مشاكل الخيانة الزوجية

متجوزو اخون زوجتي مع بنات من النت

انا شاب في الثلاثينيات متزوج وعندي ولد وبنت كنت ادخل الى الشات واحب الكلام مع البنات تعرفت على سيدة متزوجه اكبر مني بتلات سنين حبيتها كنت بلعب بيها في الاول وكان ليا علاقات كتير على النت علاقاتي مع البنات كانت لا تتعدى الشات لكن مع هذه السيدة تعدت العلاقة وكنت اذهب اليها المنزل و عملت معاها علاقة كاملة كنت بلعب لكن اكتشفت انها تعرف حد غيري ساعتها حسيت اني بحبها مش عارف ليه او هو موضوع كرامة انا بطلت الشات خالص والنت عشانها وهي مستمره مع الشخص اللي معاها ده لانه جارها من نفس بلدها نفسي انساها وابعد عنها لكن مش قادر دايما بفكر فيها ونفسي ارجع زي الاول معاها بس هي بتكلمني دلوقتي كل فين وفين لانه بقى جنبها حد تاني بيغنيها عني ساعدوني ارجوكم

مشاكل وحلول ذات صلة

اضيف بتاريخ: Thursday, May 26th, 2011 في 00:40

كلمات مشاكل وحلول: , , , , , ,

30 رد to “متجوزو اخون زوجتي مع بنات من النت”

  1. ساحرالنساء
    17/10/2014 at 00:34

    مافعلته يعتبر زنا وخيانة لزوجتك ام اولادك توب لله توبة نصوح واكثرمن الاستغفار واقطع علاقاتك المحرمةمع هذةالمراةالفاجرةالزانية التي كل يوم لهاعشيق وتاكدان الله غضبان عليك ولاعمرك تلاقي الخيروالسعادةوانت مستمرفي المحرمات غيري رقمك وايمليك نهايا حتى لاتعرفه هالساقطةوامثالها وبادل زوجتك الحب والمشاعروتقرب منها تلاقي الخيروالسعادةمعها

  2. ابوبتول
    21/09/2014 at 03:05

    للاسف انت سافل وخاين ومنحط وماعندك ذرةمن الرجولةوالمروة نهايا اخلاقك وتربيتك منحطة وصفرعلى الشمال ذنبهاايه مراتك المسكينة تعمل بهاكلده تتكلم مع ستات في النت وتقيم علاقات محرمة والعياذبالله بادر للتوبة من الله عزوجل واكثرمن الاستغفارمن الذنوب والمعاصي وجددايمانك بالله وادي الصلوات جماعةفي المسجد واقرا القران والزم بيتك ومراتك هي حلالك واقطع كل علاقاتك المحرمةمع الستات نهايا واعلم ان الدنيا دية سلف ودين وكماتدين تدان حافظ على بيتك ومراتك وولادك وربي يهديك ويتوب عليك ويصلح احوالك ويبعدك عن الحرام وطريقه

  3. ramadan
    06/10/2011 at 08:24

    الحل بسيط خالص انته محتاج غسيل مخ وده يكون بانك تسافر تعمل عمرة وتتوب الى الله فى بيته وتعزم عزم اكيد صادق بانك لا تعود الى ما يغضب الله ابدا وتشيل كل هذه الاوساخ والافكار الرديئة من دماغك وتشغل تفكيرك بالحق وما يرضى الله والعمره دلوقتى ميسرة وفى استطاعت اى شخص

  4. ضائعة :
    21/09/2011 at 08:42

    السلام عليكم : انا مع اراء كل الاخوة والاخوات جزاهم الله خيرا ، واحب اقول لك اخى المشتكي انت في صراع لانك بعيدا عن الله ، انت في صراع لان كل ما يهمك كيف استغنت هى عن واحد غيرك وبما اننا شرقين فانت تتمنى لو ترجع لها يوما ثم تبتعد عنها لتقنع نفسك بانها من استغنيت عنها ، انت في صراع لانك تنظر للموضوع على انه كرامة وتريد ان تنتقم لكرامتك وهذا سبب تفكيرك فيها ، عين في النار وعين في الجنة ،، انتبهى يا اخى ما هذا اولا واخيرا الا من مكر الشيطان لعنه الله .. الاهم ان تفكر فيه هو رضا الله عنك الا يشغلك هذا الامر ، انت زااااااااني اتفهم يعنى تسببت في غضب الله وهز عرش الرحمن ، الا تندم ، استغفرك ربك كثيرا واندم على فعلت وان فكرت فيها فتخيلها شيطان ياخذك في النار .. وساعتها اختار انت بقى اما النار واما النجاه . وحاول تعوض زوجتك واولادك قبل فوات الاوان

