسوولية والانفاق على زوجتين وبيتين اذالم يقوم بكلهذا ويعطيك كافة حقوقك انت واولادك فمن حقك طلب الطلاق منه وربي يكرمك ويعوضك بالزوج الصالح اللي يستاهلك ويقدرظروفك وتلاقي معه السعادةوالاستقرار

  6. بتول
    03/03/2014 at 00:04

    اختي للاسف انتي متزوجةمن رجل اناني مايحب الانفسه وياخذولايعطي ابدا وده رجل لاخيرفيه اطلاقا وبماانك تحملت طوال السنين ديه وصبرتي عليه ولم يحرك فيه شئيا وتجاهل كلهذااللي عملتيه له فتاكدي انك انشاءالله على خير وربناراضي عنك وبينصرك عليه ان عاجلا اواجلا خليك فاهمةومدركة ان الطلاق هو اخرالحلول معه اذالم يتغير ويحس بقيمتك وقدرك كزوجةوام لاولاده لعل الله يهديه ويصلح حاله وان لم يهتدي وينصلح حاله فعنداذا يكون الطلاق هوالمخرج والفيصل لك وفقك الله وسترعليك

  7. محمد / محاسب
    29/12/2013 at 20:34

    الأخت الفاضلة صاحبة الشكوي الحق انكي جوهرة نادرة ان صحت مواصفاتك وليس عندي من نصيحة الا المثل البلدي القائل قصصي ريش طيرك ليلوف بغيرك – بمعني هو معندوش فلوس وكل لما يجمع قرشين ينفش ريشه ويستحضر فكرة الزواج – المثل بيقول يا مستكتر الزمن اكتر – اذا كان هو مش بيراعي الزمن ويخاف من غدرات الزمن – انتي حاولي تحوشي الفلوس الفايضة واستغليها اما في الادخار للزمن وهذا أوفق أو لتجديد العفش أو لتجهيز اولادك باحضار أي منقولات أو اجهزة – دبري حالك – وبلاش من فكرة الطلاق لانه خراب البيت وفقك الله وكل عام وانتم بخير

  8. ميار
    19/12/2013 at 22:59

    اسفة ان قولت لكى انتى السبب فى كل ما حدث الرجل لا يريد الزوجة الى تعطى كل شئ فعلت مثلك فى اول زواجى والطاعة والرضا الكامل وكان مثل ما حكيتى بالفعل ولكن اخدت موقف واسلوبى تغير واخذت موقف وكان المركب فى صالحى فليس الذكاء فى اعطاء كل شئ بدون مقابل والرقة المتنهية ولكن الذكاء هة الحافظ على بيتك وفهم شخصىة زوجك جيدا وعدم اعطائة كل شئ كلة بحسابة وبحدود

  9. ابواميرة
    17/10/2013 at 15:26

    اختي بارك الله فيكي وحفظ لك ولادك وبارك فيهم قرات تفاصيل مشكلتك مع هذالزوج الجاحد لنعمةالله عليه ان رزقه بامراةصالحةتكون ام اولاده وربةبيته كمثلك ويريد الزواج عليك لالاشي وانمالاشباع رغباته الجنسية وكانه كحيوان اللي لايفكر الافي غرايزه وملذاته الشيطانية شرعامن حقه الزواج ولكن لابدمن اقامةالعدل بين زوجاته ومخافةالله في هذاوالاياتي يوم القيامةوشقه مايل اذالم يعدل بينكم وربي يصبرك ويبارك لك في اولادك ومن حقك طلب الطلاق اذاوقع عليك الضرر والاذى من هذالزواج وربك بياخدلك الحق ان كان ظلمك في حياتك معه وفقك الله وسترعليك

  10. areeb
    13/09/2013 at 19:43

    اصبري فان الصبر مفتاح الفرج, احل الله ٤ زوجات فلا تعصي امر الله و لا تطابي الطلاق واجيهيه بالحقيقه

  11. قمرايا
    29/08/2013 at 22:30

    متخفيش سبيه يجرب اقولك اصعب مره هي اول مره وطالما خوضي التجربه دي معتش هيفرق معاكي حاجه عيشي مع اولادك عشان ما يتبهدلوش بينكم وسبيه للزمن هو اللي هيعلموا والحرج بقي جواكي خلاص ليه بقي خايفه علي فكره الظروف خلتني زوجه اولي
    والحمد لله لو مش بيعملك كويس اقولك انفصلي لكن هو كويس انتي مش ضمنه غيره وده نصيبك

