انا مخطوبة عن حب وبنحب بعض اوى وهو عصبى مش متفاعم معايا وانا تعبت اوى مش المشاكل والعراك واهلى اتخناوا لدرجة انهم قالولى لازم تسبية بس هو بيغلطنى انا وبيقولى انتى السبب لانك بتردى عليا وبتتعصبى عليا وبتعلى صوتك علياانا فعلا عصبية اوى بس هو الى بيوصلنى للعصبية دية وكمان مقدرش اسيبة لان حرام الحب دة كلوا يروح على حاجات تافهة ه فى حد فى الزمن دة بيحبوا بعض كدة انا كلامى صح ولا غلط حد يرد عليا ولا اسمع كلام اهلى واهل الى عرضت مشكلتها ونسيب خطابنا ياريت حد يرض عليا كيف اتعامل مع خطيبي العصبي
مشاكل الخطوبة
كيف اتعامل مع خطيبي العصبي
اضيف بتاريخ: Tuesday, July 12th, 2011 في 06:38
كلمات مشاكل وحلول: الخطوبة, مشاكل البنات, مشاكل الخطوبة
عندى نفس المشكله ومحتاجه لرد عشان بجد تعبت من المشكله دى جدا
بصى اختى الكريمه المفروض ان مدام فى حب بينكم زى مابتقولى حرام يضيع عشان سبب اناشايف انو مش كبير وانابردو عصبى زى خطيبك وعلى فكرة انابردو خاطب من خمس شهور والموضوع ده كان مخوف خطبتى منى جامد فبداية الخطوبه لكن هى اتعودتت على كده ويااختى الكريمه انتى بردو عليكى ان تتجنبى الحاجه اللى بتخلى يتعصب وتبعدى عنهايعنى لو فى تفاهم بينكم على بعض الامور هو بيحب ايه وبيضايق من ايه وانتى بردو تفهمى انتى بتضيقى من ايه الحياه تفاهم والحوار يكون بهدوء ومترديش عليه لمايكون متعصب واسكتى لحد مايهدى وبعد كده عتبيى ودى نصحتى ليكى عشان تستمر الحياه بينكم ومفيش حياة بدون مشاكل لكن فى المعقول وكل شىء بيجى بالهدوء وانتى اسمعى الكلام وبلاش جدال عشان واللهى الموضوع ده اكتر حاجه تعصب بجد لما الوحده تكون مجدله وبترد وتعلى صوتهاوربنا يجمع بينكم فى الخير ومتنسيش تعزمينافى الفرح ان شاء الله ربنايكرمكم
مش مهم يكون الراجل عصبى المهم مايشيلش جواه ويكون عدوانى وانتقامى لان مفيش انسان مش عصبى المهم ان بعد العصبيه بيهدا ويرجع يتاسف ويعترف بغلطه وبيكون حنين وقلبه ابيض _انا خطيبى كده عصبى جدا بس حنين وقلبه ابيض ومابيهونش عليه زعلى وبيرجع يتاسفلى ويصالحنى
سبحان الله العظيم محدش كامل ممكن اقول حاجة واحدة زى مابتتمنى يعاملك بهدوء وقت عصبيتك عامليه بهدوء وقت عصبيته والحاجة الاهم لومتاكدة من حبه وانه بيخاف على زعلك اعملى اى شئ يعوزه منك والحاجة الاشد اهمية انه لوطيب القلب وحنون وبيروق بسرعة متخافيش منه وابشرى انك هتكونى احسن معاه قدام بس الفترة الحالية جمعى كل زكائك عشان تفهمى طباعه وتحاولى تغيرى منه قدرالمستطاع واللى مفيش اهم منه انك تمشى على امرالله وسنة رسوله فى طاعة الزوج ورعايته فلوتعلمين ان طاعة الزوج تدخل الجنة
حاولى تستحملى شويه الرجاله كلهم عايزين اللى يحايلهم
حببتى انا عندى نفس المشكلة مع خطيبى ….ودايما يقولى انا اللى برد عليه.واى كلمه اقولها يفهمها بمعنى تانى .بس انا عصبيته دى بنخلينى اخاف منه ومش اضمن نفسى معاه ….وبتخلينى احس انه مش بيحبنى …….بصى انا بقول لنفسى لو مش هقدر اغيره دلوقتى مش هقدر اغيره بعدين فبلاش من الموضوع احسن وافسخ الخطوبة ومش عارفه اعمل ايه
نفس المشكلة عندى ببس بحاول اسكت واعاتبة بعد كدة بس مش دايما
لما يكون ف نار لازم نجيب ميه تطفيها يعني لما يكون متعصب هديه او اصبري اما يهدي واتكلمي معاه بهدوء وصوت منخفض وعامليه كما تحب ان يعملك الحب هيدوم والعصبيه مسيركو تهدو
اناشايفة انك تتناقشى معاة فى الموضوع دة ولما يكون هو متعصب اهدى انت ولما تكونى انت متعصبة اطلبى منو انو يكون هادى وبكدة مش هيوصل الموضوع بينكم للخناق والانفصال (خصارة تضيعى حبك علشان شويع عصبية حتى ولو كانت زايدة)
