انا مخطوبة ورغم قوتة شخصيتى وصراحتى مع الناس ساعات حبى مع خطيبى بيضعفنى وعلاقتنا وصلت انه يقبلنى ويلمس اماكن حساسه عندى ورغم انى برفض كده بس هو بغلبنى بكلامه انا عارفة انه ممكن ياخد فكرة سيئة عنى بس انا بتعامل بطبيعتى جدا وهو عارف ده وبيحبنى اكون على طبعتى هل ممكن امنع الحكاية دى خالص وهو يرجع ويشوفنى بصورة احسن والا اسيبه علشان زى مابيقولو ان الراجل مش بينسى حاجة لمراته او خطيبته وعلى فكرة هو متمسك بيا جدا وهو نفسه بيزعل من نفسه لما بيحصل كده ارجو النصيحة وربنا يغفر لى ويسامحنى على اخطائى وذنوبى
مشاكل الخطوبة
ضعفي امام خطيبي وصلنا الى حرام
اضيف بتاريخ: Tuesday, September 7th, 2010 في 07:03
كلمات مشاكل وحلول: مخطوبة, مشاكل, مشاكل الخطوبة
اولا- لايجوز لكم الخلوة اثناء الخطوبة لانها محرمة وتودي الى الوقوع في الفتنة والشهوات ثانيا- ازاي تخليه يحضنك او يبوسك او يضع يده في اماكن حساسة من جسمك كلدي تصرفات لاتجوز ومحرمة ثالثا- امتنعوا عن الحاجات دي في فترة الخطوبة واصبرا حتى يتم عقد الزواج وتقا زوجان عندها يجوزلكما كل شي في الحلال وربنا يسترعليكم ويصلح حالكم ويتمم لكما بالخير في القريب العاجل
مش عارفه اقولك ايه بس كل الاراء كانت صح وبصرااحه , وانا عارفه انك مدايقه اوووووي وزعلانه والا مكنتيش حكيتي بس انا لحد دلوقتي مش شايفه حد ريحك او اداكي حل بجد تعمليه ,,, خدي بالك هو وصل لمرحله انه ماينفعش يبطل يعمل كده حاولي ترجعي لنفسك اووووي وافضلي قولي نفسك كدا غلط وافتكري ربنا وحاااولي اووووي ماتتضعفيش قدامه وافتكري الكلام اللي فكرتي فيه وانك مدايقه ونفسك تتوبي لم يجيلك عشان ماترجعيش تاني تعملي كده ,, وممكن كمان تجيبي طفل صغير يقعد معاكواعشان تنشغلوا بيه ومايفكرش يعمل كده قدام الطفل لانه بيبقيعااعارف انه غلطان ومش هيقدر يعملها قدامه ,, وواحده واحده هتوصلي للحل بأذن الله بس خليكي مصره علي قرارك مش تنسي وترجع تاني للحيره لحد مايجي فرحك وبكده هاتبقي حاجه عاديه بعد الجواز خدي بالك هو بيبقي مدايق اووي من جواااه منك ومن نفسه وممكن تلاحظي في كلامه كد بس مش هيرضا يبين ويتهرب من الموضوع ,وفكري في اهلك شويه لو مكنش قدم الناس يبقي في لاخره ,ربنا يكرمك ويوفقك وويهديكم يارب ويبعدك عن الحراام والله الموفق والمستعان …..
