مشاكل الازواج

زوجي بخيل جدا فهل اطلب الخلع

اختى متزوجة من 12 سنة وعندها بنتين وولد من اول ما تزوجت واكتشفت ان زوجها غريب الاطوار فكان يعنفها ويعكنن عليها لاتفه الاسباب يعنى مثلا حملت فى الشهر الاول من زواجها فضل ينهرها ويزعئلها حتى اغمى عليها بسبب ان ابى دخل التليفون الارضى فزعل اذاى ابوكى يبقى عارف انى لسة متزوج يعنى اكيد مديون ويروح يدخل التليفون بالرغم ان ابى ما حملهوش اى شىء زيادة بالعكس كل اما يجى يقوله انا مش قادر اجيب كذا بابا بروح الشهامة والرجولة يقولوا اللى ما تقدرش تجيبه عندى وكان فاهم انه بيشترى راجل وانه هيقدر اللى بابا بيعمله معاه خاصة انه دخل علينا بواجهة دينية ونظام قال الله وقال الرسول المهم ان اختى ظلت فترة كبيرة مستحملة رزالته وبخله من باب انها بنت ناس وعايزة تعيش ومش عايزة تتبطر لدرجة انها كانت حامل وكانت ما تاكلش اى حاجة طول اليوم وهى طابخة لحد لما يجى الساعة11 بالليل الانها فى مرة سلقت بيضة واكلتها جه وعمل مشكلة معاها بالرغم انها بتشتغل ومرتبها بتسرفة على البيت واكتشفت بعدين انه اختارها علشان بتشتغل استحملت منه كتير لحد لما وصلت للضرب وفتح دماغها واصرت على الطلاق وبالرغم ان ابى اخذ على يديه بقسوة الا انه ما وافقش انها تطلق وكان معاها بنتين المشكلة انه طول ماهو معاها بكون اسد اول ما يبقى ادام ماما وبابا بيقلب فار ويتمسكن ويعيت كمان ولما تحصل مشكلة وتقوله هروح لبابا يقولها روحى وهو هيجيبك ليه تانى طبعا ده بيحصل بس بعد ما يعقد يتذلل ويعيط وده شىء عليه سهل جدا المشكلة الاكبر بخله لدرجة ان ابنها الرضيع يتعب يرفض يكشف عليه ويقولها لما يموت ابقى اشيل ذنبه مش مقدر ان فى ناس منى عينها ظافر هو لما شافها مرة بتاكله علبة زبادي زعق وقال بتاكليه زبادي ليه هو ابوه وزير بالرغم انه بيشتغل فى شغلتين مرموقين مرتبهم كويس جدا يعنى لا يقل دخله عن4000 جنيه اذا ما كنش اكتر بيديها فى الشهر 400 جنيه مصروف بيت و مدارس و دروس و علاج وكل حاجة وبيقلها كمان انتى اكيد بتوفرى منه لو بنته طلبت منه مصروف يقلها خدى من امك امك موظفة وبتقبض مع ان مرتبها كله بتصرفه على عيالها ومش مقضى لا نها مدرسة ومرتبها بسيط  المشكلة انها عايزة تطلب الخلع وعارفة ان ماما وبابا مش هيوافقوا بيقولولها اللى يقصر هو فيه خديه مننا لكن هى عايزة تخلص من اهاناته ومن بخله وخايفة من تاثير شخصيته على اولادها لكنى نصحتها انها تتحمل لان اولادها خاصة البنات هيبقى وصمة ان امهم مطلقة ووجوده بكل عيبه افضل من عدمه فما الحل

مشاكل وحلول ذات صلة

اضيف بتاريخ: Wednesday, January 5th, 2011 في 08:42

كلمات مشاكل وحلول: , , , , , , , , , , , , , , ,

33 رد to “زوجي بخيل جدا فهل اطلب الخلع”

