المشكله باختصار انى كنت خاطب بنت خالتى وكنا كويسين جدا مع بعض وانا بحبها اوى وهيا كمان وحصل مشاكل بين امى وخالتى وبسببهم فسخنا الخطوبه ونفسى ارجع ليها تانى بس المشكله الكبيرة ان امى قالتلى لو رجعلتها تحرم عليا ليوم الدين ولا انتا ابنى ولا اعرفك ولا تاكل من اكلى ولا تدخل بيتى وتحرم عليا وانا مش عارف اعمل ايه خطيبتى مفكرانى ساكت عشان مش عايزها او مش بحبها لكن فى الحقيقه والله انا بحبها ونفسى ارجعلها تانى بالله عليكم تساعدونى …
اخي العزيز حاب اقولك انو زواج الاقارب ملي بالمشاكل والخلافات الدائمة التي لاتنتهي ناهيك عن الامراض الوراثية التي تحصل من زواج الاقارب ودام ان امك وخالتك من البداية مش على اتفاق وحصل بينهما كلهذي المشاكل فمن البديهي انك تصرف نظر عن الارتباط بالبنت دي بنت خالتك وتطيع امك وتكسب رضاها ولاتكسركلمتها لان الام عمرها ماتتعوض ابدا اما الفتاة التي تحبها هتلاقي غيرها ويمكن احسن منها مليون مرة والحب ياتي بعدالزواج ومع العشرة انصحك لوجه الله تعالى بان تترك البنت وتتمنى لها الخيروالسعادة مع غيرك وترضي امك وتسمع كلامها فرضاها من رضا الخالق عزوجل وصدقني امك تحبك وتريد الخيروالسعادةلك واياك والخروج عن شورها اواغضابها وعصيانها والله يصلحك ويبارك فيك ويعوضك نشاء الله بالزوجة الصالحة في هذي الحياة
شوف يا صديق اولا انا ضد زواج الاقارب تماما لانو بالفعل يورث ضغينه بين الطرفين فى اغلب الاحوال لاكن انا شايف كده انك مصر على البنت دى بالذات وبتشوف فيها الزوجه المثاليه ليك ولو ماخدتهاش مش هتلاقى البنت الى تملا حياتك انا معاك لاكن فى نفس الوقت مفيش احن من قلب الام فى الدنيا كلها انت محتاج حاجه واحده بس انك تدخل لمامتك من اكتر من طريق وهقولك تعمل ايه اقعد معها الاول واحضنها وبوس يدها وانتى الغاليه وانتى الام الحنونه وانتى الى ليا فى الدنيا كلها بنات ايه وزفت ايه الراجل ممكن تزوج الف بينت لاكن انتى واحده وبس ومفيش غيرك انسي يا ماما الزواج ده تماما انتى بس الى تهمينى يوم بعد يوم تعمل شويه حركات من دى ولازم تخليها تدحك من قلبها بعد كام يوم كده وانت بتحضنها وتبوس يدها وفى لحظه انشراح تام تقولها بس يا ماما لو تسمعى كلامى والله لجبهالك عبده هنا وبكره تقولى ان دى احلا بنت فى الدنيا كلها واقولك كمان يماما انا مبحبش اختك دى بس ايه زنب البنت الغلبانه دى تعرفى انها قابلتنى وبتعيط وبتقولى انا نفسي اروح لمامتك واعتزرلها والله قلب الام ما فى اطيب منو ___ طيب نشفت دماغها ومفيش حيله معها اتخذ الطريق التانى واعمل عليها تمثيليه ادخل اوضتك واقفل الباب على نفسك واعمل نفسك زعلان هتخبط عليك قلها معلش ياماما سبينى لوحدى تجهز الغدا متاكلش انزل اتغدا فى مطعم وارجع ادخل اوضتك وحسسها انك هتموت من الجوع تجيب العشا قلها مليش نفس وانزل اتعشا فى مطعم او مع واحد صاحبك صدقنى مش هتزيد عن اسبوع هيه الى هتروح وتخطبهالك لانو مفيش اعز من الابن عند الام ____ طيب لو جميع الحيل منفعتش يبقى مفيش غير حل واحد وهو ان رضا الوالدين من رضا الله سبحانه وتعالى وزى مقلتلك ان الام والاب مستحيل يتعوضو لان بكل صراحه انا ممكن اخبط بنت واتنين وعشره لاكن مينفعش اجيب ام واتنين وعشره وفى النهايه لو ربنا مقدرلك تتجوزها هتتجوزها غصب عنك وعن امك وعن امها وعن كل الناس لان قدر الله نافذ ولا يستطيع احد ان يقف حائل بين ارادة الله و عسي ان تكرهو شيئا وهو خير لكم وعسي ان تحبو شيئا وهو شر لكم وشكرا صديقى
الأخ العزيز…..أقدر مشاعرك جيدا و لكن من خلال تجربتي في الحياة فإني اري ان اذا وجدت مشاكل من البداية بين العائلات و تفاقمت فالنصيحة ان لا تكمل هذا الزواج مع العلم أنكما تحبون بعض…. لماذا؟ لأن ذلك قد يحول حياتك لجحيم و ستحاول ارضاء جميع الأطراف فلا يمكنك الوقوف ضد والدتك و ستحاول التعامل بدبلوماسية مع حماتك….فما اكثر البيوت التي خربت بسبب عدم اتفاق العائلتين مهما كانت الأسباب تافهة….و بالمناسبة أنت أكثر واحد ستظلم و ستدفع الثمن ….
شوف بما انى معرفش ابعاد الموضوع اوى يعنى مين اللى غلطان وايه الغلط دا فمينفعش افتى واقولك حل ممكن يحطك فورطة لكن هنصحك بحاجة واحدة (صلاة الاستخارة) لو مش عارفها هيا ركعتين تصليهم وتقول دعاء معين دور على النت وهتلاقيه وربنا لو شايف ان الجوازة دى فيها خير هيتمها وكمان لو انت بتحبها حاول تحل المشكلة من جذورها اتكلم مع امك براحته وحاول تفهمها انك مش هتقدر تعيش من غيرها وكدا ويريت تحاول تصلح بين امك وخالتك لانك لو عرفت تعمل كدا هتنتهى والمشكلة وربنا يوفقك وشكرا …