انا فتاه مخطوبه عندي 20 سنه كنت احب هذا الشخص من 5 سنين يعني من وانا في الاعدادي بس العلاقه ما بينا بدات تنمو بشكل سلبي يعني حصل مشاكل كتير بسبب عدم موافقه الاهل وبعد كدا تمسكنا ببعض وحبيته بجنون ومقدرش استغني عنه لكن قبل الخطوبه قربنا من بعض بزيده يعني بسنا بعض وحضنا بعض وقرب مني ومن جسمي وانا كذلك لكن فيما يسمح باني ابقي عذراء واتفقنا قبل الخطوبه ان مينفعش نعمل الحاجات دي في فتره الخطوبه وبعد الخطوبه باسبوع رجع يريد مني فعل كل وكل لما ارفض يهددني بفسخ الخطوبه واناا بقالي خمس سنين بحبه وفعلا معرفتش حد في حياتي غيره صعب جدا لما احب واحد 5 سنين وبعد كدا لما اتخطب افك الخطوبه قلولي بجد اعمل ايه وفنفس الوقت انا وقفت قدام الدنيا كلها علشان هذا الشاب وكل لما اقله مش هينفع نكرر الحورات دي تاني يقلي انتي بقيتي بتعتي ومن حقي عليكي انك تعملي الي انا عايزة قلولي بجد اعمل ايه
بس يا حبيبتي نصيحة مني متعمليش اي حاجة معاة وسبيه يروح لحاله ارجوكي خليكي شريفة
يا بنتي مش حينفع طيب م انا مخطوبه وعادي واللهي معملتش ولا اي حاجة لخطيبي ولا اي حاجة ودة كان كبر مني 5 سنين وخطيبي دة انا كنت بحبة جدا جدا جدا ومازلت بحبة وبموت فيه بس ملمسنيش
لما يهددك بفسخ الخطوبة ارمى انتى فى وشه الدبله وهو هيرجع ليكى تانى لان الشخص لما يحس انك ملهوفه عليه ومتقدريش تعيشى من غيره بيتنطط على الواحده لكن دى فرصه جت لحد عندك انك تحسسيه انك ممكن تسيبيه وتبعدى عنه ولما تحسسيه بكده هيحس بقيمتك اكتر وهيتمسك بيكى اكتر لانه عارف وواثق انه لو غلط هتسيبيه
اوعى تتجوزيه وسيبيه فورا لانه حد مش كويس وتتعبى معاه بعد الجواز وسيبك من الحب ده
والله لو طوعتيه راح تندمي انا كنت مخطوبة وكان باقي على عرسي اسبوع كنت عملت الفاتحة وطلب مني ان اجامعه وقال لي انني زوجك على سنة الله ورسولو وقنعني ولما اخذ واش كان يريد تركني وكان باقي على العرس اسبوع فقط وانا لحد الان لم اخبر اهلي بما حصل بيننا واهلي بيفكرو انني عذراء الى اليوم
أنا شايف إتمام الزواج بأسرع وقت
وكمان متديلوش فرصة يعمل كده من الأصل
مش خليه معاك في أماكن مقفولة
وهو مش بيحبك بعقل هو بيحبك بعواطفه وشهواته بس
لأنه لو بيحبك بعقل هيزعل لما يقول كلمة حتى متحبيش تسمعيها
أتقى الله فى أهلك ونفسك وهو لو صحيح بيحبك هيبقى عليكى ولو سابك يبقى مايستهلكيش وربنا يكرمك بأحسن منه وتذكى دائما(ومن يتق الله يجعل له مخرجاً)
لا طاعه لمخلوق في معصيه الخالق وانة يبوسك او يسمسك سواء مخطوبين او غير مخطوبين دة لا يجوز شرعا والله حرام اتقي الله في نفسك وفي اهلك وخلي عندك عزة نفس وكرامة وهتلاقيه هو اللي بيجري وراكى لكن اوعى تطاوعيه ابدا في حاجة حرام ومن ترك شيئا لله عوضه الله باحسن منه وطبعا انتى مترضيش ان ربنا يشوفك وانتى بتعصيه وربنا رقيب ومطلع علي تصرفاتنا وافعالنا واقوالنا اتقي الله اتقي الله اتقي الله
دا انسان بيجرى ورا شهوتة وبس
وقليل الادب
لو طوعتية تانى ممكن يسيبك بجد علشان اللى زى دة
موسوس وهيفكر زى ما بتعملى معاة هتعملى مع غيرة
متسمعيش كلامة
ودوسى على قلبك بمداس
شوفي يا بنتي .
