عندى 24 سنة عارفة انى مش كبيرة اوى بس كل البنات اللي حواليا ومن غير مبالغة اتجوزوا وكمان معظمهم اصغر منى وعارفة كمان ان كل شئ قسمة ونصيب وانى مش بايدى ولا بايد حد تانى الموضوع دة بس لما الموضوع يوصل ان اقرب الناس ليك يعيرونى بانى لسة عانس وبايرة لحد دلوقتى بيبقا صعب اوى محدش بيحس بيا غير امى بس هى كمان ع طول زعلانة ومضايقة عشانى اللي تعابنى نظرة الناس لي وكلامهم وتعبت بقا
انا بقا خلاص هتم كمان شهرين 29 سنة مش مصدقة اني وصلت لسني ده ومش اتجوزت حزينة اوي علي نفسي تعبانه جدا نفسيا وجسديا اتخطبت 3 مرات ومفيش فايدة مكنتش مرتاحة ولا مبسوطة في الخطوبات لآني كنت مضطرة اوافق من غير حب او اقتناع عشان كبر السن واتجوز بس للأسف مش بقدر اكمل مع حد عشان مش مرتاحة ودلوقتي متقدم ليا عريس يقعد سنة خطوبة يعني هيكون عندي 30 سنة والله واعلم هتم ام لاء ادعولي بالله عليكم
انا نورا اللي كنت كاتبة اني هتم 24 كمان شهرين .. انا دلوقتي 25 سنة و3شهور .. اتخطبت فترة وفسخت خطوبتي الحمدلله .. كان بيشتغل ظابط شرطة وكان مستواه المادي والاجتماعي فوق الممتاز وبجد كانت اسوأ فترة في حياتي ماحستش اصلا اني مخطوبة وكان فيه طباع سيئة جدا جدا جدا(قاسي .. متسلط .. بخيل جدا في كل حاجة حتى الكلمة والزوق مش عنده) . وكان بيعملني كأني كنت عسكري عنده .. بجد الحمدلله ان ربنا قدرني وفسخت الخطوبة وانا مرتاحة جداجدا للقرار ده .. بس رجعت لنفس الايام والوحدة (اصلا ماراحتش من عندي لما اتخطبتله ) جت عليا فترة اتعقدت من الجواز كله بس الحمدلله كانت فترة صغيرة اوي ورجعت احسن من الاول وقلت لنفسي اكيد فيه ناس كويسة وان شاء الله ربنا هيرزقني بواحد منهم وبجد نفسي اعمل اسرة وبيت .. يارب يرزقني ويرزق كل البنات الازواج الصالحين بجد 🙂
كلام الناس كتير حولى متهتميش بكلامهم لانك كل يوم هتزعلي جدا لو اهتميتى بكلام الناس
انا زى نورا تمت ال24سنه من شهرين حسه انى عنست كل اصحابى الى اتجوزت وجابت اطفال و الى اتخطبت و انا مفيش حد أتئدملى خالص ده تاعبنى جدا مع انى الحمد لله حلو بيئولو عليه مسمسمه بس مفيش حد جالى مشكلتى انى بمووووت فحاجه اسمها الاولاد نفسى اكون عيله و اسره و يكون عندى اولاد و الفراغ الى الواحد فيه بسبب عدم و شغل مناسب بيخلى الواحد يفكر اكتر كل ماأشوف حد من اصدقائى او اقاربى يتخطب او يتجوز ازعل بس غصب عنى حسه ان ربنا غضبان عليه علشان كده كل يوم اسهر للفجر وأدعى قبله سمعت ان ربنا بيكون فى اول سماء و يقول هل من طالب حاجه لاقضى حاجته بدعى يرزوقنى بالزوج الصالح انا و كل ألى زى معلش طولت عليكو بس اصلى كنت تعبانه و محتاجه انى اتكلم مع حد يفهمنى صح
دنيا غريبة بجد واللي يقدر يتماشا معاها يبق بطل انا بقي بيجلي عرسان واهلي بيبقوا موفقين والدنيا تمام وفي حد معين لما بيعرف بيدعي عليا بعدم التوفيق والعنوسة قريبنا قوي عموما لازم نحمد ربنا عشان ملناش غيره
طظ في الناس وكلام الناس..
هو أنا خلقت نفسي
هو أنا اخترت عقلي ونصيبي
هو أنا اخترت رزقي
هو أنا اخترت قدري
اللي عايز يعيب ما يعيبش عليكي، كل حاجة نصيب وربنا له حكمته..
طبعا مقصدكيش بالتحديد لكن أقصد أي حد..
