هموم البنات

قاطعت امي بعد ما شوهت سمعتي وخايفة

لو سمحت انا هحكي حكايتى وارجو الرد ضرورى انا بنت عندى 18 سنه مخطوبة ليا 5 اخوات كبرت وانا طول الوقت بشوف امى وابويا غير متفقين ومن 5سنوات كده امى اتعرفت على راجل نصاب وهى عرفه ده وكانت على زمه ابويا بس كانت محرما نفسها على ابويا وكانت رفعه خلع على ابويا عشان تتجوز الراجل ده عشان بتحبه مع العلم هو مش غنى عادى يعنى وعايش على النصب على الناس ويكتب شيكات على نفسه لناس وطبعا فى مصر حلنى عشان تاخد حقك وكان كل شويه يغير مكانه عشان محدش يعرف يجيبه و ملحوظه هو متجوز و عنده 5 برضه المهم حصلت مشاكل كتيير وانا كنت بكره ابويا اوى من صغري وكنت بحب امى اووى لدرجه الجنون عشان هى دايما كانت معانا واحنا معاها و بابا دايما كان بيشتغل و كنت عارفه قصته بالراجل ده بس مكنتش اعرف انه نصاب وكنت شايفه زى ما امى بتقول انها اتعذبت مع ابويا واسيبها تتجوز الراجل اللى بتحبه وكنا بنخرج معاها و كل حاجه كنت ساعتها 13 او 14 سنه وحصلت مشاكل كتير بيين ابويا وامى وبقالى 5 سنين عايشه فى مشاكل ابويا بيصلي بس كان بيخون امى زماان الله اعلم حاليا وامى مابتصلييش و الراجل اللى امى بتحبه ده مابيصلييش و بيشرب بيراا و مالووش علاقه بربنا خالص والله اعلم المهم يعنى بعد ما ابويا وامى انفصلو خلااص امى مشيت من البيت بس اعدت فتره معانا وهى مطلقة من ابويا واتجوز وجوزها كان سايبها عادى فتره كده عشان كان خايف مراته تعرف مع العلم انى اكبر واحده ف اخواتى واصغر واحده فى كى جى المهم امى الاول اعدت عند اهلها وعرفتهم على جوزها و بعدين عرفت بعد كده ان جوزها نصاب ونصب على ناس اعرفها وكازا حد ف ابتديت اقول لامى مقتنعتش او مكنتش عاوزه تسمع …رحت قايله لخالاتى هما كانو وحشيين اوى خالاتى برده ف راحوا قالولو راح هو مطلع عليا كلام فى الاعرااض وكلاام وحش اوى وامى ايدته هو كان فى كلام صح بس مش كله انى بشرب سجاير وانا فعلا كنت بشرب وزود كلام كتيير اوى وقال كلام على خطيبي والحمدلله خطيبي عرف كل ده و مع ذلك طلع كويس ووقف جنبي و امى سمعتها بودانى وهى بتتكلم عليا وتقول عليا كلام قذرر جداااا وشوهت سمعتى انا وخطيبي ودمرتنى فى العيله وعيله ابويا كمان وبقا شكلى وحش اوى وابويا بصراحه وقف جنبي وامى بعيتنى عشان **** ومع انى ماعملتلهاش حاجه والله و لما قولتلها قولتى كده ليه قالتلى بدافع عن جوزى انتى عيله وغلطت بس هو كبير وعشان شكله قدامهم و من ساعتها مابكلمهاش وخايف بعد كل ده ربنا يحاسبني عشان مبكلمهاش وانا مجرووحه من نحيتها وش قادره حتى اشوف وشها يارييييت الرد ضرووورى بجد انا مش عارفه اعمل ايه؟؟؟؟؟؟؟؟؟؟؟

مشاكل وحلول ذات صلة

اضيف بتاريخ: Friday, March 4th, 2011 في 13:39

كلمات مشاكل وحلول: , , , , ,

15 رد to “قاطعت امي بعد ما شوهت سمعتي وخايفة”