  1. البرنس
    22/08/2019 at 22:16

    اعوذ بالله من جوز اختكي دا لااكثر الله من امثاله كلهذا ومش عاوزينها تطلق منه حرام عليكم اتقوا الله في بنتكم دي وفي العيشة اللي هي فيها دي هذا البنى ادم عمرو مايتغير ابدا ولايعرف معنى للحياة الزوجية مش عاوز يتحمل مسوولياته كزوج واب لبناته ولايصرف عليهم وبخيل جدا جدا جدا ولاعنده ذرة من الرجولة ولا حتى الانسانية صار طلاقها امر لابد منه وربنا بيكرمها بحسن منه ان شاء الله وتلزموه بالنفقة لبناته الصغار حتى لو من خلال المحكمة اوعوا تفرطوا في حقهم وتبقى حضانتهم لاختك وهو يصرف عليهم غصبا عنه وعن اللي خلفوه وربنا يعوض اختكي بابن الحلال الصالح الكريم اللي يستاهلها ويصونها ويقدرها ويسعدها العمركله

  2. ابوالبتول
    18/11/2018 at 17:52

    لقد اخطا ابوك عندما زوجها من هذا الشخص اللي ماعندوش ريحة الرجولة ولالشهامة ولا المروة شخص بخيل جدا وتافه يستسخر في ابنه علبة زبادي ياكلها ده مش بنى ادم وعمرو لن يتتغير ابدا لاينفع البكاء على اللبن المسكوب ولايصلح العطار مافسده الدهر اختك لازم تطلب الطلاق منه فورا دون تاخير وتلزمه بالنفقة لاولادها غصبا عنه حتى لو عن طريق المحكمة علشان يعرف ان الله حق وان بنات الناس مش لعبة رخيصة وهي ربنا بيكرمها ويعوضها خير منه ان شاء الله الطلاق ليس نهاية الكون بل انه خير ورحمة لمثل اختك وفضل ربنا كبير وعظيم بيرزقها من اوسع ابواب رحمته وفضله

  3. ابوالبتول
    27/12/2016 at 23:48

    اختي قرات قصتك مع هذا الزوج الذي لايستحق ان يكون رب اسرة واب لابناءك ولاخير فيه على الاطلاق اتفق مع الاخ مجنون نسوان في كل ماقاله لك ويجب عليك الخلاص من هذا الرجل والاصرار على طلب الطلاق منه مهما كانت الظروف ومستغرب جدا من موقف اهلك ازاي رافضين انك تتطلق منه بعد كل اللي يعمله فيك من ضرب واهانات وبخل شديد وعدم تحمله اعباء مسوولياته كزوج واب للاولاد رغم ان ظروفه المادية كويسة جدا ولاينفق عليك انت والبيت والاولاد اعوذبالله من بعض الازواج الذين على شاكلة زوجك هذا تطلقي منه فورا وتاكدي ان الله بيعوضك بخيرمنه نشاء الله هتلاقي الزوج الصالح الكريم الذي يخاف الله عزوجل حقا ويقدرالحياة الزوجية ويصونها ويسعدك في حياتك واولادك لن يضيعوا ابدا فهو ملزوم بالانفاق عليهم شرعا وقانونيا ومن حقك تعيشي مثل كالنساء الاخريات سعيدة ومرتاحة في حياتك

  4. مجنون نسوان
    05/02/2016 at 20:46

    اولا -يااخواني الزواج شركة قائمة بين الزوجين اساسها تقوى الله والحب والمودةوالالفة والاحترام المتبادل بين الاثنين اذافقدت صارت الحياة جحيم لايطاق وخلقت المشاكل والخلافات وانعدم الامن والاستقرار الاسري وتشردالاطفال وضاعوا ثانيا- الزوج هذا لايستحق العشرةولا الحياةالزوجية ولاخيرفي البقاء معه بعدكلمافعل بحق زوجته وام اولاده من ضرب واهانات وسباب وشتائم ثالثا- الابوين مخطيان في حق الابنة الزوجة بعدماعرفوا كل ماتتعرض له من هالزوج العديم الاخلاق والتربية ولاعنده من الرجولة والشهامة ذرة كان الاجدربالاهل الحفاظ على كرامةابنتهم وحمايتها وعدم ارجاعها له تماما حتى يتقي الله فيها ويعطيها حقوقها الكاملة كزوجة وام لاولاده امساك بمعروف اوتسريح باحسان رابعا- ليس له حق في راتب الزوجة او اخذ شئ منه الابطيب خاطرمنها وبرضا نفس منها وهوملزوم بالانفاق عليها وعلى البيت والاولاد حسب الشرع ولاعذرله في ذلك ارى ان الافضل لاختك طلق الطلاق منه وفورا ولايحق لااهلك ارغماها على الرجوع اليه نهايئابل يساعدوها في التخلص منه واسترداد كرامتهم وكرامة ابنتهم والزامه بالنفقة الشهرية للاولاد من مصاريف الطعام والمعيشة والعلاج والمدراس ومتطلبات الحياة واسال الله عزوجل ان يعوضها خير منه وتلاقي الزوج الصالح الكريم الشهم التقي اللي يستاهلها ويقدرظروفها ويسعدها في حياتها القادمة ولهاحق الخلع منه وبالله التوفيق

