مشاكل الازواج

استحملت فضايح زوجي لكنه بيطلب مني اشياء غريبة

انا على قدر من الجمال وشكلى لايوحى بسنى الحقيقى يتيمه الاب والام ولا يوجد بيت اب واخوتى كلهم سيدات غير مستعدين لحل اى مشاكل ولا استقبال احد ضاقت به الدنيا معايا اربع اولاد جوزى بيحبنى لكنه مش طبيعى اولا ادمن المنشطات الجنسية واللى طبعا افقدته فيما بعد الاحساس وكمان اخد قروض من البنوك لمجرد انه عاوز يركب عربيه المهم عشت معاه ايام سودا مليانه بالديون كل الناس عاوزة فلوس منه بسبب المنشطات الجنسية و البنك بياخد مرتبه كله وباع شقه الزوجيه عشان يسد شويه من ديونه وطبعا مفيش فلوس للاكل حتى وعرفت انه كان متجوز عليا من ورايا ومخلف بس لما عرفت طلقها فى ساعتها وعيط كتير عشان متخلاش عنه فى محنته
واسامحه وكمان بعد كل الفضايح اللى اتحملتها معاه مع انى اصغر منه بكتير ومرغوب فيا كتير لكن انا بتقى الله وببص لعيالى ومصلحتهم وبس بعد كل ده لقيت زوجي ديوث و يطلب مني اشياء غريبة وكمان عاوزنى اتكلم فى الجنس مع الشباب على الشات وعاوزنى اتعرف كمان على رجاله طبعا اتقهرت من حزنى وبيرجع يقولى انه يقصد نتسلى يعنى طبعا انا مش طايقاه نهائى ولا معتبراه راجل لانه خاين وديوس وجوعنى انا وولادى وفضحنا بالديون معنديش مكان لو اتطلقت اروحه ولا عارفه حصرف على عيالى منين ومش لاقيه حل اعمل ايه

مشاكل وحلول ذات صلة

اضيف بتاريخ: Sunday, January 9th, 2011 في 19:07

كلمات مشاكل وحلول: , , , , , , , , , , , ,

30 رد to “استحملت فضايح زوجي لكنه بيطلب مني اشياء غريبة”

  1. الفهدالاسود
    19/03/2016 at 10:45

    اختي الفاضلة كان الله بعونك نشاءالله مش عارف انتي وافقتي على الزواج من هذالرجل الفاسق الفاجر الحقير الخبيث ازاي ليه ماسالتوش عنه وعن اهله تلك العيلة القذرة المنحطة قبل التدبس والوقعة السودة في الزواج منه حتى لوكنتي يتيمة الابوين ومامعك اخوان رجالة وكل اخواتك سيدات كان الاحري باخواتك وبك انتي تسالوا عن هذالحيوان واهله وتعرفوا حقيقتهم قبل القبول بالزواج منه اظنك اتغريتي بانه غنى وعنده فلوس واغراكي بالهدايا والكلام المعسول المبطن وصدقتيه يامغفلة او عملتي معه الفاحشة قبل الزواج وخفتي انتي وهومن الفضائح وقلتي اتزوجه وعارفة فساداخلاقه وتربيته المنحطة لاجل تداري الفضيحة معه كل الشواهد والبراهين توكد ذلك والا مافيش عاقل يصدق انك قبلتي بالزواج منه دون التحري والسؤال عنه وعن دينه واخلاقه وتربيته ولاعن اهله ماعلينا من الماضي خلاص انتهى نحن الان اولاد النهاردة لازم تعرفي انه لاطاعةلمخلوق في معصية الخالق ابدا ومايطلبه هذالزوج السافل الديوث مخالف للدين والاعراف وكل القيم ولااحد يرضى به على الاطلاق يريدك ان تكوني عاهرة وزانية لاجل اشباع رغباته المحرمة والمريضة ومش بعيد يتاجر بك ويخليك سلعةرخيصة يعرضها على من يريد المتعة المحرمة ويكسب من وراء ذلك الاموال الطائلة لابد من تطلبي منه الطلاق حتى لوكان عن طريق الخلع لفساد دينه واخلاقه ولما يفعله من تصرفات محرمة لاترضي الله عزوجل اصري على طلب الطلاق منه واخبري عنه الشرطة كي ينال جزاءه الرادع وانه يتعاطي المسكرات والخمور ويريدمنك معاشرة الرجال وان تكوني زانية ولاتخشى من تهديده لك بانه سوف يشوه وجهك اذا تطلقتي فهوشخص جبان ومعتوه ومريض ولايقدر يعملك اي شي تخلصي منه لابارك الله فيه ولااكثر من امثاله من اشباه الرجال فهذا ليس براجل ولاعنده من الرجولة شي حرام ان تبقى ساعة معه اوتعيشي معه لك رب كريم يتولاكي انت واولادكي ولن يضيعكم ابدا من ترك شئيا لله عزوجل عوضه بخيري الدنياوالاخرة توكلي على الله واطلبي الطلاق من هذالحيوان السافل الديوث وعيشي بكرامةوعزةنفس انتي واولادكي ونشاءالله ربنا بيكرمك بالزوج الصالح اللي يخاف الله ويتقيه ويقدرظروفكي ويصونك وتلاقي السعادةوالخيروالهناءوراحةالبال معه في حياتك