والله يا اختى انا نفس مشكلتك خطيبى نفس الطباع وتعبت اوى منه لانه فعلا بحبه اوى بس لازم استحمل عصيبه عليا لانى عارفه هو قد ايه راجل اوى وانا فى بدايه الموضوع كنت بضايق من عصبيه دا بس خلاص الحب خلينى استحمل منه وافهمه اوى وافهم قد ايه هو حنين وراجل مش بعصبيه بس خلاص بقا فهمت ربنا يوفقك واستحملك خطبيك طالما مش بيجى على كرامتك ولا بيجرحك
ان تعيشي على أمل الحب شيئ جميل لاكن الحيات عبارة عن عشرة طويلة من الزمن ولايبقا فيها ألا قليل من الحب أذا انت ما حسنت تغيره من دون مساعدة أي حد فمارح يتغير شي بديك تحاولي قدر ألأمكان مشان ماتخسريه
باللين والهدوء وبعدين لازم تمتصى غضبه مش تردى عليه وتثيرى اعصابه اكثر وبعدين الست بتبقى الصدر الحنون للزوج ينى مش كل كلمه تردى عليه عشرة بالطريقه دى حياتك معاه هتنتهى قبل ما تبتدى لما خطيبك يكون غضبان مترديش عليه بولا كلمه سيبيه يقول كل اللى عنده ولما يهدى خالص بعد يوم كده ولا حاجه حاولى تعاتبيه باسلوب رقيق انك زعلتى منه لانه اتعصب عليكى وقولى له اللى نفسك فيه
أنا فهمت مشكلتك نوعا ما لكن قبل ما أساعدك حبيت لو تشرح لي متى وكيف ومما تحدث العصبية ببناتكم يعني أذكر لي المشاكل والعراكات التي جرت من خلال العصبية بالتفصيل لأن يا أختي العصبية نوعين عصبية طبيعية تلقائية وعصبية فعلية شعورية وباذن الله راح أسعدك وأنفعك فيما فيه الخير والصلاح
صدقيني لو بتحبيه مستحيل هتقدري تبعدي عنه و ليه يا حبيبتي الغط مش يكون منك
يعني اي راجل مش يحب ان خطيبته او حبيبته تعلي صوتها عليه و تتعصب عليه و بصراحة عنده حق
يا حبيبتي لما يتعصب اهدي انتي اوي لو عايزة تبيني انك زعلانة عيطي مثلا او بيني انك زعلانة بس مش قادرة تتكلمي من غي رما تعلي صوتك اي راجل مش بيحب البنت اللي بتعلي صوتها
خليكي دايما حاسة انه بيحبك و اي حاجة بيطلبها منك من خوفه عليكي و من حبه ليكي
خليه يحس انك متقدريش تعيشي من غيره متقدريش تزعليه
لو عايزة تناقشيه براحه بحب بحنية مش بخناق و عناد و زعيق و عصبية
خليه الحب هو محور كلامكم كله
خليكي دايما حاسة انه مش خطيبك بس انه جوزك و باباكي و اخوكي و صاحبك و حبيبك انه كل حياتك لو صدقيني اتعاملتي معاه بالاساس دة عمرك ماتقدري تزعقيله لانك هتحترميه احترام الاب و الاخ و الصديق مش تحاولي انك تساوي نفسك بيه لانهم مش بيحبوا كدة بيحبوا يحسوا انهم الاقوي اوعي تهيني رجولته ولا تخلي شكله وحش قدامك
لو عاملتيه كدة هتلاقي اتغير معاكي خالص
حاولى تبقي هاديه ف الوقت الى هو متعصب
وتمالكى اعصابك
لو انتى عايزه تحافظى ع الحب دا
حاولى تبقي هاديه وتتمالكى اعصابك اما هو يتعصب
لو عايزه تحافظى عليه وع الحب
بصي ياحبيبتي ده جواز وحياة مش مجرد حب وبس
يعني انتي لازم من دلوقتي طالما بتحبيه تستحمليه
لما يتعصب عليكي اسكتي متزوديش معاه في الكلام
اهدي
افضلي صللي علي النبي اقفلي معاه في المكالمة
قوليلوا حقك عليا خلاص انا غلطانة حاضر
واما الموضوع يهدا تعاتبيه
وتتكلمي معاه
قوليلوا انا سكتت عشان ميحصلش مشاكل بس زعلت منك اما عملت كذة وكذة
لو هتقدري من دلوقتي تسيطري علي عصبيته وتتعاملي معاها وتبقي هادية كان بها وربنا يوفقكم
لكن لو لا قدر الله لاقيتي نفسك مش قادرة ومش مستحملة وكل يوم في نكد
يبقي بعد الجواز ايه اللي هيحصل؟
ما ممكن لا قدر الله الموضوع يتطور لطلاق بعد الشر وتقولوه اصل احنا متعصبين
مينفعش
شوفوه من دلوقتي وقيمه حياتكم هتقدري فعلا تمسكي نفسك وتخليه يسيطر علي عصبيته وهتقدري تستحمليه وقت عصبيته ولا لا
وخليكي صريحة مع نفسك عشان متخسريش
ربنا يارب يكرمك ويسعدك ويقدملك كل خير وسعادة يارب