  1. ابواميرة
    06/10/2013 at 17:08

    شوفي يابنتي العزيزة الله سبحانهوتعالى وصانابالوالدين احساناحتى لوكاناكافرين ويجب عليك بارك الله فيك البروالاحسان لهمامهماحصل منهم ومهماعملوامعك والرسول الكريم عليه الصلاةوالسلام امرنابالبروالمعروف لهماجاءرجلاللنبي فقال من احق الناس بحسن صحبتي يارسول الله فقال النبي امك ثم قال من قال امك ثم قال من قال امك ثم قال من قال اباك فالام حقهاكبيرعندالله وفضلهاعظيم حملتك في بطنها9اشهر وعانت الالم والمتاعب حت وضعتك وارضعتك عامين وسهرت الليالي تراعيك حتى كبرت هل هذاجزاءهابعدكلهذا اتقي الله في نفسك وفي امك واباك واعلمي ان رضاالله من رضاالوالدين وانو غضبه من غضب الوالدين وان الجنةتحت اقدام الامهات كمااخبربذلك المصطفى الكريم وانت اليوم زوجةوبكره بيجوك اولادك وبتعرفي قيمةالضناكيف تقربي لامك حتى لوهي كاره زيارتك لهاواسالي عنهاولومن بعيد واياك والقطيعةوعقوق الوالدين اسال الله ان يهدي امك ويصلح حالهاوان يبارك فيك وفي زوجك ويرزقكم الذريةالصالحةالتي تسعدوابهافي حياتكم

  2. HanyMoh
    20/08/2011 at 02:37

    وَإِن جَاهَدَاكَ عَلى أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا وَصَاحِبْهُمَا فِي الدُّنْيَا مَعْرُوفاً وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ [لقمان : 15]

    فلا تقطعي رحمك معها ولا تتناقشي معها في أمور قد تتسبب في زيادة الخلاف بينكما..

  3. nono
    14/07/2011 at 16:57

    اية الهبل والعبط دة الام اللى ربنا وصى عليها مش دية فى ام تشوهة سمعت بنتها اية التخلف دة وانتو بتقولولها امك ومهما عملت يعنى الكلام دة بصى يا بنتى ابعدى خالص عن امك وجوزها لحسن يعمل فيكى حاجة خليكى عند ابوكى لحد ما تتجوزى وبعدين خيانت ابوكى لامك مش من حقك انك تحاسبية عليها دية حاجة ممستكيش انت وكفاية انة بيعرف ربنا مش زيها وياريت لو عندك اخوات بنات ابوكى يعمل قضية ويخدهم لحسن الراجل دة شكلو مش بيخاف ربنا وامك علشان بتحبو حتوافقوا على كل حاجة ممكن يعملها لحسن يعتدى عليكى ولا على اخواتك البنات وخليكى قوية سجاير اية وعبط اية خليكى واثقة من نفسك والحق حيبان وهى وجوزها حيتكشو على حقيقتهم متخفيش

  4. الراضي
    29/06/2011 at 14:12

    بعد ما قرأت مشكلتك أود أن أقول لك و أنصحك استقلي بحياتك مع خطيبك مادام تفهم الموضوع و عيشي حياتك بما يرضي الله , لكن لازم تفهمي ان طاعة الوالدين و الإحسان إليهم واجب ربنا فرضه علينا و عاشريهم بالمعروف بما يرضي الله و عليك النصح و الإبتعاد عن ما يسيء إليهم و ادعي ربنا يهديهم و تأكدي إنك انت كده بتعملي الصح و خلي بالك من نفسك و كمان ما تنسيش اخواتك ربنا يوفقك

  5. بسبس
    26/06/2011 at 19:06

    بصى ياحببتى المشكله صعبهاوى بس دى برضه امك مينفعشى تقاطعيها ازاى هتعيشى من غير اب ولا ام هى قالت كلام صعب جدا بس صدقينى مسيرها تندم على اللى قالته سبيها لربك وسمحيها وربنا يعينك
    مفيش ام تكره ولادها اكيد فى سبب بس ربك قال امك ثم امك ثم امك

  6. دودو
    07/06/2011 at 20:29

    بصي ياختي هيا مهما غلطت هيا ام وانتي هتتسالي عليها فلازم تعملي حساب كدة كويس اوي لان ربنا قايل ان احنا حتي همالو هيجبرونا علي فعل شئ انتي مش عايزة او هيعود عليكي بنتيجة سلبية انك تصحبيهم في الدنيا معروفا مش تخصميهم ولا تزعلي منهم انا بديكي مثال وربنا معاكي ويهديكي ويهدي الناس كلها وحاولي تقربي من ربنا علشان يكرمك السلام عليكم ورحمة الله وبركاتة

  7. مونى
    10/03/2011 at 13:33

    من الافضل ليكى انك تصلي وتقربي من ربنا اكتر لان من الواضح انك وقعتى مع ناس للاسف ميعرفوش ربنا صلي وربنا يكرمك وابعدى عن السجاير علشان محدش يمسك عليكى كلمه غلط وربنا يسترها معاكى وعلي اخواتك

  8. بالحق اقول
    08/03/2011 at 16:03

    بصي يا اختي انا بقلك بس تسالي عليها ومتجادليش معاها خالص وخليكي في حياتك دون الدخول معاها ولا تكلمي جوزها ولا تشوفيه يعني اعملي اللي عليكي فقط وادعيلها بالهداية