  2. ابواميرة
    10/12/2013 at 17:49

    لاحول ولاقوةالابالله العلي العظيم اختي الفاضلةالمعذبة تالمت وتقطع قلبي وانفطر لهول ماسمعت ولكنني اتسال انتي يتيمة الابوين هل يوجد لك اعمام اوخوال اوخالات اذهب لعند احد منهم وعيشي بكرامتك وعزةنفسك وارفع قضيةعلى اللكلب الديوث السافل المنحط الحقير زوجك هذا واتهميه انه بتاع مخدرات وديوث واكيد له سوابق ومن ارباب السجون ونشاءالله يقبضواعليه ويخلصوك منه بسلام واوعك تضعفي اوتتهاوني معه لازم تكون شجاعةوقوية وصارمة عشان تحمي نفسك وواولادك من شر هالديوث الفاسق المنحل ربنا ياخذه اخذ عزيز مقتدر وينتقم منه في الدنيا وله في الاخرة عذاب كبير واياكي والتساهل معه اوسماع كلامه اوالخوف منه تاكدي انه جبان وحقير مايقدرش يعمل لك حاجة بس عاوز يهددك علشان تنفذي افعاله الشيطانية المحرمةويستغلك في اعماله القذرةالرخيصة واسال الله رب العزةوالجلال القوي الجبار المنتقم ان يخلصك منه على خير وان يحفظك انت وولادك ويسترعليكم ويعوضكم بكل الخير وحسبنالله ونعم الوكيل

  3. ابواميرة
    16/12/2012 at 21:14

    انت ايه اللي مقعدةلغاية دلوقت مع الحقير الواطي الديوث هذا اطلب الطلاق لاجل كرامتك ومن اجل ولادك حرام تجلسي وتعاشري هذاالسافل المنحط القذر

  4. قصة الامس
    11/05/2012 at 18:28

    و الله ما نقول الا ما يرضي ربنا حسبنا الله ونعم الوكيل . لو انا نعمل بالدين شوي ما يصير هيك فينا . يقول الرسول صلى الله عليه وسلم ( من جائكم ترضون دينه و خلقة فزوجوه فان لم تفعلوا تكن فتنة في الارض و فساد عظيم ) بمعنى لما ياتي احد ليتقدم لفتاه ما تنظر الى السيارة و كم من النقود معاه او انه جميل و شخصية و كل البنات تتمناه لان ذلك يؤدي الى ما الت عله تلك المراة التي حطمت قلبي بقصتها بل ننظر الى كم هو يخاف الله و يتقيه . اذا كان الزوج يتقي الله فان حب زوجته اكرمها و ان لم يحبها لم يظلمها . هذه هي اصول ديننا و الله الموفق للجميع و اسال الله العلي القدير ان يرحم تلك المراة المقهورة و الخزي و العار لهؤلاء الرجال امثال زوجها .

