انا كان نفسى لما احب يكون هو الانسان اللى اتجوزه يبقى حياتى ومبحبش علاقات الحب اللى فى السر وفى مرة بعد رفضى الشديد لعلاقات الحب وانا فى سن صغير لما وصلت لسن 17 حسيت ناحية اقرب صاحب لاخى احساس حلو وطبعا كان عرض عليا الحب بس كانت علاقتنا لم تكن توصل علاقة حب وانا معاهدة نفسى معملش حاجة من ورا اهلى ولحساسية الموضوع عرفت امى وبس لكن والله عمرى ماقولتله بحبك ولا خرجت معاه الا عشان كان فى مشكلة يعنى لهدف المهم لاقبته مش بيتحمل مسؤليه وبيتسلى وسبته فورا وبعد كده بكام شهر اتقدملى واحد وكنت رافضة اى ارتباط لكن من الحاحه انة يقابلنى ويكلمنى بمساعدة اختى وزوجها وافقت وطبعا بموافقة اهلى وانا كنت عارفة من زمان وحتى ساعات مكنتش بحبه هو اكبر منى ب10 سنين لكن اما اتخطبت حسسنى اد ايه هو بيحبنى وبيحترمنى انا لقيت فيه اهم صفات انا بتمناها وهى الاحترام والادب والحب لكن بدات علاقتنا تتوتر وكان مبيعديش يومين الا ونتخانق واوقات بحلم بالانسان اللى كنت بحبه بالرغم من انى عرفت انه كان عاوز يتجوزنى بعد مااتخطبت وانا مش هوافق عليه حتى لو اتقدملى عشان عرفتانه مش بتاع جواز انا دلوقتى مش عارفة اعمل ايه مع خطيبى وفى شكوك بتيجيلى من ناحيتى من كتر غموضه زى انه مش بيحبنى وانه بيعرف بنات على سبيل الصداقة وانه بيستغل ضعفى معاه مع ان المعروف عنى انى قويه انا بيجيلى احساس ان نسيب بعض والتفت لدراستى ومفكرش فى الجواز خالص لان انا فعلا محتارة ومش عارفة اعمل ايه
انتى اكتر واحدة عارفة ان كان بيحبك بجد ولا بحترمك بصى انا فى سنك حاليا وهقولك على حاجة ياريت مش تمشى ورا قلبك خليكى دايما ورا عقلك لان العقل هو التفيكر السليم يعنى لو مرتحاة مع خطيبك كملى معاة ولو مش مرتحاة ممكن تكونى متعلقة لسة بحبيك يبقى لازم تاخدى قرار صح عشان انتى فى الاول والاخر اللى هتعيشى وياريت مش تيجى على نفسك ولا تحملى نفسك طاقة فوق طاقتك
انا بحس انه بيحبنى لكن ساعات بيقولى كلام مش بينفذه وفى حاجات تانية مضايقانى شويه منه زى انه بيقبل على نفسه اشترى لنفسى اى حلجة وانا معاه ودا طبعا من عفتى وعمرى ماطلبت من حد غريب حاجة بس بيبقى نفسى نكون واخدين على بعض وساعات انه مبيعملش حساب لمناسبة عادى يعنى ووالله ياجماعة لمل يكون فى مشكلة بنا اما بنتصالح انا برجع واقوله نبتدى صفحة جديدة ونحاول نغير من نفسنا لكن طبعا كانى بكلم هوا واوقات بحس ان مش فاهمين بعض
بصي يا اختي دلوقتي انتي بتقولي انك بتفتكري حبيبك القديم المستهتر في كل مكان بتروحيه طب و ايه المشكلة ؟
الحب عمره ما بيتنسي و بيتبقى منه الذكريات و ده ممكن نقوله عليه مجرد حنين او ذكريات بتفتكريها
و ده سهل جدا انك تتخلصي منه مع خطيبك الحالي
و لو في عدم توافق في الطباع انتي تحاولي تفهميه ان مثلا الحاجة دي فيه بتضايقك و هو يصارحك و يقولك فيكي كذا بيضايقني و تحلوا المشاكل اللي بينكم بهدوء و تحاولي تتاقلمي مع الوضع
و اصبري شوية في فترة الخطوبة انتي بتعرفيه اكتر لو لقيتي نفسك مش قادرة تتاقلمي مع طباعه و شخصيته يبقى الحل انكم تسيبه بعض من الاول من غير اي زعل و بدون مشاكل
ربنا يوفقك و يتمم ليكي على خير مع خطيبك ان شاء الله
انا معجب بقوة شخصتك انا معاكي في فرق السن ولكن اذا كان يحبك لا مشكلة
شوفي يا اخت , أنا معجب بقوة شخصيتك نحو قلبك , وهذا نادرا ً ما يكون في الرجال فما بالك لو كان في فتاة , عموما ً أختي أنا أرى إنك تضعي أهداف بعيدة وأهداف قريبة , يعني تشوفي كم عمرك وانتي شو تطمحي أن تصلي إليه في المستقبل وبعدين تشوفي مسألة خطبتك كيف بتكون في المستقبل القريب ….. عموما أختي قيمي خطيبك وفي تقييمك لازم تكوني واقعية يعني ما تطلبي الكمال في الرجل ولكن اطلبي التوافق ….
يا اختى اتقى الله فى نفسك وفى خطيبك حبيبك دة لو هو عايزك كان خطبيك حتى لو ظروفة مش كويس دة بضيع وقت وخالى بالك انك تخسرى خطيبك ودة لو حصل هتندمى العمر كلة لان حبيبك دة عمرة ما هيجى يخطبك كل اللى عندك دة وسواس من الشيطان ومن نفسك حافظى على النعمة اللى ربنا مديهلك وخالى بالك ممكن تقعى فى حد الخيانة
يا بنتى مستنيه ايه من حبيب مستهتر خليكى مع المحترم اللى بيحبك وربنا يوفقك معاه واتقى ربنا فيه علشان يكرمك
انا مش محتارة بنهم ولا بفكر فيه كحبيب انا بس كل اما امشى فى مكان كان موجود فيه بفتكره وحلمت بيه كذا مره انا مشكلتى فى خطيبى هو فى طباع مش عارفة اتعامل معاها ومش عارفين نتفاهم وانا بحبه ومش عارفة اعمل ايه
انا مش فاهم فين المشكلة القديم عرفنا انه مش بتاع جواز سيبك منه خالص كانه ما كانش موجود
خطيبك لو انتى شايفاه كويس ويستهاهلك وحتقدرى تستحملى طباعه يبقى تكملى معاه لو مش هتقدرى يبقى كل واحد من سكة وانتبهى لدراستك فى جميع الاحوال
اول حاجة بقولك انو كملي مع خطيبك بكامل الاحترام ولازم ما تفكريش بحبك الاول لان ده حرام وما يرضيش ربنا لان تفكير بس بدون حب ده حرام في الشرع وفي شباب الايام ديه بيستغلوا البنات لطبتهم وانا برأي عندك حب جديد وخطيب وربنا يوفقك وتتجوزي المهم تنسي كل حاجة قديمة وفكري بمستقبلك وبتمنالك التوفيق