مشاكل البنات

عاوزة اتجوز ليه مش بيتقدملى عرسان

انا بنت عندى 24 سنة هقول الحمد الله عيوبى بسيطة بشهادة كل ناس حلوة بقدس الحياة الزوجية جدا  طول عمرى بحلم بالبيت مش زوج خريجة كلية تربية مشكلتى ؟؟؟؟؟؟

انا عمرى ما اتقدملى اى حد ولا حتى اسفة عربجى كل يوم بسال نفسى سوال واحد؟ انا ليه مش بيتقدملى حد؟ لو وحشة فيه اوحش منى واتجوزت كل اصحابى واقاربى اللي من سنى واصغر منى اتجوزوا؟ مش دى مشكلتى؟

مشكلتى انى نفسى اتجوز عاوزة اعمل بيت بفكر كل شوية انا متقدملش وانا صغيرة هيتقدملى لما يبقى عندى 30 كملوا حكايتى اسمعونى للاخر قالولى معمولك عمل روحت للشيوخ ودجالين.

انا حلوة والله ومع ذلك مفيش حد بيفكر يتقدملى مشكلتى قالولى كلمى وحبى لو جدعة هاتى البيت معتش حد بيتقدم لحد كده.

ولانى مفروض محترمة مقابلتش اكلم حد عرفت واحد من على النت وباختصار مش هطول عليكم عرفتة 3 سنين كان مسافر السعودية وحبيتة واتكلمنا فى كل ما يختطر على بالكم او سنة كلام عادى 2 سنة حب 3 سنة كلام عن جنس وقالى ده الحب بدرجته، المهم نزل من اسبوعين كان ريفى هو قالى اخوى موافقش بيقول مش هتعيشى عندنا، مفكرش ياجماعة يشوفنى بيتسلى انا معكم ميشوفنيش حتى انا حبيته جدا وبجد ومكنتش موقفة حياتى عليه لو كان اتقدملى حد كنت هوافق بس هو كان بنسبالى اول حب والقشة الا هتعلق بيها وهبقى عروسة واحمى نفسى واعمل بيت مشكلتى انت كنت عارفة غيرة بس والله علشان صدق واتجوز … انا عاوزة اتجوز كل الا حوالى اتجوز وشايفاهم سعداء مشكلتى (كل الا يشوفنى يقولى قاعدة ليه؟ الشباب اتعموا؟ انتى معمولك عمل؟

اعمل ايه هتجن وتعبت عرفت ولاد ومجوش اتقدمولى ,,, روحت للدجالين وللشيوخ ,,,,,,, متقولش صلى لان مش بسيب فرض وبقرا قرآن وبتصدق.

مشكلتى انى دلوقتى عاوزة اتجوز للجواز نفسه مع انى كل واحد يعرفنى يسبنى الاقى نيته وحشة عرفت ولاد من على النت، وعادى عادى كل واحد استنى يقولى عاوز اتقدملك ومع انى تعليم عالى وجميلة والله جدا ومن عائلة كبيرة، كنت بعرف ناس اقل منى بكتير.

مشكلتى عاوزة احب واتحب عاوزة انسان يقولى اتقدملك عاوزة احس انى مرغوب في ,,,, مشكلتى فكر فى جنس بحلم بالجواز كل واحدة صحبتى تحكى احب الجواز اكتر بشوف اى اتنان ببقى هموت؟

اعمل ايه والله انا مش جوايا وحش بس انا كبرت والعمر عدا بيا، انا شغالة مدرسة بدى دروس طول النهار علشان مفكرش، واول ما ارجع افتكر حالى ولازم ابكى كل يوم حاسة انى كبرت مائة سنة بعدت عن تفكير فى اى ولد ولا فى الجواز ولا حب ولا جنس ,,,,, وبقرا قرآن وبصلى بس حاسة بكآبة وعاوزة اموت وحاسة انى مفيش فائدة وعمر ربنا ما هيرضى عنى، مشكلتى انى وقفت حياتى على جواز بقيت عندى فكرة عمرى ما هكون سعيدة الا لو اتجوزت.

