انا بنت وعمري 16 سنة ونفسي بجد مشكلتي دي تتحل أنا مش عارفة ليه دايما بحب اي واحد حلو بس لازم احاول أتعرف عليه وكدة وأكون خلاص انا وهو تمام لو لقيت اللي أحلى منه أبصله وأحاول أكلمه ولازم يكون عندي إستبن من الاولاد لو واحد راح التاني موجود وكدة ونفسي أخلص من العادة دي مش عارفة نفسي أكون مخلصة لحد واحد بس انا دايما بحس ان اللي قدامي دة بحبه بجد من قلبي اول ما ألاقي غيره خلاص الحب بيقل دة غير طبعا مطاردات الناس ليا في الرايحة واللي جاية مع اني والله مش بعمل حاجة غلط خالص دايما بعمل اي حاجة قدام الناس لأني شايفاها صح يعني مثلا زمايلي في الدرس (أولاد) لو شفت حد فيهم في الشارع وكلمني يسلم عليا بكلمه عادي وسلم عليه واسلم عليه وامشي وكدة يعني فيها ايه طالما مفيش بيني وبينو حاجة ليه أتدارى وسط الشجر والظلام هو دة الصح لا طبعا مش صح دايما بتفهم غلط من كلامي مع الناس في الشارع من طريقة لبسي بجد مش عارفة أعمل ايه انا زهقت وبيقولو اني بمشي مع أولاد المدينة كلها كل دة من صحوبية وبيركزو عليا بيحسسوني اني انا البنت الوحيدة اللي بتعمل كدة أعمل ايه بجد انا محتارة مش عارفة أرضي الناس ولا بابا وماما ولا مين باتحديد تعبت من التفكير وياريت تقولولي حل
البنات المراهقات
لا أعرف متى سأحب بجد؟
اضيف بتاريخ: Thursday, September 16th, 2010 في 03:58
كلمات مشاكل وحلول: اصحاب, البنات المراهقات, اولاد, بابا, بنت, حب, حب المراهقة, ماما
بصى انتى لاذم تحبى بجد ودة هتتعبى شوية لحد ما تلاقية بس هوة دة الحل الوحيد لمشكلتك وانا واثق لو حبيتى بجد والله هترتاحى جداااااااااا لان اللى هتحبية بجد مش هيكون وسيم وانا متاكد
بس لاهيكون بيحبك وانتى كمان بتحبية ومش هتقدرى تفكرى فى غيرة
وسيبك من الناس اهم حاجة اللى انتى شيفاة وميكنش عيب ولا حرام
اتمنالك السعادة
انا رائي من رأي اخوي أبو عمر
الله يهديك يارب وأكثري من الصلاه والذكر وقيام الليل
الله يفرج كربتك
(( أن الصلاه تنهى عن الفحشاء والمنكر ))
ربنا يهديكى طبعا غلط لان مافيش حاجة اسمها اصحاب ولا اصدقاء ولا زملاء بين البنات المحترمه اللى متربيه فى بيت محترم فى بيت واحد مسلم وبين الشباب لان الاسلام محرم كل اللى انتى بتقوليه فربنا يهديكى ومتحوليش تقالدى الغربيين احنا عرب وربنا يهديكى
A ll y3ynk
على فكره دى مش مشكله عندك دا طبع فيكى لو ماتخلصتيش منه وانتى فى السن ده حيلازمك هزا الطبع حتى بعد الزواج وتبقى فضيحتك ومصيبتك اكبر لان الفضيحه دلوقت طيلاكى لوحدك بعد كده حطول زوجك واولادك الحقى نفسك
لانك لسه في سن مرهقه لما تكبري احسن حل فكري في ربنا ودرستك
عند ماىريدربك وفكري في ربك اتعملى بس في حدود الادب والتقاليد
فكري بربك بس وبالشي الي يرضا وكل ما بدك بتشوفي شب اذكري ربك وشو عملك من شغلات حلوة بحياتك بعدين انت صغيراوراكي العمر كلو شو بكي والله يوفقك بحياتك
انا مقدرتش اكمل رسالتك .. بصراحة شئ مستفز جدا ..
كل اللي اقدر اقوله .. ارحمي نفسك .. انتي لسه صغيره .. متدمريش نفسك بالجري ورا الشباب و بالعلاقات الفاسدة دي ..
هتيجي في وقت هتلاقي نفسك تايهة و ضايعة و الدنيا كلها متكركبة على دماغك ..
اتقي ربنا في نفسك ..
