أنا شاب أبلغ من العمر 27 سنة وبشتغل في دولة خليجية ومشكلتي إني عايز أتجوز. ومشكلة جوازي إني مش عارف أخطب.
أنا نزلت مصر أجازة شهرين في صيف 2009 ودورت وشوفت واحدة وما كانش في قبول وطبعا سافرت تاني. ونزلت تاني في صيف 2010 وأختي ووالدتي كانو مجهزلني كام واحدة أشوفهم.
أول واحدة شوفتها عجبتني وارتحت لها خالص وحسيت إن هي برضه كان عندها نفس الإحساس بس للأسف هي رفضت. شوفت تلاتة تاني بعدها بس ما عجبونيش وخلصت الأجازة وسافرت من غير ما أعمل حاجة.
بصراحة أنا متضايق من الموضوع دا لأن أنا بجد عايز أعف نفسي وأنا الحمد لله ماليش أي علاقة من أي نوع بأي بنت لأني مستيقن إنه حرام وفي نفس الوقت مش عايز اتجوز واحدة وخلاص عاوز اتجوز بنت تعجبني ما أكونش مغصوب عليها وأخدت قرار إني مش هنزل مصر الأجازة الجاية وهسيب موضوع الجواز للظروف وفي نفس الوقت مش قادر أستحمل عشان الفتن كتيرة و البنات أجارنا الله من اللي بيعملوه في نفسهم وهما خارجين.
أنا حيران ومش عارف موضوع خطوبتي دا يتحل ازاي. أتمنى يكون حد منكم عنده نصيحة تفيدني وشكرا لمروركم على الموضوع
والله يا اخي انا شاب عندي 32 وعندي نفس المشكلة وانا شايف ان البوست عام 2010 الان احنا في 2020 وانا مش لاقي فتاة الاحلام اللي بتمناها ادعولي يا اخوان ربي يرزقني الزواج الصالح
تمام تمام تمام ………………………………………
انا عندى 26 سنة ومقيم في مصر جاهز ماديا ومعنويا للزواج , بدور بقالي 3 سنوات ,
وبجد انا مش لاقي خالص , وعشان اكون صريح , انا وجدت اتنين بالموصفات التى اريدها’
لكن الاثنين رفضوااااا !_! , ولا اعلم السبب
انا قررت ان اغير من نفسى وان اقرب من ربنا اكتر , فقررت ان اصلي الفجر فى المسجد
وادعى ذلك الدعاء “اللهم ارزقنى بالزوجة الجميلة ذات الدين”
بعدها جالي احساس شديد ان الله سيوفقنى , ادعوا لي بان الله يوفقنى , والله الموفق
خليك قنوع وارضى باللي يجيبه لك ربنا بطل شغل الشباب اللي عاوزين بنت بمواصفات كدا وكداوكدا اهم حاجةالدين والاخلاق فاظفر بذات الدين ترابت يداك وسيب امك واختك تشوف لكالعروسة المناسبة هم اعرف منك في الحاجات دي وربنايكرمك ويوفقك
اه اه اه الواحد تعب من البحث واخر شيئ توصلتله من اهلي واصحابي ان مفيش بنت حلوة ومحترمة في نفس الوقت معقول الكلام دا؟؟؟؟؟!!!!!!!! الواحد طهق زهق قرف
أنا نفس مشكلتك بالظبط و بفكر أسيب شغلي برة و أقعد فترة في مصر أدور فيها
انا بقى نفس المشكله بس انا اتسرعت واتجوزت وقبل الدخله باسبوعين قالتلى عايزيين نأجل الاطفال شويه رغم ان مفيش حاجه تمنع وجود اطفال ورفضت فاعتزرت واتجوزنا وبعد شهر حملت مراتى وفرحت بس وهى فالشهر التالت نزل الطفل وبعدها بكمان 3 شهور لقيت شريط مانع الحمل فكيس مخده سريرى وواجهتها وانفصلت وكل ده بسبب الاستعجال ودلوقتى بقيت 29سنه ومش عارف اتجوز مش لاقى حد لانى شغلى بالسياحه يمنعنى من روئيه بنات مصريين وعائلتى منطويه جدا حتى القرايب مفيش عندهم بنات بسن الزواج ولما الاقى البنت المناسبه ترفض بسبب زواجى السابق وكاننى انسان لايحق له الزواج مره اخرى او انى عندى عدوى تمنعها من الاقتراب منى ورغم انى ميسور الحال وجاهز ماديا ومعنويا للزواج ولكن الايام تمر وانا بلا زوجه انه لاحساس قاسى جدا علي