متقولش اشغلى وقتك لان معتش عندى اصحاب مع انى كان عندى كتير بجد بس كلهم اتجوزوا  حتى لو عاوزة انزل اشترى حاجة مش بلقى حد مع ان مر على وقت كنت بتهرب من اللي كانوا عاوزين ينزلوا معاى ,,,,,,,,,اعمل ايه  ,,,,,,,,,,, صابرونى حتى لو بكلام مشكلتى لو مش رديتوا عليا …….

اسفة انى طولت عليكم اتمنى تردوا عليا

مشاكل وحلول ذات صلة

اضيف بتاريخ: Sunday, June 26th, 2011 في 14:16

كلمات مشاكل وحلول: , , , ,

47 رد to “عاوزة اتجوز ليه مش بيتقدملى عرسان”

  1. عاوزه اتزوج
    24/03/2023 at 23:15

    انا ٢٥ سنه عمر محد اتقدم ليا و الحمد الله شكلي مش وحش و تعليم عالي نفسي اعرف السبب فين

  2. رودى
    06/11/2021 at 23:24

    انا انسة عايزة حد يتقى الله فيا 27 من اسكندرية مؤهل عالى

  3. ماجد سعيد
    10/08/2021 at 04:10

    ممكن تعزمي الشباب علي شاي في كافية
    ممكن تعزمي الشباب عندك في البيت
    ممكن تعزمي في الشغل عملي اكل وقدمي ليهم
    ممكن تتعزمي ما تقول لا بس في مكان عام او بيت في ناس كثيرة

  4. samar
    01/11/2019 at 22:32

    ياتري اتخطبتي ولا لآ اصلي البوست الي منزله قديم ربنا يصلح حالي وحالك وحال بنات المسلمين

  5. الله المستعان
    06/07/2019 at 17:05

    الواحد يتذكر نفسه بس ايلى بيشعر نفس الشعور وبرضو الظن بالحسد والعمل والمس ومرواح ل شيوخ ملهوش اى لازمه ف الأخر دا نصيب والمواظبه ع الاستغفار وقيام الليل وصلاة الحاجه ودعاء رب لما انزلت اللى من خير فقير كل يوم قبل الفجر بنص ساعه بعد صلاة ركعتين يقال هذا الدعاء لمدة عشر ايام والله المستعان انا لسه هبدء ده كرب وان واللجوء لله فقط لعلى الله يحدث فرجآ اللهما امين

  6. عاوز اتجوز بسرعه
    13/04/2018 at 02:18

    السلام عليكم ورحمة الله وبركاته انا31 سنه متدين وحاجج بيت الله والحمدلله ارغب في زوجه صالحه ومتدينه واهم حاجه تكون بيضه اوي والله المستعان

  7. Dalia
    01/03/2018 at 15:16

    انا زيك عندي ٢٤ سنة والحمد لله جميلة ومش بيتقدملي حد مع اني صديقاتي كلهن اتجوزن وكل واحده انجبت اطفال فبشعر بالغيرة والحقد منهن لكن برجع اقول كله بامر الله جايز يكون نصيبي افضل من نصيبهن فبصي سبيها على ربنا وفوضي امرك لله وربنا يرزقني بالزوج الصالح ويرزق كل البنات بالزوج الصالح يارب .