سلام
ربنا يهديكى ……. بس لا تنسى ان لكى سمعه وان اى شخص هيحبك او هيخطبك هيسأل عليكى الاول وانتى هتبقى مشهوره ومفيش حد هيرضى بعملك ده؟؟؟؟ وهذا حصل مع واحده اعرفها جيدا وكانت جميله جدا ولكن طيعت سمعتها وصدقينى لم تتزوج الا من خارج البلد وبصعوبه واهلها كتبوا الكتاب وحددوا الفرح حتى العريس لايرجع فى كلامه…والآن تعيش فى جحيم لأن زوجها عرف بالماضى بتاعها وبيشك فى كل تصرفاتها…والمشكله كل لما تتخانق مع حد من اهل زوجها يعايرها بالماضى؟؟؟ اوعك تقولى ان انا مش بنعمل حاجه غلط لأن الناس ليس لها الا الظاهر وابعدى عن الشبهات…. ودى كلها تسالى شباب بيكى….. ولو مش مصدقه خلى واحد يتقدملك منهم المعجبين بيكى ؟؟؟ مش هيوفقوا وهيهربوا منك…… فكرى بعقلك….هتستفيدى ايه من اللى بتعمليه… ولا حاجه……… ربنا يهديكى
على فكره مشكلتك دى مشكلة جيل كامل وفى نفس الوقت انا بقولك اسمحيلى يعنى انتى غلط فى غلط ومش لاقيه حد يقدر يأثر عليكى ويوجهك للطريق الصح بس انا كنت اعرف واحده زيك كده والحمد لله نهايتها كانت سوده طبعا هتزعلى من كلامى بس للاسف هقولك اخبطى راسك فى الحيط لانك لو محترمه وتعرفى ربنا اتحداكى ان كنتى بتهتمى بالصلاه مثل اهتمامك بجسمك اتحداكى ان كنتى تعرفى دينك واركانه حرام عليكى اللى انتى بتعمليه ده وربنا هيحاسبك على كل شى بتعمليه وطبعا انتى هتقولى مش مهم بس فى جنه وفى نار وعملك هو اللى هيحدد انتى من اهل مين فيهم وكمان احب اكلمك بتفكيرك انتى فى فترة مراهقه ومش هتحسى الحب الحقيقى دلوقت ابدا لسه قدامك كتير بس بنظامك ده هتوصلى لسكه وحشه وهنقرأ عنك اخبار فى البيت بيتك اعقلى وفكرى فى ربنا قبل اى حد ودورى فى الدين لو مفيش حد حواليكى بيوجهك ربنا مطلع وشايف كل شى وهو اللى هيحاسبك يوم القيامه على افعالك
انا بحكي انك تضلي على مبدأك وعيشي حياتك ولا تسألي عن حد وحبي الي بدك اياه
بصراحه مش قادر اقول غير انك بطريقة دى عمرك لا حتحسى بالحب ولا بالسعاده لانك بتاخدى كلمة البستار وانتى كل اللا عايزاه تحسى بانوثتك بس وده لا ليه دعوه بالحب ولا المشاعر
والله انا مش عارف اقول ليكى او ليكم ا وأفضل حل ليكى انك متتعرفيش الى على واحد او اثنين ا بس ماتقبليش او تكلمى الى اللى انتى مرتاحة لية وحاسة انة هيحبك وهتكونوا أصدقاء دايما بس اوعى تغدرى بية وتكلمى شوية معاه وبعدين تسيبية دة اكبر غلط اما الناس بيكلموا عليكى فكون غفيفة ومحترمة معهم ويجب ان تسمعى كلام الاب والام فرضى الولدين اوصى الله عزوجل بة فى كتابة العزيز وهذة نصيحة منى لكى واتمنى من الله ان تقبلى النصيحة والسلام عليكم ورحمة الله وبركاتة تحياتى لكم لاّاّلةْ الى الله محمد رسول الله
حاولي تتقربي من ربنا وتعلمي أن ما تفعلية حرام والتي تفعل ذالك لاتتزوج ألا واحد يوريها النجوم في عذ الظهر دة حصل مع وحدة في بلدي والتي لا تتكلم مع الشباب وملتزمة تتزوج واحد قمة في الأحترام كل الناس تحسدها علية وعلمي أن ذالك للمرة الثانية حرام حرام
يا صديقتي العزيزة انتي لسة صغيرة اوي علي انك تحبي بجد متستعجليش سنك ده سن المرح و اللعب عيشي حياتك و استمتعي بكل لحظة فيها و متنسيش ربنا والحب اللي بجد ده هيجيلك لوحده متجريش وراه انتي دلوقتي زي الفراشة عايزة تطيري و تلعبي و تفرحي افرحي علي قد ما تقدري
بصراحه انتى لازم تعملى الصح اللى هو انك تتعاملى مع الاود فى حدود المعقول ولادب علشان الناس ميتكلموش عليكى اى كلمه غلط ****
لو مش عارفة ترضى الناس ولا ماما ولا بابا … انا هقولك ترضى مين
المفروض انك ترضى ربنا ..لان اللى انتى بتعمليه دة حرام .. وربنا ما يرضاش بكدة ابدا .. اتقى ربنا وبطلى لعب العيال اللى انتى فيه دة
انتى لسة صغيرة على الكلام دة .. ومال لما تكبرى هتعملى ايه ؟؟؟
المهم ترضى نفسك لماما ولا بابا اعملى اللى انتى شايفة انة صح لان انتى اللى هتتحاسبى مش بابا وماما او الناس وعيشى حياتك