لو لاقيت حل مشكلتك ياريت تقولى عشان والله نفس مشكلتى بالظبط ونفسيتى ف النازل
بجد أنا متشكر جدا لكل اللي رد علي لأني أستفدت كتير من إجابتكم وربنا ييسر لي وييسر لكل شباب الإسلام الحال
اخوي.. انا انصحك تتزوج مصريه مقيمه بنفس الدوله الخليجيه الي انت عايش فيها ..عشان بيكون عليك سهل وعليها لانها قريبه من اهلها.. ولاتتسرع بقرارك لان ذا مستقبلك … ~ تشاوو
مرحبا انا سعوديه وبعرف مصريات يتمنوا يعيشوا برااا بس انت مادورت زين الصبر وان شاءالله تلاقي الي ربي كاتبها لك
ان الله مع الصابريين
ولو مالقيت انا اجبلك عروسه وقمر وعشريين سنه وفي الجامعه وياريت تكلمت من بدري اختها اجمل وكانت تتمنى تسافر دوله خليجيه لدرجة اني فكرت ازوجها اخويا بس هي عشان غاليه عليا قلت نبقى حبايب ومانتفرق والحمد لله هي تزوجت
اصبح ذللك من الصعب نظرا لمتغيرات كثيرة اهمها تغير الثقافة ودفعت إلى تاخر سن الزواج اصبح الشباب يجد في الزواج تقيد لحريته فيرجاه إلى وقت متاخر
اخى زوجتك موجوده وبانتظارك لاكن لا تستعجل الامور وتحلى الصبر جدا فى اختيار الزوجه لانها علاقه ابديه مش شهر وينتهى مش مهم تسافر وترجع الاهم انو انت تجيد اختيار الزوجه الى لو فعلا سافرات بتحافظ عليك وعلى اهل بيتك وتكون ذات دين وخلق و ان شاء الله ربنا هيرزقك بالزوجه الصالحه وشكرا
فى مثل بيقولك قبل ما تناسب حاسب دور كويس على بنت الحلال مش مهم ضيع سنة كمان من عمرك بس هتعيش طول حياتك مرتاح انما باستعجالك دة ممكن تندم فى الاخر اونت عارف معظم البنات دولقت هما على اية اظن انت فاهم دور كويس وانشاء الله هتلاقى بس
اخ اخى فى الله الزواج دا زى الرزق لم يجى نصيبك هيصيبك بس اهم حاجه متستعجلش وربنا يديك بنت الحلال(نهله طلعت)
يعنى انت صعبان عليك انك مش لاقى واحده تخطبها ؟
مانت كده كده هتخطب وهتسافر وتسيبها مش كده ولا ايه؟
ماتظلمش اى واحده معاك وانا شايف انك ما تخطبش وتنتظر سنه ولا سنتين فى الغربه وبعدين ترجع تتجوز لان الدنيا النهارده مش امان زى زمان اخطب واتجوز واستقر فى مصر او خدها معاك بره.
وانت سيد قرارك
السلام عليكم ورحمة الله وبركاته
يا أخي كلنا نحن معشر الشباب نعاني من نفس المشكله وهي الإختيار وهي أصعب مرحله في الزواج
أنا أقيم في مصر وعندي 28 سنه والحمد لله لدي كل امكانيات الزواج ولي حوالي سنتين أبحث عن عروسه
نصيحتي لك لا تستعجل ونصيبك هايجي لك لحد عندك ولكن عليك أن تعقد العزم وتتوكل علي الله.
دة نصيبك اللى ربنا كتبهولك وانت بتدور علية ويمكن يكون قدامك ومش شايفة انا ليا واحد صاحبى نزل مصر 6 شهور وخطب فى اخر 15 يوم والحمد لله عايش مبسوط ما تضايقش وانا كمان متغرب بس الحمد لله ربنا وفقنى على طول ما تقلقش وربنا يكتبلك الخير
صدقنى المشكلة مش أنك مسافر أنا فى مصر وبردة ذيك المشكلة الاختيار بقى صعب