  5. ابواميرة
    06/05/2015 at 15:34

    لابارك الله في زوج اختك هذا ولااكثرمنه في الرجال بعدكلهذةالمعاناةوالعذاب مع هالزوج الاناني البخيل الغيرمقدرالمسوولية حرام عليكم اختك تبقى على ذمته ليوم واحد واجب ابوك يتدخل لانقاذهاهي واطفالهامنه ويخلصهامنه حتى لوتطلب الامر عبر المحكمة يشتري سعادةوراحةابنته باي ثمن كان والشرع والقانون في صفها يحكم لهابالطلاق منه وربنا بيعوضهاهي واولادهاكل الخير هتلاقي الزوج الصالح الكريم اللي يقدرظروفها ويتحمل مسووليتهاوهوربناينتقم منه لانه ظالم ولايخاف الله في اهل بيته

  6. بتول
    06/04/2014 at 07:35

    الاخت الزوجةاياك ثم اياك التنازل عن حقوقك كزوجةوام اولادك اطلبي الطلاق من هالبخيل التافه السافل اللي الدنيااعمت قلبه وعيونه عن حقوق اهل بيته وفلذات اكباده فلاخيريرجى منه ولاعمره يتغير ابدا والرسالةالثانية للزوج ياويلك من عذاب الله يوم تقف امامه يوم لاينفع فيه مال ولابنون الامن اتى الله بقلب سليم ماذاانت قائلا له عندمايسالك عن رعيتك وعن واجباتك نحوهم ماذاتجيب تدارك نفسك قبل الموت واعلم ان الحياةالدنيا فانية والى زوال وماينفع فيها الا العمل الصالح توب الى الله واستغفرذنوبك وقوم بواجباتك الشرعية مع اهل بيتك من الانفاق وقضاءحوايجهم والمعاملة الحسنةوالتربية السوية تلاقي رضالرحمن عنك اينماكنت والرسالةالاخيرة للاباءوالامهات اتقواالله في بناتكم ولاتكرهونهن على الزواج بدون رضائهن وموافقتهن وتحرواجيداعن الرجل من دينه واخلاقه ومعاملته مع الناس قبل الموافقةعليه ولاتنخدعوابالمظاهر فانهاسلاح ابليس الرجيم وحيلة المنافقين والكاذبين فالضحية تكون بناتكم فاانتم شركاءفي الاثم والذنب يقع على عاتقكم فلا تحملواانفسكم مالاتطيقه

  7. بتول
    06/04/2014 at 07:19

    اعوذبالله من هيك رجال لااكثرالله منهم ولابارك فيهم ولاخيرفي العيش معهم ابدا الحل يااختاه هوطلب الطلاق فورا ولاتتراجع عنه اطلاقا وربنابيكرمهابالزوج الصالح الكريم اللي يخاف الله فيهاويقدريسعدها ويعوضهاكل الخير

  8. رهف
    07/12/2013 at 07:40

    الطلاق ده الحل البخل مرض ملوش علاج الحقي نفسك قبل ماالعمر يعدي والطلاق مش حرام ده شئ ربنا محلله

  9. NANA
    15/04/2013 at 18:25

    ددمفيش حل الا الطلاق البخيل بيبقى بخيل فى كل حاجة حتى فى الجنس اخلصى منه وربنا يعوضك عنه خير وبلاش تردد قبل العمر ما يعدى

  10. مخلص بجد
    13/01/2013 at 15:06

    اختى الفاضله الطلاق مش حل الان بعدوجوداطفال الموضوع محتاج موقف جاد وحازم من بابا وهي تطلبالطلاق تهديدله وتصر على موقفها فتره ومن كلامك بيحبها رغم بخله يبقىموقف بابا مع اصرارها هيوافق