  5. الفارس
    20/01/2011 at 08:40

    اختي الفاضلة يعلم الله اني تاثرت برسالتك جدا وكادت عيني ان تزرف الدموع من ردك التاني وانا اقول لك تحملي بكل قوة واصبري وسوف يعوضك الله تعالى جزاء صبرك وايمانك وما أنت فيه الا امتحان قد رسب فيه كثيرات غيرك فاصبري واشغلي نفسك بتربية اولادك واجعليهم يتحملوا المسئولية معكي في محنتك بالعمل الشريف ولا تطلبي الطلاق لأن الطلاق لن يحل مشاكلك بل يسزيدها تعقيدا فتحملي والله سوف يريك خيرا قريبا باذنه تعالى وانا سوف ادعو لك كلما تذكرت مشكلتك وسوف ادعو لك اليوم في مكة المكرمة فانا مصري اعيش في مكة المكرمة واقضي كل يوم خميس في الحرم المكي الشريف والله يرفع عنك ما انت فيه وسوف اجتهد في الدعاء لك اليوم باذن الله تعالى والله معكي .

  6. أمير القلوب
    18/01/2011 at 07:00

    لو فى حد مقتدر متدين يوافق يتجوزك ويستر عليكى وتتطلقى من جوزك دا لأن أصلا مينفعش تعيشى معاه انتى قادره ازاى تعيشى ربنا يكون فى عونك ويقدرك على اللى انتى فيه لكن صدقينى لازم تبعدى لأن أولادك لو نشئوا فى البيئه دى اعتبريهم ضاعوا
    بالتوفيق ان شاء الله

  7. صاحبة المشكلة
    17/01/2011 at 05:56

    واوالله دعائكم ليا ولاولادى ابكانى وحسيت ان فيه امل فى الحياه بس الاخ حماده انا والله مستسلمتش للظروف انا اشتغلت تطريز ملابس افراح فى البيت لحد ما العمود الفقرى اتاثر وشغلت اولادى الصبيان اللى فى الاعدادى عشان اقدر البى الاحتياجات الضروريه ومكنتش الفلوس بتكفى الالتزامات الايجار والمدارس والاكل والنور انا مكنتش مستنيه حد يحل مشكلتى لانى اصلا مقدرش احكيها لاى حد بس بصراحه انا ضعفت لما بعد كل ده الاقى نفسى محاصره مش قادره اطلق واسيب عيالى لانى مضمنش ايه حيحصلهم انا مره مشيت من خنقتى ومكنش فيه مكان اروحه اعدت فى الشارع وبعدين روحت تانى لقيت عيالى بياكلو عيش معفن ولا انا قادره اسيبهم ولا قادره اكفيهم ولا عندى سكن يلمنا ولازم اتحمل اعيش مع انسان عاوزنى اشرب خمره وامشى غلط واتكلم فى الجنس مع الشباب واعمل علاقات بالله عليك يا اخ حماده اللى انا فيه ده كله ميخليش اى انسان يضعف انا ضعفت لكنى مستسلمتش ولا غضبت ربى ولا قصرت مع ولادى ولا فضحت جوزى عشان نفسيه عيالى متتاثرش انا حبيت اوضح انى مكنتش مستنيه حد يحللى مشاكلى وانى مقصرتش الا فى حق نفسى وانا مجبره على كده اشكركم كلكم بجد حسيت ان الدنيا لسه بخير وان فيه حد حاسس بيا جزاكم الله خيرا

  8. سلمى
    14/01/2011 at 18:41

    خليكى صابره واوعى تعملى ذى ما بيقول اوعى خافى ن ربنا خليكى على موقفك ولو والدك كان ليه معاش وانتى مطلقه ممكن تاخذيه من حقك وحسبى الله ونعم الوكيل ربنا يصبرك ويرحمك من هذا الزوج ابعدى عنه لانه مش غيور على اهل بيته ومش هيخاف عليكى ولا بيحبك وراعى ولادك هما دول كنزك الحقيقى

