انا متزوجه 23سنه وزوجى 33سنه ويكون ابن خالتى امى متوفيه وانا وحيده تزوجت وانا اعلم من ايام الخطوبه انه بارد المشاعر مع العلم انه من عده سنوات كان زوجى يحبنى كثيرا ولاكن وقتها كانت والدتى كانت رفضه تماما زواج الاقارب وتزوجنا من6 اشهر ومن اول شهر وانا وهوه فى مشاكل كثيره ونكد دائما مع العلم اننى اكتشفت فى اول زواجى انه بيشرب مخدرات ثم اكتشفت بعدها انه ايضا يشاهد افلام قبيحه وجريت سريعا لاخته الاكبر وحكيتلها كل شئ لانى لا اقدر ان اواجهه بالامر خجلا منه وحتى لايشعر فيما بعد بالخجل منى ثم بعدها بكذا شهر واجهته كنت ابحث فى ملابسه دائما كى اعرف ماذا يفعل وما حدوده هل وصل للادمان او ماذا وهوه كان يشعر بهاذا ولا كن لم نتكلم مع بعض ابدا فواجهته بقطعه حشيش كانت فى جيبه وحصلت مشكله وضربنى ووقتها قولت له انى اعلم انه يشاهد افلام قبيحه واهله وقفوا معى وعدت الايام ولم احسسه باى شئ ثم حدثت له حادثه وسرقت منه السياره ووقفت معه وطلبت امنه ان ياخذ الدهب ويدفع الفديه للسرقو السياره وووافق بس سبحان الله لم يرد ان ابيع الدهب والسياره رجعت من غير مايدفع والحمد لله وقت المشكله كنا كويسين وكان بيشاركنى ويتكلم معايا ولاكن بعد رجوع السياره اتحول تانى وكان دائما بيتلكك اعلى اسباب تافهه جدا فدعيت ربى ان يهديه ويبعده عن الشيطان وفوجئت انه لم يتغير وبردو بيشرب وبيتفرج والجديد المره ديه اننى اكتشفت انه ضايف بنات على feacbookو
ومواقع اخرى مش كويسه فجريت لاخوه الاكبر وهوه يحترمه ويحبه وكان يعلم من زمان انه بيشرب وكلمه كثيرا ولاكن مفيش فايده وكلمه فعلا اخوه وحصلت مشكله اكبر وكان يريد ان يطلقنى واتهمنى انى خرجت سر بيته بره وانى بدور فى حجته ووالدته كلمته ووعدها انو هايبطل وفعلا بطل لفتره
ثم سافر وهوه واخد القرار ثم رجع واتصالحنا وانا كنت حابه اتحمل المره ديه على اساس انه هيتغير ويكون شخص كويس ويبعد عن بيتنا الشيطان ولاكن رجعنا ولاحظت انه رجع لكل حاجه وحشه وزياده انه دائما بيتخانق معى انا اريد حل لاننى مش عارفه اعمل ايه
مشاكل الازواج
احب زوجى وهو دائما يجرحني
اضيف بتاريخ: Monday, May 23rd, 2011 في 06:30
كلمات مشاكل وحلول: الخطوبة, زواج الاقارب, متزوجة
علي فكره اخ مصري الراجل الوحش واللي بيشرب وبيحشش عمره مابيتغير وواحده شايفه زوجها كده كيف هاتبص عليه وتسكت ده حتي حرام وانهاتكلم اهله ده مش خروج سر بيت بره ده اخرة الواحده مابتغلب حبيبتي اعدي معاه واتكلمي معاه انه لو هايفضل كده يبقه انك هاتطلبي الطلاق اتعدل كان بها وماتعدلشي يبقه علي بيت اهلك وربك هايعوضك براجل تاني انتي مش معاكي اطفال يبقه والله احسن مايشوفو ابوهم وهو بيحشش انا شربه الامرين لدرجه اني زوجي بيشرب الارف ده في البيت البنات تلقيهم دايخين ومصدعين وبيضحكه ضحك بسال قاله لانه بيشرب جمبيهم اخلصي بدري بدري قبل مايجي طفل وهاتستحملي عصب عنك وفي الاول والاخر استخيري ربك