  8. سعيد
    26/02/2018 at 01:03

    أنا عندي 28.سنه وجزاب نفسي في وحدة محترمة

  9. بن الحلال
    09/02/2018 at 01:18

    ارمي كل حمولك على الله واستريحي انت ومن يتوكل على الله فهو حسبه

  10. ااروميساء
    14/12/2017 at 00:26

    سلام الله عليكم …حبيبتي انا 33 اتخطبت مرة واتوجعت فشكلت من ثلاث سنوات وبعد تفكير طوييييل اكتشفت ان رب عدم زواج خير من زواج فاشل وخير من لقب مطلقة انا بحكم شغلي بقابل ناس كتير كتير منهم مطلقين حياتهم اصهب مما تتخيلي….بصي عسي ان تخبوا شئ وعسي ان تكرهوا… الايه المشهورة بتنتهي والله يعلم وانت لا تعلمون فربك اعلم لالخير…..ثم يتقدم او لا ف النهاية ربك قال وخلقنا لكم من انفسكم ازواجا انتي مخلوقة من شخص هترتدي ليه وكل شئ بقد….واخيرا مش مهم امتي تلبسي فستان الفرح المهم هتلبسيه لمين

  11. medo almasry
    05/06/2017 at 21:41

    بجد انتى انسانة على خلق تكفى انيك تصلى فان اقرب اناس عند اللة المقيمين على الصلاة انا عندى 37 سنة عملى بقسم التشغيل بمترو الانفاق وانا مقيم القاهرة ممكن اكون انا صاحب النصيب

  12. noha ali
    10/05/2017 at 15:27

    24 سنه وعامله كده في نفسك انا بقيت 33 سنه ومن وانا 18 او 20 سنه بيتقدملي عاهات واتخطبت عشان بس اتجوز في سن 27 سنه وتتفركش الخطوبه خمس مرات خطوبه وكتب كتاب ومفيش فايده بس انا مش ملتزمه بالصلاه واستغفر الله العظيم مش عاوزة اصلي ولا اعمل اي حاجه ولا ليا رغبه مطحونه في الشغل للشغل فقط لا بقيت اهتم بنفسي ولا اخرج ولا اي حاجه وشغاله برضو مدرسه مهما اقولك علي المرار الي جوايا مش هتحسي بيا

  13. عمرو
    23/03/2017 at 13:56

    مشكلتك ملهاش غير حل واحد، انك تفضلي زي مانتي ولا تشغل بالك باي حاجه، واللي ربنا عايزه هو اللي انتي هتشوفيه في حياتك مش اللي انتي عايزه.

  14. توتا
    12/01/2017 at 18:23

    ياااااااااارب يرزقنا واياكم

  15. محمد
    11/12/2016 at 17:48

    السلام عليكم ورحمه الله اختى فى الله
    اى انسان يتمنى الزواج . ابونا ادم نفسه معرفش يعيش من عير امنا حوا
    وطلب من ربنا وربنا اسجاب له وخلق امنا حوا
    عاوز اقولك حاجة واحدة كل واحد ربنا كتبله رزقه ونصيبه اذا لم يحصل عليه فى الدنيا
    فان الله يعطيه اياه فى الاخره وما عند الله خير وابقى
    تخيلى ان ربنا بيقولك وبشر الصابرين ! هل انتى صبرتى ؟ ام عصيتى الله بالطرق المحرمة اعلى درجات الايمان هى الصبر اصبرى يا اختى الكريمة
    وخلى يومك بيدأ بصلاة الفجر حاضر وكل الفروض حاضرة وسبيها على الله واحسنى الظن به

  16. ALaa Kamal
    25/11/2016 at 23:42

    أنا داخله على 23 سنه واتقدملى ناس كتير فى عمر العشرين ومكنش بيحصل نصيب ويوم ماارتاح لحد يحصل حاجه توفف الموضوع ولماحد يرتاحلى كان الموضوع بيقف بردو ودلوقتى مبفاش فى حد بيتقدم نهائى رغم انى بسمع كتير من برا ان فى ناس بيسألو عليا لكن مبقاش فى حد بيدخل البيت ربنا يرزقنا بالازواج الصالحين ويجعلهم قرة عين لنا وبجعلنا قرة عين لهم فى القريب العاجل ..اللهم امين

