كنت حابب حد يفسر الحلمين دول:
انا زارع شجر سور بره البيت وشجرة توت وشجرة زينة، صحيت في يوم حلمت اني كنت لسه راجع من الشغل الصبح ودخلت نمت وخرجت اقعد بره شويه لقيت شجر السور مقلوع هو وشجره التوت، اما شجره الزينه كانت مقطوعه مفيش الا جزء من جذرها، فسألت والدي ايه اللي حصل قالي معرفش خرجت لقيتهم كده، وكنت قولت لمراتي اعملي شاي كانت خارجه ولابسه كت او تيشرت بحمالات قبل ما تخرج من البيت كنت مقابلها وقولتلها ايه اللي انتي خارجه بيه ده ودريت عليها لحد ما دخلت جوه.
والحلم التاني: وتاني يوم حلم اني بسافر ووالدي بيساعدني، ولكن السفر كان متوقف على تخليص شويه اوراق وخلصو، وروحت اجهز هدوم من البيت وهمشي في نفس اليوم مع العلم وانا في المطار وبخلص الورق كنت بحلم اني مسافر روسيا وانا بخلص الورق بسرعه علشان شايف تلج بره باب المطار اللي هو عند الطياره كده لكن صحيت من نومي.
ويوم لقيت مراتي بتقولي انا حلمت انك دخلت عليا الشقه وقعدنا نهزر وبعدين دخل وراك تلات رجاله واحد بيقرب ليا ضربته اتعور ومشي واتنين بيقولو هي مراتك بتعمل معانا كده ليه بس كده رغم اني مراتي كويسه وبنت ناس وبتصلي وحافظه القران
