انا من اسرة محافظة وانا صغيرة 14 سنة لما باباي عرف انى بحب ابن الجيران ضربنى علقة خليتنى اتعقدت من الحب ودلوقتى انا عندى 24 سنة وطريقة حل باباي ليا عملى مشكلة انى مش قادرة احب حد وخايفة انى افكر في اى حد واخسر مشاعري وخصوصا مبقاش حد في الزمن دا يطمنله من الي بنسمع ونقراه وخلى الحب دا امر مستبعد في اى تعاملاتى مع الطرف الاخروانا شخصيا عقلانية جدا واى حد بيصارحينى بحبه بقطع تعاملاتى معاه لانى بحاول اتقى ربنا في اى حاجة ومقتنعة تماما انه يتفضل ويدخل البيت من باباه بس انا مش بتاعت الكلام الفاضي دا والانتمة والمشي مع الولاد انا كدا صح بس مش عارفة مالى مالى متضايقة ومقتنعة ان كل حاجة قسمة ونصيب
مشاكل البنات النفسية
متعقدة من الحب
اضيف بتاريخ: Saturday, September 11th, 2010 في 23:26
كلمات مشاكل وحلول: اب, ابن الجيران, اسرة محافظة, الحب
اغغليكى على راحتك بس نا ولد ممكن مشهوسل الى فى دماغك بس هقولك حاجه لو حاستى بمشاعر الحب امسكى بيها لاان الحب احلى حاجه فى الدنيا معنى ذالك مش اى حد يقولك بحبك تقوليه وانا كمان لا لازم يكون مشاعرك زى مشعره
على فكره الاسلوب الضرب بيجيب العكس و اهم شى التفاهمه بدون ضرب فيما معنها مش بقولك امشى مع اولاد افتحى قلبك تانى الحياه جميله ولازم تحبيها الحب احلى شى واكيدا انت باقيتى ناضجه مش مرهقه بتفكرى بعقلك وقلبك
انا اصلا لا اامن بالحب لان عهد الحب انقضي وتصرف والدك اعتبره شيئا عاديالانه لو تركك لاصبحت متعددت العلاقات والرجال يحتقرون صاحبت العلاقات الكثيرة لا يظعون فيها ثقتا كبيرة انصحك بعدم التفكير في الحب وانتظري القسمة والنصيب
تعجبني المقولة” عندما يتكلم الناس يتكلمون من خلال آمالهم وعندما يعملون يعملون من خلال مصالحهم” ويوما تناقشت مع إحدى الإجتماعيات في الغرب عن تقييم لرجل تحدث في مؤتمر وهو في عمر يناهز الثمانين يعتذر عن إنزال العقوبة الجسدية في بادئ حياته وعاتبت محدثتي بأن في هذا الزمان قد يكون الأمر مقبولا ام الآن فيختلف “فلكل زمان أوانه” وما يكون في عصر قد لا يقبل في عصر آخر وعليه فإن ما كان من أبيك لا تثريب عليه اليوم لكن المهم أن تكوني إستفدت من الأمر بإيجابية وليس بسلبية. وليس صحيحا أن كل من تقابلين يكونوا على وتيره واحدة فيجب أن تجعلي هناك فرصة للتعامل مع من قد تقتنعين بأنه يناسبك وتدرسين الأمر بروية وعقل فهذا زمان إنفلات الكثير وعزوف الشباب عن الزواج فأحمدي الله أن هناك من يراك مثيرة لإعجابه وتخيري من ترافقين منهم بحكمة وعقل بمعنى أن يكون رفيق حياتك وأعلمي ان الله سيهديكي للحق مع حسن ظنك به سبحانه وإستعانتك واستشيري من يكبرك سنا في ما يعن لك من أمور لا تغلقي الأبواب فلربما صرف عنك ما تبترت عليه ووهب لغيرك. والخلاصة انصحك ألا يؤثر الماضي في تقديرك للحاضر وتوكلي على الله إن وجدت حقا من يناسبك ويتوافق معك عقلا وعلما ونسبا وغيره من أسباب تصير معها الحياة مستقيمة بين الشركاء. مع دعواتي لك بالهداية لطريق الخير والفلاح والسعادة في الأولى والآخرة.
الي أختي الغالية
اسأل الله ان يثبتك على الهداية ورجاحة العقل
وياريت كل الآباء مثل ابوك رجل محافض يربي ويهتم بالتربية قبل كل شي
انتي اخية على الطريق الصحيح مئة بالمئة والزواج نصيب اذا اتى لا يقف احد في وجهة يقول رسولنا الكريم صلى الله علية وسلم لو اجتمعوا الانس والجن على ان يضروك لن يضروك الا ان يكتبة الله عليك وكذلك لو اجتمعوا على ان ينفعوك لن ينفعوك بشئ الا ان يكتبة الله عليك رفعت الاقلام وجفت الصحف او كما قال رسولنا الكريم
لما باب عمل كده اكيد طبعا كان خايف عليكى و اى واحد مكانه كان برضوا هيعمل كده و انتى مش هتعرفى الاحساس ده الا لما تكونى ام و تعرفى يعنى غلاوة الضنا ………
المهم انتى متخيله لو كان بابا سكت وفتها كان ممكن يبقى مصيرك ازاى مش يمكن ابن الجيران كان يطلع واحد صايه و يضحك عليك و يفقدك اعز ما تملكين كنتى و قتها هتعملى ايه احمدى ربنا انه اعطاك ابا استطاع ان يحافظ عليكى …..
