مشاكل زوجية

كيف اتقرب من زوجتي ثانية

السلام عليكم
احب زوجتي جدا ومنذ مده يعيش كل منا في دوله نظرا لظروف عملي ولكني ولا اعلم كيف دخلت في علاقه مره واحده فقط اخطأت وندمت وتوبت الي الله وسألته المغفرة والرحمة وعلمت زوجتي بالعلاقة وسامحتني زوجتي ولكن بعدها اكتشفت أني أصبت بفيروس وللأسف نقلته لها وهذا الفيروس يحتاج الي مده طويله في العلاج ومنذ علمنا به وأصبحت العلاقة بيننا جافه جدا وكلامنا كله في حدود وفي كل مره احاول ان اغلق جزء من هذه الفجوه اجد انها ليس لديها اَي استعداد وعرضت عليها الطلاق ان كان ذلك يريحها ولكنها رفضت لانها تحبني وكذلك لكي ينشأ اولادنا في بيئه معتدله.
أرجو لمن لديه فكره او نصيحه فقط ان يخبرني كيف اقرب بيني وبينها مره اخري وكيف يمكننا تخطي وقت العلاج بدون ان تتسع الفجوه بيننا اكثر مما هي الان

مشاكل وحلول ذات صلة

اضيف بتاريخ: Friday, March 8th, 2019 في 17:54

كلمات مشاكل وحلول: , , ,

6 رد to “كيف اتقرب من زوجتي ثانية”

  1. Omar ahmed
    12/03/2019 at 13:50

    واضح انها تحبك ودى اول خطوة كويسة ممكن تقول لحد من اهلك تكون هى بحترمه وتقدره انه يتوسط بينكم ويراضيها ويكون شاهد عليك انك لن تكرر هذه الغلطه ودى مجربه مع النساء انها فعالة بترضيهم اوى وبكده حتكون رضيتها بانك حكيت انك غلطان بس لازم تعرف ان الفجوه عمرها ما حتقل طول ما انت بعيد دى حتزيد جدا ولازم تعيشوا مع بعض على الأقل اول كام شهر لحد ما تبتدى تصفالك بس عمرها ما حتنسى لكن بالوقت الأمور حتبتدى تتحسن لكن اول خطوة لازم فيها اى تنازل منك علشان هى تقدر تكمل وربنا يهديك

  2. Ezzat aly
    12/03/2019 at 00:44

    لو حطيت نفسك مكانها ايه حيكون تصرفك اكيد مش حتسمح لاى تنازلات لازم هى تحس انك فعلا ندمان وأنها اعلى وأغلى شىء واعرف ان النساء عاطفيين وبالسياسة بيحنوا وحاول ان تسال شيوخ فى الموضوع لان فيه ضرر عليها منك ولا ناوى تكمل ظلم فيها ( استوصوا بالنساء خيرا)

  3. Ibrahim ashmawy
    10/03/2019 at 23:59

    واضح انها عاقلة و بتفكر فى المصلحة اكتر منك لازم تعوضها بانها تعيش معاك او تعمل اى حاجة تانية تحس بيها انك شاريها عمرها ما تنسى الخيانه ما بالك ومرض نتيجة خيانه اللى يعينها وسامحنى لانك انانى غلطت غلطة ليست بهينه وهى اللى تدفع التمن ماذا عن تضحياتك لها ؟؟

  4. Peace
    10/03/2019 at 02:08

    اكيد هي من حقها تعمل اكتر من كده..لكن قربك منها هو الحل الوحيد بمعني لو تقدر تاخدها معاك في الدولة اللي بتشتغل فيها أو تقدر تزيد من اجازاتك يكون افضل.. لأن المرأة بطبيعتها غيوره وعمرها ما تنسي أبد حتى لو بينتلك انها نسيت لا ما تصدقش..زوجتك مجروحه وقربك منها هو اللي ممكن يطمنها إنك مش هتغلط تاني..جرب لو تقدر ومع الوقت هتفرج والدنيا هتبقى تمام إنشاء الله وربنا يوفقك.

  5. Ayman ashry
    09/03/2019 at 01:42

    ازاى بتحبها وتخونها لها حق تعمل اللى عاوزاه والطلاق اسلم حل ولما تتعالج تبقى تقرر ترجعلك تانى ولا لا

  6. Aly mohamed
    08/03/2019 at 20:07

    مفيش حل الا الطلاق الخيانه من اكتر الأشياء التى لا تسامح فيها الزوجة حتى وان قالت عكس ذلك

اترك رداً أو حلاً لهذه المشكلة