  17. Mony
    04/10/2016 at 13:31

    هقولك احنا بنحتاج دا ليه
    علشان بنشوف البنات ال قدنا اتخطبوا واتجوزو واحنا زي ما حنا محلك سر .. ف سعتها بنكون نفسنا نجرب الاحساس دا الخطوبه والدبله والفرح والفستان ..والخ مع اننا لسه صغيرين فيها اااي يعني ٢٤سنه عاااادي جدا جدا او حتي ٣٠ لسه شابه بردو .. المهم نصبر ومافيش حد بياخد رزق حد والجواز دا طبعا رزق ونصيب ..ومش هنمشي من الدنيا دي غير اما ناخد ال ربنا كتبهولنا لا اكتر ولا اقل .. وياستي متزعلش خاالص مانا عندي ٢٠سنه وعاوزه اتخطب بردو معناها خلاص اني كبرت وافقد الامل

  18. dono
    08/09/2016 at 01:37

    قرأت جميع التعليقات جزاكم الله خير والبنات اللى قالوا أنهم كبروا فى السن وهما عندهم لسه 24اما اللى زى مثلا 30 سنه لم اتزوج حتى الآن ولا حد بي يتقدم لى مع العلم بأنى جميله ومن عائله وتعليم عالى وادعوا الله دائما أن يرزقنى ومن سن ال25 وانا لا أهتم بهذا وكنت أقول نصيبى لسه مع العلم بأنى بستفغر كتيررررررر واصلى وادعوا ولكن امرى عند الله سبحانه وتعالى

  19. AMRABAT
    06/09/2016 at 03:11

    والله يحظكوا على الأقل حبيتوا اهوا انا بقى مش لاقى أى واحدة تحبنى واول واحدة هتحبنى واحبها هروح اتقدملها فورا لانى اساسا مش ليا أى تجارب أى واحدة عاوزة تعارف جاد ياريت لو استريحنا لبعض على بركة الله

  20. Shehsb
    01/09/2016 at 17:50

    معظم حالات تاخر الزواج من المس العاشق لانه بيعمل توقيف وصد ورصد حسب قوته مالاخر بيهلى البنت او الشاب هدين كانه مخفى او غير موجود
    ولو الانسان ملتزم وبيصلى يسهلوا الشهوات والشمال والمنغصات ويوسوس له بالياس من رحمة الله علشان يضعف عزيمته ويهدم تحصينه
    والحل العلاج عند حد محترم موثوق بيعالج لله لان الدجالين نوعين دجال ساحر بيسبب زيادة الاذى ودجال نصاب بياخد فلوس وخلاص

  21. نور الرحمن
    25/07/2016 at 09:10

    انا بقي بيجيلي كل اسبوع عريس وعندي 21شهور وكلوا مفيش نصيب ناس تقولي معمولك عمل عشان مفيش حاجه تتم اكثروا من قول ربي اني لما انزلت الي من خير فقير بس مفيش داء يكمل علي خير ههههههههإإإ

  22. مريم
    08/07/2016 at 21:51

    ربنا يرزقك بابن الحلال بس ااصبرى وتعففى وحتى لو ما تجوزتش ده هيكون نصيب من عند ربنا واكيد العوض على الله

  23. طارق
    01/05/2016 at 09:31

    سبيها لله وانشاء الله هيكرمك بابن الحلال بس للاسف انك اتكلمتي في جنس دي هي المشكله واكيد كمان صوت وصوره وباحلاوه ياحلاوه

  24. طارق
    01/05/2016 at 09:25

    خلاص كنت صعبتي عليه وهجبلك عريس بس للاسف لقيتك في الاخر بتقولي اتكلمتي في جنس يبق يعوض عليكي ربنا

  25. غموضي سر تألقي
    04/01/2016 at 17:23

    لللآسف أصبح في هذا الزمن البضاعة الرخيصة مطلوبة .. والبضاعة الثمينة قليلة …. !!!…. عذرا لكي ايتها الفتاة المحترمة … عذرا .. فالمطلوب بالأسواق المحلية الفتاة الرخيصة …!!…… آسف جدا ولكنها الحقيقة ….!!!

