أنا عندي29سنه متزوجه من ثلاث سنوات وزوجي يكبرني ب16سنه وعندي ولد وأنا كنت متزوجه قبل كده بس مخلفتش وهو يعتبر جوزي الثاني جوزي عصبي جداً لدرجه الجنون عمره ما إحترامني معا أني بشتغل ومرتبي كله بصرفه على البيت وهو رافض أن يشتغل حاولت معاه كتير أنه يشتغل لأن الحمل بقى تقيل عليا على طول بستلف علشان المرتب مش بيكفي لحد أخر الشهر وهو ولا على باله غير المعامله السيئة جداً وعلى طول يشتمني وفي بعض الأوقات بيضربيني وغير وحماتي على طول تهزئني وتقول لو أنتي بتصرفي على أبني ده حقه عليكي ولافي حتى معاشرة زوجيه نهائي ولا كلمه حلوة نهائي وباقى واجب عليا أني أشتغل وأصرف عليه أنا خلاص كرهته لدرجه كبيره جداً ومش قادره أعيش معاه حل ممكن أطلب الطلاق منه هل أنا ظلمته وده غير حرمني مني أشوف أمي ياريت حد يسعدني ويقولي أعمل أيه
مشاكل الازواج
زوجي مش بيشتغل وبشتمني
اضيف بتاريخ: Saturday, June 16th, 2012 في 07:15
كلمات مشاكل وحلول: الحياة الزوجية, الزواج, متزوجة, مشاكل زوجية
دا مش راجل ولايعرف معنى الرجولة اطلب الطلاق منه فورا لانك كذا تظلم نفسك وتهيني كرامتك بيدك هل يعقل ان الزوجة تعمل وتضحي وسبع البرمه قاعد حاط رجل على رجل وياكل ويشرب ويجامع هذاخساره انويعيش والموت افضل لامثاله الحثالة
عزيزتى يمكن سبب انه مش بيشتغل وانتى بتصرفى عامله شعور بالنقص والقلق حاولى تطمنيه وتقوليله مفيش فرق بينا وانت راجل وان شاء الله هتشتغل مش معنى انى بصرف انك مالكش لازمه لا ده انت كل حاجه والكلام ده
سيدتى لم تتركى لنا مجال للحديث انفدى بجلدك اطلبى الطلاق فورا
الطلاق
اطلبي الطلاق او الخلع … وكملي حياتك مع رجل اخر يستحقك
حبيبتي زوجك ظلمك كتير و اعتقد انه يحاول يستغل لك لأنك تشتغلي و تصرفي عليه و أذا انتي كرهتيه ومش طايقاه خلاص الحل انك تطلبي الطلاق … أتمني اني اكون أفدتك بشي 🙂
انتي يا اختي الاول تهدديه انك هتسبيه وشوفي هيبقه كويس ويشتغل ويعملك كويس ولا لا لو اتغير استمري معه لو متغيرش اطلقي فورآ ده ولا بيصرف ولا بيحبك وجوده زي عدمه وعدمه احسن
راجل زي دا لازم تخلصي منو فورا دا هيفضل يعزبك و يمص دمك ولا هيتعدل ولا هتخدي منو اي حاجه عدله مرتبك انتي و بنك اولا منو بيه سيبك منو و عيشي حياه حره كريمه ماتفضليش عبده عندو و عند امو مايهمكش كلام الناس الناس مش حسه بيكي وبعزابك ماتقوليش دا الجواز التاني دا لو حتاكان ال 100 ربنا مايرضاش بالظلم اخلصي منو و ربنا هيعوضك خير ان شاء الله
السلام عليكم ورحمة الله اختي في الله واضح جدا ان مفيش الا حل واحد هو الطلاق لان دة لا ينطبق عليه كلمة راجل ازاي راجل يقبل ان مراته تصرف عليه الحل الوحيد الطلاق وعلى الاقل هتشيلي مسئولية إبنك بس يعني وان شاء الله ربنا يرزقك بشخص يتقي الله ويقدرك ونصحية من اخ ليكي حاولي السن يكون متقارب بلاش الفرق الكبير دة 16 سنه يعني هو من جيل وانتي من جيل تاني خالص ركزي واحسني اختيارك وربنا يوفقك يارب