مشاكل الخطوبة

فسخت خطوبتي قبل الفرح باسبوعين و نفسيتي مدمره

حصلت مشاكل على القايمه و خطيبي اتكلم مع اهلى بقله احترام و ذوق كذا مره و غلط فى والدتى و كانوا بيهدوا الدنيا علشانى و علشان الامور تمشى لانهم مش هيظلموه لكن هو ما اتغير بعدين اهلى قرروا اننا نسيب بعض و انا سمعت كلامهم حتى لو مكنش على هوايه و انى بحبه و كنت متمسكه بيه هو بعتلى بس انا عملتله بلوك لان اهلى طالبوا منى كدا و قالوا ان كرمتهم من كرامتى و انه ازاى يجى يعمل كدا فى بيتنا و هو خطيبك و ميحترمش البيت اللى دخله انا مدمره نفسيا لانى بحبه و اهلى قالولى مش تصغرينا قدام الناس و لو اخر راجل فى الدنيا مش هتجوزه طبعا فقدت الامل فى رجوعنا بعدها فكيت البلوك و بعتله افهم ليه كان بيتعامل كدا و وصلنا لكل دا مردش و عملى بلوك و راح خطب صاحبتي انا دخلت فى حاله انهيار و نفسيتي مدمره اوى انا بجد حبيته من كل قلبي و حاسه ان اهلى ظلمونى بسبب انهم منعونى ارد عليه و احاول انا و هو نحل الموضوع بصراحه وقتها خوفت منه و من اهلى يعرفوا انى رديت عليه و سالته انت شارينى قبل ما يحصل كل دا قالى كنت. انا عارفه ان حياته مش هتقف عليا بس ازاى انسى حبه و فرحتى اللى اتكسرت ؟ و هو ازاى نسانى بالسرعه دى و خطب ؟ بعد سنتين خطوبه كل حاجه انتهت فى لمح البصر. هل اللى يغلط و يعلى صوته على اهلى يبقا مش كويس ؟ مع انهم متكلموش معاه غير بحترام و كانوا بيوصلوا لحل و لما وصلنا لحل رجع هو فتح الموضوع تانى بعد ما قال خلاص مش نفتحه.