السلام عليكم
اختى سرقت ملابس بنتى ودى مش اول مرة تسرق حاجة من شقتى بس كنت بسكت ومش بعمل مشاكل علشان مزعلش والدتى مع العلم ان والدتى بتكرة مراتى ولو قولتلها حاجة زى دى هتقول بتتبلى على اختك المهم اختى جت فى يوم ومعاها بنتها الصغيرة وكانت قاعدة جنب مراتى المهم بتدور على حاجة فى شنطتها مش لقتها راحت مفضية الشنطة كلها على الارض شنطة الملابس هنا مراتى شافت هدوم بنتى طلعت فوق على الشقة بسرعة تشوف الهدوم ملقتهاش طبعا كدا الهدوم مع اختى نادتلى وقالتلى اختك هيا اللى بتسرقنا قولتلها انتى بتقولى ايه قالتلى انزل افتح شنطتها وانتا هتلاقى هدوم بنتك
المهم هديتها وقولتلها خلاص وكدا قعدت تعيط شوية وتقول هيا باءه اللى كانت بتسرق منى كل حاجة المهم انا اتضايقت جدا ونزلت فامى شافتنى متضايق قالتلى فى ايه قولتلها مفيش وطلعت شقتى ومراتى نزلت تجيب لبن لبنتى امى طلعت قالتلى فى ايه متضايق كدا ليه قولتلها هدوم بنتى مسروقة قالتلى ازاى هوا احنا هناخد حاجة قولتلها انا مقولتش انكم هتاخدوا حاجة ومرديتش اقولها المهم نزلت تحت واستنى مراتى وهيا طلعا على السلم قعدت تزعق لها بصوت عالى وتقولها احنا مش حرامية وكلام من دا مع العلم انى مقولتلهاش انتوا المهم شتمت مراتى ومراتى طلعت تعيط جامد فنزلت قعدت ازعق لامى شوية وقولتلها ايوة بنتك حرامية واخدت الشنطة وطلعت الهدوم بتاعة بنتى منها
هديت الموضوع وطلعت لقيت مراتى عايزة تمشى وبتقولى هما بيضربونى ويزعقولى وانا مقولتلهمش حاجة طيب انا هفضحهم قعدت اهدى مراتى شوية وانا عينى مكسورة ومش عارف اعمل ايه
اول ما صحيت من النوم تانى يوم مراتى عمالة تلسن بالكلام فانا اتضايقت وزعقت لها فراحت واخدة هدومها ومشيت عند اهلها
انا مش عارف اعمل ايه لو روحت اجيبها اهلها هيقولولى اختك حرامية ويكسروا عينى وانا مش هقدر اعيش معاها وعينى مكسورة ساعدونى باللة عليكم
اخي الزوج من حق مراتك تزعل وتغضب من تصرفات اهلك معهاولازم تعرف ان العيشة مع اهلك صعبة دام هم بالسلوك المشين ده واي زوجةتحب تعيش في بيتهاومملكتهابعيداعن التوتروالمشاكل كل يوم وماحصل من تصرفات خاطئة وغلط من اختك يعجل الامراستحالة العيش معهم وتقبله روح طيب خاطر زوجتك واستسمح منهاواخرج اسكن برا انت وعيالك بعيداعن اهلك وده افضل الحلول وتاكدانك حتلاقي كل السعادةوراحةالبال بعيداعن المشاكل والخلافات مع اهلك وفقك الله ويسر امورك
انت مش راجل البيت ولك شخصيتك القوية يبقى لازم ترجع مراتك وتراضيهاواسكن بعيدعن اهلك عشان ماتحصل بينكم مشاكل وفهم امك واختك ان دي مراتك ولهاحقوق وكرامتهامن كرامتك وعيب انهم يعملو كدا وعش حياتك واعطي كل ذي حق حقه مراتك لهاحق وامك واختك ايضالهماحق عليك وربي يوفقك
حاول تراضي مراتك و ترجعها تاني هي لو بتحبك مش هاتعايرك بحاجة زي دي و حاول تشوف سكن تاني بعيد عن اهلك تجنبا للمشاكل و فنفس الوقت اتكلم مع اختك و عرفها ان اللي عملته ده عيب و حرام و انها خلت شكلك وحش قدام مراتك و لو فضلت تعمل كده مش هاتدخلها بيتك تاني