السلام عليكم اريد لا اطيل عليكم فى البدايه انا زوجى بيحبنى جدا انا بحس كده وكل اللى حوليا ولكن هو من وهو شاب دائما كان بيدخل على النت وشات وبيكلم بنات وسيداتواتعود ع كده بعد كده ارتبطنا ببعض واتزوجنا فى البدايه هو حاول ومنع نفسه لكن بعد كده دخل النت البيت واصبح النت مشكلة حياتنا سبت البيت كتير بسبب الرنات ع الموبايل وما الا ذلك ولكن بلا جدوى انا متاكده انه بيحبنى وهو مش بيقدر ان انا ابعد عن البيت بس اصبح النت والشات عاده سيئه مثل التدخين هو مش قادر يقلع عنها مع ان انا اتجاهلت الموضوع ده كتير ع سبيل ان الممنوع مرغوب انا عاقله اوى عارفه انه بيكلم عليا بس بعمل نفسى مش اخده باللى وهو يقوللى بحب اتكلم بحب اوصل اى ست انها تتكلم معايا فى >ويقول الميزه مش فى اكل السمك الميزه فى صيده ووالله والله انا مش مقصره معاه فى اى حاجه خالص وهو معترف بذلك تماما
مشاكل الخيانة الزوجية
زوجي يحبني ولكن يخونني على النت
اضيف بتاريخ: Tuesday, October 25th, 2011 في 21:35
كلمات مشاكل وحلول: الانترنت, النت, مشاكل زوجية
انا عندي نفس المشكله لكن زوجى بيكذب علياوبيخبي عليا انه بيكلم بنات على الشات ولكنى عرفت وواجهته ولكنه مش بس بيكلمهم على الشات وبس وفي التليفون انابجد مصدومه فيه وجرحنى اوى ومش عارفه اعمل ايه ولا عارفه اتجاهل الموضوع
ادعيله ,, الدعاء يرفع البلاء
والله ما بيعمل الحاجات دى الا الراجل اللى فعلا معندوش ثقه فنفسه بنبئه حاطنهم فعيونا وعاملينهم ملوك الارض فوق روسنا ونكون شايفنهم جنة ربنا على الارض ولما الوحده فينا تعرف بس حاجه زى دى فلحظه بيتقلب فعنيها بيبئه القرد احلى منه الف مره_لا بنبئه قادرين نحترمهم تانى ولا نرجع صورتهم الحلوه فعيونا تانى_ ولا بنحس لحظه بالحنان معاهم ولا السعاده _لو يعرف كل رجل ان حب الزوجه لا يساويه اى نزوه فالعالم لكان كل رجل فكر الف مره قبل ما يجرح زوجته_ويا ويلك ايها الرجل من رد الغدر بغدر
انا مشكلتى تشبه لمشكلتك ولكن الله المستعان
اجب اقول ديل الكلب عمره ما يتعدل. قولى بس حسبى الله ونعم الوكيل . مش ح اقول انا اكتشفت ايه من زوجى من خيانة وقرف وصوت وصور . ومش عارفة ان كان بطل ولا لا. بس ربنا قادر ياخد حقنا منهم .
. قولى . وافوض امرى الى الله
هذه المشكله تواجه اناس كثيرون وعلاج هذه المشكله لابد وان تملائى الفراغ الموجود بداخل زوجك وسد احتياجاته لان يتحدث مع احد غيرك فالرجل منا يحتاج الى تغيير لان المرأه اذا وقفت عند حد معين فان البيئه الخارجيه المحيطه بالرجل تتغير باستمرار ونحن معشر الرجال نحب ان يتجدد كل شئ فى حياتنا كل فتره قليله من الزمنفغيرى من طريقة مداعبتك له اجعليها اكثر جاذبيه غيرى فى مظهرك اجعليه كل يوم يراكى انسانه اخرى غير التى اعتاد عليها واتمنى لكى التوفيق واتمنى له ولى الهدايه
انا واجهتنى نفس مشكلتك بكل مافيها
وانا بنصحك انك ماتسبيش البيت ابدااا لانك كده هاتديه فرصه اكتر وبالطريقه دى مش بتحلى المشكله دا كده بتعقديها حاولى تتجاهلى الموضوع واكيد هو هايراجع نفسه وهايعرف ان الا بيعمله ده كله غلط فى حقك والله عن تجبه صدقينى وان شاء الله ربنا يهديه
ودايما ادعى وقولى اللهم اجعلنى ماء عين زوجى ودفئ حياته
اكيد مليون % هو حاسس بنقص في شيء ما بالكلمة الحلوة بالدلع بالاشتياق ويوجد بعد الازواج يحبون الشتيمه مثل انته ياد بس يا رخم اشياء من هذا القبيل وصلى وادعيلوا بالهداية
اكيد جوزك ما هيقلك انك ناقصك حاجة او مقصرة في حاجة خليكي ذكية و شوفي البنات الي بيتكلمو معاة بيكلمو في ايه و كلميه انتي في و بكدةهيكون مش محتاجلهم و هيبطل يدخل على الشات تاني و ما تسيبيش البيت و لا تزعلي منو لانو بكدة انتي ممكن تعملي فجوة بينكو
حاولى معاه بالكلام والحجاتالا تشده ليك و تنسيه النت وديما اضغطى عليه للصلاه والتقرب الى الله اكتر صلو واهتمو بالصلاه ان الصلاه تنهى عن الفحشاء والمنكر صلو وادعى كتير ربنا يهديهولك / المحامى
عليكي بكثرة الدعاء إلى الله
أسأل الله أن يهديه
لا حول ولا قوة الا بالله هو في رجل يحب امرأة هيك حب شو هاد هيك بيقلل من كرامتك ومش محترمك ولا هامو شي غير حالو ..الله يكون في عونك حبيبتي والله يوفقك ويهديلك زوجك
اانتى عظيمه اوى وعقلانيه جدا وفعلا هو بيحبك لاكن انتى كمان لازم تقفى جنبو وتساعديه لانو فعلا اصبح مدمن شات مش مدمن نت لان النت عليه كل شي مش شات وبس عليه تفسير القران عليه غزوات الرسول عليه كل المجالات انتى كمان لازم تدخلى النت قدامو وتدخلى على اى منتدى وليكن بالقراءة عن غزوات الرسول وتبتدى تشركيه معك فى الحوار بمعنى تسئليه يعنى ايه غزوه يعنى ايه سريه ده من خلال قرايتك للموضوع المكتوب وقتها هيستجيبلك فى الحوار وهينشا بينكو حوار ممكن يكون الحوار بينكو معدوم لانشغالو بالنت لاكن بكده هتبتدى تشاركيه فى الحوار معك هو من جهه هيستفيد ومن جهه هيعرف انك مهتمه بيه وبالقراءه فى شتى امور الدين شويه شويه هتلاقيه متعلق بامور الدين علشان لما تسئليه سؤال يقدر يجاوبك عليه المهم انتى تخليه يقلع عن الشات تاتا تاتا مش علطول والا هيكره وجودك معو وهيكره اى حوار يدور بينك وبينو وخليك ذكيه فى تعاملك معاه لانو فعلا يحبك بس فيه ادمان شات محتاج علاج من انسانه حكيمه بتصرفاتها وقتها انا متاكد انو هيترك الشات لانو وجد موضوع اهم بكتير من الشات محدش دلو عليه من قبل وربنا يوفقك ويهديلك حبيبك وشكرا