  5. مرام
    04/08/2011 at 11:27

    انا مش هلومك زى بعض الاخوات لانو الى حصل حصل اكيد انت عارف الى عملتو اك ر اغلطت بس سدقنى مش هتلاقى زى مراتك سندك اولادك افرض كل شى انكشف شو مصيرك قدام ولادك مش هينوبك غير الفضيحة لية عشان وحدة مش تخاف ربنا لازم الانسان ديما يفتكر انى ربنا معو فى كل مكان اعبد الله كانك تراة ان لم تراة فانة يراك اعمل الاخرتك كانك تموت غ دا كفاية زنوب بقى افرض موت على ك ارجع لربناااااااا اكتر من الاستغفار قيام الليل حب ربنا كو يس احلى حاجة الانسان لو حب ربنا ياة احلى حاجة حبنا لربنا هو النافع بيدة كل شى له الملك وله الحمد وهو على كل شى قدير توبببببببببببببببببببببببببببببب

  6. صاحب المشكلة
    24/07/2011 at 11:38

    يا جماعه كلكم فاكريني اني عيز استمر انا اخطات بس نفسي ابعد وانساها كلية وابص للذنب واحاول اكفره دي مشكلتي اني بفكر فيها رغم اني ببعد عنها ونفسي انساها نهائي لانها انسانة ضيعتني دنيا واخرة ياريت تدوني حل عملي برنامد عملي امشي عليه واقيم نفسي قولوولي اعمل واحد اتنين تلاته انا مبدئيا دلوقتي غيرت رقم موبيلي اعمل ايه تاني دلوني لاني لسه بفكر فيها وشكرا

  7. Moon Eyes
    22/07/2011 at 05:05

    انت مريض نفسي بجد زمبها إيه مراتك العاهره اللي عرفتها دي فيها إيه أحسن من مراتك اعتبرني زي أختك وخزها نصيحه مني اللي توافق تعمل معاك كده عملت مع غيرك النت ده خراب مراتك احق بيك لما تيجي بعد تعب الشغل تلاقي واحده تاخدك في حضنها بحنان أحسن متقضيه مع واحده حقيره بص بنات النت مش كلهم وحشين بس في بنات ربنا يسامحهم بيهربوا البيوت وربنا ينتقم منهم أنا مش فاهمه أتت بتتكلم ببرود اووووي ولا كان في واحده في البيت اهلها وربنا حطوها أمانه بين ايديك انت ليك الحق تتجوز ٤ ليه تعمل حرام ليه بنتك لما تكبر ترضي حد يعمل معاها كده ترضي ان بناتك تبقي زيي عشيقتك ارجوك ترد حراام عليك أنت لو أختك ولا بنتك جتلك قللتلك جوزي بيخوني هتعمل ايه بليز اسأل ضميرك اتقي ربنا

  8. زيزو
    21/07/2011 at 03:52

    انت بتتكللم عادي كده؟
    انت عارف انت عملت ايه؟
    انت عملت زنب من الكبااائر اللي مش سهل ان ربنا يغفرلك فيه
    انت كده زانييت
    توب الي ربنا وتزكر انه هو التواب الرحيم
    ابكي له في صلاتك واعتذر له ويارب يقبل توبتك

  9. نشوى
    13/07/2011 at 08:04

    مستنى يكون الرد إيه مثلا .. أكيد انت عارف ان إلللي عملته دا غلط من الأول .. والغلط دلوقتي بيتصلح بإن هي اللي بعدت والحمد لله انها بعدك .. إيه الوكسه دي .. انت صغير على كدا ؟ عندك بيت وأطفال وبتفكر في واحده عرفتها من النت واتنيلت معاها .. ربنا يهدي

