انا عندى 35 سنة عندى 6 اولاد ذكورانسان عادى زى كل الناس
وفى يوم من الايام كنت لقيت قناة بتعرض ارقام التليفونات بغرض الزواج والصداقة فقلت اجرب على اساس ان الناس دى بتنصب وكدة
وارسلت رسالة برقم تليفونى مكنتش اعرف ان البنات والستات وصل بيها الحال لكدة كل الكلام مباح احترفت الكلام مع البنات والستات
ومن يومها وانا ادمنت الكلام فى التليفون ومش عارف اعمل اية
يا جماعه سبحان الله عليكم انتوا لا بتظنوا فى الرجل ظن السؤ كده هو قال لكم انه بيفعل الفاحشه فى ادمانه الكلام على التليفون ما يمكن بيتكلموا فى يوم الاخره وما بعد يوم الاخره وبعدين هو بقولكم ماشاء الله انه متزوج وعنده سته من الاولاد ربنا يبارلك له فيهم حيكون قدوه ليهم ازاى لو هو بيتكلم الكلام اللى انتو تقصدوه ده بلاش تانى مره تحكوموا بسرعه كده على الناس ولا ايه رايك يا اخينا يا صاحب المشكله عموما لو هما صادقين فى ظنهم فاتقى الله ولو انا رأئى الارجح تبقى ربنا يهدينا ويذيدك هى من عنده
اقرأ جيدا قصة من مات فى رد (غفرانك ربى )……….وتخيل لو بالفعل مت على معصيه….وتخيلها حق تخيل وكأنك من مت على هذه الطريقه وانت تحاول ان تنطق الشهادتين ولا تستطيع……. كيف يكون الحال وقتها.. ومابالك لو عند موتك تفوهت بما اعتدت عليه من الفاظ تستطيع ان تتلفظها مع زوجتك من حللها الله لك او ان تموت ويسمعك اولادك وانت تنطق بدل لا اله الا الله وتقول كذا وكذا.. انه الشيطان وقد تغلب عليك وتركك على فعلك القبيح ولكن انت تستطيع الاستعانه بالله وتندم وتتوب قبل ان يأتى وقت لا ينفع الندم ويكفى انك وضعت يدك على المشكله وتعترف بها فهذا دليل على انك من داخلك صالح وتريد ان تسمع من يقويك ويعينك على التوبه
الحل فى كلمتين وبس ” هل تتخيل ما سيكون رايك لو رايت اى انسانه تهمك يقوم شاب عديم الاخلاق ! بمعاكستها والكلام الحرام “.. وبعدين فكر فى البنات اللى تعاكسهم …اسمك ايه ؟ وهل قالوا اسمهم الحقيقى ؟؟ ..ياريت تفهم قصدى !!.. ممكن كمان يكونوا بيستغلوك وتشحن ليهم…جرب تطنش لو كنت بتشحن…مفيش حد هيبعبرك… بيبيعولك ويتحكموا فيك …ابعد عنهم …غير الخط …وانسى ارقامهم لانك اكيد حافظهم زى اسمك…انت بالنسبه لهم واحد من ناس كتير زيك …متفكرش انهم بيموتوا فيك ولا حاجه …دول بنات ميشرفش اى واحد انوا يكلمهم …ولا تحكم على كل البنات بانهم مش محترمين… غير جو الرزيله دى واتمتع بالحاجات الحلال فى حياتك…
يا اخى الحق نفسك من لم يتأدب مع الله فوق الارض سوف يؤدب فى كفنه تحت الارض
رمضان الفات واحنا فى المطار جاء رجل يجى عنده 45 سنه ومعه بنت يجى 25 سنه
والرجل جاب البنت وجلست بجوارنا الرجل::: تاخدى ايه
البنت::: عصير وكيك
احنا ::: احنا بنبص بذهول لاننا فى رمضان وفى نهار رمضان
الرجل :::::::: راح وجاب عصير وكيك والبنت اخذتهم وقال لها هاروح الحمام
وشويه سمعنا هيصه واتلم الناس
شوفنا الرجل واقع على الارض ويارب يرحمنا تبول على نفسه
ومتشنج وجاء شاب مسك ايده
وجاءت البنت وقالوا لها ابوكى او زوجك قالت لهم
لألألألألألألأ
ما اعرفوش احنا كنا فى الفندق مع بعض
الناس كلها بصت لها وله بصدمه فظيعه والغريب انهم مسلمين
زنا وفطرين فى رمضان
والشاب عرف ان الرجل بيموت
الشاب ::::: قول الشهاده قول لا اله الا الله
الرجل مش قادر ينطقها
الشاب يكررها وفضل يكررها والرجل ما رددتها ولا نطقها
وفجأه رجليها لفت على بعضها ومات
اول ما رجليه لفت علىبعضها تذكرت قول الله تعالى
{كَلا إِذَا بَلَغَتِ التَّرَاقِيَ وَقِيلَ مَنْ رَاقٍ وَظَنَّ أَنَّهُ الْفِرَاقُ وَالْتَفَّتِ الساق بالساق إلى ربك يومئذ الْمَسَاقُ}
يااااااااااااااااه منظر فظيع ربنا يرحمنا برحمته
تذكر يا اخى انك ممكن تموت وانت بتتكلم فى التليفون وتبعث
وانت بتتكلم البنات
خاف ربك
ربنا يهديك والله انى خائف عليك
ربنا يهديك يارب