الشاب اللي يهدد خطيبته انه هيتركها لو منعته انه يلمسها اكيد شاب قليل الادب ومش متربي ومايعرف ربنا دا المفروض ينكسف من نفسه ويعتذر لك مش يهددك انه يسيبك
يا بنتي وقفيه عند حده ولا تخليه يلمس شعره منك تاني لو احترم نفسه واحترمك كملي معاه انما لو هددك انه يسيبك قولي ليه في ستين داهيه واحمدي ربنا انك بكر لسه واستغفريه عن اللي فات ويا بنتي نصيحه مني بقولها لك لله
مهمها كان حجم حبك لهذا الشاب لازم تحبي نفسك وكرامتك ورضا ربنا اكتر
بما ان خير الكلام ما قل ودل وان المشكلة واضح حلها وضوح الشمس فالمعادلة كدا يا توافقى على اللى بيقلهولك بس ربنا ميباركلكيش لا فخطوبة ولا فجواز (دا لو اتجوزك) يأما تحطى ربنا رقم واحد ومتعمليش كدا تانى ولو سابك ربنا هيعوضك بسيد سيده وهيريح قلبك خلصت !!!
اولا انتي الغلطانه من الاساس علشان سلمتي نفسك ليه
وثانيا اتمسكي بموقفك ولو بالفعل فسخ الخطوبه يكفيكي انك اتمسكتي بشرفك اللي المفروض مش حيلتك غيرو
افترضي ان المش راجل ده خطيبك خد اللي هوا بيطلبو منك واراد الله انكم متتجوزوش ؟؟ بالله عليكي قليلي ايه موقفك
اه علي فكره الموضوع ده غالبا مش بيتم اقصد ارتباطكم علشان هوا حب جسدك محبكيس فاما يشبع من جسدك يرميكي ويدور علي غيرك
السلام عليكم باختصار شديد هرد عليكي ( لا طاعة لمخلوق في معصية الخالق ) (من استعجل شيئا قبل اوانه عوقب بحرمانه ) اتقي الله في نفسك وفي اهلك ولو قالك هفسخ الخطوبة وافقي وربنا هيعوضك بشخص احسن منه وهو لو بيحبك عمره ما هيسبك لاكن من الواضح انه خطبك للغرض دة وبس ربنا معاكي .
بصى يا قمر
دى غلطتك من الاول انك سمحتى لنفسك ان حد يلمسك مفيش حاجه اسمها فيما يسح انى عزراء فى الحالتين هو لمسك
وطالما هو بيطلب منك كدا يبقى هو شاب مش كويس وبيلعب بيكى ومش بيحبك لانه المفروض يخاف عليكى حتى من نفسه وانا من وجهه نظرى ان ده شاب بعيد عن ربنا واللى بيكون بعيد عن ربنا يبقى يهون عليه اى حاجه
انتى استخيرى ربنا وابعدى عن الشاب ده لو مبقاش كويس معاكى
واوعى تغضبى ربنا عشان خاطر بنى ادم مهما كان مين
وسيبك منه لو استمر ع كدا حتى لو فسختى خطوبتك منه
واكيد ربنا هيعوضك باحسن منه طالما انتى مش هتغضببى ربنا
واسمعى كلامى ده مش بيحبك
وياريت تقربى من انسان يتقى ربنا ويعرفه كويس
وربنا يوفقك
