أنا طالب في كلية الهندسة هذة الكلية بها أبشع أنواع الظلم نزلت هذة السنة ب4مواد ظلم مع العلم أن هذة المواد سهلة جدا مع العلم أن سبق وأن ظلمت في السنة الأولي ونزلت السنة ولم أخبر أهلي هذة المرة لأن أبي حالتة المادية ضعيفة وسوف يغضب ألي أبعد الحدود ألي حد ممكن يأمرني أن أترك الجامعة مع العلم أني تجاوزت سنتان غير هذة السنة ساعدوني أنا غضبان جدا وفقدت الثقة في نفسي وتعان نفسيا
مشاكل التعليم الجامعي
مظلوم في كلية الهندسة ساعدوني
اضيف بتاريخ: Thursday, September 9th, 2010 في 08:47
كلمات مشاكل وحلول: الجامعة, كلية, كلية الهندسة
الله عليكم منتهى منتهى التفاؤل
اى مشكله بتبقى من الانسان نفسه مهما كانت ظروفه
واسأل مجرب
ربنا يوفق الجمييييييييييييييييييييييييييييييييع قولوا امين
ي ياأخواني أنا نزلت باأربع مواد فا انا عندي وقت فراغ طويل علي مدار العام ماهي الدورات التي سوف أحتاج أليها انا قسم كهرباء قوي وألات سنة تانية لو في حد في مهندس كهرباء يفدني
شوف هقولك كلمتين في المفيد
انا شايف في مشكلتلك كذا عامل هوضحه من كلامك
هل ياترى بتحب كليتك ولا لاه
ولازم تجاوب بامانة على السؤال دا
لانك مش هتضحك على نفسك
سبب الفشل الاول ممكن اقولك زى حد عشان تجربة جديدة عليك
واول مرة وكدا وقدر الله وماشاء فعل
بس لما اتكررت تانى مرة هنا بقى لازم تقف وقفة صح
لان مش معقولة العيب في المواد السهلة او صعبة ولا الدكاترة
او اين كانت بس انت ما اتغيرتش
والقرصة مابقتش توجع
واتعودت على طعم الفشل لانك اتهزيت ومبقتش تفرق معاك
العامل الى خلاك تستنجد هو خوفك من والدك
الى ممكن يكون طلع عينه عشان تدخل الكلية
وانت اول ما دخلت خلاص خبت
على فكرة الناجح الحقيقي هو الى بينجح في المكان الى بيبقى فيه
اين كانت الظروف
من الاخر لا تصدق اول دفعة ولا اخر دفعة
ولازم تطلع من دماغك كل المبررات الزفت الي اتحولت الى معتقدات
اصل ذاكرتى ضعيفة..اصلى لو كنت ما سبتش الصفحة دى كان زمانى عديت
لا بقولك هنا ارجع زى ما كنت
ارجع تانى من الاول لنقطة البداية
معظم الناس الى ناجحين دلوقتى اتعرضوا للفشل في حياتهم
بس خلوا الفشل هنا يقويهم ويطلعهم لفوق
لان الضربة في الظهر تقوي مش تقطمه
عامة هقولك كذا نصيحة غير الناس الى مصاحبهم
وشوف حد من الى تعرفهم كويس انه كويس وذاكر معاه
او حتى اتعرف على حد جديد
عشان تشجعوا بعض
وما تفقدش الثقة في نفسك ..لان الحياة لسة ادامك وهيقابلك حاجات كتير
ومش هينفع لو هربت من موقف انت ضعيف فيه مرة هتروح بعد كدا لفين
ربنا بيهياك للاقوى
ولازم تحس بتعب ابوك واهلك وانهم خايفين عليك وعلى مستقبلك
لانهم مايهمش حد غيرك
ولازم تاخد دروات تنمية بشرية عشان تبنى من اول وجديد ثقتك
وشارك في انشطة واستثمر في نفسك واتعرف على مجالات تانية
واهم حاجة ماتكونش اسير الى فات
واطلع لفوق عااالى ..بس اهم تكون ثابت وانت محلق في الفضاء
عسى اكون افدتك لانى دا نصيحة مجرب بس ما يأسش
وصدقنى طعم النجاح لو جربته مش هتسيبه تانى
وانت ما اتولدتش فاشل ..
ولك غاية في الحياة ..
أولا شكرا لكم ياأخوني وربنا يجعل هذا الجهد في ميزان حسناتكم ثانيا يابشمهندس أنا بذاكر كويس لاكني لاأمتلك ذاكرة قوية أنا جايب تقديرات عالية في بعض المواد ولكن الكلية بها ظلم دة مش كلامي لوحدي حتي أول الدفعة بيعاني من هذا ويشتكي مع أن هذة الكلية جميع أعضاء هيئة التدريس بها منتدبون لأنها أنجديدة
انا خريج هندسة بتفوق (ممتاز مع مرتبة الشرف) و الكية موش صعبة
الكلية محتاجة صحة و صبر و مخ، انت دخلت الكلية وفاكر انك شاطر من المدرسة جو الهندسة مختلف تماما و السر المداكرة المستمرة اوع تفكر انك حتلم الحاجة في الاخر. وبلاش فكرة انك تدخل المادة و تقفل الي ينجح حتسقط اكيد فكر انك تحل الامتحان كله. و لو عملت كل ده ولسه بتسقط سيب الكلية احسن.
أخى الفاضل
حاول تنتظم فى الدراسة وتذاكر بانتظام
وقبل كل ده تتقرب من ربنا – ودايما خلى عندك هدف تسعى اليه
وربنا يعينك ويوفقك
وباطمنك الشغل كتير جدا للمهندسين والرواتب ممتازة
شد حيلك انت وخلص ويارب تكون احسن مهندس فى الدنيا كلها