مشاكل الازواج

كرهت عيشتي كيف اتعامل مع حماتي

انا متجوزة من سنة ونص كتبت كتابي قبل فرحى بشهر ونص ومن يوم كتب الكتاب وحماتى بانت على حقيقتها وتدخلت في العفش وجبتلى شبكة مستعملة وقالتلى انها من الامارات وكذبت عليا وانا كنت فاهمة وجوزى قالي بعد الجواز غيريها ومشيت امورى عشان جوزى طيب وبيحبنى وبحبه واهلى برده اشترو جوزى وبعد الجواز باسبوع ونص فاجئت ان حماتى طلعتلى الشقة وقالتلى اطلعى برة البيت انتى وجوزك وشتمت فيا وفي اهلى وابنها التانى شتم فيا وجوزى زعق معاهم ولمااتصلت بامى تيجى تاخدنى لان بابا مسافر وانا بكلمها حماتى سبتنى في شرفي وقالتلى انتى جيالنا مش بنت بنوت وشوفي مين اللى عمل فيكى كدة وابنى مش راجل وقابل الوضع دة جوزى زعق معاهم وضرب اخوه المهم امى جت ورجالة عيلتنا كلها جت وكان الموضوع حيطير فيه رقابي وانتهى ان انا وجوزى فضلنا برة البيت 16يوم لحد ماالرجالة اتدخلو وحكمو بينا ان انا وجوزى نرجع شقتنا وحماتى في حالها وانا في حالى وفعلا رجعنا وبعد رجوعي بتلات اسابيع سرقت شبكتى وقالت بلطجية دخلو البيت ولماالشرطة عاينت الموضوع قالت دة حد من اهل البيت عملها وطبعا جوزى مش حيحبس امه واخواته وبعدها حملت ودخلت على حماتى وفرحتها وياريتها فرحت وكان كل مايجى حد من اهلى تطرده وتشتمه وتقولهم دة بيتى وكل يوم تطردنا انا وجوزى برة البيت بسبب ومن غير سبب خدنا سكن جنب شغل جوزى وبرده منفعش وكانت بتطلع شقتنا من ورانا وغيرنا الكالون ميت مرة ومنفعش برده لحد ماطردتنا في يوم وكنت حامل في السابع جوزى خد العفش وخدنا شقة بالايجار وبرده مش سيبانا في حالنا مبتجيش عندى ولابروح عندها بس علطول بتتصل بجوزى او لما بيروحلها تنكد عيشته ودلوقتى انا وجوزى مش معانا ولامليم غير المرتب بتاع جوزى اللى بيكفينى انا وابنى وجوزى بالعافية وابنى عنده خمس شهور ومشفتهوش لحد دلوقتى ومش فارق معاها وبتدعى عليه وعليا اعمل ايه واتصرف ازاى لو المشكلة انها بتتخانق خناقات عادية ماشي نستحملها بس دى بتسب شرفي بدل المرة اربعة مع العلم ان حمايا متوفي من قبل ماجوزى يخطبنى واخو جوزى واخته اصغر منى وبيشتمونى وهما اللى مقويين امهم وكل املاك ابو جوزى كلها باسم حماتى ومش مدياله حاجة والشقة باسمها واجرتها لناس وبتاخد ايجارها ليها من بعد ماخرجنا منها بشهر اسفة على الاطالة بس افيدونى افادكم الله انا بحب جوزى وابنى ومستحيل نسيب بعض

مشاكل وحلول ذات صلة

اضيف بتاريخ: Thursday, May 31st, 2012 في 09:01

كلمات مشاكل وحلول: , , , ,

10 رد to “كرهت عيشتي كيف اتعامل مع حماتي”

  1. الشمس المشرقة
    16/04/2014 at 23:45

    اعمدى على نفسك فى بداية حياتك وتجاهلى المشاكل لحد ماتقفى على رجلك هتلاقى حل للموضوع ده

