انا متقدم لبنت صغيرة فى مرحله المراهقة لما قعدت معاها صارحتنى انه كان فى حياتها شاب قصه حب يعنى
وبصراحه انا خايف انها تكون لسه متعلقه بيه مع انها قالت انها نست الموضوع ده واتقفل
فهل الحب ده كان وهم وصغر سنها مش فاهمها حاجه ولا فعلا فى حب بس قالت الزواج احسن وممكن تكون فقدت الامل فى الشاب ده انه يتقدم؟
مش عارف المهم انا خايف بصراحه لو كان حب يبقى عمرها ما هتنسي صح؟؟ وممكن اتجرح بسببها
ولا كانت ايام لعب ومراهقة مش فاهمه حاجه عايزه تعمل زى اصحبها والحاجات دى يعنى ان يكون فى انسان فى حياتها زى ما البنات بتعمل مش عارف حاجه انا فى مرحله من عمرى صعبه جدا يارب ثبتى على الطريق الصح
انا طالب اى حد مر بالتجربه دى يعرفنى حس بايه وايه الى حصله علشان كده عرضت الموضوع ده هنا فى القسم ده وايه النصيحه اكيد الى على البر بيكون واضح له كل حاجه لان التفكير هيشلنى ومافيش وقت اتقدم ولا ارجع واسبه وربنا يوفقها ممكن لو اتقدمت يكون فى ظغط عليها؟؟
يعنى يكون بيتقدم ليها عرسان كتير وعايز تخلص مش عارف يارب حد ينصحنى
شوف ياابن الناس البنت استحالة تنسى حبها الاول عايزك تعرف الشئ ده ولاانصحك بالارتباط بها طالما انها كانت على علاقة بشاب اخر وماتدري الى اين وصلوا في تلك العلاقة وكونها صارحتك فده عشان تبين لك انها صادقة وصريحة وعشان ماتشك فيها
شوف البنت صارحتك بالحقيقة وماخدعتك عايز تكمل معها قلها ذلك وتقدم لااهلها رسمي حسب الاصول وان كنت لاتزال متردد وشاك ان الفتاة تحب احد غيرك او مش مرتاح لها فمن الاحسن تتركها وبلاش تعلقها بك وربنا بيكرم الجميع
اخي البنت صارحتك بالحقيقة وماخبتش عنك وده مهم لاجل الزواج والارتباط ارى انك تكمل معها وتجي البيت من بابه بطريقة رسمية نخطبها من اهلها وبلاش التكلم اوالمقابلات بينكما بدون رابط رسمي وربنا يوفقكم ويجعلها من نصيب ويتمم لكم بالخير
الصراحة حلوة وانت مضربتهاش على ايديها علشان تقولك انا معاك ان معظم بنات الايام دية همها اللى يجى الاول او اللى يتقدم بس طلما فى صراحة فى الاول هو دة بداية طريق الزواج اكمل طريقة وابدء صفحة بيضة وربنا يتمملك على خير ان شاء اللة
أي بنت ممكن تحب ودة طبيعي بس علشان هي صارحتك يبقي هي عايزة تكون صريحة معاك من الاول ودة مش غلط كل اللي فات زي ما بيقولو مات والمفروض أنت ماتحسبهاش علية وأعمل حساب أنها كانت لو عايزة تخبي عليك ما كنتش قالتلك قديها فرصة من حقها ومفيش حد مش بيغلط
بص هو دة اكيد مكنش حب لانها لو كانت حبتوا مكنتش هتكلمك انت وكمان اعتبر انها كات فى سن مراهقة زى ما انت بتقول وكمان ما اكيد انت حبيت انا نصحتي انك لو بتحبها تكمل معاها وانسي ماضيها وانسي حتي ماضيك وافتحوا صفحة جديدة وعيشوا حياتكم وربنا يوفقك
كون انها صارحتك من البدايه يعني اكيد هيا صادقه ومش بتخبي عليك حاجه ان شاء الله ,,, حب المراهقه عاده بيكون ملئ للفراغ العاطفي يعني مش حب ناضج في اغلب الاحيان على كل حال لازم تختبرها حتى تتآكد من صدق مشاعرها تجاهك وانه فعلا انت الوحيد في حياتها ,, راقبها ولكن من بعد بدون اختراق لخصوصياتها….امنحها الامان والحب ولا تبخل عليها حتى تمتلكهاوتكون كل حاجه فحياتها مع الحزم والجديه حتى لاتتساهل بمشاعرك ,,
انا من رائى انك تتاكد ان هى بتحبك ولا لا لان انا من نفس سنها وممكن مشاعرها تتغير
انت قولت انها مراهقة بس مقولتش سنها ايه .. بس عادة الحب في الفترة دي بيكون حب وهمي .. و بيتنسي و ملوش معنى ..
و بعدين هي صارحتك .. كان ممكن متقولكش اصلا لو الموضوع ده عاملها قلق .. بس هي صارحتك .. لازم تقدر ده و تعرف انها مكانتش مضطرة تقولك الصراحة .. و انت ولا كنت هتعرف حاجة ..
ممكن تروح تتقدم لواحدة تانية و تقولك انا ملاك و لا عمري بصيت من الشباك .. و تبقى عرفت طوب الارض قبلك ..
خليك مع الصريحة احسن ..
صلي استخارة و توكل على الله ..
انا من وجهت نضري انو ازى انت بتحبها وهيا بتحبك وانت تكون متكد انها بتحبك فا انت بحبك الها بتقدر تنسيها اي شخص وكمان اهم شي انك تعوضها عن اي شي هيا حابة انك تعوضلها ياه وتفهمها بكل كلمة بحكيها بصراحة البنات بتحب الشاب الي يفهمها لو شو ما حكات ازى انت بتحبها لا تخلي اي شي يفرقك عنها
الف مبروك مقدما…. انسى هذا حب مراهقه لايعترف به ومادام اعترفت لك يبقى مسحته وهذه ميزه كويسه فيها انها لم تخبى عليك وانها ستكون صريحك معك بعدين….. وانت بتقول لسه صغيره ضمها اليك ونسيها كل شئ وحسسها بالأمان وانك كل شئ فى حياتها….لا تترك للشيطان الشك وهتتعب بعد كده وهتندم…….وربنا يوفقك……. اوعى تنسى تعزمنا
عادي كل شخص يمر بمرحلة و اتكون ماضي لكن اهم حاجة اخلاص المستقبل
لاء متخافش البنت طالما قالت لك علي الي حصل يبئا هي خلاص مسحتة تماما من حياتها لانها لو مكانتش نسيتة كانت عمرها ما هتجيب لك سيرة عنه
وعلي بركة الله وربنا يتمم لك علي خير ان شاء الله
اي حب ممكن يتنسي والحمد لله علي نعمة النسيان لو عايزها اتقدم البنت صريحة وربنا يوفق جميع ابناء المسلمين