عندي طفل صغير حديث الولادة 20 يوم طالع في وشو حراره جامد في كل جسمو فا فيه خوف منها ولا ده شيء طبيعي ولا ايه وموضوع اني الحسو علي أي شيء مثلا ذي عنب او كده صح ولا غلط اتمني الرد السريع ومتشكر للاجمل ناس بتشارك وللاجمل مواقع
العناية بالاطفال
عندي طفل حديث الولادة
اضيف بتاريخ: Friday, November 5th, 2010 في 23:50
كلمات مشاكل وحلول: الرضع, العناية بالاطفال, حديث الولادة, حرارة الوجه, صغير, طفل
بصي ياحبيبتي كله الحراره ده لازم تروحي لدكتور فورا ولو سخن شويه بسيطه حطي من لبن صدرك علي الجبه بتاعته وان شاء الله مش هتلاقي سخونيه لان لبن الام في كل شئ حتي مضاد حيوي وعلي فكره 20يوم وتلحسي فهذا خطا بعد 40 يوم طعمت ابني باسكويت خالي الدسم والدهون مع يانسون وعسل بسيط غير كده متديهوش اي شئ ولا عنب ولا غيره لان كل ده غلط وبعد كده كمل اربع شهور اكلته بطاطا وبعد كده بطاطس وبعد كده ارز وبعد كده رجعته للبسكويت تاني لان انا بس كنت بطعمه عشان يتعود لما يكبر ولسه لما يكمل 6شهور هعطي صفار البيض وجبن مثلثات بس حاجات بسيطه بس علي فكره ده بيبقي كل طعام وليه طريقه معينه كل اللي قولتهولك ده بيبقي خفيف مايه مش اكل ذينا وانصحك تعطي سم ماء سبق غليانه عشان الجفاف
نصيحة للأم الغالية أولا اذهبى للطبيب فورا لأن الحرارة هى أخطر حاجه على الطفل وخاصة اذا كان صغير زى ابنك اوعى تهملى فيه وياريت متلحسهوش اى حاجه فقط لبن الام وممكن اعشاب بس مش كتير زى الكراوية وفيه حاجه فى الصيدلية اسمها (بيبى درينك) مرة واحده فقط فى اليوم تساعد فى الهضم وتبتدى تدخليله زبادى او شربه خضار مضروبة فى الخلاط او عصير برتقال من الشهر الرابع من عمره الكلام ده قالهولى طبيب استشارى اطفال مش من عندى ويا ريت تاخدى بالك من ابنك كويس وتقرى كتير عن تربية الاطفال وتسألى متخصصين متساليش اى حد وربنا معاكى
روحي الى الطبيب ليفحصه ويعطيك الدواء المخصص لا تعطيه اي شيئ بدون استشارة الطبيب فهو مازال صغيرا ويمكنك ان تدهنه بزيت الزيتون في الليل قبل النوم كمساج لاتترددي في زيارة الطبيب
اولا حمدلله على السلامه ثانيا ازاى عنده 20 يوم وعاوزه تلاحسيه عنب ولا غيره ده مش مفروض ياخد حاجه خالص غير لبن الام ممنوع اى حاجه ولازم يروح لطبيب اطفال عشان موضوع الحراره على فكره انتى اسألتك غريبه جدا خلتنى ارد مع انى مش من طبعى الرد خالص