مشاكل المطلقات

كنت متزوجة واتطلقت وبسببه رافضة الجواز

السلام عليكم ورحمة الله وبركاتة
قبل اى كلمه حد يقولها بالله عليكو مش عايزة حد يقولي لية ومش لية وحرام وحلال ويفضل يأنبني اللي عندو حل يقولو من غير تأنيب
انا عندي 23سنة واتكتب كتابي وفي فترة كتب الكتاب زوجي مارس معايا الجنس وبقيت مدام المهم حصلت بينا مشاكل كتيرة اوي اوي وانفصلنا وطلقني ولما جة طلقني اتكتب في قسيمة الطلاق اني بكر رشيد يعني لسة مدخلش عليا واهلي عارفين اني بنت لسةانا بقا من ساعة ما انفصلت جالي كزا عريس ولاكن برفض لاني حاسة اني هبدأ مع واحد علي غش ونفاق لاني مستحيل اصارح اى مخلوق بالسر دا لو علي رقبتي فا اكيد لو اتجوزت هعمل عملية غشاء بكارة فأنا رافضة الموضوع من اساسه اني اتجوز واحد علي كدبة حرام عليا مش عارفة اعمل اية انا مغلطتش لما نمت مع زوجي كان حلالي وعمال يجيلي عرسان كتيرة وانا برفض ومش عارفة اخرتها اية هفضل كدا يعني ارفض ارفض لحد ما اعنس ولا اعمل اية تعبانة ومخنوقة اوي ومش عارفة افكر بس محدش يقولي اني اصارح اهلي او اصارح اللي هيجي يتقدملي علشان دا من رابع المستحيلات عندي

مشاكل وحلول ذات صلة

اضيف بتاريخ: Sunday, May 19th, 2019 في 07:18

كلمات مشاكل وحلول: , , ,

3 رد to “كنت متزوجة واتطلقت وبسببه رافضة الجواز”

  1. محمد / محاسب
    21/05/2019 at 05:40

    المشكلة ان انتي مش فاهمة الفرق الشرعي والقانوني والاجتماعي بين كتب الكتاب والدخلة اللي انكتب في قسيمة الطلاق في القانون تزوير في أوراق رسمية وله عقوبة – عن الشرع المدخول بها لها المهر كله والغير مدخول بها لها نصف المهر – ومن الناحية الاجتماعية هو دخل بيكي بغير علم اهلك ولقاكي سهلة اخد اللي عاوزه مش عاوز منك حاجة تانية – كان ممكن تحبلي منه وفي الحالة دي هو هينكر واهله هينكروا واهلك هيلاحقهم ويلاحقك العار وسوؤ السمعة وفقدان الشرف – الحل أول حاجة ارجعي الي ربك – وحاولي تتصلي بمطلقك وتتفاهمي معاه ويصلح خطأه وكتب الكتاب مرة ثانية والدخلة امام الجميع وله ولكي بعد ذلك اما الاستمرار او الانفصال – اغلب الظن انه لم يكمل التزاماته من مهر وشبكة وعفش وشقة – يعني كتب الكتاب ودخل بيكي وانتي ولا أخدتي كل حقوقك لدخوله بكي حسب الشرع ولا حتي اخدتي نصف حقوقك علي اعتبار انه لم يدخل بكي – شيء مؤسف – انتي فرطتي في حقوقك وفي نفسك وفي سمعتك وفي شرفك – المشكلة انك مش مقتنعة بخطأك بدليل انك بتقولي انه كان حلالك – هو حلالك فعلا ولكن يدخل بكي بعلم اهلك يعني بالاشهار يعني بعلم كل الناس – ربنا يهدينا ويهديكي

  2. Peace
    21/05/2019 at 04:33

    اللي يفيدك في موضوعك ده هو اتصالك بدار الافتاء والاستفسار على حته حرام وحلال في إنك تعملي عمليه وهيفيدوكي اكتر.. واللي إنتي عملتيه من ممارسات ما فيهاش أي حاجه غلط لأنه كان جوزك علي كتاب الله.وربنا يوفقك.

  3. محمد / محاسب
    20/05/2019 at 21:45

    في فترة كتب الكتاب زوجك مارس معاكي الجنس وبقيتي مدام – انتي مش فاهمة ان كتب الكتا حاجة والدخلة حاجة تانية يعني لازم الدخلة بعلم اهلك هو ده الفرق بين كتب الكتاب والدخلة- العلماء افتوا في هذا الشأن أنه في كتب الكتاب يسمح له بكل شيء ماعدا الدخلة – ياريت تكوني فهمتي – هو حلالك لكن كان ناقص علم اهلك – في جميع الاحوال والدتك اقرب الناس ليكي ممكن تقوللها وهي اكيد هتقف جنبك – انتي مقدرة الموقف كويس وفاهمة وبتفكري في عملية – هي غش اكيد – مفيش احسن من الصراحة – الحل اقرب طريق بين نقطتين الخط المستقيم يعني الصراحة ومفيش غيرها – ربنا يهدينا ويهديكي .

اترك رداً أو حلاً لهذه المشكلة