انا بنت مخطوبة لابن عمتي انا بحبه اوي اوي وهو كمان بيحبني، ولكن بعد الخطوبة علي طول سافرت للخارج مع اهلي، بس هو فضل يسأل عليا اول شهر او شهرين بعد سفرنا.
بعد كده سؤاله عليا بدأ يقل، ولما كنت اكلمه واعاتبه كان يقولي ظروفي كده ومشغول بشغلي.
وفي مرة كلمني وقالي انا عايز اشوفك وطبعا انا استغربت من الطلب ده ازاي هكون في بلد وهو في بلد ويطلب بشوفني، وكان كلامه كله بيدل علي حبه ليا، وفضل ميسألش عليا لمدة شهر، بصراحة انا كنت بموت كل يوم وانا بحس انه مطنشني.
فا انا مكنتش اعرف اي حاجه عن عالم الدردشة على الانترنت والشات فحاولت ادخل العالم ده ودخلته غصب عني.
في يوم جاتلي دعوة من واحد بيطلب صداقتي انا وافقت علي طلب الصداقة، بقى كل يوم يكلمني واكلمه لغاية ما جه يوم وقالي بحبك انا قولتله ان انا مخطوبة وبحب خطيبي، وانا كنت واخدة الموصوع كله من الاول صداقة وكلام عادي وانت الي قلبته حب ولما قولتله اني بحب خطيبي ومش عايزة اكلمك عشان مبقاش بخونه بكلامي معاك، هو قالي خلاص نتكلم على اننا اصدقاء انا قلت ماشي، بس هو فضل يقولي يا حبيبتي ويا حياتي والكلام ده، بس انا كنت مصدقه انه بيحبني.
ودلوقتي انا عايزة ابعد عنه ومكلموش تاني، ومش عارفة اعمل ايه يعني اقوله الاول اني هبعد عنه ولا ابعد بطريقه مفاجأة؟
بصراحة انا دلوقتي بندم ندم عمري اني اتكلمت مع الشخص ده وانه حبني وانا بحب خطيبي وهموت من الندم مع اني عارفة ان الندم مش هيفيد بحاجه.
اسفة للاطالة بس انا بجد واقعة في المشكلة دي وعايزة حد يساعدني ارجوكم ساعدوني
اعملى بلوك معلش انا خاطب و لو لقيت خطيبتى بتعمل كدا هسيبها عيب يا ماما احترمى الرجل اللى معاكى و بعد كدا مش تقبلى اضافه من حد و للعلم الشخص التانى ده بيلعب بيكى واضح اوي واحد عرف انك مخطوبه و بيكلمك و بيقولك كلام حب عشان يخربلك الدنيا مع خطيبك و بيلعب بيكى و عايز يضيع وقت و يلعب بيكى و يتثله بيكى من الاخر