انا متزوجه من 8 سنين جوزى بيحبنى وانا بحبه بس هوه بيحب شغله قوى او بيحب يبقى مشغول بشغل وماموريات وسفر وحاجات كده هوه بيدرس وقالى قبل ما نتجوز عايزك تقفى جنبى لحد ما اخد الدكتوراه تعبت وسفرت واستحملت بعده عنى وعن ابنه وبنته كتير قوى ونفسيتهم تعبت وانا كمان لكن دلوقت بعد ما حصل على الدكتوراه هوه برضه بيسافر كل شويه يسافر ويسيبنى انا والاولاد لوحدنا ونروح عند ماما وطبعا صعب حد يستحمل بنته واولادها مده كبيره واهله بعيد عنى وصعب انى اقعد مع اتنين صغيرين لوحدى برضه مش عارفه اعمل ايه وياريت بيسافر علشان ماديات لا ده بسافر علشان يتعلم كل مره يخترع حاجه جديده هيتعلمها ومكان شغله بيسفره مره واحده بس على حسابه وباقى السفر على حسابنا وهوه مش ميسور الحال يعنى كله سلف ودين وانا مش عارفه اعمل ايه انا متجزتيش علشان اقعد عند ماما باولادى ولا اتجوزت علشان افضل مزنوقه بسبب تعليمه ده بيروح الشغل ويجى يقعد على الكمبيوتر لحد ما ينام ويقوم يروح الشغل انا تعبت وزهقت ولما بكلمه بيقولى ظروف شغلى كده مش عارفه اعمل ايه حد يقولى انا غلطانه وانا هرضى بالامر الواقع بس مش عارفه
مشاكل الازواج
جوزى مهتم بشغله اكتر منى
اضيف بتاريخ: Thursday, September 20th, 2012 في 12:50
كلمات مشاكل وحلول: الحياة الزوجية, متزوجة
اختى المصونه انتى محقه فى كلامك وفى كل حرف قلتيه وبما انو عليكى واجبات ايضا ليكى حقوق وما اكثر حقوق الزوجه على الزوج لاكن الى كتير اوى من الناس ميعرفوهوش ان الانسان المشغول بالعلم دائما مبيكونش ملك نفسو وممكن يهمل حياتو كلها من اجل العلم ولو فكرتى فى يوم من الايام تهمليه زي ما الاخت جيهان قالت هيسبب ضرر عليكى وعليه لانى شايف ان اولى اهتمامتو العلم فاى حاجه تحصل مستحيل هتاثر عليه ممكن يتاثر يوم واتنين وشهر لاكن بعد كده هيرجع اكتر من الاول وده قدر الانسان الى بيحب العلم انتى قلتيها بنفسك بيستلف علشان يروح يكمل تعليم ويتعلم حاجه جديده وكمان انا مش مع الاخ الى بيقارن زوجك بسيدنا ابراهيم عليه السلام لان سيدنا ابراهيم اخد الاذن من ربنا مش من دماغو وكمان انتى مش السيده هاجر الامر مختلف تماما ___ طيب الحل ايه؟؟؟ الحل بئى انك تحسسيه انك واقفه جنبو ولازم تخليه يعرف ان بيت ماما معدتيش هتدخليه تانى وكمان مينفعش اقعد بالعيال لوحدى ممكن حد يدخل علينا اكيد هيقولك منا باعمل كده علشان نرتاح فى الاخر قليلو وانا كمان مقدره ده لاكن كمان انت لازم تشيل معايا مسئولية العيال وتربيه العيال ويوم متسافر نسافر مع بعض ولما ترجع نرجع مع بعض انا مبقدرش اقعد من غيرك اكيد وقتها هيفكر الف مره فى حل جزرى لاتمام الحياه السعيده الى تجمعكو مع بعض لاكن هارجع واقولك ان طالب العلم غير طالب المال والشهره وانا بشوف ان ربنا حطك فى اختبار صعب اوى عليكى لاكن انا كمان من خلال قرايتى لرسالتك وعقلك المتزن فى الكتابه احس انك ممكن تتحدى الصعاب و وتقفى على ارض صلبه وربنا يوفقك لما فيه الخير ان شاء الله
أبشر أختي
وأحمد الله وتذكري زوجة سيدنا ابراهيم هاجر عندما تركها مع ابنه اسماعيل عليه السلام
ولا تنسي أن زوجك هذا رجل صالح ومدام لا يشرب الخمر ولا يخونك فهذه رحمة
فماقول التي يخونها زوجها ويشرب الخمر ويضربها
أما الحل أختي توجه الى الله وأستغفريه وان تعدوا نعمة الله لن تحصوها
حاولى انا تتجاهلى كل تصرفاته واعملى مثل ما بيعمل بالظبط حاولى ان تهتمى بنفسك واولادك بعيدعنه فترة ولا تتكلمى معه فى هذا الموضوع مره ثانية حتى يحث ان ما يفعله لا يهمك وهذا لنفسه فقط ومادام هو كذلك انتم ايضا بعيدين عنه تمام حتى يحث انه سوف يفقد اهتمامكم ورعايتكم له ويصبح وحيد بدونكم فيرجع ان شاء الله الى رشده والله الهادى والمستعان
والله بجد الحل انك تعملى معاة وقفة بالاصول وعاشرنهن بالمعروف وسيدنا النبى قال ان الزوجة لها حقوق على زوجها وبدل السفر مالوش مقابل يبقى الاولى انة يقعد فى وسط عيالة واصف لو كان فى كلامى شىء ضايقك