مشاكل المطلقات

طلب مني اكدب على اهله عشان نتجوز

السلام عليكم
كنت محتاجة استشارة بخصوص الزواج
انا عندي ٣٤ سنة ومنفصلة بعد زواج ٤ شهور وكنت حامل وحاليا ابني عنده ١٣ سنة
دلوقتي متقدملي شاب انا اكبر منه سنتين وهو ماسبقشي له الزواج قبل كده وهو بيحبني وعاوز يتجوزني وعارف كل حاجة عني وموافق
بس دلوقتي طالب مني اقول علي ابني انه اخويا عشان اهله يوافقوا عليا وهو بيقولي حل مؤقت لحد ما كتب الكتاب يتكتب وابقي مراته وقتها هايردوا ومش هايرفضوا خلاص الموضوع
وممكن مش يعرفوا خالص بموضوع ابني
هل كده صح والا لا
انا والدي متوفي وعايشة مع امي واخويا
محتاجة نصيحة الله يكرمكم
اكدب واقول علي ابني اخويا واعيش عادي خصوصا اني مش عشت عمري ولا حياتي
والا ارفض الاقتراح اللي اقترحه عليا
شكرا

مشاكل وحلول ذات صلة

اضيف بتاريخ: Monday, July 8th, 2019 في 00:43

كلمات مشاكل وحلول: , , ,

3 رد to “طلب مني اكدب على اهله عشان نتجوز”

  1. الدكتور 101
    09/07/2019 at 14:59

    ده شغل عيال وعدم قدرة ع تحمل المسئولية من الاول لازم تكونى صادقة ف كلامك والا اهل زوجك لا يترموكى هو قابلك ع حالك مع ابنك اهلا به لا يقدر يواجه اهلك يبقى نتركه ما بنى ع باطل فهو باطل وكمان زوجك هيشك انك تكدبى عليه ف اى شئ بعد الزواج

  2. Ahmed
    08/07/2019 at 22:27

    مسيرهم هيعرفوا
    ولازم الشخص ده يكون قد المسئولية والمواجهة وبلاش تسكين الامور بالشكل ده
    يعرفوا او ميعرفوش دي حياتكم انتوا اللي هتعيشوا
    بلاش الكذب او تبدأي حياتك بالكذب واخرجي نفسك من أي اسئلة من طرفهم على ابنك
    هو يتصرف مع أهله
    ولو في نصيب هيكون من نصيبك
    جايز يكون ده اختبار منه ليكي
    بس خليكي قد المواجهة وعرفي الكل ان ده ابنك
    انتي هتتجوزا على سنة رسول الله فـ مش محتاجة تخبي اي حاجة لانك مش بتعملي حاجة غلط

    وربي يرزفك الخير ويكون نصيبك

  3. ابوالبتول
    08/07/2019 at 06:33

    لا يااختي لازم تعرفي ان دا غش وخداع ومابنى على غلط فهو غلط في النهاية عايز يتزوجك ويعرف اهله الحقيقة انك مطلقة وعندك ولد كان بها مش عاوز اتركيه وربنا بيكرمك بحسن منه ويعوضك خير عنه ان شاء الله

اترك رداً أو حلاً لهذه المشكلة