وبإذن الله ربنا يرزقك بواحد يخليكي تحطي صباعك في عنيهم.. وأنتي طبعا مش زيهم ومش هتعملي كده..
صراحة انا مصدومة من سنك وعلماء النفس حيرانين ليه الطلاق نسبته فى زيادة مادام ديه فكرتنا عن الزواج يا حبيبة قلبى انت صغيرة جدا جدا على اللقب المقيت اللى الناس بتقوله عن تاخر االزواج الزواج مش مجرد انسان هتلبسى دبلته ووسيلة تخرصى بيها السنة الناس دا انسان هتكونى ليه بكل معنى للكلمة ولازم تكونى مقتنعة بيه على كل المستويات الجواز مش مرحلة انتقالية دا انسان بتسلمى له نفسك وعقلك وروحك يبقى ازاى يكون اختيارك لارضاء ناس ارضاءهم شئ مستحيل لان الناس بطبعهم ما بيعجبهمش اى حال وطبعا انت عارفة قصة جحا مع ارضاء الناس ونصحتى الجائى للدعاء بالزوج الصالح وتجهلى كلام اى حد
على فكره انا كمان كده وهتم 24 كمان شهرين وحسه اني مضايقه اوي مع ان جالي عرسان كتير وانا الحمدلله شكلي معقول لكن المشكله ان كل عريس يجي مالقيش قيه المواصفات اللي بتمناها لزوجي ان شاء الله ..وبردو كل اصحابي اللي اتخطبت واللي اتجوزت وساعات ببقى حزينه بس بردو اقول لنفسي مستحيل اوافق على اي حد كده وخلاص حتى لو عنست فعلا .. وبدعي ربنا كتير يرزقني بالزوج الصالح اللي يستاهلني .. وانا اصلا مش هموت على فكر ةالجواز لكن اللي فعلا دايما بيؤرقني ان انا نفسي يبقى عندي اطفال فعشان كده عايزه اتجوز وبردو مش اي حد ..انا مش فارق معايادلوقت انا الحمد لله حواليا اخواتي وبابا وماما ربنا يخليهملي .. لكن اللي بيضايقني لما افكر في بعدين والوحده لو لا قدر الله حصل حاجه لحد منهم الف بعد الشر عليهم انا بحبهم اوي مع أن محدش عارف مين هيموت قبل مين … بس ساعات اقول لنفسي ممكن لو اتجوزت ماخلفش او اخلف ولا قدر الله ابني او بنتي يحصلهم حاجه او زوجي لا قدر الله يحصلو حاجه فارجع واقول كله بأيد ربنا .. بس فعلا اكتر حاجه مضياقني دلوفت الفراغ ..خلصت الجامعه واخدت كورسات وخلصتها وقاعده فاضيه ومافيش شغل كويس ومبحبش الخروج كتير فبجد الفراغ ده اكتر حاجه مضيقاني اكتر من فكرة الزواج او يمكن الفراغ ده هو اللي كبر موضوع تأخر الزواج في دماغي ..ربنا يرزقك يا جبيبتي الزوج الصاح انتي وكل البنات يارب
والله يا اختي انتي ممكن تتجوزي وانتي 20 سنة ويطلع جوزك ده اعوذ بالله وتتطلقي وتبئي مطلقة بدل عانس او تكملي معاه وتبئا حياتك عذاب في عذاب
اهم حاجة خليكي مع ربنا وثقي تماما ان ربنا مبينساش حد و أهم حاجة تحكمي عقلك
عشان اللي انتي فيه ده ممكن يخليكي توافقي على اي حد وتدخلي في مشكلة اكبر.