  9. ساره
    05/03/2011 at 18:34

    بصي يا بنتي اد ما قلتي انك تعرفي ابوكي وامك ومشاكلهم في حجات كتيره اوي بتبقى سر بينهم محدش يعرفها الا هم واكيد مامتك وبباكي كان عندهم مشاكل انتي مش بتعرفيها والا مكنش في خيانه ولا كانت والدتك اتعرفت واتجوزت حد تاني دلوقتي هيا اتجوزت وزي ما انتي عايزه تكون صورتك جميله قدام خطيبك هيا برده عايزه صورتها تكون جميله قدام جوزها ولو هقول كلمه حق هيا هتفضل مامتك واكبر منك واعرف منك بكل حاجه ومصيرك هتبقى ام تعرفي وانا صغيره ماما ضربتني مره بس قلت لما اكبر مش هعمل زيها ولا عمري هضرب ولادي بس لما خلفت اولادي ربنا يحفظهم الا ما يعملو غلط واضطر احيانا اضربهم خلاصه الكلام هتحس بكل حاجه بوقتها وهتندمي في يوم انك خاصمتي والدتك يا بنتي دي الجنه تحت اقدام الامهات وانتي فاكره العذاب اللي بتشوفه الام والمسؤوليه دي حاجه كبيره والحمد لله انها عرفت تربيكي وتكبرك انتي وخواتك روحي صالحيها امانه عليكي تصالحيها وتبوسي ايديها دي اللي هتدخلك الجنه وواجبك الطاعه بكل حاجه لوالدك ما عدا معصيه الخالق يبنتي الواحد مش بيحب يشوف حد احسن منه غير اولاده وتاكدي انها بتخاف عليكي اوي وعايزاكي تكوني احسن منها حتى لو انتي مش حاسه بكده دي الحقيقه اتي دلوقتي كبرتي وكنتي بتقولي انه والدك كان بيخونها يا ترى استحملت الوقت ده كله علشان مين وعلشان ايه اكيد علشان تكبركو وكان عندها امل والدك يتغير ولما ملقتش حل انفصلت واتجوزت روحي صالحيها واعتزريلها وارضيها ربنا يرضى عنك ويوفقك ويوفقها

  10. صاحبه المشكله
    05/03/2011 at 03:34

    للأسف اخواتى معاها و مشعارفه اشوفهم و خايفه ارجع اكلمها تحوطنى فى مشاكل تانى وبعدين صعب عليا ارجع اكلمها انا قرفانه منها و على اد مكنت بحبها اوى دلوقت بكرهها اوى

  11. زائر
    05/03/2011 at 02:41

    أنا اوافق كاتب تعليق(بالحق أقول)قربى من ربنا وصلى ومتعمليش حاجه غلط وحاولى تركزى فى نفسك واخواتك لغاية ربنا مايعجلك بالزواج

  12. الحزينة
    05/03/2011 at 02:00

    بصى ياحبيبتى انتى اهتمى بنفسك وبخطيبك ومضيعهوش منك وبعدين امك لازم تتهتمو بيها لان جوزها مسيطر عليها بكلامة وانتى لازم تبرى امك لان الم دى حاجة جميلة جدا هتعرفى قيمة الم لمة تخلفى وربنا يوفقك

  13. صرخت صمت
    05/03/2011 at 01:39

    فعلا مهما كانت دى مامتك فحسنى معاملتلك

  14. صاحبه المشكله
    04/03/2011 at 17:40

    يعنى اعمل اى ؟ اكلمها واسأل عليها و فى الاخر تتكلم عليا تانى و تأكلنى ل جوزها ده غير انها بعدا اخواتى عنى و هما معاها دلوقنى ومشعارفة اشوفهم وخايفه ف نفس الوقت ربنا يحاسبنى عليها عشان مخاصماها ياريت افهم؟؟؟

  15. بالحق اقول
    04/03/2011 at 14:23

    اولا امك لازم تحسني اليها مهما غلطت لان دا اختبار ليكي من ربنا وابتلاء وحتي ببالك اكن واحده ربنا بعتهالك يختبرك فيها ماتحتيش كلامها في بالك وانتي قربي من ربنا وصلي واي فرصه تعرفي تنصحيها انصحيها ومالكيش دعوه هتستجيب ولا لاء دا بتاع ربنا وكمان ابعدي عن سكتها الوحشه وماتسمعيش كلامها في الغلط وخلي كلامك قليل ولا طاعه لعبد في معصية الخالق خليكي مع نفسك ولو تعرفي تحفظي ع اخواتك حافظي قدر المستطاع وما تكتئبيش خالص واعفي ان دا فترة وهتبقي مستقله انتي هتعملي الصح علشان ربنا لما يسألك فقط

اترك رداً أو حلاً لهذه المشكلة