اما بالنسبه الى علاقاتك مع الجنس الاخر عندما ياتى اليك شخص مناسبا و يريد ان يتزوجك فاخبريه ان يذهب فورا الى ابيك و دع ابيك هو المتصرف فى الامر لانك مع ابيك ستكونى فى امان .الاب هو الحصن المنيع للبنت
و
السلام عليكم ورحمه الله وبركاته
بصى انا هقولك على حاجه اولا كل شىء قسمه ونصيب
انا بسمع كلام من ناس كتير ان لازم البنات يكونو مظبطين مع عرسان عشان يتجوزو وكده بس دا طبعا غلط
دى حاجه بتاعه ربنا
واهم حاجه انتى اما تعرفى شاب وتحبيبه ويحبك انتى فاكره انتو بكده تتجوزو طب ازاى افرضى انتى اما عرفتيه حاسيتى ان مش ده الشخص اللى انتى عاوزاه ساعتها هتعملى ايه هدورى على غيرو لحد ماتلاقيه طبعالو لاقتيه هتكونى عرفتى نص شباب البلد بس شوفى ربنا عارف ايه اللى بتتمنيه وهتلاقيه فى زوجك ان شاء الله وبعدين الواحده اللى بترفض اى علاقه خارج الشرع هى كده بتغلى من نفسها وساعتها ناس كتيره هيتمنوكى لانك ما رخستيش من نفسك زى اى حد
وعرفى ان نصيبك ربنا هيبعتهولك لحد عندك وربنا يوفقك
الضرب احيانا بيكون علاج وبيمنع مصايب فعلا بس بحكمه وعقل اذا كان هناك خطا في السن الصغير ….وفكري بقلبك من خلال عقلك …ولا تفكري بعقلك من خلال قلبك…… ولازم تعرفي ان 95.48% من المجتمع عنده خلل نفسي وحرمان …..علشان نسبة الجهل العقليه كبيره جدا………..طبعا انتي صح .بس اذا حاسه ان في حاجه نقصه ومش مبسوطه يبقى في خلل اذا عرفتيه وحاولتي تفكري بعقل هتحليه
انتى اخت فاضلة وان شاء الله قريب ربنا هيبعتلك اللى يحبك وتحبيه عشان انتى بنت بتتقى ربنا فى نفسك واهلك
والدك بيخاف عليكى وبصراحة هو عنده حق .. لان الزمن الى احنا فيه صعب صعب .. واكبر دليل على كدة المشاكل اللى موجودة فى الموقع دة
وبعدين يا اختى لا انصحك انك تدورى على الحب بنفسك عشان اولا ما تعصيش ربنا وثانيا ماتتجرحيش لو الحب دة ماتمش وثالثا ودة الاهم انك ما تقعيش فى الحرام والعياذ بالله وياما بنات كانو فضلاء زى حاضرتك كدة ووقعوا فى الحب وبعدين عملوا حاجات غلط ندموا عليها طول عمرهم وساعة القدر بيعمى البصر
خلى الحب هو اللى يجيلك لوحدة .. يجى يتقدملك ويخطبك ويتجوزك وتحسى انك بتطيعى ربنا عشان ربنا يكرمك فى جوزك وعيالك وتبقى راضيه عن نفسك وربنا راضى عنك
البنت اللى بتعف نفسها قبل الزواج ربنا بيعفها وبيخلى حياتها نعيم بعد الزواج .. والله العظيم الحب الحرام مش بيجى وراه غير المصايب والعقد النفسية وتدمير الذات
خليكى زى ما انتى طاهرة نقية واوعى تفكرى انك تعصى ربنا او انك تنزلى نفسك عن المستوى اللى انتى فيه ..وطول مانتى نقية وعفيفة ربنا هيبعتلك الزوج الصالح ان شاء الله اللى يحبك ويقدرك ويخاف عليكى ويملى عليكى كل حياتك وتعيشوا مع بعض حياة كريمة
أولا أختي الكريمة أحييكِ على عقلك واحترامك لذاتك ولكرامتك….
لأن الفتاة تبيع كرامتها وعزتها إذا قامت بما يقال له صداقة مع شاب أو أنتمة كما يقال….
أما ما تقولين بأنك تخافين الحب ولا تريدينه،،، فليس له أصل حيث أنه يأتي وقتما يشاء الله،،، فأنا أعتقد أنك إذا عرفت شاب “معرفة سطحية طبعا” وعلمتي بأخلاقه وأعجبك مظهره وكان على قدر من التدين واللطف،،، وطلبك للزواج فإنك بكل تأكيد ستوافقين عليه وتحبينه بمرور الوقت،،، وحتى لو علمتِ أنه كان يخدعك فلا مشكلة طالما أنك تحافظين على نفسك،،، فليست كل تجاربنا ناجحة….
اتركي أمرك لله وحده وتوكلي على الله ولا تضيعي فرصة جيدة منك ولا تقبلي بأي شخص يتقدم إليك لأنك لو رفضتِ شخصا لسوء أخلاقه حتى ولو كان جميل المنظر وثري فإن الله سيعوضك عنه بما يستحقك أيتها الأخت الطيبة…
هى طريقة باباكي غلط تماماااااا
بس المفروض انك تحاولى متخافيش وفى نفس الوقت انتى كلامك صح فى ان الانسان اللى يحبنى يدخل البيت
ومفيش اى اعتراض على وجهة نظرك هى صح ميه فى الميه
لكن مجرد الاحساس بالحب دا من حقك
من حق اى بنت انها تحس انها بتحب لكن طبعا بطريقه صح
مش انتمه ومشي مع الولاد والكلام الفارغ دا
وطبعا كل شئ قسمه ونصيب
طريقة تفكيرك عقلانيه جدا
بس لما الانسان بيفكر بعقله بس بيتعب
فكرى بقلبك وعقلك عشان تكونى مرتاحه ومديه لقلبك حقه
وربنا يوفقك ياحبيبتي