  10. sousou
    19/06/2011 at 14:36

    يااخي تب قبل ان تندم بعد فوات الاوان

  11. hasin1
    19/06/2011 at 13:11

    كما تدين تدان احسست الان بما تعانيه زوجتك وانت تعرف غيرها وتهملها؟ تحمل فهو عقابك من الله. الله يهديك تبعد عن الزنى ويرجعك لطريقه وتعتني ببيتك زوجتك ابنك هم احق بك بوقتك بالسعاده التي تمنحها لغيرهم والمال الذي تضيعه

  12. deva
    14/06/2011 at 19:38

    احنا بشر والبشر مش معصومين من الغلط..اعتقدان اهم حاجة ف مشكلتك دى انك تكون معترف انك غلطان فعلا من جواك مش مجرد انك لقيت ناس بتغلطك فتضحك على نفسك..تانى حاجة عاوزة اسالك لو انت فرضا تركت زوجتك واتزوجت من الست دى هل هتكون مرتاح البال وانت خارج البيت ومطمنلها وعايش طبيعى ف سعادة؟؟!…ابدا تحل مشكلتك انك تقرب من مراتك اكتر اكتشف فين هى مميزاتها جمالها احترامها…حاول تصفى نفسك وحساباتك وبالك من افكار ملهاش اى قيمة وابدا صفحة جديدة مع مراتك وولادك..خد اجازة من حياتك الروتينية وسافر مع عيلتك تقضوا ايام جميلة مع بعض ولو شايف فى زوجتك عيوب حاول معاها انك تحسنها وتصلحها وهى كمان هتساعدك تتقدم للاحسن لان دا دورها لانها مراتك وعوزالك الخير…اكيد بعد دا مش هتحتاج اكتر من كدة راحة بال وحياة مستقرة فى بيتك ان شاء الله

  13. hayam
    13/06/2011 at 11:51

    اتقى الله فى عرضك انت متجوز وعندك اولاد انا مش عارفه ايه اللى حصل فى الدنيا ياترى ها تعمل ايه لو مراتك عرفت اللى انت بتعمله اكيد مش ها تستمر معاك وها تبقا خربت بيتك بايدك اتقى الله

  14. اخ لكي في الله
    12/06/2011 at 17:40

    سأنبهك لمعلومة وردت في احد الردود عليك

    كما تدين تدان يا اخي الفاضل

    عندك زوجة و بنت ، لو مستعد تسمع بعد كان سنه ان مراتك بتخونك يبقى كمل اللي انت بتعمله

    السنين بتعدي بسرعه ، و شوية هتلاقي بنتك بتكبر ، و لو مستعد تلاقي بنتك على علاقة بواحد بنفس الطريقة بتاعتك ، يبقى كمل اللي انت بتعمله

    لو مش مصدق …. اصبر و هاتشوف بعينك

  15. فقيه الحلول الزوجيه
    11/06/2011 at 21:14

    شوف ايه مميزاتها عن زوجتك وخلى زوجتك تعملهاوغالبا هتكون اشباع جنسى وعاطفى شديد وكلنا نحب ذلك ثم اقطع كل وساءل الاتصال<نت او محمول ثم تب الى الله

  16. صاحب المشكلة
    10/06/2011 at 03:34

    انا بشكركم على دعمكم بجد ونصايحكم وياريت لوحد تاني ميبخلش ولو حد حب يزود نصايح يزود ممكن بكلمة الواحد يتغير مصيره انا بشر وضعيف وبعترف بضعفي ساعدوني كمان انا بحاول اغير من نفسي فعلا بس لسه مش حاسس ان في تغيير جذري بعدت عنها لكن لسه بفكر في حاجات عبيطة وهابله ساعدوني اكتر

  17. سما
    08/06/2011 at 18:17

    الله يهديك إلى فعل الصواب ارجع إلى الله واستغفره وهتلاقي ربنا معاك ان شاء الله ولا تتبع خطوات الشيطان والله المستعان