الاخت ساسو واضح انك لسة انسة
الاسرة لها ضوابط فهم ابناء خالة وكذلك لاتنكر حبه لها وكذلك حبها لة
لو ان كل زوجين واجها مشكلات انقصلا فلن تجدى اسرة واحدة فلا تكاد تخلو اسرة من المشاكل
ولذا يلزم الصبر
وكلما كانت المشكلة منحصرة بين الزوجين كلما كانت اسهل فى الحل والبيوت اسرار اختنا العزيزة
وبالتاكيد توجد فروق كبيرة بين دوافع المراة لعمل شىء ومفهومها للاشياء وبين دوافع ومفهوم الرجل لنفس الشىء
وخلاصة قولى انى لست من انصار الانفصال وارى ان الصبر افضل
شكرى وتقديرى
انا بس حابه ارد ع الاخ او الاخت اللي بيقول ان المشاكل من النوع ده مش عايزه كلام كتير وان جوزها بيحبها
حضرتك يعني ازاي بيحبها وازاي عنده بنات مش كويسين وبيتفرجعلي افلام اباحيه وبيشرب مخدرات هي لازم تتطلق منه لانه كده هيبقي خطر عليها وممكن بضربها ويأذبها لانه مش بيبقي في وعيه وهو شارب وهي شكلها انسانه محترمه وهو لو كان بيحبها فعلا كان بطل الكلام ده او ماكنش مشي في الطريق ده اصلا
بصى انتى غلطتى من غير ماتقصدى المفروض لو فى مشاكل زوجيه ماتطلعش بره عشان كده انتى شوهتى صورة جوزك سواء فى بيته او بره بيته “اخته اقصد” حاولى المسايسه وماتختاريش الوقت اللى بيكون جاى فيه من الشغل تعبان وتحكى معاه أفضل وقت بيكون “وقت المعاشرة الزوجيه”
اصبرى اختى وخليكى على يقين ان مفيش حاجه بتفضل على حالها وبعدين 6شهور جواز بينكم فتره صغيره اوى انه يبطل عاده اتعود عليها من سنين انتى حاولى معاه ومش كل شويه تروحى لاخوه واخته وامه كده ماينفعش هتعملى فجوه بينكم وممكن لاقدر الله الظروف تسئ اكتر والممنوع مرغوب لازم بكلامك انتى تقنعيه وربنايرزقك بطفل منه تفهميه انه ماينفعش يربى ابنه وهو بيدمن الحشيش والحاجات دى وكمان فهميه عشان ربنا يبارك فى حياتكم لازم يبعد عن المواقع دى بلاش تقولى الكلام فى صيغه امر خلى الكلام بالسياسه والمحايله عشان حياتكم تستمر واعرفى انه لو توقف مره زى ماقولتى يبقى فى امل يبعد عن الحاجات دى ان شاء الله وخليكى صريحه معاه واساليه ناقصه ايه فى حياتك الجنسيه يخليه يلجئ للافلام دى وربنايوقك
بصى ياستى اولا استعينى بالصبر والصلاة والدعاء لة وحولى تستحملى وتقربى من جوزك اكتر واكتر وحاولى تقنعية انة يروح لدكتور وحولى تقربى منة انة مش يحتاج للافلام دى تانى ابدا واللة المستعان
اسمعى يااختى اوعى تحسسى جوزك انك بترقبية قربى منة اكترخليكى صاحبتة مش مراتة خلية يحس بيكى انت عارفة جوزك بيحب اية خلية يحس بخوفك علية والمهم اسلوبك فى التعامل معاة
شوفى يا ستى المشاكل اللى من النوع ده مش عاوزة كلام كتير وفضايح واضح انه بيحبك
طولى بالك وبلاش اسلوب المخابرات اللى شغالة بيه ده لانه ممكن يعند حولى تسعدية وتحتوية
دة هيكون فى صالحك غالبا المدن بيكون بيعانى من مشكلة حاولى تقربى منه اكتر وتكونى سرة وموضع ثقتة فى الحالة دى واحدة واحدة هتعرفى تقنعية لانه واضح ان من عيلة محترمة اسعدكم الله