مشاكل الازواج

زوجي لا ينسى الحب الاول بعد 10 سنين خطوبة وزواج

انا مشكلتي انا كنت بنت في ٢ ثانوي وتقدم لخطبتي شخص خلوق محترم ومرح جدا وملتزم ولايترك الصلاه في المسجد، وكان زواج صالونات عن طريق امه واخته.

عدت الايام وتزوجنا وهو اكبر مني بـ ١٢ سنة، وبعدها عرفت انه كان رافض الزواج نهائي بسبب حبه الأول لبنت كان يعرفها ايام الجيش لمده ٧ سنوات، وتقدم لخطبتها كثيرا ولكن الرفض كان من والدها لكن مامتها واخوتها كانوا مرحبين، وتزوجت من ابن عمها وهو من شده الحزن ترك البلد وسافر دولة تانيه، وكان مقرر انه مش حيرجع تاني ولكن حصل مشاكل له في الغربة ورجع.

وكانت والدته واخته كل ميروحوا لعروسة ميرضاش يروح يشوفها، لحد مجه النصيب وجولي ووافق يجي معاهم.

وبعد الزواج عرفت كل ده ولقيته عامل على الفيس بوك بحث على اسمها واسامي أخواتها ولما سألته قالي انه لسه بيحبها ومش عارف ينساها، وقالي انها قبل فرحنا رنت عليه وقالتلو انها سمت ابنها على اسمه وهي على استعداد تسيب جوزها ويتجوزها، وحتعيش خدامه تحت رجلين امه وبتشتكيلوا من جوزها انو بيسبها قاعده لوحدها وبيقعد مع مامته وهو قالها شوفي حد يحللك مشكلتك من قرايبك وقالها انا كاتب كتابي.

وهو حنين وطيب ومش مخليني عايزه حاجه على قد دخله الي معاه، وانا عمري م طلبت منه حاجه خالص.

اوقات بيكون كويس واوقات كتير عصبي جدا لدرجه اني مبردش خالص وبخاف منه اوي وعصبيته دي على اتفه الأسباب، وليل نهار يضرب في عياله.

احنا دلوقتي عندنا بنتين ٦ سنين و ٤ سنين، المشكلة انو لما بيبقى معايه في المعاشرة الزوجية بيتخيلها هي مش انا.

لما لقيتوا عامل بحث عنها واتكلم معاه وقلتلو اتكلم بكل صراحة وسألته انت لسه بتفكر فيها قالي اه ولو اتجوزت تاني مش حتجوز حد غيرها، قلتلو لما بتبقى معايا بتخيلها هي قالي بصراحه ايوه.

وليل نهار اغاني فراق انه غصب عنهم هما الاتنين وبيقولي اناعارف انها بتتألم وبتتعذب زي ما انا بتعذب واكتر، احنا اول مره شوفنا بعض متكلمناش عينينا هي الي كانت بتتكلم.

وبيقعد يوصفهالي ويقولي لما روحنا نخطبها كانت لابسه كذا وعامله شعرها كذا.

وهو سايبها من سنين ولحد دلوقتي بيفكر فيها احنا خطوبه ٣ سنين وجواز ٧ سنين، وعصبي لدرجة محدش يتوقعها وأغاني فراق.

انا عايزه حل للمشكلة، ومعلش طولت عليكو لاني عندي دلوقتي ٢٧ سنة وهو اكبر ب١٢ سنة وحاسه اني بموت بلبطئ😥😥😥😥😥

مشاكل وحلول ذات صلة

اضيف بتاريخ: Wednesday, October 13th, 2021 في 19:16

كلمات مشاكل وحلول: , , , ,

اترك رداً أو حلاً لهذه المشكلة