انا هحكلكم من الاول انا كنت بحب ابن خالتى اوى لانه كان الحب الاول وهو مكنش يعرف لمده سنه وفى مره هو قالى انو بيحبنى اتفقنا اننا نفول لماما وخالتى وقبل منقلهم بنص ساعه قالى استنى لما اخلص السنه الدراسيه بتاعتى بس انا كنت مهدت الموضوع وقلتلو مينفعش وقلنالهم بس حصل حاجه غريبه ان انا اللى اتحولت ولد وهو البنت انا اللى كنت بدافع عن حبنا وهو قاعد يضحك وانا استغربت من موقفه وهما قالو ان انا ممكن اتجوز فى اى وقت وهو لسه قدامه الوقت كتير علشان يخلص ويجهز نفسه انا كنت فى اولى ثانوى وهو فى اولى معهد المهم بعد كده اتفقنا اننا نكون اخوات وبعد كده قالى انو بيحب واحه وعايزنى انا اكلمهاله وكان فات على موضوعنا اقل من اسبوع قولتلو انتا معندكش دم وكرر تانى الموضوع وانا كلمتهاله وكنت انا وهى اصحاب وبعد كده 3اشهر واحد كلمنى وقالى انو معجب بيا وانو بيحبنى جدا بس هو من المنيا وانا من الفيوم وبابا مستحيل هيوافق انى اروح بلاد ارياف وانا قولتلو ان بابا هيرفض قالى انا هحاول وكلمتو وحبيته لانى كنت مجروحه من الحب الاول وبعد كده قابلت حبى الحقيقى واحد اتعرفت عليه فى الشات حبيته من قلبى وهو كمان حبنى جداااااااا وكلمته لمد 20 يوم بس كنا بنعشق بعض بجد وماما عرفت وقالتلو متكلمهاش تانى الا لما تتكلم تقول انك جى مع اهلك قالها اهلى مش هيروضو انى اتجوز من برا العيله بتاعتنا قالتلو خلاص قالها انو هيحاول واهله فعلا رفضو وانا لسه بكلم التانى اللى كان معجب بيا وانا مش قادره اقولو انى مبحبوش علشان مجرحهوش مع انى بحترمه جدااااااا وانا دلوقتى تعبانه نفسيا ومحتاره ممكن رد بسرعه لانى بجد تعبانه وشكرا على اهتماممكم
مساء الخير يا اختى موضوعك مهم كتير بصى علشان مطولش عليكى انتى نسيتى ابن خالتك اوك ممكن تنسى الى كلمتيه على النت وصدقينى الحب بيجى بعد الجواز بجد انا حبيت 5 سنين حب من الطرفين والاخر هيا الى جرحتنى بس والله انا مش عارف انساها بس صليت ودعيت ربنا انه يخفف عنى الحمد لله بشوفها ولا كنت اعرفهابصى انا اما كانت معايا فكرنا فى حجات كتير اهله مش موفقين فكرنا نمشى انا وهيا بس انا انسان محترم واهلى محترمين وهيا برده مينفعش فكرنا فى كل شىء بس نصيب والله وصدقينى الى بيحبك ده خديه وهتحبيه بعد الجواز اما تلقيه خايف عليكى جدا وحنين عليكى انتى الوحدك هتحبيه انما الشخص الى اهله مش موافقين لو عاوزك هيخدك لو الدنيا كلها مش موفقا بس النصيب يا اختى حتى لو مبتحبيش ده نصيب القلوب تحت عرش الرحمان يبدلها كما يشاء عسا ان تكرهو شىء وهوه خيرا لكم وعسا ان تحبو شىء وهوه شرا لكم يارب يكون كلامى مفيد صدقينى مفيش حب مخلص //الطير الحزين
انا قولتلو انى مبحبوش تعب قتره وحاول الانتحار وصاحبه قالى كده حرام ارجعيله لانه بجد تعبان
وانا رجعت ليه علشان متعبش تانى بس انا مش بحبه وخايفه اقوله تانى يتعب بس وهو قالى اناجى لاسبوع ده قولتلو جه اخرمعادليك معايا وجتى لو جه اهلى مش هيرضو وكده يبقى الرفض من اهلى مش منى ولو اناغلطانه او فى حل تانى ارجوكم قولولى