  26. ميمو
    06/03/2015 at 16:57

    انا بقى مشكلتي زيك باظبط مش اتقدملي حد خالص بس نفسي اعرف ايه السبب وكمان انا عملت غلطات كتير ف حياتي بس سعات اقول ان ال انا عملته هو دا السبب وكمان انا امورة جدا بس مش بيضة ههههه يعني ممكن يكون هو دا السبب الاساسي علشان اعرف بنات كتير عملوا غلطات اكتر مني بس مع ذلك اتجوزوا يعني السبب اني مش بيضه ربنا يكرمني ويكرمكم ياريت حد يقولي اعمل ايه انا فعلا بموت وصلت معايا ان بقيت اخاف اخرج وع طول لوحدي ساعدوني

  27. سمسمة
    26/11/2014 at 01:03

    علي فكرة انا عندي نفس مشكلتك وكانك بتتكلمي عني بس مع الفارق اني مضعفتش واتنازلت عن مبادئي وكانت الناس بردو بتقولي لازم تعرفي شباب وتمشي مع شباب بس اكيد ده كلام غلط لانه لما اغضب ربنا امال مين اللي هايرزقني ويكرمني وهو راضي عني وعلي فكرة انا عندي 27 سنة ولسة محدش اتقدملي ووالله جميلة وبردو مدرسة ومتدينة وبردو روحت لشيوخ ومافيش فايدة بس سلمت امري لله فهو بصير بالعباد انتي كمان سلمي امرك لله انتي لسة صغيرة و24 سنة مش كتير ابدا لسة العمر قدامك وربنا يسعد

  28. خليهاعلى الله
    01/09/2014 at 11:25

    استهدى باللهياقمرومتعمليش فى نفسك كدةبادعى ربنا كتيراوىوقربى منة اوىربناكريموبيستجيب دعائنا وقال ربكم ادعونى استجب لكم . بس كمان افتكرى حاجة ان الذنوب بتحرم الانسان من رق كان هيحخيلة فاستغفرى كتير واتصدقى وادعى ربنا . لو عملتى كدة صدقينى هترتاحى نفسيا ورقك هيجيلك زى ما طلبتية واكتر لانك طلبتية من رب العالمين . والا. حاجة كمان ان عمر ك مهتتجوزى واحد محت م من الشات او من الصحوبية . لكن هتتجوزى احسن واحد فى الدنيا لو صونترتى نفسك وعفيتى نفسك عن الحرام . ربنا يبارك فيكى ويعزك ويرقك الزوج الصالح يارب انتى وكل بنات المسلمين يارب

  29. دودو
    25/06/2014 at 04:26

    قولى يارب ربنا كبير يمهل ولا يهمل

  30. ثقتى بالله
    17/06/2014 at 11:36

    والله وانا كمان نفس مشكلتك انا سنى 23 سنه عرفت شباب كتير جدا ومنهم ال اتقدملى بس اهلى رفضو انا والله بثق فى الله وبحب ربنا بس فى كل مره بقول ان هكلم شباب من النت عشان بتكون نيتى خير وهى الجواز والعفه والستر بس بلاقى فى الاخر ما نتفق نفسى حد يتقدملى من غير ما اكون كلمته واتحايلت عليه انا فتاه مواظبه على الحفظ من كتاب الله وقراءه الفقه والسنه لاكن جوايا وسواس الزواج والخوف من العنوسه هيقتلنى وكل يوم لازم افضل ابكى على نفسى لحد اما تعبت

  31. مبرو
    27/03/2014 at 01:20

    بجد انا نفسي اتكلم مع حد واصحب بنات عشان اناكان عندى صحاب كتير بس كلهم اتجوز وانا دلوقتى لوحدى