انتى عارفة انا زيك نفس السن وكل الاقاريب والجيران والعيلة كلها اتخطبت واتجزوز وافضل اسال نفسى انا فيه ايه؟
تعليم عالى وشغل محترم وعلى قدر من الجمالزناس كتير قالتلىاصل الولاد بتدور على بنت صغيرة تربيها بحيث انها ميكنش عندها خبرة قبل كدةزبس انا الحمد لله عشان بصلى وعارفة ربنا فتوكلت عليهوان شاء الله بصبرك وايمانك ربنا هيرزقك باحسن الناس
يابنتى الناس بتتكلم ف كل حاله كبيرة صغيرة بيتكلموا انتى لسه صغيره خليكى واثقة ف ربنا وفى نفسك اكيد كل واحد فينا ليها نصيبها وهتاخده مافى بناتا تجوزوا صغيرين ف جيلنا حياتهم مشاكل وتعب وقرف انتى هتلاقى الى يحبك وتحبيه بس اصبرى والى حوليكى بيتكلموا فى كل الحالات صدقينى حد القريبين بيتكلموا انتى لما تكونى واثقه فى ربنا وفى نفسك هتستحملى اى حاجه تتقال من اى حد سيبك من الناس الناس لو فى مكانك هيعملوا زيك واكتر وانتى م تقولى معايرة انتى لسه صغيره خليكى قويه وربنا معاكى ان شاء الله
ي حاجةاشغلي حالك با
أختى الفاضلة
24 سنة مش كبيرة ولا عانس
وسيبك من كلام الناس
والجواز ده قسمة ونصيب مفيش اى حد ليه يد فيه
وغير كدة الناس مش بتطبطل كلام فى كل الاحوال
الله اعلم جايز كنتى اتجوزتى بدرى ومحصلش اتفاق بينك وبين جوزك
وتذكرى الاية ( لكيلا تأسوا على مافاتكم ولا تفرحوا بما أتاكم )
وتذكرى الحديث الشريف ( اعلم انك ماأخطأت لم يكن ليصيبك وما أصابك لم يكن ليخطئك رفعت الاقلام وجفت الصحف )
وربنا يسعدك ويوفقك ويرزقك بابن الحلال
كل شئ قسمة ونصيب
بص عندك 24 سنة وبتقول عانس انا عندى 31 اعمل ايه بصى مش بيهمنى كلام الناس اه انا مش شكلى يدى سنى بس كبيبرة بص اهم حاجة انتى مش الناس اصبرى ان الله مع الصابرين وبجد حتلاقى حد يحبك اهم شى ويعرف ربنا
بصى يا اختى
محدش يعرف الخير فين
اصبرى واقتربى من الله واطلبى منه رجل صالح
واكثرى من الدعاء
لأن الله هو الرزاق والزواج ده رزق
وبعدين انتى لسه صغيره على العنوسه
فيه بنات سنها عدى 35 ولسه مفيش نصيب
واظن ان المشكله فى الناس اللى حوليكى اللى بيعيروكى
هما اللى سببوا ليكى الشعور ده
توكلي على الله ودائما صلي ركعتين الحاجه كل يوم و ادعي ربنا وتقربي الى الله اكثر اللهم انت قلت ادعوني استجيب لكم وانك لا تخلف الميعاد
وما تفكريش بلناس ربنا شايف وانشالله دة الناس يلي بتحكي عنك حيشوفو انك صبرتي ونلتي يعني مثلا انا تزوجت بسن 26 سنة دا شي عادي اتوكلي على الله وامني بالله
ربنا يستر عليكي
بصى الناس عمتا لو انتى كويسه هيقرو عليكى لو انتى مش كويسه هيجيبو فى سرتك فملوش لزمه انك عملى حساب غير لنفسك واوعى الكلام ده يوصلك لحاجه غلط انا واحد من الناس فشلت فى قصه حب كانت اجمل سنتين فى حياتى ورغم زالك اقرب الناس كانى بيكلمونى زيك بس انابعمل اعتبار لنفسى اقبل اى حد انتى عارفه انا كنت بحب البنت دى ادى ايه وتخيلى هيه خنتى بمقدار الحب الى انا حبتهلا تخيلى الالم يبقى اد ايه وبعدين كل شئ اسمه ونصيب بس اوعى توصلى لطريق غلط
انا مش عارف ايه التفكير بتاعنا القديم ده
ما هو ده سبب تخلفنا للاسف
ايه يعنى بنت عندها مش 24 سنة لا 30 سنة ولسه متجوزتش عااااااااااااااااااااادى
خليكى واثقه فى نفسك وميهمكيش
وان شاء الله ربنا هيكرمك بواحد بن حلال
واجمدى كده
وعلى فكره البنات اللى بتتجوز وهى صغيره من سن 18 – 21بتحصل مشاكل فى حياتهم كتير
عشان عقلهم صغير اوى
انا بقول لك ان كل شئ قسمه ونصيب واصبرى انتى سنك لسه صغير مكبرتيش قوى وبعدين انا اعرف بنات سنهم كان اكبر من كده وربنا مخيبشى ظنهم وانا عن نفسى بقول لك اصبرى
