مشاكل البنات قبل الزواج

مش عاجبني اي عريس ازاي اختار شريك حياتي

ارجوو الردد انا بنت عندى 21 سنه فى اخر سنه كليه الحمد لله على خلق بناء على راى كثير من الناس ناس كتير بتحبنى وتحترمنى مشكلتى انى كل لما حد يتقدم ليا عريس يكون اقل منى ف التعليم خالص ومش معاه شغل كويس او بيشتغل بس شقته بعيده اوى مش مقتنعه خالص باى عريس اتقدم ليا ومش عايزه اظلم حد معايا ووافق كده وخلاص لمجرد ان محدش يتكلم عليا ويقول اتاخرت ف الجواز طول الوقت بدعى ربنا يرزقنى بالانسان الى اكون مقتنعه بيه عشان اقدر اكون زوجه زى ما ربنا قال حاسه ان ربنا مش راض عنى مع انى والله بحاسب ع كل حاجه اعملها وبتكون بما يرض الله ارجو الرد انا مليش اخوات اتكلم معاهم واخد ررايهم بس قلت اسيب مشكلتى هنا امكن حد يرد عليا

مشاكل وحلول ذات صلة

اضيف بتاريخ: Wednesday, April 18th, 2012 في 23:45

كلمات مشاكل وحلول: , , ,

19 رد to “مش عاجبني اي عريس ازاي اختار شريك حياتي”

  1. asad
    18/01/2013 at 14:05

    بدري على الزواج الي في سنك ما بيفكرو بعقولهم بل في حا جاتهم وانتي اصبري كمان 3 سنوات ورايحه ترتاحي

  2. ابواميرة
    31/12/2012 at 17:44

    شوفي اللي يبص لفوق يتعب ومافيش احسن من القناعة والرضابالمقسوم خليك قنوعة وعمرالانسان ماكان بشهاداته اومنصبه الوظيفي الانسان بدينه واخلاقة الحسنة يعني هل تقبل تزوج مليونير ومن عيلة كبيرة لكن فاسق لايخاف الله لايصلي ولايصوم ويشرب الخمر ويمشي في الحرام اوتتزوج من رجل فقير على قد حاله من عيلة بسيطة يخاف الله يصلي ويصوم وماشي بمايرضى الله ايهماتختاري زوج لك فكري بعقل وروية واضفري بذات الدين تربت يداك

  3. ابواميرة
    04/12/2012 at 22:55

    يابنتي اذاعريس متدين واخلاقه كويسة وصادق وجاد في طلبه ايش المانع حتى لوكان فقير عل قدحالو زوجهم فقراء يغنيكم الله اهم شي الاخلاق ويخاف الله

  4. يوم أخضر آخر
    26/08/2012 at 01:40

    اتأخرتي بالجواززززززز!!!!!!!!!!! لك 21 أنتي أنا 21 هلأ عيد ميلادي بعد كم يوم مستحيل فكر بالزواج أساسا و بعتبر حالي صغيرةةةةةة طبعا بغض النظر انني ما بفكر بالزواج لأننو أنا 3/4 سحاقية ,و 1/8 عادية ,و 1/8 ولا شي …يعني لا بحب هيك ولا هيك بس أنت صغيرة يا انثى صغيرة عالزواج عيشي حياتك…لك كففي دراستك حاولي تأسسي شغل الك يعني بتقبلي بوكرا زوجك هوي يللي يصرف عليكي.. و هلأ بتاخدي مصاري من أبوكي و بوكرا من زوجك لك وين شخصيتك و استقلاليتك …..

  5. نور
    30/05/2012 at 15:42

    اذا اخلاقة زينة.. صلي الاستخارة من استخار الله فما خاب انا اقول احسن تتوظفي

  6. محمد
    23/04/2012 at 10:04

    دى مشكلة ناس كتير مش مشكلتك انتى بس حتى انا بعانى منها ادعى ربنا يعطيكى الزوج الصالح

  7. HanyMoh
    23/04/2012 at 01:42

    السلام عليكم..

    بداية أود أن أقول لك أن الأخلاق الحسنة هدية من الله لا يمكن تقديرها..