  32. m
    11/01/2014 at 19:42

    والله العظيم انتى بتتكلمى عن مشكلتك زى ما تكونى بتتكلمى عنى بالظبط مع الفرق انى ماروحتش للدجالين بس بدعى لربنا وبجد انا كمان تعبت ومش عارفة اعمل ايه

  33. موراه
    04/02/2013 at 11:14

    بصى انا زيك عندى 24 سنه بس الفرق انى كان بيتقدملى ناس وانا كنت برفض الكل يقولى ان اللى اتقدمو ليكى كويسين وانا بقول لا لانى مكنتش شايفه غير واحد بس حبيبى اللى فضلت اكلمه سنين واستنيت يقنع اهله بيه وبعد ما اقنع اهله هو نفسه بقى مش مقتنع يتجوزنى علشان عمامى عماتى سمعتهم مش كويسه انا بقى دلوقتى حسيت ان العمر جرى بيه على قله فايده انا معرفش هو عنده حق ولا لا بس كل اللى اعرفه انى بحبه اوى بس دلوقتى كل اللى بفكر فيه لو اتقدم حد هوافق بس معدتش يتقدم حد وهو بيقولى لو حد عرف اللى انا عارفه مش هيتجوزك مش عارفه اعمل ايه

  34. امه الله
    02/12/2012 at 01:53

    السلام عليكم اختى والله انا من اكتر الناس احساس بيكى لانى مريت بنفس ظروفك ولكن احب اقولك ان الذنوب هى اللى تاخر الرزق والشات وكل ده حرام وتاكدى ان فى الوقت اللى كنتى بتتكلمى مع شاب ان كان وقت كلام زوجك لكى ولكن انتى استعجلى واخدتيه بالحرام واكثرى بالاستغفار واشغلى نفسك بحب اعظم وهو حب الحبيب الله هدانى الله واياكى

  35. ندى
    20/12/2011 at 21:20

    انشاء اللة ربنا يوفقك ويوقعك فى ابن الحلال ويكرمك وصلى للة ولا ملجا سواة وربنا يرزقك وبنات المسلمين بالزوج الصالح والزرية الصالحة انشاء اللة عاجلا وليس اجلا

  36. اتمنى رضاك يارب
    10/12/2011 at 12:25

    السلام عليكم ورحمه الله وبركاته …….. بجد اوصيى نفسى اياكى بترك كلام الاولاد على النت لانه اصلااااا فضى وتسالى واسمعى بقى الكلام بعد ما تقفلى بيتقال اييه الله يعافينا يارب … لا حيله فى الرزق يعنى ما علينا الا الدعاء والاستغفار بالنيه واللجوء الى الله عزوجل ,,, وهو المهم انك تتزوجى وخلااااص لاءه طبعا المهم شخص يحبه الله ويرضاه ليكى يارب اكفنا بحلالك عن حرامك واغننا بفضلك عمن سواك يارب اللهم اعطنا سؤلنا وفوق سؤلنا اللهم ارزق بنات المسلمين احمعين بالازواج الصالحيين

  37. shamandora
    10/08/2011 at 07:37

    اختى الغاليه
    انا عندى 23 سنه وبردو الحمد لله تعليم عالى وعلى قدر من الجمال وصحابى معظم اتخطبوا او اتجوزوا وكنت بقول زيك كده انا ليه مش بيتقدملى عرسان وبيتقدم لكل صحباتى مع انى بردو اموره وبنت ناس لحد مااتقدملى واحد ومن استعجالى على الخطوبه زى باقى البنات قبلت بس وهما 4 مرات شفته فيهم سبحان الله كنت مش طيقااااااااااه وهموت واسيبه والحمدلله سبته بس فى الاخر اتحسبت عليه خطوبه بس اتعلمت درس انى اثق فى نفسى اكتر وانى اتأنى ف اختيارى وان ف حاجات تانيه هامه بردو زى العرسان يعنى باختصار اصبرى وادعى ربنا واوعى تفقدى ثقتك بنفسك لاى سبب اعرفى ان الشجره العاليه كتير يحدفوها بالطوب بس واحد بس اللى يقدر يطلعلها وهو اللى يستاهلك وبلاش تخلى محور حياتك الموضوع ده فى حاجات تانيه تستاهل منك نفس الاهتمام واكتر كمان ربنا يوفقك ياحبيبتى يارب ومش تنسى تعزمينا قريب ان شاء الله على خطوبتك

