مشاكل الشباب قبل الزواج

قطعت كلام مع البنت اللي بحبها بس شاغلة تفكيري

السلام عليكم
مش عارف أبدا إزاى ………..انا كتبت كلام كتير ورجعت ومسحته تانى
أنا حبيبت واحدة من القاهرة (الجيزة) أصغر منى بسنة فى طب وانا فى هندسة بس المشكلة إنى قاعد فى مدينة تبع الاسماعيلية يعنى مش نفس المستوى اللى هى قاعدة فيه من حيث الخدمات والحياة هناك …. إنما تقريبا الحالة الاجتماعية واحدة
انا كنت بأكلمها وقالتى مرة يا فلان لو والدك سألك أنتى عرفتنى إزاى ( انا كنت اعرفها من الفيس بوك) فطبعا سكتت
وبعدها قلتها يلا فلانة أنا لو بجد عاوزك يبقى لازم أقطع كلامى معاكى دلوقتى لأن لو تركت شئ فى الحرام ربنا يعوضنى بيه فى الحلال واكيد انتى فاهمة قصدى وطبعا من ساعتها قطعت الكلام خالص معاها ولو كان عندى إى بنت على الفيس والله مسحتها حتى أختى كمان
وقلت فى نفسى انا اتخذت القرار ده ومش لازم أرجع عنه وغيرت حاجات كتير اوى فى حياتى بعد القرار ده حتى الصلاة أول ما المؤذن يأذن أجرى على الصلاة وأسيب اللى فى ايدى
بس المشكلة إنى لسه بأفكر فيها لحد دلوقتى وانا باكتب الكلام ده وكل شوية ادخل على صفحتها وشاغلة تفكيرى اوى
ياريت لو حد عنده حل لمشكلتى وياريت يا جماعة لو حلول مش تقليدية
وشكر