انا بنت 16 سنة بعاني من حكة في الاطراف يعني رجلي وايدي وسببها لدغ الحشرات زي الناموس مثلا وخصوصا في الصيف.
يعني لما حاجة تقرصني بتحكني جامد ومبقدرش فلازم احك فيها لحد ما يحمر مكانها، ويمكن يوصل ان ايدي او رجلي تتعور ويجيب دم.
وانا اتضايقت كتير اوي من الموضوع دا لان مكان الحك بيبقي اسمر يعني لون غامق عن لون بشرتي الاساسي وخصوصا ان لون بشرتي فاتح.
ومع اني ببقي مش عايزة احك بس غصب عني حتى انا روحت عند دكتورة وكتبتلي مرهم ضد الحساسية وقالتلي متكليش الموز ولا الفراولة ولا المانجو واقلل كمية الملح في الاكل.
فانا بستعمل المرهم دلوقتي عشان الحكة نفسها اللي ناتجة عن الناموس بس المشكلة اني عاوزة اخلي ايدي ورجلي يرجعو زي الاول يعني يبقو زي لون بشرتي الاساسي لان ايدي ورجلي سببولي مشاكل، وكل شوية اصحابي يقولولي دا من ايه ويقعدو يتكلمو عليا وانا بتضايق حتى مش بعرف البس صوندال مفتوح او كدة يعني كلة كوتشيات وحاجات مغطية خالص.
فانا بتمني حد يقولي ازاي اعالج او اني ارجع لون ايدي ورجلي تاني وشكراا
اغسلي مكان القرصة بماء فاتر أو ضعي مكعبات الثلج فوقها
انا نفس مشكلتك بالضبط ياريت نلاقي حل
روحى لدكتور جلدية وهو هيكتب لك كريمات و ادوية تزيل هذه العلامات و ممكن تروحى لصيدليات عندها كورس لعلاج الاسمرار