مشاكل الشباب قبل الزواج

عايز ارجع خطيبتى ليا ومش عارف

انا ليا قريبتى من بعيد مكنتش اعرفها غير من ٣سنين لما شوفتها اعجبت بيها امى اكلمت عليها ساعتها وهى رفضت عشان بتحب واحد تانى وفعلا اتخطبتله وانا بعدت بس مكملوش وسابوا بعض على طول وانا حاولت انساها وابعد عنها بالرغم من انى لسا بحبها بس قولت لنفسى ده وهم وعشان كرامتى جت من حوالى ٦ شهور دخلت كلمتنى وانا محسستهاش باى حاجه ومع شويه وقت لقيت نفسى انى لسا بحبها وعايزها المهم خطبتها وعملت كل حاجه عشان اسعدها وكنت بعاملها احسن معامله لاكن كانت معاملتها جافه معايا جدا قولت يمكن عشان انا مدلوق عليها واتقل شويه لقيتها ساعات بتعاملنى كويس واوقات برضه عادى جت حصلت مشاكل بنا وانا من غضبى نهيت الموضوع بسرعه بالرغم من ان مكناش كملنا شهرين مع بعض بس للاسف من ساعتها وانا ندمان وبحاول انساها مش عارف وهى رافضه بشده انها ترجع وبتقول انها هتكمل تعليمها معنى مستعد اعمل اى حاجة علشان ترجعلى تانى بس مش عارف اعمل اى لانها مقفله فى وشى كل الابواب بقول لنفسى يمكن هى مستنيه حد تانى عشان انساها مبقتش عارف بصراحه ومدايق اوى من الضعف اللى انا فيه ده ياريت لو حد عنده نصيحه ومن غير تريقه بعد اذنكوا

مشاكل وحلول ذات صلة

اضيف بتاريخ: Tuesday, April 30th, 2019 في 19:51

كلمات مشاكل وحلول: , , , ,

2 رد to “عايز ارجع خطيبتى ليا ومش عارف”

  1. محمد هاشم
    22/10/2019 at 10:24

    البنات مبينسوش حبهم بسهوله هي رفضتك لانها بتحب واحد ولما الموضوع مكملش رجعتلك وكانك الاستبن بتاعها وللاسف انت غلط انك كلمتها اساسا
    واتخطبتلك لان مفيش غيرك قدامها ممكن تكون كانت عاوزه تغيظه او تنساه بيك ولكن واضح ان ده محصلش لانك لما نهيت الموضوع لو هي بتحبك كانت هتسامحك وترجعوا تاني ولكن انها بتقولك هكمل تعليمي فهي كده بتقولك رسمي “مش عاوزاك” وكانها ما صدقت ان ده يحصل علشان تخلص منك
    متبقاش خايب وفكك منها وانساها لانها اساسا عمرها ما فكرت فيك

  2. صوت العقل
    21/05/2019 at 01:05

    نصيحتي ان تنساها .. ليس بحياتها اي شخص .. لكن لن تعود اليك ايضا .. و ربما لو لم تنهي انت الامر لفعلت هي

اترك رداً أو حلاً لهذه المشكلة