انا ف 3 ثانوي بحب واحده ف سني ، وان شاء الله ناوي على جواز انا متأكد اوي من مشاعري ناحيتها وعارف الفرق بين الأعجاب والحب الحقيقي ، وهيا كمان بتحبني -وللعلم انا كلمت والدتي ف الموضوع يعني انا مش مخبي حاجه عنهم كمان والدتي وحبيبتي بيتكلموا بأستمرار مع بعض
اللي مخوفني حاجه واحده ،، ان احنا لما نروح الكليه ممكن تتغير من ناحيتي او تحب حد غيري ، يعني هل البنات فيهم الطبع ده ،،انا معرفش ؟؟
يعني هيا من النوع المنفتخ شويه ممكن تكلم زمايلها ف المدرسه وكده بس انا بقولها مش عايزك تكلمي ولاد خالص حتى لو زماله ،، انا مش عارف هل هيا هتسمع كلامي لما تروح الكليه وهل انا صح ف كلامي ده ليها ؟؟؟ ياريت تجاوبوني الموضوع ده تاعبني جدا …
والله العظيم ما فيه امان لاى بنت زى ما قالت لك بحبك هتقول كمان لغيرك انا بتعزب بفراق حبيبتى وانامش قادر اكلمها تانى ومش قادر انساها بس الفرق بينى وبينك ان امها مش عايزانا لبعض
بص يا عسل انت بتقول انك بتحبها ومتاكد من مشاعرك وبتقول ان والدتك كمان بتكلمها باستمرار حلووة اووووووي لحد كدة عايزة بقا اسالك شولين اول حاجه هيا بتحبك تاني حاجه بتحبك لدرجه انها ممكن تستناك لحد ما تشوف حالك وهتقدر تستناك لحد ما تخلص سنه سنتين عشره هتستناه ونصيحه مني ليك متخلهاش تكلم ولاد حته لو كانوا صحابها الواد بكلمه ممكن يشد البنت حته لو عارف انها مرتبط او بتحب حد وكلمها براحه بحيث انها متخبيش عليك حاجه انت محترم ونادر اوووي منك انا نفسي ربنا يكرمني زيك ربنا يخليكوا لبعض خد بالك منها وبطريقتك هتخليها تحبك وتستناك وتخاف عليك
طب انت متاكد من مشاعرك وعرفت تفرق ده اعجاب ولا حب
بس ياترى هي كمان عرفت تفرق ولا يمكن ده يبقى اعجاب وانت عارف في ثانوي بيبقى للبنت مليون حبيب الاولانى امور والتانى عريض وجارها بيبصلها وهي نازله عالسلم و ابن خالتها مسك ايديها وهي بتناوله الكوبايه و و و و هتلاقيلها مليون واحد تحبه وعشان انت حبيتها ومحسسها انك خطيبها ومتكلمش ولاد تانيين وكده فالبنت حاسه انها فعلا بتحبك انما ممكن لما تخش الكليه تحس ان اللى فات هبل وتقعد تضحك عليه .. انا قاسيه شويه فكلامى بس رايي انك تسيب البنت فحالها تكلم اللى تكلمه متكلمش يبقى احسن لان ولي امرها هو والدها في الفتره دي مش انت .. لحد ما ربنا يلطف بيكو وتتخرجو بعدين تتقدملها .. اعذرني اذا رايي ازعجك فحاجه و السلام عليكم ورحمه الله وبركاته
الانسان بعيش المبداء والقناعةيعني هي لو بتحبك رح تسمع كلامك وان شاء الله رح تتوفقواز اما البنت اذا كبرت وما عرفنا كم عمرها يمكن تغير رايها خليك زي ما انت معها وهي اكيد الها عقل وتحسبها منيح .عصفور باليد ولا عشرة ع شجرة يعني اكيد رح تضلها تحبك اذا انت ناوي الزواج ونية الصادقة
اذا كانت بتحبك بجد مش هتشوف حد غيرك حتى لو عندو مميزات اكتر منك ….بس مش ممكن انت الي تتغير مشاعرك ناحيتها ؟!!لأنو قلب المرأة كشوكولاتة تويكس لواحد مش لاتنين بس قلب الرجل كشوكولاتة الجلاكسي معها تحلو المشاركة :)…….و حتى لو مشاعرك ما اتغيرتش و هي حبت حد غيرك فما تزعلش لانو انت مش ممكن تخسر حاجة ما كانتش ليك من البداية …….المهم دلوقتي تركز في المذاكرة و ما تشغلش بالك لان اللي مكتوبلك هتاخدو مهما كنت ضعيف و اللي مش مكتوبلك يستحيل هتاخدو مهما بلغت قوتك….و كما قال الشافعي ( رأيي صواب يحتمل الخطأ و رأي غيري خطأ يحتمل الصواب )