بصي يا قمر انا كلامي هيكون باختصار شديد علشان مااطولش عليكي ابن خالتك قوليلو انك مالكيش دعوة بمواضيعه الشخصية ده رقم واحد .رقم اتنين الشخص اللي انتي بتحبيه ده انسيه خالص لو مش هيجيب اهله ويدخل البيت من بابه ويتقدملك اما رقم 3 الشخص اللي قالك انه معجب بيكي ده تقوليله انك مش بتحبيه علشان انتي كدا بتظلميه وبتظلمي نفسك واصلا مافيش حاجة اسمها انا كلمته وحبيته علشان كنت مجروحة من الحب الاول انتي كدا بتظلميه معاكي بجد
حبيبتي لازم تفكري في انك بتحبيه بجد ولا لأ عادي لو مش بتحبيه قوليلو وهو ممكن يسامحك بس لازم تقوليلو دلوقتي علشان مايتعلقش بيكي اكتر من كدا وتكوني انتي سبب جرحه وربنا يوفقك يا قمر واسفة اني طولت عليكي يا قمر
انا بجد متشكره جدا على اهتمامكم وانا اللى كنت بحبه كلمنى من كام يوم وقالى انا كنت بموت من غيرك ومش قادر اعيش من غيرك وانا كمان كنت بموت من غيره وكلمته لانو كان واحشنى جدا والنهارده كلمته وقلتلو انا محتاجه اتكلم معاك فى حاجه مهمه وامبارح مردتش اكلمه لانى كنت لازم احط اخر لموضوع كلامنا مع بعض من غير امل لان اهله رافضن واناكمان ماما مش موافقه قالى انتى مش عاوزه تكلمينى قلتله كل لما اقولك عايزه اكلمك تقولى كده وقولتلو اوك انا مش عاوزه اكلمك وانا ارتحت جداااااا بعد مقولتله كده واللى كان معجب بيا قالى انا جى الاسبوع ده وانا ارتحت جدا بعض نصائحكم دى ولو بابا وافق عليه انا موافقه ولو مرضيش يبقى انا كده عرفت اى اخر المواضيع دى ومتشكره مره كمان على اهتمامكم
ente d3efa awiiiiiii , ana men ra2iey ensehoum koulouhoum w ebd2y men el awel w 3eshiey 7aitek w et3arfey 3la nass w 3’iry koul 7aga w 7esy b 7alwet el dounia w foukek bs fe 7aga ente btzlmey el taniiiiiiiiiiii 5aliey balek , 3aiza 22oulek 7aga enk ma7btesh 3shan da msh 7oub wla 7ad 7abek fe el tlata elly bi7ab bgd bi7ab 7abebou l 7ad ma yemoot sa3etha el 7oub biemoot el 7oub msh gwaz w bs esma3ey kalmey w ebd2y men el awel
انا متشكره جدا على اهتمامكم بس انا فعلا نسيت ابن خالتى خالص واللى معجب بيا بيقولى اسبوع واحد واجى البيت عندكم بس انا مش هقدر اعيش معاه فى بلده وانا مش قادره اقله انى مبحبوش لانه انجرح قبل كده انا مستنيه لما يجى البيت وبابا هيرفضه وتبقى كده انا مجرحتوش واللى كنت بحبه واهله رفضوا كلمنى من يومين وقالى انو مش قادر يبعد عنى وانا كمان كنت بموت من غيره كل يوم بس انا بكلمه لحد لما ارتبط بواحد فى النور وينسهونو لانى مش قادره اعيش من غيره
انا عارفه انك بتدخلى فى قصه بعد قصه علشان تنسى الاولى بس انا من راى ان اللى معجب بيكى لو معجب بيكى يتقدملك الاول بدل ما تحبو بعض ومش يكون بنكم نصيب شكرا
لا يا اختي موضوع مهم جدا واهم من المهم شوفي يا اختي اي بنت تمر بهيك مرحلة واكيد فترة مراهقة حتى لو كانت متأخرة اكيد انتي هلا في حيرة و قلق توتر وحاسة بشيء واجعك بقلبك ومو عارفة شو هو انتي لازم تقعدي مع حالك وتحاولي تعرفي شو هي الأخطاء يلي عملتيها في اختيار الشريك المستقبلي انتي ساعات تفكري بعقلك وساعات بعقلك وانا بقلك انتي لسه ما لقيتي الحب الحقيقي لانك لما تلاقيه رح تلاقي قلبك وعقلك متفقين في كل شي انتي هلا مخربطة جدا ومو عارفة مين تحبي ومين ما تحبي بس صدقيني هادي وفترة ورح تمر يمكن رح اطول شوي بس لازملك صبر وانا مريت بهيك شي ولسخ بمر فيه وبتألم مثلك واكثر بس كثري من الاستخارة صدقيني مش رح تندمي .