مشاكل البنات

كيف اتعامل مع خطيبى واعرف اذا كان بيحبني

السلام عليكم انا عندى 21 سنه مخطوبه كده من 3 شهور وهاتجوز بعد 6 شهور بس مش مخطوبه عن حب لكن هو بيقول انه بيحبنى هو قريبنا من بعيد بس هو كان بتاع بنات اوى بس انا عاوزه اعرف حاجه هو فعلا بيحبنى ولا لا هو بيخاف عليه وبيفضل يقولى انه بيحبنى بس خايفه يكون بيقولى كده علشان انا خاطبته وبس انا مش عارفه اصدقه فى كل الكلام ولا لا بصراحه كده انا خايفه احبه لانى لما بحب بحب بجد وخايفه انجرح لانى انجرحت قبل كده وكان جرح كبير اوى بالنسبالى اعمل ايه بالله عليكم

مشاكل وحلول ذات صلة

اضيف بتاريخ: Sunday, July 10th, 2011 في 05:44

كلمات مشاكل وحلول: , , ,

20 رد to “كيف اتعامل مع خطيبى واعرف اذا كان بيحبني”

  1. marwa mahmoud
    01/10/2014 at 04:05

    انا من نفس سنك وكمان متعايشه الموقف ده بس الفرق اللى بينى وبينك ان حبيبته كانت جارتى وصاحبتى وبتحكيلى على كل حاجه مبنهم وفجاه اتقلبت الموازين وسابو بعض وعدى فتره من الوقت واتقدملى اكتر من مره ورفضته بس هو كان مصمم انى ابقى زوجته وانى انا اللى بيتمناها فى الدنيا وانى اكون شريكه حياته وام لاولاده. وصلت معاه انه مش بيحبنى بس لا قالى بعشقك وكل كلمه بيقولهالى بفكره بالماضى ودلوقتى بيثبتلى بكل الطرق ان مفيش فى عقله ولا قلبه وانه مش شايف حد غيرى ادامه وانى حياته كلهاكل ده وانا بردو مش مصدقاه بس الاريح لينا اننا ناخد بنصائح الناس اللى نصحوكى بجد نصائحهك فرقت معايا كتير اولا صلى استخاره وشوفى ايه النتيجه ونسيبنا من الماضى شويه ونعيش مع الايام الجايه ونحاول نتاقلم معاها وانا هعمل كده بردو وربنا ييسرلنا الامور

  2. جيمى
    10/08/2014 at 07:27

    نصحتى انك تشوفى تصرفاته وتقررى انك تحبيه على حسب معملته معاكى بجد وحولى انك تختبريه وانشاءالله ربنا يوفقق فىحياتك

  3. البنوتة المصرية
    06/08/2014 at 17:13

    انا انصحك انك اول حاجة تعمليها انك تستخيرى ربنا فية وسيبى الايام تسبتللك انو بيحبك ولا لئة انا كنت مثللك خايفة ان كان بيحبنى ولا لئة بس الايام بتسبت انوا بيحبك ولا لئة وفعلا الايام سبتتلى انوا بيحبنى توكلى على الله

  4. بسمه امل
    22/07/2014 at 12:56

    بصى هو اكيد بيحبك علشان لو مكنش بيحبك مكنش خطبك ممكن يكون كان بتاع بنات وده عادى لاى شاب بس هو لما فكر فى الاستقرار والحب بجد فكر فيكى وخطبك علشان تكملو حياتكم مع بعض فعيشى حياتك ومضيعيش وقت فى الشك والتفكير علشان مضيعهوش من ايديكى وصعب تلاقى حد يحبك وهو ثبتلك ده بالخطوبه

  5. ابواميرة
    02/11/2013 at 18:15

    استخيري الله عزوجل وادعي ربك ان كان في الزواج من الشاب ده خير لك فاطلب من الله ان يعجله وان كان فيه شر فليصرفه الله عنك واسالواعن الشاب كويس واذاتاكدلكم انه على خلق ومحترم وبطل حكاية البنات فلامانع من الزواج منه وان كان لاغيرمناسب وخلاقه وحشة فاتركيه وافسخي الخطوبةوربي يكرمك باللي يستاهلك ويقدرك