  38. مريم
    13/07/2011 at 02:36

    يابنتي واللهي المدرسة بتاعتي كانت زيك كدا وكانت تحب وتسيب وتخطب وتسيب وفوتت امرها لله ودلوقتي ماشاء الله عليها اتجوزت وواحد زي الفل في كل حاجة مستوي ومركز وطبقة اجتماعية وهي عندها 29سنة يعني مافيش حاجة اسمها تعنسي كلوا مكتوب عند ربنا وفي حديث شريف بجد انا لما سمعتة معتدش شايلة للدنيا هم (يقول النبي صلي الله علية وسلم “ان الرزق ليطلب العبد كما يطلبة اجلة “) يعني الرزق هو الا بيجري وراكي عشان يوصلك زي الموت كدا لاقدر الله وسبحان الله يعني مثلا انتي عمالة تلفي العريس تلفي تلفي وهو اصلا الابيلف وراكيبس مجاش الوقت الا ربنا هيقابلكم فية ربنا سبحانة وتعالي احلم واعظم واكرم مما يتصورة العباد
    ربنا معاكي يارب ويصبرك ويلهمك السلوان وماتشليش للدنيا هم طول ما في رب يقول” للشئ كن فيكون ” ادعي ربنا فقال الرسول صلي الله علية وسلم “ما من مسلم يدعو ليس بأثم ولا بقطيعة رحم الا اعطاة الله ثلاث :
    1:أما ان يعجل لة دعوتة (يستجيب بسرعة)
    2:وأما ان يدخرها لة في الاخرة (ويابخت الا دعائة يبقا لية في الاخرة يتحقق)
    3:واما ان يدفع عنة من السوء مثلها(يعني يرفع بية مصيبة كانت جيالك اكبر منها )
    فاصبري وادعي ربنا وهو هيستجيب
    علي فكرة انا عندي 17 سنة ونص واصحابي بيقولوا اني عنست تخيلي كل دا كلام فارغ والله

  39. warda
    12/07/2011 at 07:01

    مش عارفة اقولك اية انا كنت بفتكر انى محسودة انا كمان او معملولى عمل بس كل الحوار ان لسة النصيب مجاش ونصيبك ربنا عينهولك ومحدش هيخدو غيرك لان بالمختصر محدش بياخد مرات حد ولا حد بياخد جوز حد ال انا عاوزة اقلهولك ان انتى مش لوحدك انا بقة مشكلتى انى حاسة انى نحس هههه اة والله نحس ال كنت بحبو كان بيحارب الدنيا عشان يتجوزى وجة لاهلى بس امة الله يخدها عارضت الموضوع والموضوع باز وكل لما يتقدملى واحد اقول خلاص هوافق الاقى طلعلى حاجة فى الموضوع وارفض الموضوع كل الحوار يحببتى ان نصيبك لسة مجاش وانا زيك والله معظم صحباتى اتجوزو والباقى خلاص قرب يتجوز بس عاوزة اقولك حاجة صديقينى لو شلتى الموضوع دةمن دماغك فترة كدة هتلاقى ربنا وفقك واتقدملك العريس المناسب وهتبقى احلى أم باذن الله ويارب يرزقك بالزوج الصالح والذرية الصالحة عاجلا وليس أجلا يارب انتى وكل بنات المسلمين يارب

