انا رجل 27 سنه مؤهل عالى ودراسات عليا وصاحب عمل حر متزوج منذ 4 سنوات بلا اطفال عملى يقتضى تواجد بنات لاستقبال عملائى والمشكلة بدات كالتالى …. فى البداية انا عانيت واعانى واظننى ساعانى من اهمال الزوجة الجسيم فى كل حقوقى من اكل وشرب ونظافة منزلية وحتى شخصية واهمال تام لكافة حقوقى الزوجية حيث انها امراة عاملة تصغرنى بعام واحد وتعمل بنفس مجالى ولكن طموحها فوق قدرة احتمالى فهى على استعداد لادارة شئون 10 اعمال فى وقت واحد والجرى وراء الارباح والمؤسف انها فاشلة رغم ذلك فمحصلة جريها تكاد تكون صفر مع انها تبذل اقصى جهد لتطوير عملها ولكن لا تؤمن بانه لا حيلة فى الرزق … تزوجتها باختيارى وكانت زميلة عمل لى لن اقول احببتها ولكن هروبا من صدمة عاطفية قوية دفعتنى الى الاسراع بالزواج .. وجدت فيها مواصفات مناسبة للاستقرار …. زواج من أجل الاستقرار ليس الا .. قضيت معها عامين من الاحترام المتبادل والحب والمودة ولم ارى منها الا كل خير ولكن من بداية العام الثالث عندما فكرت بالانتقال لمسكن جديد وبدات تنظر لاخوتها وزوجاتهم وما يملكون من اموال ومحلات وبدات تاكل نفسها وتقتل نفسها عملا لكى تصبح مثلهم لدرجة انها اقترضت مبالغ كبيرة من اخوتها لتوسيع عملها رغم رفضى لذلك ورغم عدم قدرتنا الى الان على تسديد هذه الاموال … النتيجة كانت الاهمال الكبير لبيتها ولى .. ضاعت كل حقوقى وكرامتى بدات تحدثنى عن اننى كبرت بالعمر (27 عاما ؟؟؟؟) ولابد ان يكون لى هيبتى ومظهرى الملائم لعملى حتى يهابنى الناس ويحترمونى … لا تكلم فلان فهو ليس من مستواك …لا تجلس الى فلان يضيع وقتك … قاطعت الدنيا كلها على يديها … واخيرا ظهرت بنت فى حياتى … ليست بنفس القدر من الجمال الخارجى لكنها احتوتنى . تصغرنى بخمس سنوات .. لها روح الشباب .. تجرى وتمرح وتداعبنى بادب ولطف … لم يظهر منها ما يدل على حبها لى رغم ان عينها تنطق بكل شئ اعادتنى للوراء سنوات نظمت لى اعمالى رتبت لى حياتى اهتمت بادق التفاصيل اكلى وشربى ومظهرى الذى يليق بسنى باختصار وجدت فيها كل ما كان ينقصنى فى حياتى من الحنان والرعاية ملأت حياتى …….. ولكن للاسف لا يمكن باى حال من الاحوال ان نجتمع يوما معا فهى ما الذى يجبرها على الارتباط بشخص متزوج .. وزوجتى ماذا افعل معها هل اخبرها بحقيقة امرى .. اظن انها تعلم كل شئ .. هل اتركها …….. انا لا اكرهها ولكن لم اعد احتمل الحياة معها .. فكرت فى السفر وترك كل شئ ولكن هل هذا هو الحل وقلبى الذى ينبض بحب جديد هل اكسره .. قلت لها اننى اريد السفر فهددتنى بمستحقاتها عندى …… وقلت لحبيبتى ايضا فقالت لن اتركك تسافر ولكنها تستحى ان تخبرنى بحبها لى لانها تعلم مصير هذا الحب .. حياتى تدمرت وعقلى ينهار .. اصابتنى الهلوسة وانا نائم ليلا .. اعجز عن التفكير فأنا الان بين نارين نار الزوجة المهملة التى استحالت الحياة معها رغم صبرى عليها ونار حبى لاخرى غيرتنى تماما واتمنى ليل نهار ان اجلس امامها وارى عينيها التى تلمع بحب خجول … ترى لو سافرت بعيدا ماذا سيكون مصيرى
مشاكل الازواج
زوجتي المهملة في بيتها و نفسها وحب جديد
اضيف بتاريخ: Wednesday, June 27th, 2012 في 21:52