  6. menna
    27/11/2012 at 02:31

    حبيبتى انا ها انصحك نصيحة ممكن تفيدك وممكن لأ انا عملتها وفادتنى كتير (لا تستعجلى فى حبك ليه ولا تستعجلى فى معرفة حبه ليكى وسيبى الايام هى اللى تسبتلك اذا كان بيحبك ام لا وتأكدى مليون فى المية انه بيعزك وبيحترمك وبيحبك مش مهم بيموت فيكى بس المهم انو بيحبك وها يحافظ عليكى وبيئدرك وكان من الممكن ان هو يبصلك كا متعة وليست زوجة ولكنة نظر ليكى نظرة الزوجة وليست المتعة)و فى الاول والاخر القرار الاول والاخير ليكى وربنا يوفئك ويباركلك ويرزئك بالزرية الصالحة والسلام عليكم ورحمة الله وبركاته

  7. سمسم
    16/11/2012 at 20:16

    اختى الفاضلة اتمنى لكى التوفبق وفى وحدة زملتى كانت فى نفس المشكلة وانتهت بفسخ الخطبة لانة كانت دايما كل لما يحدث مشكلة كانت بتقرن بالاول انصحك انك تبدأ معة بالحب تدريجى وتحسسى بحبك علشان تحسى وتصدقى حبة

  8. سوسو
    20/07/2012 at 23:55

    حبيبتى جرحك الاولانى هو اللى خلاكى ماتبقيش واثقه فى اى حد لازم تنسى الماضى وتفتحى صفحه جديدة انتى وهو وصدقينى انتى مش هتخسرى حاجه لما تعامليه بما يرضى الله وتتقى فيه ربنا ماتفكريش فى اى حاجه فاتت فكرى ف اللى حاى وياريت تفكيرك يكون ايجابى شويه وسيبها على الله وربنا يسعدكو ويدوووم المحبه بينكم

  9. esraa
    12/07/2012 at 11:24

    احسن حاجه تعمليها انك تسبيه

  10. أنا ولد
    23/04/2012 at 20:12

    أولًا: بتاع بنات تزعل شوية ، ولكن إذا كنت أنت هكذا مثله فاصبري عليه ، وعليك بأمور كثيرة يجب أن تعرفيها من خلال جلوسه معاك ، وصدقيني لو هو وحش سيظهر ولكن لا تتعجلي في الزواج ، ومادام باقي 9 أشهر كده كده ستعرفي عنه كل شيء، واعلمي أن الحب يأتي بعد الزواج علمًا بأن مرحلة الخطوبة هي تمهيد لهذا الحب ، واستغفري الله كثيرًا وارجعي إليه سيفرج عليك كل هم .

  11. الحياه
    22/03/2012 at 19:22

    اصعب مافي الحياه ان تعيش في حياه مع انسان يحبك وانتي تشكي دائما فيه
    صدقيني الحياه قصيرة عليكي ان تعيشيها قبل فوات الاوان
    لا تفكري كثيرا وابدي بنفسك اجعليه لاينظر لغيرك يعشقك بدلا من ان يحبك يحترمك اكثر من ان يعشقك لا تسالي كيف لان كل رجل يختلف عن الاخر وكل امراه تختلف عن الاخري
    لاتشكي بقدراتك ولاتجعليه يشعر بذلك اجعليه يحبك اكثر اختبريه وانت قادرة علي ذلك
    نصيحه
    لا تفعلي مقارنه بين الماضي والحاضر لكل عيوبه ومميزاته
    ربنا يهديلك الحال لكي ولنا

  12. بنت من البنات
    17/03/2012 at 15:29

    ربنا يوفقك انا على فكرة مريت بنفس مشكلتك فنسى الماضى واجعليةفترة ومرت وابدأى تفكرى بخطيبك ازاى تخلية يحبك **وربنا يوفقك **

  13. ندى عبده
    09/02/2012 at 16:28

    انا كدا والله انا كمااان بس انا اخدته وفكرت بعقلى شويه اكيد هيخاف عليا علشان قربته ومن دمه ومش هيفكر فيوم انه يعمل معايا حاجه غلط

  14. نونه
    12/10/2011 at 22:49

    اى شاب اكيد ليه علاقات كتير مع البنات بس معنى انو فضلك على كل البنات ديه انو بيحبك ياقمر

