مشكلتى انا بنت وكنت فى يوم كده بعمل رياضه وفتحت رجلى حسيت ان الشفرتين بيتفتحو بسهوله وعملتها بصوره متكرره لقيت الشفرتين
بتتمط ونزل منى افرازات وبعدها على طول حسيت بالم وحسيت ان بضغط فى منطقة الشفرتين انا خايفه اوى يكون غشاء البكاره اتفض قولولى هو ممكن يتفض وياريت مفيش حد يخبى عليه علشان متاذيش لما اتجوز بس محدش يقولى اروح لدكتوره لانى من عيله محافظه
واخاف من الصدمه انا مرعوبه جدا ومبنمش من كابوس الغشاء البكاره ومش عارفه اعمل حاولت كتير انسى واصلى وادعى ربنا انه يسترنى
لكن مقدرتش انسى وخايفه يوم فرحى هبقى قلقانه اوى وهموت من الرعب ياترى انا عذراء وان فتحة الرجلين بصوره متكرره تفض غشاء البكارة وهل
الغشاء موجود فى فتحة فى الشفرتين تحت فتحة البول بالظبط ولا بعدها بكتير لان مش عارفه مكان الغشاء فين بالظبط ؟ حتى انا لما بكون فى
مكان فيه هوا بحس ان الهوا بيدخل جوا ياترى ده معناه ان الغشاء اتفض والهوا بيدخل مكانه ؟ انا خايفه اوى قولولى انا عذراء ولا لاء وياريت
من فضلكم لو حد عارف ان ده يفض الغشاء تقول واسفه ان طولت عليكم وشكرا
العذرية وغشاء البكارة
عايشة في كابوس بسبب غشاء البكارة
اضيف بتاريخ: Monday, May 23rd, 2011 في 05:52
كلمات مشاكل وحلول: العذرية, غشاء البكارة, مشاكل البنات
ربنا يطمن قلبك انتى سليمة بس عشان تطمنى اكتر روحى لدكتورة وخليكى واثقة انك سليمة بس عشان انتى ترتاحى شوية من الافكار دى وان شالله كل خير
أنت عذراء قولا واحدا على حسب وصفك
السلام عليكم جميعا بسى يا اختى لو عايزة تتاكدى فعلا لازم تاخدى تقولى لمامتك وتخديها معاكى وانشاء الله انسة
أختي العزيزة متخافيش لأن الافكاردي مجرد وسواس انت ان شاء الله مفكيش ولا حاجة وشيلي الافكار من دماغك اوكي وفقك الله
انا عارفة انت خايفة من ايه انه لقدر الله يكون فعلا انفتح بدون قصد وخوفك اكتر انه مافيش حد هيصدقك
مفيش حاجه انشاء الله وودى اشياء كلها لا تدل على ان غشاء البكاره اتفضى بس حافظى على نفسك شويه
انشاء الله تكونى بخير انا ممكن اقول حاجه وتردوا عليا سريعا انا بعمل حركه بحس فيها بشعور جميل بس ما بدخل اى شئ خالص ولا رجل لمسنى خالص ولا اى شئ لمسنى خالص انا عايزه اعرف الحين انا لسه بنت بنوت
أختى العزيزة انتى ان شاء الله سليمة ومفيش ااى حاجة من هذا الكلام تدل على ان الغشاء
مفتوح وها الكلام اللى بتقوليه اوهام علشان انتى خايفه استعيذى بالله
د.محمد .. دمنهور
روحي اطمني من اي دكتور من غير ما تعرفي اهلك كانك مع صحابك او حاجة
ان شاء مفيش اي حاجة من قلقك ده وعشيي حياتك وشيلي الوساوس دي ن دماغك
السلام عليكم بصى يا اختى ولاكلمة من اللى انتى قلتيها ممكن تاثر على غشاء البكارة لانه يبعد بمقدار 2.5 سم وعمر مافتح الرجلين وقفلها ياثر عليه لانه لايفض الا اذا دخل فيه جسم صلب والغشاء اصلا بيبقى فيه فتحة طبيعية علشان ينزل منها دم الحيض فهى دى اللى بتخليكى تحسى بهوا بصى يا اختى انسى الهواجس دى واطردى الوسواس وانتى عذراء ومفيكيش اى حاجة باذن الله
والله ما عارفة بس انا اعرف ان غشاء البكارة لا يمكن ينفض الا بدخول جسم قوى يعنى مش بسهولة كده ثانيا لازم ينزل دم وانتى مش ذكرتى ان نزل دم منك متخفيش بس متفحيش رجلك تانى
وحاولى تقولى لماماتك عادى وهاية هتطمنك اكتر . وربنا يسترها علينا وعليكى يارب .