  11. ابواميرة
    06/12/2012 at 12:22

    ابنتي العزيزة زوجك هذا لاخير منه يرجى بخيل وتافه وجشع وطمع فيه ايش تتاملين منو اطلب الطلاق فورا لابارك الله فيه من زوج واهلك مش دايمين لك يصرفون عليك وعل النكره هذا حرام عليك تجلس عل ذمة واحد زي هذا وتاكد انو الله بيرزقك خير منه

  12. الهادئه
    18/10/2012 at 11:42

    للاسف ده مافيش منه أمل ،البخل الشديد ده مرض لا يمكن يتعالج منه لانه مقتنع ان ده الصح واكيد البخل ده مش في الفلوس بس وفي العواطف وفي كل شئ حتي بنته مستكتر عليها علبة زبادي،حرام عليكي تفضلي معاه ،وبعدان هو متأكد ان والدك مش عاوز خراب البيت عشان كده بيرجعك وبيصرف عليكي،لازم يشوف منه معامله مختلفه يرفض رجوعك ويطلب منه الطلاق او يطلب منه اعطائك مبلغ معين شهري يدفعه وان دي اخر فرصه له وبعد كده اطلبي الخلع طالما مش قادره تتحملي

  13. اتش
    28/03/2011 at 08:49

    طب ما تصبرى و ربنا يجعلك من اصحاب الجنه و يبقى انتى كده عارفه ابتلائك و ربنا يسترك يا بنت الاصول
    ربنا يقدم لك اللى فيه الخير

  14. ورد المنى
    13/03/2011 at 21:08

    فى حاللتك الطلاق ممكن

  15. صاحبة المشكلة
    11/01/2011 at 04:09

    المشكلة انه مدير ادارة الحسابات يعنى مفردات المرتب كلها بتخرج من تحت ايده يعنى ممكن يعمل مفردات المرتب اللى تعجبه وعلى فكرة هو شغال فى شركة استثمارية وبعد الضهر فى مكتب محاسبة كبير

  16. راضيه
    09/01/2011 at 21:41

    بصى لقيتلك حل يمكن يعجبك روحى محكمه الاسره ارفعى قضيه وقولى مش بيصرف على عياله وخلى المحامى يجيب مفردات مرتبه من شغله بس من غير هو مايعرف وحيتحكملك بمبلغ شهرى يتخصم من مرتبه غصب عنه ولو هو اتنرفز وطلقك يبقى خير وبركه خدى منه نفقه متعه ليكى ونفقه للعيال غصب عنه برضوة وطلعى عينه

  17. راضيه
    09/01/2011 at 21:36

    مدام كده كده هو مبيصرفش وكمان بيزلها وتاعبها نفسيا يبقى تخلعه ويشوفله واحده عامله رجيم على طول ومبتخلفش وياريت كمان تكون بتشتغل بره مصر عشان توفرله الاكل كمان بلا نيله دول العيال يتعقدو ويطلعو زيه وامك وابوكى مش عايشين للابد عشان يقفو معاكى دايما

  18. صاحبة المشكلة
    09/01/2011 at 10:47

    وعلى فكرة للى بيقول انى ببالغ ده انا ما ذكرتش غير حاجات بسيطة جدا بجد ربنا يصبرها انا لو مكانها كنت ولعت فيه لانه من الناس اللى ما بتشوفش غير حقوقها ودايما يقولها طاعة الزوج بس هو ده اللى عارفه من الدين بس انا بقول لما يصرف 400 جنيه ويبقى جنب عياله احسن من مفيش وعيالها فى يوم من الايام يلموها لانه ما استحملتش عشانهم ولا ايه

  19. صاحبة المشكلة
    09/01/2011 at 10:42

    يموت ومعاش قلبك ابيض ده بيقولها لما الموت هسيب المعاش لامى لانها ست كبيرة انت هتعملى بيه ايه انتى بتشتغلى ومعاكى مرتبك بالرغم ان امه كمان كانت بتشتغل وليها معاش وهو بيصرف عليها

