أنا طالب تانية تجارة أبلغ من العمر 19 سنة الكل سيتعجب لهذا السن عندما اخبركم بأني أعشق مدرستي بالكليه وهي أيضا تحبني وعندما أخبرتها تظاهرت بأنها غاضبة ولكن عندما اخبرتها مرة أخري قالت لي حاول تقفل الموضوع ده وتنتبه للدراسة ولما قالت كده تغيبت عن الكلية لفترة وسألت عليا كتير وكان معاها رقمي كنت واخد رقمها بحجة لو اي حاجة تعثرت فيها وعايزة أسألها فاتصلت بيا وقالتي مش بتحضر ليه وقلتلها السبب فبكت وقالت المفروض انا اللي مجيش الكلية تاني قولتلها ليه قالت لاني مش قادرة أتصور ان انا كمان عندي نفس الاحساس حاولت أفسر مشاعري غير كده بس مش لاقية لاهتمامي بيك معنى تاني انا للعلم سني صغير لكن عقليا كنا قريبين من بعض وجسديا انا الحممد لله 183 سم و 78 ك يعني مش طفل بس المشكلة ازاي ممكن نتجوز وفرق السن يقارب السبع 7 سنين او أكتر وموضوع اني أبعد ده شئ صعب على فكرة دي أول حب وليا اخوات بنات في سنها لتقولوا كان نفسي يبقا ليا اخوات في سنها واتأثرت بيها كمان انا ليا اصحاب بنات في العشرينات ومشاعري ناحيتهم عادي الا هي اللي مشاعري ناحيتها مختلفة تماما
مشاكل الشباب مع البنات
طالب واحب المعيدة في الكلية
اضيف بتاريخ: Sunday, January 8th, 2012 في 23:18
كلمات مشاكل وحلول: مشاكل الشباب
طبعا المشكلة ليست في فرق السن والمنصب الجامعي ولا حتى الفرق المادي كل هذا يذوب ما داب هناك حب حقيقي ولكن انا لم المس معنى الحب الحقيقي في كلام الاخ صاحب المشكلة وعرضه للمشكلة فيبدو انه شخص اجتماعي وهي ايضا اجتماعية مثله لذلك تبادلا ارقام التليفونات وهذا مرفوض بالطبع وكذلك التسرع في قوله لها انه يحبها وهذا فيه تهور دون التأكد من المشاعر بطول المدة ثم غضبها من كلامه ويبدو انها شعرت بالذنب عند غيابه من الكلية فظنت انه شعور بالحب والاخ يقول انا عندي صديقات كثيرات في العشرينات انا انصحه وانصحها باللجوء لله وعدم تخطي الحدود والالتزام بشرع الله فقد يكون هذا اعجاب بين طالب مجتهد ومعيدة متميزة خاصة انهما يتسمان بالجرأة والاجتماعية الزائدة
اخي العزيز انا رايي مادامت البنت على خلق وبنت ناس ومستواكم متقارب وتفكيركم متقارب ف لـم لا استخير ربك وتوكل على الله اتمنى ان لا تلقى مشاكل مع اهلك بسبب فارق السن لكن لازم تعلم ان السعادة لا تشترى بالمال ولا بالجمال ولكن بالارتياح والحب والقبول فمن الممكن ان تعيش معها سنة وانت اسعد انسان في العالم وممكن تعيش مع اخلى تصغرك سنا طول العمر ولكن لا تشعر بالسعادة فتوكل على الله وتقدم لها طبعا بعد موافقة الاهل والله يكتبلك اللي فيه الخير .
بس الموضوع محير يا جماعه فرق السن كبير وبعدين هيا الي اكبر منه .انا من رايي الي قال انه يستخير ربنا ولو قدر يتدبر امره ويتقدم لخطبتها بعد ما يخلص ماشي .بس ممكن ياجماعه ده يكون حافز له انه يتفوق ويبقي زيها معيد .ده رايي بس بجد حلجه محيره
انا بقولك استمر لان الحب مش بييجي غير مرة واحدة وبالذات انها كمان اعترفت ليك بحبها انا عن نفسي متجوز دكتورة اكبر من ب 3سنوات والحمد لله سعداء بطريقة لا توصف العمر يعاش مرة واحدة .
انا من رئيى الابتعاد افضل والانتباه لمذاكرتك افضل شئ لان سنك صغير عنها كتير ومش كل شئ بييجى بالمشاعر بنجرى وراه فى حجات اهم فى حياتنا على حس السن بنقررها ركز فى دراستك وشهادتك افضل وبعدها ربنا يوفقك للانته بتدور عليه وحتى لو الامر اتعرض على اهلك مش هيلاقى قبول وممكن تحصل مشكله نفسيه ليك ومتقدرش تكمل دراسه بسبب الموضوع فاهتم بدارستك افضل وربنا معاك / المحامى
ايه دة ايه دة ايه دة يخطبها اذاي وبيقولك فرق السن 7 سنوات وانت يا ابني اذاي تجوز وحدة اكبر منك؟؟؟؟ انت لازم تنسي الموضوع دة خالص
عزيزي انا معيدة في الجامعة ايضا و سني من سن مدرستك تقريبا…..و بصراحة الامر محير …خصوصا انها كانت من الشجاعة بحيث تعترف لك بمشاعرها…و تبادر بمحادثتك و السؤال عنك…و هذا يدل على ان رغبتها بك صادقة…و لكن المشكلة انو باقيلك سنتين على التخرج و الاعتماد على نفسك…انصحك بان تعرض الموضوع على والدك او من يستطيع ان يساعدك ماديا في الموضوع و ان تستخير ….و اذا وجدت انك قادر على تدبير الامر لا باس بان تتقدم لخطبتها و الله اعلم…..