    والعلم والثقافة والمعرفة والحكمة والعقل أيضا هدية من الله يعطيها لمن يحب من عباده..

    لذافإن هذه الأمور هي التي يجب أن تكون أساس اختيار شريك الحياة..

    وكنت قد كتبت مقالة منذ سنة تقريبا عن أسس اختيار شريك الحياة، قد أضعها بعد هذه المشاركة..

    ولكن خلاصتها أن يكون بين الزوجين تكافئا

    أخلاقيا

    وعلميا

    وجماليا

    وماديا

    واجتماعيا

    وسنيا

    ويمكن التجاوز قليلا عن كل الأوجه إلا وجه الخلق والعلم..

    فأنصحك ألا تختاري شخصا جاهلا أو شخصا سيء الخلق مهما كان جميل الشكل أو كثير المال، فالمال والجمال يزولان ويبقى الخلوق جميلا ويرجع غير الخلوق قبيحا..

    أختاه، تريثي قليلا ولا تتعجلي فأنتِ لازلت صغيرة وأمامك الفرصة لنيل شخصا طيبا يليق بكِ، ولكن لا تتعجلي في رفض شخص، ولا تتعسفي في استعمال حقك فقد تخسرين شخصا يمكن أن يكون الأفضل في من تقدموا ومن سيتقدوا لك..

    ولكن لا تنسي أن رمي الأحمال على الوهاب الكريم القوي المتين، يريح القلوب، فقولي ربي إني قد وكلتك في أمور دنياي وآخرتي فاقبل توكلي عليه ووجهني حيث الخير..

  8. وائل
    22/04/2012 at 17:03

    لا تتزوجي بدون اقتناع ابدااا وخاصتا انك 21 سنة يعني صغيره جداااا لما تعدي ال 30 ابقي من حقك تفكري

  9. ميما
    21/04/2012 at 20:06

    بصى لاخلاق اول ابن ناس محترم اهم شى وبعده فكرى فاحالته المادية انه هيقدر يعيشك ولالا والعقل اهم شى ايضا

  10. صاحبه المشكله
    21/04/2012 at 01:37

    اشكركم يا جماعه ع الرودو انا صاحبه المشكله صدقونى معظم الى اتقدموا بعد مكننا بنقول مفيش نصيب كنت بعرف انهم مش متدينين ولا حتى بيصلوا انا مش متبطره خالص والله وربنا يعلم ويكتب الى فيه الخير للجميع

  11. اخصائيه حل مشاكل
    20/04/2012 at 16:36

    اختى الصغيره كل شيئ قسمة ونصيب والجواز بالذات محدش بياخد غير نصيبوا فيه وانتى لسه نصيبك مجاش واول لما يجى هتلاقي نفسك مقتنعه وبتوافقي عليه بسرعه واعرفي ان كل شيئ باوان ومعاد ربنا كاتبه وكاتبك زوج معين في يوم معين وسن معين وانتى لسه صغيرة متقلقيش نصيبك هيجى لحد عندك وربنا يكرمك ويكرم جميع بنات المسلمين بالازواج الصالحة ياااااااارب

  12. اميره
    20/04/2012 at 01:40

    انت متاخرتيش عالجواز ولا حاجه انتي لسه صغيره وانا شايفه انك تحاولي قبل ما توافقي على العريس تقعدي معاه الاول عندكم في البيت او بره مع الاهل طبعا ولو حسيتي انو متدين واخلاقو كويسه وافقي

  13. رشا
    20/04/2012 at 00:40

    سلام اختي انا مغربية ويشرفني اني بكون اخت وصديقة الك ولو بنصيحة صغيرة مني ممكن تقبليها وممكن لا المهم بشارك معك انت اول شي لساتك صغيرة 21سنة لسا في مستقبل قدامك خلصي درستك اول شي والزوج بيجي بعدها انشاء الله عشان كلشي قدر ونصيب وبخصوص انوا اتقدمو الك اكثير و انتي بترفضي وخصوصا لما بتشوفي انو اقل منك في التعليم حببتي مو عيب يكون اقل منك تعليما العيب انو يكون اكثر منك في التعليم وولد عيلة مرموقة وميسورين ودو جمال وووو وما في وعي ولاثقافة ولااحترام ولا حب الك ولا شخصية قوية في كثير ناس بتشوف المظاهر وما بتتهتمش بالي جوات هدك الشخص اهتمي حببتي لدراستك وشوفي مستقبلك والزواج انشاء الله لو اجاك حدا استخيري لله كثير وانشاء الله ببين كلشي الك بتمنى الك السعادة