  20. طارق
    09/01/2011 at 03:49

    اختى الفاضلة انا للمرة الثانية بحب أؤلك ان زى ما سحر وغيرها قالو .. الطلاق هو الحل فى هزه الحالة ولاكن بحب اعرفك انى كل دقايق بدخل خصيصا بقرأ جزء معين من مشكلتك وهو (( انتى بتاكليه زبادى ليه هوه ابوه وزير ))بجد بضحك على هزه الجملة كل مرة اكتر من الاول وهزه الجملة تحديدا تثبت بانه مريض بخل ويجب ان تتخلصى منه فورا … وللمرة التانية بأولك انتى ال غلطانة بتأكليه زبادى ليه هوه ابوه كان وزير ههههههههههههههههه …. والله ضحكت كتير لاكن حزنت اكتر واكتر عليكى وخاصة علو اولادك لانى احب الاطفال جدا جدا جدا جدا واتخيل ما انتى فيه …ربنا معاكى… طارق

  21. طارق
    09/01/2011 at 00:25

    بجد ان مع اختى العزيزة جدا سحر وده انسان مريض وربنا معاكى … وبعدين أنتى أل غلطانة صحيح أزاى تأكليه زبادى بجد هوه ابوه وزير IIIII… دنا ضحكت ضحك بشكرك عليه … طيب أمال لو أكل لحمة حيكون أبوه أيه .. أسألهولى الله يكرمك ويخده عشان تستفيدى بمعاشه أحسن .. الواحد فرحته بتكون لما بيفرح اولاده ,… طارق

  22. طارق
    07/01/2011 at 12:11

    يا اختي انا اعتقد ان الانسان البخيل لا يستحق لا نعيم الحياة و لا نعيم الجنة وارى الطلاق هو احسن حل لمشكلتك و اعلمي انها اول مرة انصح فيها امراة ب الطلاق لانه ابغض الحلال عند الله
    اما عن اولادك فلن يحتاجو الى ابيهم لانك تملكين عملا وربما سوف يعوضك الله ب من هو خير منه لك و لاولادك والله المستعان

  23. 1
    07/01/2011 at 01:47

    وكمان لازم والدك يفهم الضع وتشرحو له الحقيقه وهو اللي في يده حل المشكله وبلاش يا بابا الذوق ذياده عن اللزوم

  24. 1
    07/01/2011 at 01:40

    يا جماعه دي متزوجه من 12 سنهوعندها 3 اولاد ما تشوفولها حل غير الطلاق حرام احسن تاخد فلوس من جيبه ومش حرام

  25. wa3d
    06/01/2011 at 14:36

    الطلاق هوا الحل

  26. basha
    06/01/2011 at 11:35

    تخلعه و تديله بالجزمة حسبي الله عليه و علي امثاله اختك من الجبال الله يصبرها لحد ما تخلص منه

  27. يارا
    06/01/2011 at 08:54

    اختي الكريمة الطلاق ليس حل يعني انا من وجهة نظري تحاول انها تغير منو بس اذا ما تغير ما بكون في حل غير الطلاق انا حاسة كتير اكيد بتفكر انو الطلاق جريمة بحق اولادها وانا معها بس يمكن لما يعيشو بعيد عن بعض الاولاد يكونو احسن .
    انا بدي احكيلك اختي الكريمة انو اهلك هما الي ساهمو بالمشكلة يعني لو لما بتزعلي منو ما بترجعي بالساهل كان هو فكر منيح بس هو راكن انو راح ترجعي يعني انا بنظري انو تتفاهمو من الاهل قبل الطلاق على اساس انو يعملو حل ما قدرو يعملو حل فما باليد حيلة بتكوني عملتي وعملتو الي عليكم وزيادة وارضيتم ضميركم الله يعينكم ويارب الله يهديه .

  28. حبيبة الرحمن
    06/01/2011 at 00:42

    هههههه ده تطلق من امه اللي يحرقه ابو علبة زبادي هههههههه هههههههههههه خليها تخلص ديه اكده هاتبقه في مجاعه العيال بيتربه اهم شي اختك ده لايرضي حالها كافر والعيب من ابوكي والله من اول مره المفروض كان عمل لبنته كرامه