كلمات مشاكل وحلول: الحياة الزوجية, الزواج, بنات, متزوج
اخي ان من المخجل والعيب ان تذكر زوجتك بهذي الصورة القاسية والبشعة امام كل الناس وتظهر نفسك بانك المظلوم والضحية لاستهتارهذةالزوجة وانها غيرمهتمة بك ولاتقدر الحياة الزوجية والى اخره كاني بك تناسيت لها كل مافعلته لاجلك ومااهتمامها بعملها وزيادة ارباحها في العمل وتطلعاتها في الحياة الا لاجلك ولاجل العيشة الكريمة معك تفكيرك سلبي وخاطئ مليون مرة بدلا من تفكرفي زوجتك وتقف معها وتساعدها في تدبير شوون حياتكما الزوجية تتخلى عنها وتجري وراء بنت اعجبت بها وسحرتك بكلامها المفتون الناعم واناقتها واهتمامها بك ليس حب فيك يامغفل وانما لاجل المادة والا كيف ترضى برجل متزوج واكبرمنها اوهمتك بالحب حتى لولا تنطق به لكنها تسعى لاجل خطفك من زوجتك وايقاعك في شباكها صدقني مااقوله لك هي الحقيقة الغافل عنها واللي لازم تعرفها قبل فوات الاوان ارجع لعقلك ورشدك وتقرب من زوجتك وبادلها المشاعروالعواطف والاهتمام والرعاية فالمراة مهما كانت قوتها وشخصيتها تحتاج الرجل ولاتستغنى عنه ابدا تريدمنك الكلمة الحلوة والمشاعرالرومنسية والمدخ والثناء لها وعلى كل ماتفعل في حياتها وربنا يصلح حالكم ويسترعليكم جميعا
للاسف انت مش راجل انت الفاشل مش هي ازاي عايز مراتك تهتم فيك وانت مش سايل فيهاولامعبرها اي امراةمهماكبر منصبهااوكثرت فلوسهامحتاجة لحنان الراجل ومشاعره عاوزه احديحتويهاكانثى ويهتم بها ويشبع رغباتهاولكنهامالقيت كل هذاعندك وعاملتك بنفس الجفاوالقسوة وبرود المشاعر والحل بيدك انت لوعاوز تكسبهاكزوجةاوالطلاق افضل الحلول وجرب حظك مع البنت اللي تعمل عندك والحياةتجارب لكن من لايعرفهالايغامر يخسرسعادته طوال العمر
خىى الكريم اولا انت عنك بتقول 27 سنة ومن كلامك محسسنى ان عندك 50 سنة انت لسه صغير جدا وربنا يبارك فى عمرك
اللى انا شايفه من كلامك انك ممكن تكون متحامل على مراتك وشايف منها كل حاجة وحشة لانك على العكس لقيت النقيض منها وانا حاسس بيك لانك حبيت ليه متحاولش تقعد مع مراتك وتتفاهم معاها وتتناقشوا فى المشاكل اللى بينكوا حاول معاها مرة واتنين وتلاتة خليك صريح معاها حسسها انك مهتم بيها وانك مضايق من المشاكل دى ملاقيتش فايدة حاول تكلم اختها اخوها اى حد قريب منها يقعد معاها ويكلمها ولو ملقيتش نتيجة يبقى تشوف مصلحتك احسن بس اهم حاجة من الاول انت عايز ايه عايز بجد تبقى مع مراتك وترجعوا زى الاول ولا اللى انت بتقولوا بتبرر لنفسك عشان تسيبها شوف نفسك ولو وصلت لطريق مسدود يبقى انت عملت اللى عليك ادام ربنا وادام الناس وادام نفسك وتبتدى تشوف نفسك عشان محدش بينفع حد ولا بيحس بحد اليومين دول
شوف ياابني انت راجل عاقل وفاهم الحياة بحلوهاومرها هل جلست مع زوجتك وصارحتهابكل ماتعانيه من اهمالهالك وتفكيرهافي الشغل على حساب سعادتك وراحتك هل انت انطواي ماتحب المواجهة اوتفرض رايك على الطرف الاخر وهل زوجتك انسانة مغرورةومتكبرة وتحب المظاهرالخداعة انصحك بالاهتمام بهاوالتقرب منهاواثارتهاكانثى ولامانع من زيارةخاصة لهافي مكان عملهاوحسسهاانك بتشتاق لهاومش قادرعلى البعدعنهاولولحظة صدقني حتجدهاتغييرت 200درجة للافضل ومش حتفكرانت في اي وحده تانية نهايا
