انا حاليا غضبانة في بيت اهلي بعد ما جوزي ضربني وانا في بلد تانية وبقى يفطر ويتسحر مع أهله وفاض بيا ومشيت ومعايا منه طفل
المهم أنا هقبض جمعية الشهر ده ومحتارة اخدها ولا اسيبها له والفلوس اللي معايا قربت تخلص واهلى على قدهم مش عايزة ازود همهم
اعمل ايه اخدها ولا اخلي الناس تبعتها له
وشكرا
مشاكل الازواج
غضبانة في بيت اهلي هل اللي هعمله صح ولا غلط
اضيف بتاريخ: Friday, May 17th, 2019 في 13:42
كلمات مشاكل وحلول: اطفال, طفل, مشاكل
خذي فلوس الجمعية عشان تصرفي منها على ابنك الصغير اوعي تخليها له ومسالة انك عضبانة عند اهلك عشانه ضربك فلازم احد من اهلك يحل دي المشكلة وترجعي لجوزك وبيتك المراة مالها الا بيتها وجوزها واصبري وتحملي عشان ابنك الصغير وربنا يصلح حالك مع جوزك ويسعدكم في هذة الحياة
مع احترامي لكل ردود الاخوة الذين ردوا عليك واتفق معاهم في ماقالوه لك لازم تعرفي مصيرك مع البنى ادم دا لوعاوزكي يجي يرجعك من بيت اهلك ويعتذر منك على كل ماعمله فيك من ضرب واهانات ويتعهد لك قدام اهلك بانه مش هيعمل كده معك ساعتها ارجعي له وانت راسك مرفوعة ومحافظة على كرامتك وكرامة اهلك وموضوع فلوس الجمعية انت احق بها انت واولادك طالما انه مايصرفش عليكم وانت عند اهلك
متخليش فلوس كل حاجه فى حياتك اتصى بيه عن طريق اى حد يكون محترم ويقوله فى امانه عند مراتك جمعية …. مع الالتزام نفقة اولادك فى حالة وجودهم بمنزل جدهم ….
فى هذه الحالة اكيد لو راجل ابن اصول سعتها حيصونك فى قلبه مش حيستغنى عنك
اما لو اخذتيها فلو للاسف حتكون مشكلة اخرى وربما تكون اخر مشكله وبعدها انفصال ربنا يستر
خذي اموالك
اهلا بيكي يا أختي
طبعًا الجمعية تاخذها تصرفي منها
وبخصوص موضوع ضربك ده الغضب من الحل لازم وقفه محترمه من والدك ولو ليكي أخ متسيبيش الموضوع يطول او عايم لان ده مش في مصلحتك ـ هو شايف كده انه بيأدبك.
وان شاء الله تتراضي وتتصلحي وترجعي بكرامتك
ورجاء متحاوليش تتعصبي او تعصبي جوزك ومتجعليش الموضوع يتطور انه يوصل للمرحلة دي تاني
وحافظي على كرامتك وكرامة اهلك
خديها طبعا ولو تم الصلح وسألك اكيد هيكون ردك كنت هصرف منين والطفل ده ملزوم مني.. واللي يقولك ابعتيهاله عشان ما يعملش مشكله تانيه قوليله طب اتحمل مصاريفي انا وابني..واعملي وقفه كويسه عشان جوزك ما يكررش اللي عمله.
يعنى انت غضبانة هو مهتمش يبعت مصروف لاولاده ولا ليك يبقى من حقك تاخديها تصرفى منها عليكم