  29. ♣♥♣ فارس ♣♥♣
    06/01/2011 at 00:07

    يانهار زوحل علبة زبادى بجنيه وعامل مشكله بيقبض 4000 جنيه ومصوف البيت 400 جنيه طيب الباقى بيروح فين العيل لما يمرض يقول خليه لما يموت وهو يشيل زنبو ده اختك لو كانت قبل الزواج طالعه بفضيحه مظنش بردو ان اب هيعمل مع بنتو كده ده لو كل كلامك صدق يعنى طيب لما الاهانه والضرب والسب ده كلو فى وجود باباكى ومامتك طيب لا قدر الله لو ماتو اكيد هيقتلها الى زي ده ملوش علاج ولا حل لو دى فعلا تصرفاتو وكمان بباكى مش مستفيد منو علشان يرضى بالامر الواقع دانتى بتقولى بيصرف كمان على اختك وكمان الى زي ده يستحيل يطلق لانو اكيد هيدفع للماذون ثمن قسيمه الطلاق لو صدق كل كلامك اختك دى لازم تعمل خلع فورا بس يكون كلامك صادق 100%100 ومفيهوش مبالغه فى القول لان البخلع ملوش علاج والى قلبو غير رحيم على ابنائو ده يستاهل الشنق ده مريض نفسى ومش طبيعى لازم اختك تقف حتى بوجه بباها وتطلب الطلاق ومش لازم تتجوز ووتقف على تربيه ابنائها تربيه حسنه بعيد عن الذل الى هيشوفوه من والدهم لو استمرت معاه دجول هيكرهو اليوم الى نزلو فيه للارض وشكرا

  30. MIDOO
    05/01/2011 at 22:37

    حرام عليها والله انها تستحمل الانسان ده وتظلم عليها معاه لان الاطفال هيتأثروا نفسيا لا لما يتربوا بعيد عنهم احسنلهم وابكوى لازم يكون لييه موقف و لو راح باس على رجله مش يديهاله بسهوله كده وجوزها لييه حق يعمل اكتر من كده لان زى ما هو قالها روحى وابكوى هيجيبك ليا تانى
    لازم توقفوه عن حده ولو ما اتظبطش تخلعه

  31. نورسين
    05/01/2011 at 14:11

    بسم الله الرحمن الرحيم
    اولا مع احترامى لكى انتى كانك بتحرمى حاجه حللها الله ايه يعنى مطلقه ايه خلاص هى لو اتطلقت تبقى وصمه عار انتى فى ايه فيكى الست استحملت كتير وهذا باعترافك والله وهى اقدر الناس على فهم وادراك اذا كانت تستطيع العيش معاه ام لا وابوكى وامك لا يريدون ان تتطلق او تخلق خوف مش اكتر على هدم البيت لكن هو واخد ده نقطه ضعف فيهم وسوف يتمادى ولن ينصلح حاله وكده كده ابوكى بيصرف على بنته وبناتها يبقى خلاص طالما ضرب ومد ايده تبقى تتطلق فاضل ايه بقه لو يفعله يروح مع السلامه من غير شر وربنا يعوض والعشره ليست بالغصب واللى مش فاهم ان الزواج اما عشره بالمعروف او تسريح باحسان يبقى الله المستعان

  32. سحر
    05/01/2011 at 13:59

    تسيبه تسيبه دا مرض ملوش علاج الا البطر ارجوكى البخيل بذات ملوش علاج

  33. الصريح
    05/01/2011 at 09:14

    هذة من الاخطاء الفادحة التي يقع فيها الوالدين عند تزويج ابناهم
    ففي اغلب الاحيان يقوم الوالدين بتنازلات كبيرة من باب(اريد الستر لبناتي)
    ومن حهة اخر يفهمها بعض ازواج المستقبل بان الوالدين يردون الخلاص من ابناهم
    فيجب علي الوالدين السؤال الجيد عن العريس من جميع النواحي وعدم التسرع في تزويج (فلذات اكبدهم)
    (قبل ان تقع الفاس براس)ويكون الضحية الاطفال
    لابد من الزوجة مواجهة زوجها وعدم الخوف منة لانة هو المسؤول الاول في تحمل المصاريف وليس (جد الاولاد)وان تحرك بزوجها مشاعر الرجولة والغيرة اذا كان(رجل بالاساس)بقولها لة هل تردني ان انحرف لكي اوامن لقمة عيش هنيئة هل هذا يرضيك فاذا لم يحرك ساكنان ولم تهزة هذة الكلمات
    فانصحها بالخلع لانة لايستحقها لانة ليس (برجل)

اترك رداً أو حلاً لهذه المشكلة