  9. etqan
    13/01/2011 at 10:16

    اسأل الله العظيم رب العرش العظيم ان يرفع عنك الهم والحزن وان يفرج همك وييسر امرك ويجعل لك من مخرجاً انه ولى ذلك والقادر عليه وتقربى من ربك واطلبى منه فى سجودك والحى فى الطلب وابكى بين يدى ربك وان شاء الله فرج الله سبحانه وتعالى قريب جدااااااا واكثر قربا مما تتخيلى وادعو الله سبحانه وتعالى ان يثبتك على الحق وان يحفظك ويحفظ اولادك وان يرد زوجك الى دينه مردا جميلا ان على كل شئ قدير اللهم امين امين امين

  10. ابو الوفا_الاقصر
    13/01/2011 at 09:08

    اهم شئ من راي المتواضع بين الزوجين انه لازم يكون فى احترام متبادل من الطرفين وحب وغيرة لبعضهم. لكن للاسف انتى نصيبك كده تتجوزى انسان ميعرفش ربنا ولا يخاف الله فيكي وده طبيعي من شخص لا يعرف حقوق الله ولا حقوقك انتى ولا حتى علي الاقل حقوق ابنائك بس ياريت يا اختى تروحي فعلا لشيخ او انسان يعرف ربنا كويس اوى وان شاء الله ربنا هيكرمك عشان انتى باين عليكي ست طيبة ومحترمة وعلي خلق ورجاء خاص ان تحافظي علي نفسك من زوجك ومن كل ما يأمرك به عشان علي الاقل اولادك لما يكبروا ان شاء الله يبقي ليهم ام صالحة وكويسة ميبقاش الاب والام مش كويسين ….وربنا يسترك انتى واولادك ان شاء الله ويحافظ عليكي

  11. عيون عربية
    12/01/2011 at 23:56

    اختي الكريمه ان الله يختبرك في هذه الحياة الدنيا ليرفع درجاتك في الاخرة فلا ترسبي في الامتحان وكوني ثابته قوية لا يزعزع ايمانك أي شئ واعلمي ان الله لا يغير ما بقوم حتى يغيرو ما بأنفسهم فزيدي من قراءة القران وقيام الليل وادعي الله ليل نهار حتى يرفع الغمة ,,,, ولاتظلي واقفه مكانك وتنتظري الحلول جدي الحل بنفسك اما قضية ترفعينها او اهل خير يقفو بجانبك ابحثي وابحثي وستجدين .. وسيجعل الله لكي من كل هم فرجا ومن كل ضيق مخرجا وحاذري ان تقعي في الفتنة .. وتأكدي انه عندما تنتهي تلك المحنة ستكونين اقوى من ذي قبل وسترين أي مشكلة بعد ذلك هينه مهما بلغت ذروتها وستكونين اقوى بالله اصبري وصابري عافاك الله مما ابتلى به غيرك امين

  12. ♣♥♣ فارس ♣♥♣
    11/01/2011 at 00:26

    لااله الا الله * لا اله الا الله * لا اله الا الله * اللهم افرج همها و كربها * واجعل من امرها رشدا * وعجل اللهم بقدرك حتى لا تقترف اثما تعاقبها عليه * واعنها على قضاء حوائجها برحمتك يا ارحم الراحمين * اللهم انزل عليها مائدة من السماء تنقذها مما هيه فيه * اللهم يا مقلب القلوب خد بيديها الى رحمتك وعفوك ورضاك * اللهم يا رازق الطير فى السماء ويارازق الدود تحت الحجر ارزقها رزقا حلال يرضى وجهك الكريم * اللهم انقذها مما هيه فيه * اللهم انها لجات الينا للنصيحه ولجات اليك بالوسيله فابعث لها من ياخد بيدها لناصيتك ويكون عوضا لها عن اخواتها اللائى لا حيله لهن وعوضا عن زوجها * يارب عجز عقلى عن حل لمشكلتها فكل الابواب مغلقه فى وجهها وبابك للخلقك لا يغلق فجند لها ياربى من ينقذها مما هيه فيه *** اختى الغاليه فى حالتك انتى بالذات لا ترفعى شكواكى الا الى الله فهو نعم المعين وكل ما عليكى تتبعه هو نصيحه الاخ نسيت عذابى ( فقلت استغفرو ربكم انه كان غفارا * يرسل السماء عليكم مدرارا * ويمددكم باموال وبنين ويجعل لكم جنات ويجعل لكم انهارا * صدق الله العظيم