قال النبي صلى الله عليه وسلم اذا هممت بأمر فاستخر ربك فيه سبع مرات ثم انظر الى الذي سبق الى قلبك فإن الخير فيه …انتي ادعي بقلب صادق والي فيه الخير الله رح يحببه لقلبك ويقربه منك المهم انتي تقربي من الله اكثر حتى ترتاحي وتمر عليك هيك فترة بسهولة مش بتعب مثل هلا وانا هون رح رد عليك دايما حتى لو ما رد عليك حدا انا موجودة وموفقة في حياتك ان شاء الله ودعواتي لكي والسلام عليكم ورحمة الله تعالى وبركاته
ليه بتقولى كده اكيد مهتمين وكل شئ ومشكلتك بسيطه جدا اولا ابن خالتك ده شيليه من الموضوع لانه مش راجل اصلا ولا يعتمد عليه ثانيا الولد الابيحبك لو جاد وناوى خير يفعل المستحيل وياخدك والامور تتاخد بالوفق وبالتفاهم العائلى محصلش كل ده انتظرى نصيبك انتى لسه صغيره ولسه نصيبك الا ربنا عاينهولك مجاش او ربنا لسه ما اردش بيه خلي ايمانك قوى بان الا من نصيبك محدش هياخده واهتمى بنفسك وبمصلحتك المستقبيله كتير ومتسمحيش لاى شاب ممكن يلعب بعاوطفك اوك وصلى واقربى من ربنا وخل ديما جواك ثقه بنفسك موفقه انشاء الله / المحامى
حبيتي والله لسة قارية مشكلتك
يمكن اكيد في غيري كده برده ماقرا مشكلتك
بصي يا عسل انا عايزه اقولك تسيبك خالص من الناس دي ومن الثلاثه دول
انتي لسة صغيرة ونصيبك لسة ماجاش
مش عايزه اقولك ان كلام النت كله كذب او مفيش حب على النت
لاني ببساطة انا اتجوزت عن طريق النت ومعايا طفلين دلوقت وحامل الحمد لله وجوزي زي العسل الحمد لله بس مش عايزاكي تتسرعي
على فكره اول ما تتعرفي على حد لازم يكون بغرض الزواج والا هيلعب بيكي
وفهميه كده كويس وانك من عائلة وانك مستحرمه تكلميه لازم تحت اطار شرعي زي ماانا عملت بالضبط جه يكلمني قلت له انا مش بتاعة لف ولا دوران
اول خطوه تكلم اهلي واكلم اهلك وهو ده اللي حصل
كلمت اهله وكلم اهلي والحمد لله اتجوزنا وانجبنا
وانتي ربنا يرزقك ولسة نصيبك ماجاش
بس ياريت تمسحي الثلاثة دول من حياتك باستيكة
ياريت تفهميني وتبدأي حياتك من جديد وبازن الله ربنا هيرزقك بعريس زي الفل يعوضك ياحبيبتي
ربنا يوفقك
اختك من الامارات
صباح الخير ليه بتقولى كده وان موضوعك مش مهم مهم جدا ولازم تعرفى الصح ليك ولغيرك والكل يستفيد من اى موضوع بيطرح ويرد عليه بالاجابات او الاقتراحات والاراء كى ننشر الوعلا لكل من ليس لديه وعى او خبره فى الحياه علشان ميقعش فى الغلط اولا موضوع ابن خالتك ده تافهه ومش بيحبك ولا متمسك بيك انسيه والشخص التانى الا بيحبك وانتى بتحترميه كويس ولكن فى حاله الصدق والجديه والقبول من اهلك واهله وبدون تعصب او زعل من الطرفين فى حاله عدم الموافقه لان فى الاول والاخر كل شئ نصيب واكيد ربنا عاين ليك نصيبك بس يمكن وقته واوانه لسه مجاش وانتى لسه مشاء الله كتكوته صغيره طولى بالك على نفسك واختارى صح علشان متفشليش فى زواجكك وربنا يوفقك ويوفق كل الا زيك /المحامى
للدرجه انا موضوعى مش مهم بالنسبه لحد خالص على العموم انا اسفه جدااااااااا بس انا كنت فاكره انكم هتهتموا وانا متشكره جداااااااااا على اهتمامكم