ربنا يهديك اقسم عليك يا احد ياصمد تهدى عبدك
وتبعده عن طريق الشيطان
استمر واستمر واتكلم كتيير
ارجوك لا تتوق
لان كل هذا شحنه سلبيه ناتجه عن فراغ عاطفى لديك
انت لم تتزوج عن حب
لذللك تبحث عنه بعييدا
علاجك الاستمرار وبشراسه وبقوه
وسياتى يوم ينفذ فيه رصيدك
ويحدث اتزان عاطفى
وسيقل اهتامك بالتلفيون شيئا فشئا
الان اديها ولا تتوقف
اتق الله وارجع لانك لا ترضى ذلك لزوجتك او لابنتك ان كان عندك بنت فارجع عن ذلك بالقرب من الله والتقرب الى زوجتك ادعو لك بالهداية
احييك اخ محمد ناصح لارائك وحلولك الطيبة والمقنعه
واشح هنا رأي الاخ محمد
وجميع الاخوة طبعا كفوا ووفوا
والله يهدينا ويهديك اخي صاحب المشكله
وزوجتك اولى من كل هؤلاء
فعلا العلاج الوحيد لهذه المشكله هو القرب من الله وقوت الايمان بان الله يراك فى كل افعالك تذكردائما قول الشاعر اذاما قال لى ربى اما استحييت تعصينى وتخفى الذنب من خلفى وبالعصيان تاتينى فما قولى له لما يعاتبنى ويقصينى اخى الحبيب تذكر ان الدنيا فانيه وكما تدين تدان
لك ردان 1 – كما تدين تدان
2 – ربنا يرزقك ببنت والباقى عند الله
حاول تحب زوجتك وتقرب منها ولو ادمنت التليفون هات لمراتك تليفون وحبوا في بعض هي في غرفه وانت في غرفه وعرفها ايه ال بيبسطك علشان تعمله وقرب من ربنا وارصيه مافيش حل غير كده….
يا اخى مشكلتك بسيطة جدا لا تتكلم روح اتكلم مع مراتك يعنى انت فلوسك كتير دة انت عندك 6 اولاد خلى بالك منهم احسن واصرف اللى بتتكلم بيه عليهم قرب من الله واستغفر ربك حتى لا تقع فى خطا اكبر من كدة بالتوفيق
كل الكلام مباح ، يعني مش رايح تاخد غير الكلام وتضيع فلوسك ” بيع كلام”
انت تبحث عن تجديد ، ارضي زوجتك بهدية بسيطة من قيمة كروت الشحن وهي تفرش لك الارض ورد
جرب كده وقولها كلمة حلوة من الكلمات البتقولهم في التلفون وبص في عينيها
رعاية ستة اطفال مش ساهلةوتاخد زمن وجهدومتعبة
لا تهرب واعلم ان كلامك مع الستات دول بداية طريق مرض ” ولا تخضعن بالقول فيطمع الذي في قلبه مرض ” .
الحق نفسك وارجع لربك ، عليك بالحلال وربنا بيسمع كل كلمة بنقولها ” وما يلفظ من قول الا لديه رقيب عتيد ” ارضي بما قسمه الله لك وربنا يبارك لك في اولادك ويغنيك بالحلال عن الحرام.
وفقك الله
اخى الفاضل اود ان اساللك سؤال ما هى علاقتك العاطفية بزوجتك ؟فمن الممكن ان ينقصها الكثير وذللك الذى ادى بك الى فعل هذا حاول تقرب من زوجتك وتلفت نظرها لما هى مقصرة فيه اما موضوع الادمان ده فانت تقدر تقلع عنه بقوة ارادتك وقوةايمانك بربنا عز وجل وربنا يصلح لك الخال
انا اؤئيد كلام محمد امين ارجع لربك واستغفرة انة كان توابا رحيما
والله أضحكتنى يا فتى
35 سنة و6 أولاد (ربنا يبارك لك فيهم) وبالطبع وهبك الله زوجة صالحة .. ولكنك أدمنت حديث التليفونات .. طب والفائدة إيه اللى بتعود عليك ؟؟؟
دول بيشتغالوك يا قدوة ومثل أعلى لأبنائك الذكور اللى النظرة ليهم تساوى الدنيا وما فيها وإحسب معايا كام كارت اشتريته وكام رصيد حولته عشان تستمر غرامياتك التليفونية السمعية يعنى بتمارس جنس شفوى مثلك مثل من يمارس العادة ولكن له عذره لعدم قدرته على الزواج فما بالنا برجل فى ريعان شبابه ومتزوج ..
أنت لا تعانى من أى مشاكل .. حسنا ولكن مشكلتك الأكبر إبتعادك عن ربك فالصلاة تنهى عن الفحشاء والمنكر والبغى وما أدمنته منكر سوف تسائل عليه .. تخيل واحدة ممن يحيطون حولك من نساء العائلة تفعل الشئ ذاته .. فما سيكون شعورك ؟؟؟
سامحنى يا أخى علاجك الصلاة .. الصلاة .. الصلاة .. وصدقنى كروت الشحن والرصيد المحول أخرجهم لله زكاة أو صدق عن بدنك وعافيتك .. زكاة عن آل بيتك .. داوا مرضاكم بالصدقات ..
فهل تبخل على نفسك بالدواء فى صدقة خيرا من حديث لايغنى ولا يثمن من جوع
إنتهى الموضوع .. وهدانا الله واياك
تقبل تحياتى