  15. ايمان
    16/07/2011 at 19:15

    اختي الكريمة ارجوا من الله ان نصحتي ليكي تفيدك لاني في نفس تجربتك تقريبا
    حبيبتي … اذا كنتي انتي حاسه او شايفه انه مش بيحبك الحب الي كل بنت مننا بتتمناه فتاكدي انه بردوا بيحبك لانه شاف فيكي شريكه حياته و الخب الي انتي بتتمنيه حاولي انتي انك تخلقيه بينكم بالعشرة و الموده و الحب و الحنان بالمعروف بعد زواجك باذن الله بس اهم شيء حاليا انك تشوفي مميزات خطيبك و انك تلاقي معاه الاحترام و الامان و انه يصون كبريائك و كرامتك و دايما يحسسك انك اهم و اشطر واحده في نظرة لان ده مهم جدا لينا و حبك ليه باذن الله هتلاقيه في بيتك و بلاش تتراجعي ابدا في انك تدافعي عن حبك ليه بعد الجواز
    اختك في الله

  16. اياد
    12/07/2011 at 14:35

    والله سؤااااال غريب على بنت بالعمر هادا واعبه متلك واقلك شى الراجل لما ينوى الزواج لازم يكون مقتنع جدا بالبنت اللى راح يرتبط فيها وطالما اختارك دون البنات اللى عرفهم فهادا كافى انه يخليكى تحبيه وحب جنون ولانه صارحك فهادا شى كويس منه ودليل حبه وصراحته ليتفادى مشاكل معك ويعيش بسعادة واستقرار معك وسيبك من الوسواس هادا والمفروض تفتخرى بهيك راجل والمقابل انه تقدريه وتحبيه والاهم من هادا كله ياريت ونصيحتى الك تسيبى كلامك تاع انه انجرحتى قبل هيك لانه جرحك الماضى او ما يسمى حب قديم ما تشبهيه بحبك الطاهر والعفيف مع خطيبك لانه فرق كبير بين الحب المزيف اللى عشتيه وبين حبك الحقيقى مع خطيبك هلاء اللى بكلامك وسؤالك ممكن ادمريه واضيعيه من بين اديكى وما تفكرى اطلاقا بحرحك القديم واحمدى الله على خطيبك اللى شراكى بالحلال والحب الصادق وارتحتى من حب استغلال وضحك ومسخره ونفاق ومصلحه صح كلامى ولا لء اتمنى تكونى فهمتى كلامى اختى واتمنى تتوفقى بحياتك وتسعدى خطيبك .

  17. sunrise
    11/07/2011 at 12:16

    مادام هو اختارك يبقى اكيد بيحبك حبى خطيبك بجد لانه حيبقى جوزك اتكلمى معاه واعرفيه اكتر

  18. نرمين
    11/07/2011 at 12:16

    طيب إيه اللى جابره على أنه يكدب عليكى ؟؟

    طيب هو ما بيحبكيش وبيضحك عليكى و بيحب البنات اللى بيعرفهم أوى فليه هيجوزك بعد 6 شهور و يحمل نفسه مسئولية ماهو كدة زى الفل و لا مسئولية و لا بيت و لا وجع قلب.
    تعرفى أن قرار الزواج بالنسبة للرجل مش هل أنه يأخذه إلا لما يكون مقتنع تماماً .
    لأنه فى نظر الزوج مسئولية ورابطة. وهو يحب أن يعيش حر طليق وبدون مسئولية.

  19. asmaa
    10/07/2011 at 14:33

    اعملى استخاره لو لقيتى نفسك مرتاحه
    خلاص كملى معاه لو مرتحتيش سبيه
    بصى لما تعملى استخاره يمكن تشوفى رؤيه
    وممكن متشوفيش حاجه خالص
    بس تحسى انك مرتاحه ليه
    وربنا يوفقك

  20. RAHMA
    10/07/2011 at 14:15

    اهتى الفاضلة ربنا يوفقك هوا خطيبك يعنى مختارك نقاوة ومهما كان بتاع بنات فعمره مايفكر فى واحدة مش محترمه هوا مختارك عشان جمالك واحترامك وشرفك انتى جربى وكلميه وحسى بنبض قلبك لما تتكلمى معاه عن الحب او اسمعى افلام رومانسية قديمة مصرية او اغانى حليم واسرحى فالكلام وتخيلى حبيبك هوا اللى معاكى وربنا يتمم بخير

اترك رداً أو حلاً لهذه المشكلة