  2. احمد عبدالله
    09/06/2013 at 17:43

    دائما كونى مع الله سوف ينصرك اهتمى ببيتك وحافظى عليه

  3. ابواميرة
    29/12/2012 at 11:13

    اختي دام زوجك يحبك وسعيدةمعه واخلاقه كويسةومحترم دي اكبرنعمةلك في الحياة وخلي اهله طزفيهم وكلا بيتحاسب على اعماله ودول ناس ظلمةومفتريه ربنا يوقعهم في شر اعمالهم وعيشي مع زوجك وابعدي عنهم خالص وزوجك دالابد من يطالب امه بنصيبه من ورث ابوه دامن حقه شرعاوقانونا لان الست دي غيرموتمنة عليه ومش بعيد تحرمه من كل حاجة

  4. mallak
    24/10/2012 at 12:38

    اختى فى الله اعانك الله على ماانت فيه ولكن تزكرى ان الله يمهل ولايهمل وعليكى بالدعاء واصبرى فان الله لايضيع اجر الصابرين وعاوزه اقولك انى بعانى من قسوة حماتى وغلظة قلبها بحاول اتجنبها باى شكل لانها عملتلى مشاكل كتير لدرجة انها كانت بتقول لزوجى طلقها عموما الحياه مليانه مشاكل والصبر مفتاح الفرج وازا احب الله عبدا ابتلاه

  5. ميرو
    31/08/2012 at 19:25

    حولى تتقربى من اخواته وصلحى العلاقه بين جوزك واخواته بانه يزورهم ومعاه حاجه وابعتى ابنك معاه وزوجك يعرف ابنه باهله حتى القلوب تحن وكفايه انهم يسمعوا كلمه نانا وكلمه عمتوا وكلمه عمى ابنك هو اللى هيحل الموضوع

  6. ابو ادم
    03/07/2012 at 13:00

    حسبى اللة ونعم الوكيل (تحللى بألصبر )لكل ظالم نهاية عزيزتى حاولى ان تتفاهمى زوجك وان كانت روفة المادية تستطيع ان تؤجرو سكنا بعيد عن تلك الامرأة فهذا افضل الحلول فأنك وحماتك مثل النار والبنزين لن يستطيعو ان يجتمعو سويا اتركى لها كل شىء وابتعدى عنها

  7. مروه
    17/06/2012 at 21:16

    عليك بقول حسبي الله ونعم الوكيل فالله وحده القادر علي حل مشكلتك وقول ربي اني مسني الضر وانت ارحم الراحمين أعانك الله علي مشكلتك

  8. اكسير الحياة
    01/06/2012 at 00:39

    بصى يا اختى اهم شئ انك تكونى متفاهمه مع زوجك ومادام بتحبيه فان شاء الله حتستحملى وبعدين حبه ليكى هيزيد اكتر واكيد هو مضايق اكتر منك بس مش فى ايده شئ وحاولى تخرجيها من تفكيرك ومتكلميش عن اسائتها ليكى كتير امام زوجك عشان ما يضايقش اكتر ومسير الايام تثبتلها قدرك بس نصيحه خليكى جنب زوجك واوعى تتخلى عنه مهما حصل وربنا يوفقك ويهديلك الحال يارب

  9. رائفة
    31/05/2012 at 14:02

    اختى انتى قلتى انكوا خدتوا شقة بعيد عنها فخلاص كل واحد فى حاله وجوزك لازم يزورها عشان يبرها حتى لو كانت بضايقه بكلامها لانها فى الاول والاخر هيه امه ومادام جوزك كويس معاكى احمدى ربنا انتى فى نعمة كبيرة وبالنسبة للمصاريف ممكن جوزك يعمل عمل اضافى لحد ما تتحسن ظروفكم والله هو الرزاق وبالنسبه لاهانتهم وسبهم ليكى فى شرفك فاتبعى منطق اذا تحدث السفيه ومادام هيه مش فارق معاها تشوف حفيدها هيه حره انا مطلقه لاحماتى ولا حتى زوجى طلبوا يشوفوا الولد من سنة كاملة ومتشغليش نفسك بيهم وربنا هيراضيكى انتى وجوزك

  10. ادم
    31/05/2012 at 13:20

    احتسبى الاجر عند الله تعالى واصبرى ولا تحسين الله غافلا عما يعمل الظالمون

اترك رداً أو حلاً لهذه المشكلة