  13. توتا
    10/01/2011 at 15:55

    ربنا معاكى يا حبيبتى انا راى بردة زى الاخ اللى بيقولك تروحى لشيخ وتشتغلى وتعيش بحلال ربنادى مصيبة ربنا يعينك بس اوعى تقعى فى غلط انتى واضح انك بنت حلال ومحترمة ربنا معاكى

  14. اخ في الله
    10/01/2011 at 15:52

    يااااااااااااااه قلبي وجعني وحسيت بجرح شديد كلام والله ابكاني
    ايه البشر القذرة دي لا دين ولا اخلاق ولا رجولة يا رب ارحمنا يا رب
    انا فعلا مبقتش قادر استحمل من اللي بنشوفه و نسمعه
    و الله ربنا معاكي واياكي وطريق الغواية حتي لو فيها موتك هذه دنيا زائلة وغدا الي الله راحلون اصبري واستعيني بربنا وحاولي تدبري حالك بشغل ابحثي عن عمل بدون ان يدري
    لكن اختاري مكان كويس تقدري تعملي فيه ولما تجدي العمل اطلبي منه الطلاق ولا ارفعي خلع عليه
    شرعا يجوز الخلع
    و اشتغلي وخدي شقة ايجار جديد حتى وربي ابنك بعيد عن الداعر ده ربنا ينتقهم منه لو يعلم الله انه لن يهتدي اطلبي الطلاق وربك لن يضيعك الواحد بيتمنى يتزوج ويجد حضن دافي وزوجة يجد فيها كل ما يتمنى وناس اعوذ بالله ربنا ينتقم من الظلمة
    ربنا يثبتك حاسس بيكي والله ربنا يجعل لك مخرج واعلمي ان هذا ابتلاء من الله
    المهم حافظي على دينك وعلى نفسك مع ربنا مهما كان الثمن

  15. رضا
    10/01/2011 at 15:36

    حقول ايه غيراللي قالوه الاخوه غير ربنا معاكي،دوري علي شغل في البيت او بره البيت ،شغلي قرأن، روحي لشيخ، ما لكيش غير انك تحاولي معاه بالحسني والعزيمه، لما يشوفك وانتي قايمه تصلي الفجر وبقية الفروض يمكن يتكسف علي دمه ويفوق وخاصة انتي بتقولي انه بيحبك وطلق مراته عشانك ادللعي عليه شويه، انصحيه يروح لدكتور عشان ادمان المنشطات لانها اصل المشكله ،عليكي واجب كبير شغلي عقلك شويه يمكن تقدري تلاقي حل اخر لانك ادري بالظروف منا وممكن هدايته تكون بسببك والله بندعيلك عشانك وعشان ولادك الاربعه والسلام

  16. واحد من الناس
    10/01/2011 at 13:05

    معلهش اضافه لردكم السابق كل واحد قدم حل لهذه السيده وللاسف هيكون غير مناسب لمشكلتها هى من خلال كلامها ان هذا الرجل ديوس غير جدير انه يحافظ على عرضة يبقى هتئتمن عليهمين غيرة انه يحافظ على اولاده المشكلة مش انها تعمل بلاغ ولا تتقدم لمحكمة ولا شيخ علشان يشوفلها حل ولا واحد يحل مشكلتها ياجماعه الناس للاسف اصبحت كالزئاب البشرية
    انا بجد عايز اعمل اى حاجه تساعد هذه السيده ودرست الموضوع من كل النواحى لانها اسرة مش فرد لقيت الموضوع مش سهل زى ما اى حد متصور ده كيان اسرة باكملها يالله يارحمن يارحيم برحمتك استغيث

  17. 7amada
    10/01/2011 at 11:55

    سيدتي العزيزة،

    بصراحة مش عاجبني في كلامك إحساس الضعف والاستسلام والتفكير إن الآخرين ممكن يحلولك مشاكلك.