  14. ustazi
    19/04/2012 at 20:50

    بسم الله الرحمن الرحيم :
    * قال صلى الله عليه و سلم ” إذا جاءكم مَنْ تَرْضَوْنَ دِينَهُ و خُلُقَهُ فَزَوِّجُوه ، إلّا تَفْعَلُوا تَكُنْ فِتْنَةٌ في الأرضِ و فَسادٌ كَبيٌر . ”
    * شروط الاختيار :
    1 الإسلام
    2 العقل
    3 الدين
    4 الخلق
    5 الكفاءة ( يعني يكون مناسب للزوجة في المستوى الاجتماعي و المادي و العلمي – ده مش اجباري بس يستحسن )
    * لو لقيتي اللي متقدم يخطبك على دين و على خُلُق و ميسور الحال ؛ عنده شغلانة بياكل منها بالحلال ، و متكافئ معاكي في الفهم و الطباع ؛ و لو لقيتي نفسك مرتاحة ليه نفسيا و ربما وجدانيا – مش لازم عاطفيا- يبقى هوه ده المناسب ليكي .
    – ربنا يرزقك الزوج الصالح ( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )
    *** و الله أعلم ***

  15. ustazi
    19/04/2012 at 20:35

    بسم الله الرحمن الرحيم :
    * ( …وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّى يُغْنِيَهُمُ اللَّهُ مِنْ فَضْلِهِ… )
    *** والله أعلم ***

  16. sun
    19/04/2012 at 17:17

    يا اختي انتي لسه 21 سنه تاخر في الجواز ايه مين اللي قالك كده وبعدين انتي صح طالما انسان انتي مش مقتنعه بيه وانه شريك حياتك واب لاولادك يبقي خلاص الجواز مسئوليه وحياه مش لعب عيال خليكي زي ما انتي قربي من ربنا وادعيله يرزقك بانسان كويس تشوفيه اب لاولادك بتمنالك كل التوفيق والسعاده اختك شمس

  17. أحمد
    19/04/2012 at 15:39

    أنا مش عارف أقولك إ يا ريت توضحي كليتك ومؤهل اللي إتقدملك_أنا مثلا طالب ف هندسة جامعة أسيوط قدمت حربية ورفضوني بسبب مؤهل الوالدين_ بس الحمد لله_
    إستخيري ربنا وربنا يهديكي وفكري كويس ولو مترددة إوعي تتزوجيه _ والله الموفق

  18. عمرو
    19/04/2012 at 15:24

    اولا انتى لسه صغيره….ثانيا انا عندى اختين مؤهلات عليا ومتجوزين مؤهلات اقل……النبى عليه الصلاه والسلام قال….اذا جائكم من ترضونه خلقا ودينا فزجوه…..المهم يكون متدين ومحترم ويقدر يعيشك…….وفى الاول وفى الاخر أقولك كل شىء نصيب……ولو جالك واحد محترم ويقدر يعيشك ما تتردديش…..وربنا يقدملك اللى فيه الخير…….وصلى وادعى ربنا…وادعى ان ربنا يرزقك الزوج الصالح…..تمنياتى بالتوفيق

  19. عبدالعزيز
    19/04/2012 at 05:45

    يعني ايه علشان اقل منك في التعليم يبقي يترفض ؟
    ايه بلد الشهادات دي فعلا
    هو التعلم مش كل حاجة ومش علشان اقل منك في التعليم يبقي دهـ حشرة وانتي احسن منه!!
    دي نظرية خطـأ عندنا في مصــر
    اهم حاجة الخلق والتربية والديـن
    وربنا يكتبلك

اترك رداً أو حلاً لهذه المشكلة