انا هقولك بصي انا خطيي كان بيعمل كدة لاكن اول ما هدتة اني هسيبة
قالي خلاص مش هعمل كدة تاني ومنع مرة ورجع تاني سبتة فعلا رجعلي ومن عدها ممسكش ايدي
فجربي ولو رجع يبقي بيحبك ولو مرجعش يقي اكيد انتي عارفة ردي اية
ايه ياجماعه بالراحه شويه عالبنت مينفعش كدا
ا انا هاقولك حاجه انتى راضيه ع اللى انتى بتعمليه دة وبعدين انتى عارفة الصح من الغلط كويس اتقى الله مش خايفة من من ربنا مش فتفتكريه وانت فى الموقف دة تخيلى نفسك لو ملك الوت جايه وانتى موقف زى دة هتروحى ولا هتقبلى ربنا ازاى وهو لو بيحبك زى منتى واثقه اوووى كدة تفتكرى هيطلب حاجه زى دى ولا هو شيفك قدموا بنت سهله استغفرى ربك يا اختى البنت ملهاش غير شارفه ربنا يهديكى ويهدهولك
أختى الفاضلة ، لاتتركى خطيبك ، واستغفرى ربك ، وقوليله اللى بنعمله ده حرام ، وتقربوا من ربنا انتوا الاتنين ، وحاولوا تخلوا الدخلة بسرعة
لانك لو سبتيه واتقدملك واحد غيره ، حتكونى خدعتى التانى لو مش قولتيله على اللى حصل مع الاول
وكل ابن ادم خطاء ، وخير الخطاءين التوابين
واسال الله لنا ولكم الهداية
اقول لك ياختي لا تتركي هذا الرجل يقترب منك للدخول في الحرام ليه !
الرجل هذا ممككن هو يمتحن فيك ولما تكنعيه سيتمسك بك اكثر وممكن هذا الرجليريد اشباع رغبته ثم يذهب حذار حذار……………………….ثم حذاري لازم تكوني عفيفة حتى الى اخر لحظة
فقولي له لما ندخل في الرسميات واكون في بيتنا معا وبالحلال ماكش راجل متنزلش عليا على طول
شكرا على الصراحة وممكن تستفيد الستات كلها. باي
عزيزتى
هى المشكله انك ممكن فى لحظة ضعف تفقدى اعز ما تملكين و هذه هى الطامة الكبرى وقتها اعتقد انه مش ممكن يكمل معاكى الخطبه و هيتركك فحاولى ان تمنعى نفسك و تمنعيه من هذه الافعال حتى يتم زواجكم على خير
بجد انتي معندكيش قوة شخصية ولا قوة ايمان بالله مش معني انه خطيبك يبقي خلاص هو لايزال غريب عنك حتي يتم عقد النكاح الشرعي والاشهار بين الناس بكده يكون له حق في اي شئ معك لكن الان ليس له حق في اي شئ ولو انا مكانه عمري ما اثق فيكي بعد كده المراءة كرامة وكرامتها في الحفاظ علي عفتها وطهارتها امنعيه حتي لو بالقوة خوفا من الله وليس خوفا منه هو وان غضب او زعل يبقي مش بحبك كده بحب شهوته ورغاباته الجنسية اللي حب انسانه يحافظ علي عفتها حتي تكون في بيته وملك مينة اختي اتقي الله في جسمك الذي هو امانه من الله بين يديكي
بصراحة شديدة لا تستجيبى لمطالبه وأقنعيه أن هذا حرام وفيه معصية لله وعلى الرغم من أنى رجل متزوج إلا أننى أؤكد لك أن الرجل فى نفسه يعز الفتاه المحافظة والفتاة المتساهلة هتعرف الندم الشديد بعد الزواج وخاصة عند وجود مشكلة ولو بسيطة يقوم الزوج يعايرها بأنها كانت وكانت —
هما كلمتين
بعد الجواز هيعايرك بكل ده وهيزلك
وهيقولك انتي اللي رخصتيلي نفسك من الاول
الشي الي يسوي الج خطيبج يصير بين كل خطيبين واحد يحب الثاني
هاذة الشي الي يسوي الج خطيبج هو شي يصير بين كل شخصين مخطوبين وهو مجاز شرعا من قبل الله سبحانه وتعالى لانج تعتبرين شرعا زوجتة
اتركيه احسن
لانه هيفضل يشك فيكى
وتوبى لربنا
وياريت ياانسة
مايوصلش بيكى الطريق
لطريق لا مرجع منه
وتندمى على شرفك
زى بنات كتير
نصيحتى ليكى لما يعمل كدة تانى … ارفضى رفض تااااااااااام … وقوليله اللى احنا بنعمله ده حرام .. وربنا ميرضاش بكدة
عارفة ساعتها ممكن يزعل منك .. وممكن يقعد كام يوم ما يكلمكيش .. بس بعد كدة لما يضربها فى دماغة هيعرف انك محترمة ومتربية
هقولك على حاجة انتى ما تعرفهاش فى الرجالة اوى .. الراجل لما بيعمل كدة مع خطيبته .. ممكن يشك فيها بعدين .. حتى لو بيموت فيها … هيقول ماهى عملت معايا كدة واحنا لسة ماتجوزناش .. يبقى ممكن تعمل كدة مع واحد تانى لا سمح الله
هو دة تفكير الرجالة … لو انتى عايزة تبقى انسانة كويسة فى نظر خطيبك .. ارفضى اللى هو بيعمله ..