    إنزلي إشتغلي ولو شغلانة بسيطة واستري على نفسك وتأكدي إن الله لن يضيعك (من كان رزقه على الله فلا يحزن) ويمكن لو طلقت منه ربنا يرزقك برجل محترم ويكون ده أحسن لك وللأولاد.

    أما الزوج – فربنا يهديه على نفسه وعليكم.

  18. صاحبه المشكله
    10/01/2011 at 11:02

    شكرا لكل انسانحاول انه يساعدنى برايه بس عاوزة اوضح ان بعد الجواز فهمت ان اهل جوزى مش كويسين ولا حتى بيفكرو يسالو على ولادابنهمحتى لو عيانين وغير ان منهم النصاب ومنهم بتاع المخدرات يعنى مينفعش اكلم حد منهم وده غير انى حاليا ساكنه فى شقه ايجار جديد فى منطقه معرفش فيها حد خالص وهو هددنى انى لو سيبته حيشوهنى عشان منفعش اتجوز تانى ولو طلبت الخلع مع انى مش عارفه حعيش ازاى انا وعيالى البنتين والولدين ولا حصرف منين حيكون ايه سبب الخلع مينفعش ادمر نفسيه عيالى بان ابوهم راجل شاذ وعاوزنى امشى غلط ومؤهلى متوسط مهما اشتغلت مقدرش اوفر فى الشهر ايجار شقه ايجار جديد وتربيه اربع اولاد والله ما عارفه حل خالص غير (ومن يتق الله يجعل له مخرجا )صدق الله العظيم

  19. واحد وخلاص مش فارقه
    10/01/2011 at 02:31

    هو تقريبا عشان عارف انك يتيمه فبيعمل كده معاكي وعارف انك ملكيش حتة حلك الووحيد انك تشوفي اي شيخ ف جامع كبير او حتى تروحي الازهر وتقابلي شيخ هناك وتحكيله بالتفصيل كل ده وتقوليله انك طبعا مش عاوزه تغضبي ربنا وعاوزه اتطلق بس مليش مكان اروحه كل اللي عاوزاه شقه ااجرها وشغل اشتغله عشان ابني واطلب الطلاق وكده وهو اكيد هيعمل كده ان شاء الله طالما ملكيش حد تروحيله لأنك لو نزلتي من البيت كده من غير ما يكون ليكي حد كتير هيطمعوا فيكي ومينفعش تعيشي مع واحد اسف يعني ديوث متقبليش ابنك يشوف ابوه كده او يشوفك مع حد تاني وغير كل ده ربنا وانا اقترحت شيخ لأن الزمن ده الناس فيه وحشه اوي جوزك بيعمل كده لو قلتي لأي حد تاني ممكن يستغلك اكتر شيخ ازهر او جامع كبير هيبقى معروف وهيساعدك ان شاء الله وتشتغلي وربنا يساعدك يا رب متقلقيش طالما ع حق ومبتغضبيش ربنا خلاص وربنا معاكي

  20. الجزار
    10/01/2011 at 01:55

    سألتك بالله ان لا تسمعى كلام هذا الديوث وان تثبتى على إيمانك ويقينك بالله فهو لن يخذلك ابدا لوان الحى او المكان الذى تعيشين فيه به رجل صالح او إمام تقى يوفر لكى احتياجاتك ويحاول ان يكتب اسمك او اى من ابنائك فى جمعيات خيريه او لدى رجل مقتدر يصرف لكى واولادك مايعينكم بمنتهى السريه وحاولى تعرضى خيبه البيه جوزك على اهله يمكن يكون عندهم حل ؟؟وان كانت ظروف اخواتك كما ذكرتى فااهل زوجك ((للاسف ))اولى بيكى وبعيالك ///ياااااارب تثبتى وان شاءالله ربنا هايجعل لك من كل ضيق مخرجا

