السلام عليكم ورحمه الله وبركاته
انا بنت كويسه و بنت ناس والحمد لله اللهم لا تفاخر علي قدر مناسب من الجمال وعندي19 سنه وفي كلية مرموقه
المهم كنت دايما اشوف واحد زميلي وكنت دايما اشوف فيه مواصفات فتي احلامي
ومع الوقت اكتشفت انه ارتبط بواحده صاحبتي من الشلة يعني مش صاحبتي الانتيم فتره وسابو بعض من حوالي اكتر من سنه..وسالتها انتو سبتو بعض ليه قالت ربنا يوفقه وهي ناسياه تماما ومفيش في دماغها حاجه من ناحيته خالص
المهم اني بدات اخد بالي من نظراته ليا واهتمامه بيا وبدات احس شويه ان ممكن يكون معجب بيا ..للاسف انا لقيت نفسي فرحانه اوي وبدات ابادله النظرات وحسيت اني فرحانه اوي واني بحبه ومعجبة بيه اوي
لما صارحت صاحبتي الانتيم بالموضوع ده قالت طيب وفلانه هما اها سابو بعض من زمان ومفيش حاجه ..بس هل ده مش يعتبر خيانة ليها ؟؟؟؟؟!!!!
ياريت حد يجاوبني مع العلم انه حد كويس اوي وانا فعلا معجبة بيه وكمان هي ناسياه خالص
هل ده يعتبر خيانه ليها؟؟؟؟؟؟
حاولي ان تسالي صاحبتك الي كانت معاه اساليها عن طبيعته و سلوكه لان المظاهر خداعة اختي العزيزة و لا تنسي ان تركزي على دراستك و الله يجعل الي فيه الخير 🙂
اعجاب ايه ونظرات ايه وصحبتك ايه هما اهلك مودينك الجامعه علي شان نظرات والشله والانتيم مالكم يابنات ابعدي عنه النظره دي خطوه من خطوات الشيطان فكري في مذكرتك وفي حالك ومستقبلك مفيش ولد هايكلم بنوته ويمشي معاها ويرتبط بيها ابدا ده كله وقاحه ارجوكي راعي ربك في حالك
يا بنت الكرام جميل فيكي خوفك على مشاعر صديقتك لكن مثلما تفضل الاخ فارس يجب عليكي التحري عن هاذا الشخص ولا تلمحي له انكي معجبه فيه بس الله يرضى عليكي تأكدي من الشخص اللي تختاريه فجروح الحب والخيانه ليست سهله
لا يوجد اى حرج عليكى خالصصصص ودا بمنتهى الاختصار
انتى فى الاصل كنتى معجبه بيه من وقت مكان فى علاقه مع صاحبتك بس الوقت مسمحش انتى الاول لازم تعرفى سبب انفصالو عن صاحبتك ايه والا هتكونى زي صاحبتك فى النهايه وهتتشفى فيكى وقتها ولو انتى زي مبتقولى على قدر من الجمال ومن عيله كويسه بلا فخر فاكيد لازم تحترمى الناس الكويسين دول وتعمليلهم الف حساب والى عايزك بجد يدخلك من الباب مش الشباك ارجعى لصوابك لانك بكده مش بتخونى صديقتك بل بتخونى نفسك والناس الى ائتمنوكى ودخلوكى الجامعه علشان ترجعيلهم بشضهاده محترمه وشكرا