السلام عليكم باختصار بعد سنه خطوبه وعن طريق الفيس بوك عرفت ان كان فيه حوار ل خطيبتى قبل ماعرفها بالمناسبه هيا ال كانت مديانى الباسوورد بتاع صفحتها الحوار ان صحبتها لانتيم عرضت عليها ان اخوها ال ف نفس صفهم الدراسى (ثانويه) عايز يتقدم وكده وكان باقى 4 شهور ع الامتحانات ووالدها لسه متوفى ردت وقالت بعدين وكده ومع الاصرار من صحبتها بالرد وافقت ومع الوقت حصل مكالمات هاتفيه وبس واقسمت ان الكلام كان بخصوص الدراسه وكانت بتدايق م نفسها انها بتكلم حد غريب (بالمناسبه بيتهم متدين جدا جدا) وقبل الامتحانات مكانش فيه كلام المهم بعد الامتحانات حد اتقدم ولما اخوها طلب رايها رفضت ولما قالها هل فيه سبب راحت حكيتله ع ال حصل وقالتلى انها قالت انها مش موافقه لا على ده ولا على غيره وانهاحكت لاخوها عشان تستريح مش عشان يوافق واخوها زعل منها وقالها خلاص براحتك كملى تعليمك والجواز ده بعدين مع بداية دخول الكليه الشخص ده كلمها كام مره وردت عليه ان ال عايز يتقدم ييجى للبيت وده الطريق الوحيد وكلمها تانى ووعدها انه ميتصلش تانى وكده واخر حاجه حاول يغلس عليها ف الشارع فضربته بالالم لكن ف مره كلمها ف خدت صاحبتها وشافته ف الجامعه وقالتله ان الجماعه مش هيوافقو عليه ابدا فياريت يسيبها ف حالها وكده واقسمتلى انها كانت بتخاف منه عشان كده راحتله وكانت بتحلم بكوابيس بسببه وخافت تقول للجماعه انه بيحاول يضايقها ليقعدوها ف البيت مثلا الاسئله ال محيرانى والشكوك بئا هل كان فيه مشاعر للشخص ده ؟ وليه ردت عليه بعد ماعتذرت لاخوها و و و انا عارف ان كتير منكم هيشوف المشكله تافهه لانى احيانا بحس ب ده واحيانا بحس انه جبل ع قلبى ارجو النصيحه لوجه الله (بالمناسبه انا بحبها جدا وهيا طبعا) ولما عرفت الكلام ده طلبيت منى ان اعمل اى حاجه الا اننا نسيب بعض وانا مقدر ده بالمناسبه بده الشخص ده كان بيهددها انه كده كده هيتجوزها غصب عن اى حد
النصيحه يرحمكم الله واسف ع الاطاله
مشاكل الازواج
ماضى الازواج
اضيف بتاريخ: Tuesday, December 22nd, 2015 في 17:24
كلمات مشاكل وحلول: الخطوبة, الزواج, الفيس بوك, امتحانات, رجل, زواج, زوجة, متزوج
انت تحب البنت دي فتوكل على الله وتقدم لها رسمي مثل الناس مابيعملوا وبطل الاوهام دي والافكار السودة اللي هتضيع البنت منك وماحصل معها بيحصل مع كثير من البنات وفي الاخر هي رفضت الشاب الاول عشانك وانت تقول انها من اسرة متدينة جداجدا فده يعطي انطباع حسن عنها وعن اهلها
اخي العزيز عايزك تعرف ان كل حاجة قسمة ونصيب وماحصلش لها نصيب مع الشاب اللي كانت تعرفه وهي صارحتك بالحقيقة ولم تخفي عنك شي وانت تقول ان البنت كويسة ومحترمة ومن اسرة متدينة جداجدا فلااريدك ان تتركها بعد ماعرفت الحقيقة منها انت كده تظلمها وتظلم روحك لانكما تحبا بعضكما ولو عندك شك في اخلاقها وتربيتها فاختبرها لاجل تتاكد هل فعلا بنت كويسة ام لا وهتعرف الحقيقة بنفسك اتصل عليها من نمرة ماتعرفهاش وحاول تغير صوتك وانك تريد التعارف عليها فان استجابت الفتاة وابدت رغبتها في الكلام معاك فاعلم انها مش محترمة ولاتستاهل انك تفكرفي الارتباط بها وان رفضت التكلم معك وامتنعت عن الرد عليك فهي بنت محترمة وكويسة وليست مثل غيرها من البنات الاخرين وتمنى ان تكون اتضحت لك الصورة واللي فيه الخير يكتبه الله لك وكل شي قسمة ونصيب
شوف يااخي البنت صارحتك بكل شي ولم تخدعك اوتخبي عليك مع ان ده ماضيها وليس من حقك تحاسبها على شي في الماضي راح وانتهى لوعاوز البنت وتحبهافعلا ومتاكد من اخلاقهاوتربيةاهلها تقدم لخطبتها ومسالة انها كانت تعرف شخص غيرك وماحصلش نصيب انهم يتزوجوا ده شي عادي بيحصل لكثير من البنات والشباب وكل شي في الاخرقسمةونصيب وانت اعمل صلاةالاستخارة وربنا يوفقك ويكتب لك مافيه الخير والصلاح