بوسنا بعض حضنا بعض قربنا من بعض !!!!قبل الخطوبه هو طبيعي اي حد مكانه وعمل معاكي كده قبل الخطوبه هيعملها بعدها منتي سوري يعني عادي وعملتيها قبل ما يخش من بابكوا حتي انا بصراحه كلامك عصبني لانك بقالك سنين بتعملي كده بس الحمدلله انك فوقتي وعرفتي ان ده غلط وحراااااااااام وفيه اهانه لكرامتك ولمشاعرك انتي مفروض هتبقي ام ولاده ازاي يحصل كده ازاي يشوفك كده في نظره بصي( مهما قالك من كلااااااام واسيبك والحوارات دي خليكي ثابته قويه وكوني واثقه الانسان ده لو بيحبك بجد هيكون اكثر واحد خايف عليكي صدقني هيقدرك وهتكبري في عينه اكثر واكثرقربي من ربنا وقربيه معاكي ليه قوليله تعال نصلي نحفظ قران كده و اوعي تضعفي ولو حتي فسخ الخطوبه مع الف سلامه انتي الكسبانه ربك موجود وعالم بيكي ولا طاعه لمخلوق في معصيه الخالق وربنا يوفقك
لا حول ولا قوه الا بالله بصى يا اخى حكمى عقلك شوية وبلاش الشيطان يلغى عقلك وتذكرى ان عقاب ربنا لان الشخض خطيبك ده اجنبى عنك يعنى لا يجوز حتى انه يسلم عليكى بايده فما بالك بقى بما يحدث تذكرى انه لا طاعه لمخلوق فى معصيه الخالق قولى له لو طلب منك شىء مره اخره ان لو احتك مخطوبه ترضى ان خطيبها يبوسها او يقرب منها لو قالك لالالالالا طبعا اعرفى ان انتى رخيصه عنده جدااا ولو قالك اوافق يبقى ديووووث واللى ميخفشى على اخته مستحيل هيخاف على مراته اجمدى يا اختى واصبرى لوجه الله وحاولى تتكلمى معاه وانتى اللى ترمى الكوره فى ملعبه وانتى اللى تهدديه لو مبطلتش كلامى فى الموضوع ده انا هقول لبابا او ماما وهفسخ الخطوبه والله العظيم ساعتها هيفكر 1000 مره انه يطلب منك حاجة تانى وربنا معاكى
ما تسمعيش كلامه وكفايه لحد كده ومهما يهددك بفسخ الخطوبه قوليله ما فيش مشكله وياريت تعرفيه ان ده حرام الا بعد الزواج وده المفروض يكون حافز ليه انه يحبك اكتر ويحاول يجهز للجواز اسرع وتاكدى كمان ان نهايه الحاجات دى مش كويس لانه هيطلب فيما هوابعد من ذلك ولا قدر الله اذا وافقتيه وبقيتى ضعيفه طبعا هيسيبك اكيد كالعاده وهيقول اللى سمحت لنفسها تعمل معايا كده قبل الجواز لا تصلح ان تكون زوجه وانت الان فى موقف قوه طالما انك محافظه على نفسك كفتاه عزراء واذا اصر على الانفصال مافيش مشكله ربنا سبحانه وتعالى اكيد هيقف معاك لانك طاوعتيه وحفظت على نفسك وهيرزقك بعريس افضل منه.واوعى تطاوعيه مهما حصل واتمنى لك كل توفيق.
السلام عليكم
حبيبتي برأيي افضل حل انكم تتزوجون بأسرع وقت ممكن
صحيح انت صرتي ملكه وانشاء الله ربي يوفقكم ويتمم ع خير لكن لازم يعرف هاي دنيا ومنعرف شنو راح يصير بعد ساعه وكلشي بوقته حلو واذا خطيبك يريد يسوي كلشي هسه شراح يبقى للزواج وشنو التغيير الراح يصير؟
انصحج تبقين مصره ع رأيج ولتنطي كلشي هسه لأن مراح تبقى حلاوه للزواج وحاولي تفهمي بأي طريقه ان هاي الأشياء بالزواج وبس يعني كوني لاتخسرين نفسج ولاتخسرين حبج رفضي بس بطريقه لطيفه حتى ميصير عناد بالموضوع وتكبر المشكله بينكم
تقبلي تحياتي وربي يوفقج ويسعدج ويكون بعونج
ويارب نسمع عنج الاخبار الطيبه عن قريب