أنا عمري 36 سنة مصدومة إن دا عمري، لا شكلي يوحي و لا شعوري
بالتالي أوقات بحس إني مش مضطرة أوافق على شئ رافضاه و أعمل زي اللي ف وضعي و أنتهز أي فرصة
كنت مخطوبة و إنفسخت خطوبتي من 6 شهور
في فترة الفسخ إتعلقت بخطيبي السابق و إكتشفت إني متعلقة بيه
و للأسف الفسخ كان من جانبي و الغلط من أهلي و خطيبي كان مهما أداوي المشاكل بيقف عليها هو و مامته
حاولت أهديه كتير لكن إنتهى الأمر بإني تعبت و خوفت لو كملت أنقطع عن والدتي فطلبت الفسخ و هو ف غير نيتي
كان تصرف طايش بعد أحداث سريعة فاجئتني و ضغطت عليا من جهته و من جهة والدتي ف يوم كنت فاكرة إنه هيمر عادي
ندمت لحظة بلحظة طول الشهور اللي فاتت و نفسيتي تعبت
دلوقتي و في عز تعلقي متقدم عريس ..لسه هشوفه
قبل ما أشوفه مش راضية عن مهنته
عنده ورشة إصلاح سيارات يعني ميكانيكي و مؤهله متوسط
أنا جامعية بس مش معترضة ع المؤهل لأنه مؤهل خطيبي السابق
معترضة ع المهنة و نظرة المجتمع
مش حابة حد يعاملني بالدوتنية في المستقبل أنا و أولادي بإذن الله
أنا مش متكبرة …و لا مشكلتي إلا نظرة المجتمع و المستقبل
و كمان إن سألوني صاحباتي عن مهنة عريسي
لو قولت ميكانيكي على طول هيفكروا إنه مش متعلم
كان عندي أمل يرجع خطيبي السابق و تستجاب دعواتي
خصوصا إن فيه كذا أمر إتضح لي منهم إنه مش ناسيني
بس متأكدة إن مامته واقفة ف طريق رجوعه و لأنها مسيطرة على البيت بأكمله
يعني حتى هو مليان عيوب
إبن أمه،عصبي،كان عايزني أخلي شقتي للنوم لأنه بيت عائلة و طول اليوم أكون مع أهله و تصوروا أستأذن لو طلعت شقتي لكن رفضت الوضع دا
كان بيتكلم عن علاقاته ببنات قدامي من غير مراعاة لشعوري و فهمت إنه بيثير غيرتي
بالمقابل وظيفته كويسة إلى حد ما، طيب القلب، أكن له شعور.
العريس الجديد برضو بيت عائلة و له شقة فيها يعني نفس العيب
لسه مش عارفة تفاصيل عنه
هل أتغاضى عن مسألة مهنته و أقطع أملي ف خطيبي السابق و أبدأ من جديد؟خصوصا مع كبر عمري..
أحاول أتجاهل شعوري بالحرج من وظيفته قدام معارفنا ،قرايبنا،أزواج أخواتي،صديقاتي
و أقبل
حاسة إني مشوشة مش عارفة آخد القرار الصح..
اللي يهمني صحة قراري
و إني أحس بالفخر بيه قدام الكل
حابة أعرف آراء واقعية مش طبطبة و مثالية
لأن أراؤكم جزء من قراري و يمكن تغير نظرتي
و لكم جزيل الشكر
هل دخل عام 2020 في جميع دول العالم ، اذا مع السلامة ،وشكرا ، يمكن اعود لكن عندي شغل كثير ،
مهنته جيدة ، انا احب الاعمال المهنية والحرفية ، اعمال شريفة واصحابها يكسبو ارزاقهم بمجهودهم ويفيدو الناس ، ولا يوجد اي مهنة تنقص من كرامة انسان او عزة نفسه ، بالعكس المتواظع اعز من الذي لا يقبل باي عمل ، لاكن مهنة الميكانيكي تعتبر مهنة صعبة وتحتاج لمهارة وتعليم وتدريب ، كيف تعتبريه انتي اقل من مستواك ، الشهادة لا ترفع انسان عن غيره الا في القسم الذي يعمل فيه ، والا كان كل متعلم مستواه فوق مستوى اهله وابوه وامه ، الشهادة تميزك في تخصصك ويعمل بها في مجال وظيفتك ،
عمرك 36 وباقية تتشرطي ، 4سنوات وعمرك 40 ، تزوجي اي حاجة يبقى لك اولاد منك يدعو لك ويشفعو لك ، من تنجب سبعة اولاد من رحمها من اعظم الاعمال الصالحة ، تقدري تخلفي لك ثلاثة حتى ذريتهم يذكروك ويتصدقو على نيتك وكل عمل صالح منهم لك منه نصيب ،