مشاكل الخيانة الزوجية

صدمات متتالية واخرها خيانة زوجى

انا سيدة ابلغ نت العمر 34 عام يتيمة الاب والام توفى ابى وعمرى 15 عام كانت الصدمة الاولى لى انتقلت فى العيش مع اقارب امى المتوفى وانا ابلغ من العمر عام ونصف طبعا تزوج ابى من امراة اخرى علشان ترعانى لكن ربنا يسمحها عليعملتة فية من ضرب واهانة كنت خادمة فى بيت ابى طبعا هو مكنش يعرف علشان كانوا مفهمنى انها امى دى الصدمة التانية كمان المفاجة ان ابى مكنش مسلم اسلم علشان يتجوز امى بعد ما مات اكتشافت دة وانى مسلمة وكمان اهل ابى قطعة صلتهم بية علشان انا رجعت لدين امى واهلها ودة الصدمة التالتة طبعا انا اختصرت كتير من السنين والمشاكل والالم علشان متملوش بعد كدة كان نصيبى فى الزواج من رجل متزوج قريبة لية مريضة مع كثرة خطابى لانى الحمد للة على قدر من الجمال كما يقال عنى بس هو عرف يحببنى فية خصوصا انة عارف كل تفاصيل حياتى ومرت الايام وكان فيها الحلو والمر عادى زى اى حد والحياة كانت ماشية كويس جدا مع زوجة الاولى بل ان كل وحدة فينا بتحب التانية وكنا ساعات نتنازل لبعد عن الايام وبالاخص انا علشان مكونتش لسة انجبت ولما انجبت ابنى هى كانت بتحبة جدا وكان الاخوات اولادة وابنى بيحبوا بعضهم جدا والحمد للة الى ان مرضها زاد وتوفها اللة ودة صدقونى الصدمة الرابعة لانى فعا كنت بحبها اوى لدرجة انها كانت لازم تنعمل عملية خطيرة وكنت انا وهى نفس فصيلة الدم وعرفت ان فى امل صغير لو اجرت عملية من متبرع بفص من الكبد وكنت انا المتبرع دة من حبى ليها بس العملية لم تنجح وراحت منا طبعا الاولاد عاشوا معى والحمد للة بيحبونى وبحبهم وحولت اخفف عنهم الالم الى انا جربتو من فقدان الام والحياة كانت ماشية الى ان فجات ان زوجى يعرف وحدة تانية وبيحبها وعايز يتجوزها المهم انة قال لي انى مش مقصرة فى اى حاجة وانى زوجة يتمنها اى رجل بس هو اتعود عل انة يكون زوج اتنان المشكلة مش الجواز المشكلة انة عرف الانسانة دة قبل ما يمر سنة حتة على وافاة زوجتة ام اولادة الاولى وكمان عايز يتحوزها فى نفس تاريخ الشهر الى ماتت فية وطبعا لا اقدر اوصف الخروج والهدايا ومكالمات التليفون بساعات واوقات بيتكلم امامى فى الوقت الى فية اولاد مجرحين بموت امهم طلبت الطلاق وتمسكت بية وتم الطلاق وعشت انا والاولاد وهو بيستعد للزواج وبعد مرور سنة من الطلاق عرف من قريب انى هتجوز وطبعا اتجنن علشان المشكلة هو انة يتجوز اة بس انا لا المهم مكنش مع حد تانى وطبعا خوفة لما اتجوز انة لازم ياخذ الاولاد علشان شكلة امام الناس فكان الحل اننا نرجع تانى دة اقتراحة علشان مصلحة الاولاد جميعا ولا يتفرقوا من بعد انا مش عارفة الاحسن اية اقول لا وامضى فى حياتى ام ارضى علشان الاولاد كلهم يعيشو مع بعض اية الحل ؟

مشاكل وحلول ذات صلة

اضيف بتاريخ: Saturday, October 21st, 2017 في 18:15

كلمات مشاكل وحلول: , , ,

ردود to “صدمات متتالية واخرها خيانة زوجى”

  1. ابوالبتول
    21/10/2017 at 22:41

    اختي العزيزة السلام عليكم ورحمة الله وبركاته وكل سنة وانت طيبة عايز اقولك في البداية رحم الله اباك وامك واسكنهما فسيح جناته وعوضك خيرا وبارك لك في الاولاد ورزقك برهم ان شاء الله تعالى واحمدي الله على كل الاحوال فكل انسان منا في هذة الدنيا مبتلا في حياته فعليك بالصبر يااختاه وجزاء الصابرين الجنة التى وعدها الله عزوجل لعباده الصابرين على البلاء في هذة الحياة وهذا قضاء الله وقدره وعلينا التسليم بالقضاء والقدر كما امرنا الله ورسوله فطوبى لكل الصابرين الحامدين والله انك نعم الزوجة الصالحة وتستاهلين كل الخير وربنا بيجازيك خيرا على مافعلتيه مع ضرتك زوجة زوجك الاولى ومع ابناءؤها ولايضيع الله عملك سوف يجعله في موازين حسناتك يوم القيامة وتاكدي ان الله عزوجل معك وراضيا عليك وعلى كل ماتفعلينه من تربية هولاءالابناء ابناء زوجك من الزوجة المتوفية وبيكونوا خير سندا وعونا لك في هذة الحياة ومسالة مافعله زوجك من انه تزوج بامراة اخرى بعد وفاة زوجته الاولى ولم يحترم مشاعرك ولامشاعر اولاده فهذا شخص بلااخلاق ولامرؤة ولاانصحك بالرجوع له بعد ماطلقك اياك والرجوع له ولن يستطيع ان ياخذ منك الاولاد فالشرع والقانون بصفك والحضانة للابناء تكون لك ومن حقك الزواج بمن ترينه مناسبا لك ويكون على دين وخلق ويقدرظروفك ويتحمل معك اعباء مسولية تربية الابناء والاهتمام بهم وربنا فضله واسع بيكرمك ان شاء الله وبيسترعليكم ويصلح لك الاولادويبارك لك فيهم ويعوض صبرك خيرا

اترك رداً أو حلاً لهذه المشكلة