  21. شهرزاد
    09/01/2011 at 23:54

    مشكلتك صعبة ربنا معاكى حولي تشاركى اخواتك حولي تهددي باى حاجة يمكن ربنا يهدى

  22. نسيت عذابى
    09/01/2011 at 23:28

    إلى كل مهموم ومغموم ومكروب ومحزون ومديون ومظلوم ومسحور ومعيون ومريض وفقير وحيران
    قال تعالى فى صورة سيدنا نوح { فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }
    الاخت العزيزه اكثرى من الاستغفار وسوف يفرج الله همك ويجعل لكى مخرجا

  23. ابو سمير
    09/01/2011 at 23:25

    اختاه تحملى واصبرى فان بعد العسر يسر وفرج الله اقرب لكى من عملك وتعاونى معه على الخير وارشاده الخير والعمل الصالح وابعديه عن السيئه والعصيان فان تقبل كلامك فالحمد لله وان لم يتقبل فامرك لله ازهبى الى اقرب اقاربه واحكى له الوضع عسا ان يكون هزا هو الصالح له اختاه

  24. الصريح
    09/01/2011 at 23:13

    اعانك الله بجد دى مصيبة من مصايب الزمن كله يهون الا يكون ديوس اه من هذا المن العجيب كان الله فى عونك اعانك الله يا اختى العزيزة انا بجد اتشل تفكيرى مشقادر اقول اي رد
    غير ربنا ياخده مع انك هتزعلى من كلامى
    ربنا يصبرك

  25. الطائر الحزين
    09/01/2011 at 22:57

    السلام عليكم يا اختى اولا الله يعينك على ما بلاكى
    ثانيا ما فى شئ اسمه لو اطلقت هاكل واشرب منين ربنا بيرزق الدودة فى الحجر وكل انسان له رزق ازاى تسمحى لنفسك انك تعيشى مع انسان زى ده عايزك تتكلمى فى حاجات جنسية مع شباب ومرة على مرة هايشغلك فى الدعارة علشان يكسب من وراكى فلوس ده لا يمكن يكون راجل
    ثالثا لا طاعة لمخلوق فى معصية الله
    رابعا من ترك شيا لله عوضه الله خير منه
    خامسا اوعى تفتكرى انه بالطريقة دى هاتسدو الديون بتعتكم لا ده هاتزيد واضعاف اضعاف لانه الرسول صلى الله عليه وسلم قال بشر الزانى بخراب بيته لو بعد حين وده اضل من الزانى لانه بيفرط فى عرضه ازاى بتحبيه وهو الا لا يصون عرضه وقال رسول الله صلى الله عليه وسلم انه الله غيور يغار ان تزنى امته وانتى امته اتقى الله انتى اولا لا تسمحى له ان يفعل معاكى كدة ثانيا ا وحاولى ترجعيه لعقله لو ما رجع الطلاق احسن ليكى لانه خلاص كدة ممكن يبيعيك فى اقرب لحظة لا تامنى غدره ممكن يديكى اى برشام منوم ويدخل عليكى شخص ويصورك وبعدين يهددك ويخليكى تعملى اللى هو عايزه من غير ما تعترضى لانه خلاص بقى عبد للمال واللى زى ده لا يمكن ينصلح ابدا واى ذنب ها تعمليه ها ينقلب على اولادك بالمصايب والامراض الخبيثة لقدر الله لانه ربك ما بيظلم احد وما ربك بظلام بالعبيد لو ما رجع طلاقك احسن خليها على الله هو نعم المولى ونعم البصير وهاقولك على تجربة انتى المسى نار البوتاجاز لو استحملتى ابقى اعملى اللى انتى عايزاه مع العلم انه انه اعلى درجة حرارة فى الدنيا هى درجة تصهير الحديد والصلب ودى 3500 درجة مئويه وع العلم ايضا انه ال3500 درجة دى جزء من سبعين الف جزء من نار جهنم ولكن السبعين الف جزء دى اعدت لوادى اسمه وادى الزناه فى جهنم وهوعبارة عن قنينة مثل قنينة حرق الطوب ملقى فيها الزناه لو تقدرى تستحملى ده كله يبقى اتوكلى على الله واعملى اللى بيقولك عليه زوجك ولكن لا تلومى احد غيرك يوم العرض ان شاء الله يوم لا ينفع مال ولا بنون الا من اتى الله بقلب سليم يوم يفر المرء من ابيه وامه واخيه وصاحبته التى تاويه لكل يوم اذا شان يويه
    اتقى الله وارجعى الله الله وتقربى اليه بالتوبه وراعى اولادك حتى لو اشتغلتى عليهم فراشة فى مدرسة تمسحى وتكنسى او حتى فى البلديه اعظم عند الله من ان تعصيه وياستى الناس الل بيفعلو الخير كتير والدنيا لسة بخير وحتى لو اشتغلتى بوابة فى عمارة اهم شئ يكون حلال ولو ضاقت بيكىى الدنيا انا ممكن اشوف حد يساعدك ويعلم ربى انه لا رياء ولا مفاخرة وانا بتكلم على هذا المنتدى ولكن انا ممكن اساعدك فى اى شئ انتى تطلبيه وربنا يعينك ويصبرك على اولادك ويجعلهم رابحين ومسلمين لله ويبعد عنهم اولاد الحرام بس انتى تضرعى لله بالدعاء وهو سوف يلهمك الصواب