  12. عادل
    18/08/2013 at 11:49

    لاتزعلي انت احسن منة هو مايستاهلش ظفرك نوعيه هذا الرجل متعبه لك الله

  13. المهندس
    18/07/2013 at 19:10

    الحل انك تتجوزي واحد زي حالاتي طالما البعيد ده مش قادر يعرف قيمتك ،ن انا والله مش بخرب بيتك بس الواحد فعلا بيتمني انو يلاقي واحدة مثلك في هذا الزمن الغابر

  14. لا تسمعى لخاربات البيوت
    01/07/2013 at 08:10

    حاسبكن الله يا خاربات البيوت لا تسمعى أختى لهن، وانى كنتى تبغين النصيحة فأليكى بها:
    أولا:ا يجوز لنا نحن كمحكمين أن نسمع من طرف واحد دون الأخر لأن هذا فيه ظلما كبيرا ,ونهى من ربنا، وخصوصا طبعا أنه لا يبغى شيئا حراما شرعا أو عرفا
    ثانيا:لقد أحل الله لرجال المسلمين أربع زوجات وأشترط عليهم العدل والمقدرة..فان تحقق الشرطان فلا بأس بالتعدد_ولو للمتعة فقط مع عدم اشتراط ايقاف النسل طبعا_،وقد عدد الرسول الكريم وعدد أغلب الصحابة ان لم يكن كلهم فكل من أعرف من الصحابة قد عددوا،أقول لك أخيتى فى الله ، ربنا أعلم بنا وطالما أباح شيئا فهو له حكمته البليغة فى ذلك،لربما يكون هذا حلا لمشاكل بعض الازواج من الفتور والملل ، فيكون فى هذا تجديد للحياة الزوجية وأشتياق عندما يبيت ليلته عند زوجته الاخرى، انظروا الى هؤلاء الرجال من الديانات الاخرى الذين يخدعون زوجاتهم بالحب وتراهم يخوننهم مع أخريات،وللأسف أعرف مسلمون كذلك ايضا،قد غضوا الطرف عن شرع الله وما أباحه لهم رضائا لزوجاتهم بل استغفالا لهن…أخيتى لم أرى فى رسالتك ما يدين زوجك خافى الله ولا تغضبى زوجك ولا تكونى ناشذا،فالناشذ تلعن فى الدنيا والاخرة أسأل الله عز وجل الا تكونى كذلك ابدا..وهذا ظنى بك ولا أزكيكى أخيتى على الله عز وجل..حاولت ان تكون اجابتى لامسة ومتصلة بشرع الله…ومن لم يرتض بشرع الله فلا يأخذ بها

  15. هذه هى النصيحة
    01/07/2013 at 07:53

    ان كنتى تبغين النصيحة حقا، قلت لكى لا يجوز لنا نحن كمحكمين أن نسمع من طرف واحد دون الأخر لأن هذا فيه ظلما كبيرا ,ونهى من ربنا، وخصوصا طبعا أنه لا يبغى شيئا حراما شرعا أو عرفا

  16. اللهم حاسب خاربات البيوت
    01/07/2013 at 07:06

    سامحكن الله يا خاربات البيوت …ولو حكمنا عقلنا فى المشكلة لرأينا أنه لم يطلب شيئا حراما لأن الزواج الثانى مباح ولو للمتعة شرط العدل والقدرة هذا ما ميزنا به ربنا كمسلمين وهذا أفضل كثيرا من الرجال من الاديان الاخرى أو من ديننا الذين يوهمون زوجاتهم بحبهم وهم يخونهم…هذا ما أراده الله لنا كمسلمين وهو اعلم بنا…فمن منكم

  17. yousra mimin
    23/06/2013 at 17:12

    من غير االىة في الكلام انا مكانك كنت طلقته من زمااااااااااااااااان راجل مش شريني اعمل بيه ايه و اذا كان على اولادي انزل اشتغل اي شغلانة ممكن تعيشنا انا و اياهم المهم تكون شريفة احسن من ان اعشر زوج باللقب وبس انا اقول ظل حيطة ولا ظل ذكر

  18. مَجهول
    09/06/2013 at 08:03

    جوزك اناناي و طماع
    انتي مش ناقصك حاجة لكن عايز زيادة
    انا مع الناس اللي قالتلك خيريه بينك و بين الجديدة
    لاني متأكدة ان عمر اللي هيتجوزها هتكون زييك
    و هيندم انو سابك