والحل التانى انكو تكتبوا الكتاب .. بس بردوا ما ينفعش تكونوا على راحتكم اوى زى اللى متجوزين
اختي الكريمة :
اولا : انت تعصين الله عز وجل بما تفعلين وما يفعل هو معك
واخشي ما اخشي لقدر الله ان تتطور الامور بينكم والشيطان شاطر
ثانيا : ذكريه بالله عز وجل دائما عندما
اسئلية بطريقة لينه او يرضاها علي اخته
واحذري : من ثقة الرجل الان لا يشك بكي غدا يتذكر ما كان ويبدا الشك
سيري في طريق الله لن يضلك الله ابدا
واخيرا : ادعو الله لكي ان يبعد عنك كل سوئ وان يسامحك ويهديك
ده من اخطر الكلام اللى بتقوليه معنى انو يلمس اماكن حساساه بكرا هيعمل حاجه فى الاماكن الحساسه دى وانتى عارفه انا بتكلم عليه بالضبط دى مصيبه البنت شرف ولوراح الشرف راحت البنت ده غيراللى هتسببيه من مشكال لابوك لوكان عايش واخواتك الرجاله لو معاى اخوات ولاد وبعدين ياجماعه احنا فين فى اوربا ولامجتمع شرقى فوقو شويه وارجعو للعادات والتقاليد خطيبك يعنى محرم عليكى زى اخوكى الابعد مايكون جوزك على سنة الله ورسوله
لازم تعرفي طبيعة الراجل وتفكيرة مختلفة تماما عن المراه.. الراجل بيبقى عاوز يلامس المراه حتى لو عارف انها ملاك لان دي شهوه وعند الشهوه بيلغى العقل ولما الواحد بيبعد عن الشهوه بيفكر بالعقل وجواه بيغلط البنت انها سمحتله كده وبنسبة 95 % الراجل بيحمل الست المسئوليه عن الخطالوحدها من مبدا هي لو كويسه كانت حمت نفسها ولانه اتعلق بيكي جواه صراع انك غلطي معاه وانه اتعلق بيكي وبيحبك… بس مجرد الراجل مافكر كده والصراع دخل جواه يبقى بيقول ف عقله الباطن (في حالةلو فضل مع البنت ) انه بكده ضحى وكتر خيرة انه اتمسك بيها ودا مابيتقلش ابدا لانه ف العقل الباطن.مافيش حاجة اسمها شخصيتي قوية او واثقه في نفسك في حاجه اسمها بترفضي اي حاجه ممكن تؤدي الى الحرام ….. الحل سهل تفهمي انك مضايقه جدا جدا من اللي بيحصل وانك مش هتعملي كده تاني ومش هتقعدي معاه في مكان ممكن يحصل بنكم كده لانه دا الصح وهو هيفرح بكده من جواه لكن هيحاول معاكي كتير علشان الشهوه فقط مش لانه بيختبرك