طالما مفيش ده نزل يبقى ان شا ء الله الغشاء مش فيه اى مشكله
للتاكد بردو روحى للدكتور نساء وتوليد
انصحك اختي العزيزة بالذهاب للطبيبة النساء وسؤالها واستفسارها عن الامر… انني اعرف ان هذا الموضوع حساس جدا وسيضعك في موقف محرج ولكن ستستفيدين من هذه الزيارة….وشكر
ابنتى العزيزة بعض الرياضات تؤدى الى فض غشاء البكارة مثل الجمباز وركوب الدراجات وكذلك الارتطام الشديد بمكان الفرج وادخال شئ صلب فى المهبل وانصحك بأن تزورى طبيبة وتحكى لها ما تحسى به بمثل ما عرضتى مشكلتك على الموقع وان شاء الله سوف تقدم لك النصيحة المثلى بعد الكشف واكرر طبيبة وليس طبيب وادعو الله ان يحفظك ويرعاك
الأخت المحترمة : أشكرلك حرصك على عفتك ولكن عندي رأي أولاً إنتي لم تقومي بعمل فعل فاحش لاسمح الله ثانياً لماذا يكون هذا الرعب والخوف الشديدين لابد أن تواجهي المشكلة وان تحكي الامر للمقربات لكي ومن اللاتي لديهن معرفة بهذا الامر وإذا لم تتمكنوا التوصل للحقيقة تتوجهوا الى طبيبة أمراض نساء ولو لقدر الله كان هناك فض لغشاء البكارةبرده فيه حلول لذلك طالما لم يكن هناك فعل فاحش لاسمح الله ولو إني أري انها كلها وساوس وظنون وفقك الله
اختى العزيزة ماتخافيش مفيش
حاجه انشاء الله وموضوع الغشاء ده ميتفضش
الا بدخول جسم صلب او شبه صلب داخل فتحة المهبل
وللعلم الغشاء مكانه على بعد 2 الى 3 سم داخل فتحه المهبل
بعيد عن الشفرتين ومن المستحيل ان ينفض بسبب التمارين الرياضية
الا فى حالات نادرة جدا لو رياضة عنيفه مثلا بنسبه 1 فى المليون
انتى ما بتشوفيش البنات اللى بيرقصوا باليه الكبار والصغار بيفتحوا برجل
للاخر ازاى بدون اى ضرر متقلقيش مفيش حاجة وربنا يكرمك بابن الحلال اللى يصونك ويسعدك
على فكرة انا اعزب ولم يسبق لى اى تجارب جنسية مجرد تجارب سطحية
ولكن عندى ثقافة جنسية كبيرة ارجو ان اكون قد افدتك اتطمنى
لا اطمنى الموضوع مش بالسهولة دية والافرازات دة حاجة طبيعية لكن المهم نزول الدم وبكمية مناسبة بس احيانا السن يكون له دور واشا الله سليمه
الموضوع اللى بتتكلمى فيه ده صعب جدا يحصل لان غشاء البكاره مش من السهل انه يتفض من دون احتكاك مباشر بيه سواء عن طريق العلاقه الجنسيه الطبيعيه او فى حاله العاده السريه لو اتعملت بغشامه يعنى معلش بس مش لاقى لفظ غير كده على العموم متخافيش مادام انتى كويسه وبتعرفى ربنا اكيد حيطلع مفيش حاجه حصلت وانتى مكبره الموضوع ومتوتره بس مش اكتر
انتي انشاء الله هتكوني لسة بنت … اني لو فقدتي عذريتك كان لازم ينزل منك دم … بس ابقي خلي بالك … هو دة اللي انا اقدر اقولهولك لاني هو دة اللي انا اعرفه … وربنا يحفظك ويحفظ كل بنت
كل دى وساوس عندك يا اختى انا سمعت ان الرياضه العنيفه بتضر البنت فعلا لكن انتى مقولتيش ان نزل منك دم وغشاء البكارة لو انفض يبقى لازم يكون فيه دم ده الدليل الوحيد غير كده متفكريش فى حاجه خالص
عزيزتى السائله لا تقلقى فغشاء البكاره موجود على بعد 3سم تقريبا أو أكثر من الفتحه الطبيعيه ولا يتم فضه الا بدخول شىء صلب الى الغشاء أو بالدخول الطبيعى للزوج يوم الدخله..