  19. تقوى
    08/06/2013 at 12:31

    شوفى حبيبتى
    انتى اديتى كل ما عندك ولم تقصرى معه يوم امتصيتى غضبه ونادرا لو وجدت زوجه تمتص غضب الزوج العصبى وحافظتى على بيتك وقت زواجه من اخرى ولبستى النقاب طاعه له ورضيتى عن حياته البسيطه ومعيشته دون تبرم او رفض او حتى معايره بدخله او مكان سكنه يعنى لم تقصرى وانا متاكده ان كل ده لانك فى داخلك بتحبيه والا لماذا تحملتيه عشر سنوات
    فى نوعيه من الرجال فعلا لا تملا عيونهم الا التراب فاذا هو حابب يدور له على زوجه تانيه لا يشوه صورتك قدام الاهل بانك لا تهتمى ببيتك يروح يدور على الزوجه التانيه لكنك لا تقفى مكتوفة الايدى لان التحمل له قدر بمعنى انك تخيريه بينك وبين الجديده فاذا فعلا اختار الزوجه الجديده يبقى وقتها لا تندمى عليه مطلقا لانه ضحى ببيته وباولاده وبيكى انتى شخصيا وزوج زى ده لا يؤتمن عليكى اما اذا رجع واستفاق وشعر انك هضيعى منه يبقى حصل خير وعفا الله عما سلف وتبدئى معاه من تانى وده معناه انه فعلا بيحبك لكن بحبك يا قلبى واروح اتجوز غيرك كلام كدب الحياه اما بكرامه او قلتها افضل

  20. ساهر الليل
    30/05/2013 at 21:50

    ما فيه حل للعنوسة الا التعدد فلا تمنعيه وشجعيه ولك الأجر

  21. dada
    30/05/2013 at 17:00

    اتركيه شهرين او ثلاثة و هدديه بالطلاق ربما يتذكر النعمة هو مطمن كثير لذلك اتركيه يشعر بالتهديد

  22. _المغرب_ فتاة عادية
    29/05/2013 at 03:29

    انا اسمع المصريين يقولواعن النوع ده من الرجالة عينه زايغة وميملهاش غير التراب وزوجك من ها النوع وبدون زعل يا سيدتي عايز ايه اكثر من اللي انتي عملتيه لا ومعندوش فلوس اكيد لو عنده فلوس كان عمل فيها الجاح متولي تعرفي والله العظيم انا اتعصبت من زوجك فكيف انتي اللي عايشة معاه بحسدك فعلا على صبرك الله يعينك واذا فضل مصر على الزواج واهملك اطلقي لان زوجك ما بيفكر فاولادك مثلك هو لا يفكر الا بنفسه

  23. خالدالبري
    29/05/2013 at 00:02

    كل امرأةلازم تحكي الذي هو في صالحها هي الزوج لا يتزوج علي زوجتةاذاكانت مثلكي لاكن لازم فيه حاجةغلط انتي لم تزكوريها يا دلوعة صلحي من نفسكي بجد وهو لم يفكر في هذا>>> وعجبي علي النساء<<<<<<<<

  24. Ahmed
    28/05/2013 at 10:14

    بداية الزواج المتعدد حلال شرعا حتى وان كان للمتعه مع الاخذ فى الاعتبار العدل والقدره على الانفاق فلو كان معه القدره والعدل فصبري نفسك بان هذا مراد الله وعدله وانتبهي لاولادك

  25. ندى
    25/05/2013 at 22:00

    بصراحة أنا مستغربة من صبرك عليه !!! وبتحبي على إيه ؟؟
    صحيح هو أبو أولادك بس طز بالعبشة الي عايشاها دي !!
    لا هو مريحك من ناحية العيشة ولا من ناحية الشقة ولا مريح
    بالك من كل ناحية !! أنا لو في مكانك أطلب الطلاق وأخلص لأن
    فكرة الزواج معششة في دماغ وحيعملها تاني ?? على أيه
    مستحملة كل ده !! طز فيه الف مرة وحيندم هو في الآخر
    لما يلاقي نفس خسر كل حاجة بيته وزوجته واولاده وكان الله
    في عونك ،،،

اترك رداً أو حلاً لهذه المشكلة