  26. حبيبة الرحمن
    09/01/2011 at 22:38

    لو هاتشتغلي في البيوت اكرم من زوج واطي صدقيني ربك مابنساش حد انتي ارفعي قضيه عليه انه بيطلب منك اشياء وقحه وانه ديوث واثبتي للمحكمه باكده وليكي نفقه وليكي كل شي لانك ام قصر اللي يعرض او يطلب من مراته انه تكلم شباب بكره وبعده هايجبهم البيت وتبقه مصيبه سوده لو عندك منه بنات

  27. شهرزاد
    09/01/2011 at 22:00

    مشكلتة بجد صعبة ربنا معاكي حولي تشاركى حد من اخواتك يحس بيكي اطردي من البيت واجبري يصرف عليكى وعلى ولادك انا عرفة ان انا حلي مستحيل بس حولي نوع من لوى الدراع انا معنديش امل ان زوجك حالة يصلح دة نوع شاذ ومش راجل ولا امين عليكى

  28. فاعل خير
    09/01/2011 at 20:08

    أعتقد ياسيدتى لو حقيقى ما تقولينه عن هذا الرجل فليس هناك حل إلا الطلاق لأنك بالطريقة دي ممكن تخسرى نفسك وطبعاً ربنا ، وتذكرى أنه لا طاعة لمخلوق فى معصية الخالق ، والأرزاق على الله

  29. هوان الحب
    09/01/2011 at 19:30

    الحقيقة ربنامعاك ويصبرك وواضح انك ست محترمة وتعرفى ربنا تمسكى بدينك ولا طاعة لمخلوق فى معصية الخالق بس انت ما قلتيش تعليمك ايه لان مشكلتك حلها انك تشتغلى ويبقى لك دخلك حتى لاتكونى ضعيفة0واذا طلب انك تقعدى على النت او تكلمى شباب ارفضى رفض قاطع وهدديه انك هاتفضحيه امام اهله او اى حدبيعمل حسابه انت طبعا تهدديه فقط بلاش تنفذىالا لو زاد فيها قوى وكترى تشغيل القرآن فى البيت وبالذات فى وجوده وفهميه انك افضل لك تموت من الجوع ولا تعملى الغلط اللى يغضب ربنا0

  30. محمد شهريار
    09/01/2011 at 19:19

    بسم الله الرحم الرحيم
    ومن يتق الله يجعل له مخرجا ويرزقه من حيث لايحتسب
    ومن يتوكل على الله فهو حسبه ان الله بالغ امره
    قد جعل الله لكل شىء قدرا
    صدق الله العظيم
    فوضى امرك لله وعليكى بالدعاء والتقرب الى الله
    واياكى ان تجعلى من الظروف جسرا الى الهاويه
    حافظى على نفسك وعيالك
    وربنا يهديلك جوزك

اترك رداً أو حلاً لهذه المشكلة