  18. احمد النحاس
    06/06/2011 at 02:22

    يا اخ العزيز لا تياس من رحمه الله ولكن لا يغير الله ما بقومنا حتى يغيرو ما بانفسهم عاوز الحل بجد عند ربنا سبحانه وتعالى صلاه واتقى ربنا فى بنتك ومراتك وبعدين لزم تعرف انك كدا تعديت حد من حدود الله يعنى لزم تعلنا اسلامك من جديد اوقولك الخطوات وحده وحد
    1- تغتسل وتتوضه وتقول اشهد الا اله الا الله واشهد ان سيدنا محمد رسوال الله
    2- التوبه من الذنب واول التوبه ندم يعنى لزم ضمريك يوجعك شويه لو كان لس موجود
    3- عازم النيه على عدم الرجوع مره اخر الى الذنب نفسه
    مامهم كانت الاغرات وبعدين افتكر ديماء البنى صلى الله عليه وسلام قال ان فى بضع احدكم لصدقه قالوا كيف يا رسوال الله قال ان وضعته فى ما يغضب الله كان لك به ذنب وان وضعته فى ما مالكت يمينك كانت لك به حسنات
    ممكن اسالك سوال وعاوز الاجاب منك بكل صراحه للله
    ايه الفراق بين مراتك وبين هذه ال…………. الفراق اكيد فى صالح مراتك ام اولادك ربنا يهديك للخير

  19. حياتى كلها لله
    01/06/2011 at 11:37

    اتقي الله في نفسكك وفي زوجتك وفي اولادك واعلم كما تدين تدان استغفر ربنا وتوب لان دى علاقة زنا ولعن الله الزانى والزانيه التوبه لربنا هى اللي هتخليك تنساها وكمان البعد والوقت بينسي وقبل ما تفكر تنسي ازاى فكر في التوبه لان دة زنب كبير وربنا يغفر للجميع

  20. مش مصدقة
    30/05/2011 at 23:04

    بجد مش مصدقة ان فى ناس كدة مابتفكرش غير فى نفسها وناسية اقرب الناس ليها. يعنى حضرتك عمرك مافكرت بلاش فى مراتك فى ولادك قربت منهم خوفت عليهم بجد ربنا يسامحك ويغفرلك بس مش هيسامحك ولا يغفرلك الا لو صلحت غلطك اولا امام الله وثانيا امام الانسانة اللى عايشة تحت سقف دارك وشايلة اسمك وصاينة عاهدك ومراعية اولادك ….سيبك بقا من النت وقرفه وجرب تستخدمه فى الصح

  21. kamal
    29/05/2011 at 23:30

    السلام عليكم ورحمة الله وبركاته…

    الأخ الفاضل…

    من قال لك أن الله يحساب على التفكير..؟!
    هذا صحيح في حالة الحسنات لا السيئات، فالسيئة لا تكتب سيئة الا اذا فعلتها…
    فكر فيها الآن كما تشاء، وبعد فترة من الوقت سوف تنساها لوحدك، المهم أن تمسك قدامك لا أفكارك، لا تقول أني لا أريد العودة اليها، وتعود اليها، ببساطة قل لن أعود ولا تفعل، فكلمة ( مش قادر) هنا لا تعني عدم قدرتك، ولكنها تعني تأكيد رغبتك، فيكفي تذرعاً بأعذار واهية لا معنى لها، وتب الى الله قبل أن تندم حين لا ينفع الندم…

  22. همسه حنان
    28/05/2011 at 09:47

    حرام عليك بيتك ومراتك ذنبها ايه تخونها الى انت مترضهوش على نفسك مترضهوش على غيرك واعرف ان الدنيا داين تدان وقبل كل ده اعرف انك عندك بنت

  23. gftrdv
    28/05/2011 at 02:47

    منطق الصياد والفريسة

    تحزن على صيدك ان اخذه غيرك احترس من الامراض الجنسية فهى كما تقول تعرف اخر وما ادراك انه اخر فقط فالشات موجود وكل يوم فيه تجديد طالما تخلت عن شرفها

    اللهم اكفنا بحلالك عن حرامك واغننا بفضلك عمن سواك

  24. صاحب المشكلة
    28/05/2011 at 01:58

    يا جماعه انا مش عايزكم تفتكروا اني عايز اكمل معاها انا نفسي ابعد عنها بس بتكلم عن الواقع اللي انا فيه اني مش قادر ابطل تفكير فيها عايز ابعد وكل ما بتكلمني برجع لكن انا مش عايزها اصلا بس ايه اللي بيرجعني مش عارف