  40. علاء الدين
    04/07/2011 at 19:11

    ومش هتتجوزى الا اما تبطلى تكلمى ولاد عالنت وولاد فى الدنيا وتتعرفى عليهم دا غلط ربنا بيعاقبك واللة متتكلميش مع اى ولد لا صداقة ولا حب ولا جنس صونى نفسك وافتكرى دايما ان من ترك شىء للة عوضة اللة خير منة واتقى اللة وحافظى على نفسك وربنا يارب يوفقك ويرزقك يارب باحسن الرجال بس نصيحة باللة عليكى صونى نفسك وماتكلميش ولاد ابداا

  41. rody
    02/07/2011 at 23:34

    انابقى بيتقدملى عرسان كتير ومش فى موضوع بيتم تقولى ايه بقى اقولك انا النصيب لسه مش جه والصبر حلو ان الله مع الصابرين

  42. عقلانى
    29/06/2011 at 21:33

    اجوز بعقلك متجوزشى بقلبك كما قال يوسف السباعى انا جربت العقل لاقيته جميل جدا وحل مناسب الحب بيجى بعد الجواز وهكذا افضل حب واحسنه …. مش يمكن ربنا خالق لك عريس سوف يكون من نصيبك ان شاء الله …… اصبرو والله خير الصابرين … اذكرو الله يرزقكم من حيث لا تحتسبون

  43. magdy
    28/06/2011 at 11:25

    والله انتى عروسه لوقطه ولو ما كنتش متجوز كنتخطفتك على طول
    يا ستو انا انتى 24 سنه يعنى مش عجوزه ولا حاجه
    ما تعقديش الامور وسيبك من النت لانه ما فيهوش رجا
    ربنا يوفقك

  44. مخطوبه على الحب
    27/06/2011 at 20:24

    اصبرى ياحبيبتى فان الصبر جميل وبعدين ان شاء الله ربنا هيبعتلك نصيبك وتكونى ام صالحه تربى اجيل وربنا يوفقك

  45. wael bekhiet abou zied
    26/06/2011 at 23:40

    بس 24 سنة مش كبيره ابداا قدامك 10 سنوات علشان تقولي بدات اكبر العكس ده المفروض تفكري كيف تختارين عريس مناسب مش اي حد وخلاص.

  46. حياتى كلها لله
    26/06/2011 at 21:24

    السلام عليكم اختى ……….
    الجواز قسمه ونصيب ودة مش معناه انه مالكيش نصيب بالجواز لاء حبيبتى دة معناه ان نصيبك لسه بس مجاش وكل شيئ بمعاد ربنا كاتبهواعرفي ان ربنا كتب كل شيئ قبل خلق الدنيا ب7 الاف سنه “طويت الصحف وجفت الاقلام” عليكى تدعى ربنا وتقيمى الليل وتصلي صلاة الحاجة وربناهيكرمك وكمان في شيئ الاستغفاااااااااااار فهو يجعل من كل هم مخرج وانتى لسه صغيرة مش كبرتى ولا حاجة ولسه العمر ادامك وممكن يجى صاحب النصيب في يوم وليله انتى متعرفيش بكرة فيه ايه لان دة في علم الغيب وان شاء الله نبارك ليكى قريب

  47. عاشق ميسي
    26/06/2011 at 14:44

    بختصار شديد جداً لسى ما اجى نصيبك ولسى ما اجى مين يستاهلك اصبري اختي الكريمة وخلي املك بالله كبير والله خلقنا ومابينسى حدا من رحمتوا بس اوعك اوعك تقعي بالغلط خليكي عم تصلي وتقرئي القرآن وصدقيني هيدا اختبار من عند الله وخليكي صبورة وبإذن الله نصيبك حيجي لعندك على رجليه وأخيرا خليكي قوي واوعي تضعفي حتى اما صديقات المتزوجات خليكي شامخة ويا جبل مايهزك ريح بس الصبر اختي الكريمة خليه بين عيونك والله يكون معك تقبلي تحياتي

اترك رداً أو حلاً لهذه المشكلة