بصى ده قسمه و نصيب انتى مش لقيه حب انتى لو عشتى حياتك بطبعيه والى بيسمع كلم الناس اخرته بجد وحشه الناس مش بيعجبها العجب ولا الصيام فى رجب ما خالكى عيده فى حياتك ولما يجى النصيب تمسكى بيه و لزم يكون بيحبك زى ما انتى بتحبيه وميهمكيش نظرات الناس ولا كلمهم
ربنا يصبرك ياحبيبتى انا داخله فى ال21 سنه وحاسه انى عنست ده طبعا باعتبار ان كل اصحابى وجيرانى اللى اتخطبت واللى اتجوزت والكام عريس اللى جوهم لى مش مناسبين انا راى من راى ديدة اتفرجى على مسلسل عايزه اتجوز والنبى البت هند صبرى مصبرانى ربنا معاكى هدعيلك دعائى مستجاب
المهم انا عندى مشكلة اكبر من مشكلة الزواج دى انا عمرى ماحبيت ويوم مفكرت احب لقيت اللى بيحبنى وهيعمل كل حاجه علشانى يطلع اصغر منى وانا خايفه احبه حتى علشان يمكن مشاعره دى مراهقه سااااااااااااااااااااعدونى
صدقيني كل شئ قسمة ونصيب وتأكدي إنو ربنا بيختارلك الخير وين مكان
يعني لو أجوكي خطاب كمان وماطلبو ماتيأسي بالعكس إفرحي يمكن هما شر لئلك ومش حتكون إلك سعادة معاهم فربنا بعد عن الشر
وتأكد إنو ربنا مابيختارلنا الا الخير
لاتكرهو شئياً لعله خير لكم
وصدقيني نسبة 10 % من المتزوجين يلي شيفاهم مبسوطين
والمعظم مااني شايفة نسبة كبيرة مبسوطة
ربنا يوفقك ويسعدك ويحنن كل من شافك عليكي
ويرزقك الزوج الصالح يلي يعرف قدرك ويحميك ويخاف عليكي ويصونك
موفقة أختي بالله
علي فكرة انا في نفس سينك وبعاني من نفس مشكلتك
بس عادي يعني بكرة هنتجوز او علي الاقل هنكتسب مناعة من المعايرة دي
بصي احسن حل حاولي تتفرجي علي مسلسل عايزة اتجوز
اختى فى الله السلام عليكم ورحمة الله وبركاتة اول شىء احب اقولك ان زي ما قولتى ان موضوع الجواز والارتباط دة رزق من عند رنا ولسة رزقك ما جاش لحد دلوقتى ليس لانك غير مرغوبة ولا انك مش حلوة ولا لانك كبيرة فى السن وعمرك اتسرق منك كل دى مداخل شيطان وقنوت من رحمة الله هقولك على حاجة بسيطة انتى والناس اللى حوليكي ولا رسول الله اللى كان بيتاذى من الكفار وبيلقوا القمامة على بابة وهو رايح وجاي وكان صابر على ابتلاء الله له وهو افضل الناس مبالك ماذا تكون انتى ولا انا ولا اي بشر انسى الناس ولا تعطي اذنك لاحد حتى لا تتعبي نفسيا وتزكري انك فى اختبار من الله للتحلى بالصبر هلتعلمي يا اختى فى الله ان الله ياتى يوم القيام وينادي على الخلائق ويقول اين الصابرون على البلاء وهو عز وجل اعلم بهم فيقلو العباد نحن يارب فيقول عز وجل ان ادخلوا الجنة بغير حساب ) انسى البشر وانسى الدنيا وانسى كل شىء وكونى مع ربنا وقلى لنفسك كل لن يصيبنا الا ماكتب الله لنا ) وانشالله ربنا يرسلك ابن الحلال اللى هيخرص الالسنة كلها وقلى الله يهدى وقولى اللهم انى اعوذ بك من شرورهم واجعل كيدهم فى نحورهم والله يوفقك ارجو منك الدعاء لى بظهر الغيب فى هذا الشهر الكريم وتضرعى الى الله هو الموفق والصلاة والسلام على سيدنا محمد وعلى اهله وصحبة وسلم والسلام عليكمم ورحمة الله وبركاتة
لية يا حببتي ماما زعلانة زي ما قولتي كل شئ اسمة ونصيب وربنا هيرزقك بابن الاحلال انشاء الله وسيبها علي ربنا وانت متنسيش ربنا وصلي دايما الحياة مش جواز وخلاص المهم تكسبي الاخرة سيبك من الدنيا انا بنت خالتي ذيك كدا وفي كمان واحدة اتجوزت ومش خلفت ما نبها غير زل الاراجل وخلاص بعد الشر عنك طبعا بس اصبري اصبري شوية وربنا هيسهلها انشاء الله
ربنا يرزقك بالزوج الصالح وحاولى تطنشى كلام الناس ربنا هيبعتلك يا بنتى وانتى لسه كتكوته 24 امال الى وصلوا 3 يعملوا ايه هو انتى مش بتشوفى مسلسل عايزه اتجوز ولا اي هههههههههههههه ربنا معاكى