  25. صاحب المشكلة
    27/05/2011 at 16:40

    يا جماعه انا مش بطلب اني استمر انا كاره الخيانة اصلا انا بتكلم عن الواقع بتاعي اني شايف اني غلط وعارف غلطتي بس انا مش عايز افكر فيها تاني متضايق اني بفكر فيها برضه ومش قدرت اطلعها من جوايا رغم انها خاينة ومش محترمة وانا كمان غلط بس هي غلطها مركب وكان الطبيعي اني ابعد عنها خالص وافوق وللعم انا رحت لطبيب نفساني وبرضه مقدرتش هو الذنب ولسه ماثر فيا بس انا تعبان لاني في صراع جوايا ارجوكم ساعدوني اكتر بطرق اكتر واكون شاكر ليكم

  26. توتة
    27/05/2011 at 01:43

    اولا دا غلط كبير جدااااااااااااااانت مش يتصلى حاول تقرب من ربنا وانشاء اللة يهديك الى الطريق السليم اما بالنسبة للسيدة دى فاعلم انها بتعمل علاقة مع اى شخص غيرك انت وغير جارها
    لانها كدة افتكر انك ممكن تكون اخدت منها مرض لا ثدر اللة او حاجة زى كدة يبقى اية العمل استع باللة وقرب من ربنا وانت متجوز يعنى مراتك قدامك فهى اولى من حد خلى بالك من عيالك وربنا يكرمك

  27. ما اتعس الانانيه
    26/05/2011 at 19:55

    fبصراحه مش عارفه ارد اقولك ايه انت فعلا تستاهل واحده زى دى خاينه ويا ريت ترتبط بيها لانك تستاهل كده بتسألنا تعمل ايه يا اخى اتقى ربنا انت مش بتخاف ربنا واللى معاك بالبيت دى مش نصيبك لانها محترمه ومحافظه عليك خد بالك كما تدين تدان وبعدين زعلان ان لها عشيق تانى يا اخى فين احساس البنى ادم اللى جواك خلاص مات للدرجه دى انت محتاج يطبق عليك الشرع وفعلا تترجم روح اطلع عمره واغسل ذنوبك يمكن ربنا يهديك ومتنساش انك زااااانى

  28. Osama Tawheed
    26/05/2011 at 09:17

    لااعرف ماذا اقول لك ..فلا ينفع معك كل كلام اللوم والعتاب … ولكن كل مااستطيع ان اقوله ان تراعي الله في بيتك وزوجتك واولادك .. وكفاك مهاترات وتضييع وقت … وتوقف عن ذلك نهائيا .. فما ذنب الانسانه التي تزوجتك واعطتك كل شئ .. وماذنب اولادك … كن رجلا بكل ماتحمله الكلمه من معاني … ربنا يوفقك ويهديك

  29. ربنا يهدى
    26/05/2011 at 02:46

    اتق الله واحرص على الخوف منه
    انت لا تريد نصيحة
    انت تطلب ان ننصحك بالاستمرار بالخيانة وهذا لن تجده منا ابدا
    اكررها اتق الله واتبع السيئة الحسنة تمحها واعلم جيدا انه كما تدين تدان
    وساحكى لك قصة صغيرة كان في بائع ذهب وجات له واحدة بتشترى منه ومسك ايديها فقالت له اتق الله وعاد لبيته فوجد زوجته مهمومة فسالها عن سبب ضيقها فقالت ان السقا(مورد الماء قديما) جاء وهو يصب الماء مسك يدها وهذا سبب همها فقال (سبحان الله دقة بدقة ولو زدنا لزاد السقا)
    فاحذر يا اخى ما تفعله بامراه عاهرة زنا تجاهر به الله تخيل موتك وانت تضاجعها
    ماذا تقول للمولى………..يوم لا ينفع الندم
    خاف على اولادك واترك هذه الداعرة وتب الى الله قبل ان تصعد روحك اليه ويفعل بها ما يشاء
    وان لم تتركها فتحمل عذاب من يمهل ولا يهمل………………………..
    وربنا يهدى

  30. محتار
    26/05/2011 at 01:45

    اقولك علي شيء انتا محبتهاش .. انتا اتعودت عليـها بس مش اكتر ابعد عن النت فترة واقطع اى وسيله اتصال بينك وبينها وركز في تربية اولادك وراعي انك متجوز يعني مش محتاج علاقات محرمه بدام ربنا رزقك بالحلال انتا في نعمه غيرك يتمناها كتير راعي ربنا في زوجتك واولادك ولا تنسى كما تدين تدان اللحق نفسك .

اترك رداً أو حلاً لهذه المشكلة