انا من رايى انك لسا صغير ولازم تعيش حياتك وكويس انك معندكش ولاد يبقى ايه المانع من الطلاق؟؟؟؟؟؟؟ والجواز من اللى قلبك رايدها
اخى علشان متحيرش نفسك وتفكر كتير صارح مراتك بكل شىء وشوف رايها اية لانها جزء كبير من المشكلة ان كانت تغير نفسها حاول العيش معها وشوف نفسك ها تحس بتغيرها ولا زى ما هية وبعدين خد قرارك حتى كدا تكون مرتاح الضمير
اود ان اسألك سؤال
فى حالة عدم ظهور هذه الانسانه التى غيرت حياتك كنت ستفكر فى هذا الامر وستعدد من عيوب زوجتك ؟
اذا بحثت عن المخطئ فى الاختيار فهو انت لانك عالجت مشكلة صدمة عاطفية بارتباطك بزوجتك
فكر فى حياتك بايجابية واترك السلبية واتخذ قرار سريع واعلم انه ليس كل ما يتمناه المرء يدركة
السلام عليكم
اخىى الكريم اولا انت عنك بتقول 27 سنة ومن كلامك محسسنى ان عندك 50 سنة انت لسه صغير جدا وربنا يبارك فى عمرك
اللى انا شايفه من كلامك انك ممكن تكون متحامل على مراتك وشايف منها كل حاجة وحشة لانك على العكس لقيت النقيض منها وانا حاسس بيك لانك حبيت ليه متحاولش تقعد مع مراتك وتتفاهم معاها وتتناقشوا فى المشاكل اللى بينكوا حاول معاها مرة واتنين وتلاتة خليك صريح معاها حسسها انك مهتم بيها وانك مضايق من المشاكل دى ملاقيتش فايدة حاول تكلم اختها اخوها اى حد قريب منها يقعد معاها ويكلمها ولو ملقيتش نتيجة يبقى تشوف مصلحتك احسن بس اهم حاجة من الاول انت عايز ايه عايز بجد تبقى مع مراتك وترجعوا زى الاول ولا اللى انت بتقولوا بتبرر لنفسك عشان تسيبها شوف نفسك ولو وصلت لطريق مسدود يبقى انت عملت اللى عليك ادام ربنا وادام الناس وادام نفسك وتبتدى تشوف نفسك عشان محدش بينفع حد ولا بيحس بحد اليومين دول
طب ليه ماتنقيش الحاجه الى مدايقك من زوجتك.مينفعش تفضل ساكت على الحاجه الى بدايقك منها وتكرهها بصمت لازم تناقشها عشان انتا مينفعش تكرهها عشان هى زوجتك
الحيــــــــــــاه بنعشها مررره واحده ليه نعشها تعساء واحنا بايدينا نعشها سعداء
بص انا مش هظلم زوجتك واقولك ياااه دي مهمله طلقها اولا ياخي انت من كلامك شكلك مش صرحتها بان نفسيتك تعبانه من الوضع ده ومن اهلمها وانك شايف انها شغلها واخد كل واقتها ..كمان احب اقولك مش تخسر اصحابك ولا ناس في حياتك لان زي ماهي بتقول مش من مستواك ده غلط جداااااا وهتندم عليه بعدين دي نقطه النقطه التانيه .. صراحها بكل اللي في قلبك ووبشكل الحياه اللي بتتمناها من غير ماتحكي انك ممكن بتحب واحده تانيه لان صدقني شخصيه زي زوجتك بتجب تملك كل حاجه وممكن تاذي البنت اللي انت بتحبها فاحذر انك تقولها حاول انت تغير من نفسك وتقرب منها حاول اكثر من مره تغير منها لو معرفتش يبقي وقتها فكر في الانفصال بطريقه محترمه ومش تفكر في الانفصال علشان وجود واحده تانيه في حياتك غلط …انما اسال نفسك سؤال واحد بس انت كده سعيد لو عملت ايه هكون سعيد …؟؟؟
ولو انفصلت بعدها تقدر تقرر ترتبط تاني ولا بتحب البنت دي ولا مجرد فراغ عاطفي هي عوضته ليك لازم تعقد مع نفسك وتصفي ذهنك وربنا يسعدك