انهاردة جبت النتيجة اول سنه في كلية اداب واكتشفت اني شايلة مادة، مش كدة وبس التقدير مش حلو، ومش عارفه اعمل ايه خصوصا مقولتيش لاهلي.
انا حقيقي مضايقة ومخنوقة ومش لقية حل، وساعات بقول قولي وساعات اقول لا هيزعلوا لو قولت، ومش عارفه اعمل ايه.
انا اه قصرت بس مش لدرجة دى اني أشيل مادة، وببص علي اللي مكنوش بيفتحوا كتاب وعدوا بتفوق.
انا مش عارفة اعمل ايه، التفكير هيموتني جدا
الانسان لما بيمر بمشكلة بيعاتب نفسه زيك وبيحتاج الدعم من حبايبه مش العتاب , الطبيعي تصارحيهم وتقولي انك قصرتك بس مش للدرجة دي وانك هتشدي حيلك بعد كدة وتوعديهم , والطبيعي انهم يزعلوا بس يدعموكي وينصحوكي وتتقبلي منهم, لو الوضع عندك مختلف تماما وهما هيضايقوكي زيادة فعادي متقوليش بس ده مش الأفضل, انتي أهم من التقدير ومن النجاح صافي , الدنيا مش هتقف, واما نيجي نموت مش هنقول يا ريت كنت عديت صافي , ازعلي بس بدون ما تيجي علي نفسك وحاولي بطريقة مختلفة وفعالة واهتمي بكل مادة انك تعرفي الامتحان بييجي ازاي عشان متبقيش بتذاكري في حتة والامتحان في حتة تانية.